رويتر نون النسوه

[dalila7777]

انا بقى معايا اخبار كلها تخصنا احنا البنات بس اخبار جديده جديده جدا
عارفين طبعا كلنا ان الاوكازيون بدا الاوكازيون الوهمى اياه اللى بتعلن عنه المحلات اياها بتاعت وسط البلد لكن انا بقى حقولكم على الخبر اليقين احنا نستنى بعد العيد ليه لان هما بيغلوا الاسعار وبيبيعوا حاجات وحشه اوى باسعار غاليه اوى وانا عايزه اشترى عبايه حنزل الغوريه بس الجو يهدى عشان اناكف البياعين براحتى وافاصل على اد ما قدر وبلمره افوت على الصاغه يالا بقى سلام الان

[نعمه محمود]

انا بقى معايا اخبار كلها تخصنا احنا البنات بس اخبار جديده جديده جدا
عارفين طبعا كلنا ان الاوكازيون بدا الاوكازيون الوهمى اياه اللى بتعلن عنه المحلات اياها بتاعت وسط البلد لكن انا بقى حقولكم على الخبر اليقين احنا نستنى بعد العيد ليه لان هما بيغلوا الاسعار وبيبيعوا حاجات وحشه اوى باسعار غاليه اوى وانا عايزه اشترى عبايه حنزل الغوريه بس الجو يهدى عشان اناكف البياعين براحتى وافاصل على اد ما قدر وبلمره افوت على الصاغه يالا بقى سلام الان
منتظرين الاخبار يارويتر وياريت تبلغينا جديدك عشان ننزل نشترى

[dalila7777]

منتظرين الاخبار يارويتر وياريت تبلغينا جديدك عشان ننزل نشترى

شكرا با استاذه نعمه ربنا يخليكى يا مشجعانى انتى واستاذه صفيه

[dalila7777]

رحت للعطار امبارح على اللى شفته حاجه مفزعه مفزعه بقله من فضلك قالى يا استاذه لو سمحتى ما تشتتنيش كسفنى سكت بقله لو سمحت انا عايزه كمون وفلفل وشبه وسنامكى وميه ورد وتمر هندى ولمون ناشف وكاكاو وريحه كحك قالى طيب وهو متضرر اوى ليه بقى لانى م لوحدى فى المحل لا ده رجاله وبنات وستات وكل حد جاى يخد حاجات للكحك وللرمضان اللى بياخد عرقسوس واللى بياخد كركديه وقلت ايه ده اه فى ازمه اقتصاديه وتضخم فى مصر لكن الفقير والغنى كله بيقول لبعضه كل سنه وانت طيب ومش مهم الا فرحه الشهر الكريم بجد فى بلد ممكن نروحها ما فيش رمضان يعنى فى تركيه استحاله تلاقى مظاهر رمضانيه واضحه وده انا حسيته وفى فرنسا نفس الوضع لكن فى مصر الناس بسيطه اوى لكن
فرحه رمضان وكلمه كل سنه وانتم طيبين ليها واقع مختلف اوى اوى فى مصر
ربنا يديم علينا بجد حبنا للدين وتمسكنا وتعلقنا بعاداتنا اللى هى فيها تميز عن اى مكان فى الدنيا
والعطار بقى مشانى بعد ساعه وهو حاسس انى اخدت دور غيرى ويقولى عشان انتى زبونتنا بس حاجه تخنق امال لو مش كنت زبونه ما كنش بعلى يلا كل سنه وانتم طيبين

[صفيه سعداوى]

رويتر نون النسوة
والله جميل جدا يا هيباء الفكرة الرائعة دى
انك توالينا بالاخبار أول بأول
كل سنة وانتى طيبة
ورمضان كريم
بس ايه رأيك فى مظاهر شهر رمضان فى مصر
بكل تأكيد لها طعم مختلف عن اى بلد
وهى دى مصر الجميلة

[dalila7777]

رويتر نون النسوة
والله جميل جدا يا هيباء الفكرة الرائعة دى
انك توالينا بالاخبار أول بأول
كل سنة وانتى طيبة
ورمضان كريم
بس ايه رأيك فى مظاهر شهر رمضان فى مصر
بكل تأكيد لها طعم مختلف عن اى بلد
وهى دى مصر الجميلة
بصراحه اجمل بكتير اوى من اى بلد وانا اى صديق او قريب فى الخارج ليه بجد بدعوه دايما لزياره مصر وخصوصا فى رمضان لانى عارفه ان الاجواء فى الخارج غير وكل عام وحضرتك بخير وكل الناس يا رب

[وسام غانم]

فى انتظار آخر الخبار استاذه هيباء
رمضان بجد حاجه تانيه فى مصر
ده انا شيفاه
ان لما حد يشوفك يبتسم ليكى و يقولك
كل سنه و انتى طيبه
بجد حاجه جميله جدا
جزاكى الله كل الخير
كل سنه و حضرتك طيبه

[dalila7777]

ميرسى يا قمره على مرورك استاذه سمسه وده العادى منك مش جديد عليكى المتابعه الدائمه والجديه نورتى الموضوع يا قمره

[dalila7777]

اخر الاخبار بعيد عنكم امبارح كنت بقى منرفزه ومعصبه ولمه صحباتى على التليفون بنعمل مكالمه جماعيه وكل واحده بتقول اخبارها وجابت ايه للعيد و احنا بنتكلم جه موضوع الكهربا اللى بتقطع وفضلنا بقى نقول كله كوم والا شحن الموبايل ادينا بندخل النت بيه وبنتكلم مع بعض فيه وكده وكل واحده دورت على الراديو القديم عشان بيقطعوا النور ساعه الفطار وشويه حجاره وشويه شمع والكشاف ابو شحن
وتسلملنا الحكومه الحقوا اشحنوا الموبايلات قبل ما النور يقطع

[dalila7777]

مصيبه كبيره هى ناقصه الرجاله يتنططوا ويهللوا ويفتكروا انهم عمله نادره عاملين مسلسل اسمه عايزه اتجوز ما عنديش مانع حلو ودمه خفيف وعاملين الرجاله عمله نادره طاب بذمتكم هل ده كلام بقيت حطرشق من المسلسل على يدى انا كل صحباتى بيرفضوا كتير اوى اوى اوىىىىىىىىىىى
ومش بيعجبهم العجب هل ده هجوم مقنع على البنات لان الان مستوى البنت الاجتماعى والثقافى احسن
من ولاد كتير مش لاقيين شغل ولا فلوس ولا مركز ولا خنفسه ترضى بيهم
هل هو هجوم علينا عشان نرضى باى حد وخلاص ويقولوا مش لاقيين عرسان امال المرميين على القهاوى والمرميين مش لاقيين بنت تكلمهم ويجيلهم هلع لما بنت تكلمهم من فرط الفرح لا يا بنات هما اللى خلاص زمنهم انتهى خلاص وحنبدا عصر جديد خالص عصر نون النسوه ما هم ياااااااااااااما نجحوا بسببنا على مر التاريخ خلاص انتهى العهد ده ويبقى يقابلونى كمان عشرين سنه وهما بيخدوا الاذن
زى ما كان بيعمل المفترى سى السيد مع الست امينه خلاص زمنا هو اللى جاى

[خالد سعد]

موضوع قيم



بارك الله فيكى

وجزاكى الله كل خير

[dalila7777]

يا لهوتى يا بنات المنتدى الحقونى انا فى كارثه يا بناتى الحقونى يا ولاد ايه ما حدش جه طيب اهدى وابطل صريخ بقى الرجل المنيل بيعاكسنى اه بيعاكسنى يا كسوفى يا احراجى اه انا ما قلتكمش على الموضوع انا مدمنه كابتشينو بموت فيه بجيب العلبه بلجمله وبيبقى فيها اتنين هديه اللى بلبندق والفانيليا والقرفه وحش ما حدش يجيبه والموكا كويس المهم جنبينا بقال تخيلو ا بيبيعوا اغلى من تمنه بيبع الكيس ب 1.5 بقله ليه قالى واقف عليه جملته كده قلتله لا ونا مش حشتريه كده واحده جارتى بتقولى خليكى يا بوبا بحبوحه قلتلها وانتى لو مش معاكى النص جنيه الزياده حيبقى بحبوح ويديهولك ليه نشجع الرجل ده بصلى قلتله قصدلا عليك يعنى انه يبيعلنا حاجات اغلى من تمنها وعملت على الكابتشينوا حمله وقلت لكل البنات وصحابى فى المنطقه اصلنا كلنا صحاب نادى واحد وخناقات واحده حتى بتاع الايشاربات واحد رنات ومسجات بقى وعملت عليه حمله وقلت للكل انه بيبيع بزياده وقلت على السعر الحقيقى للحاجه مش عيب يعنى ابدا المهم انه مرتاح الان وكل ما يشوفنى يقولى انا جبت النوع اللى كنتى بتقولى عليه كابتشينو فين حضرتك اصل ابو بندق تمنه غير ابو فانيليا والرد لا تعليق مش كل حاجه يقولها البياع نقوله امين لازم لاسعار حاجاتنا نكون عارفين

[خالد سعد]

جزاكى الله خيرا
عمل رائع ومجهود تستحق كل الشكر والتقدير

[فتوكه مشاكسه]

يا بنتى احنا هندق فى الجنيه والنص جنيه ما احنا بيضحك علينا علطول فى كل حاجه بنشتريها الوقتى بالخمسين والميت جنيه وبناكلها بمزجنا لأن احنا عارفين ان معتش خلاص غير كده هو ده الموجود عاجبك تخديه عاجبك مش عاجبك فيه غيرك موجود وبرضه مش هيقول لأ وبرضه عارف انه مضحوك عليه وبرضه واكلها بمزاجه وربنا حرام اللى احنا بنشوفه الوقتى فى كل حاجه يلا ربنا يعوض علينا عوض الصابرين يا رب ويزيح الغمه عن بلدنا.وبعدين بس بقى متقلبيش عليه المواجع وتفكرينى بالشنطه اللى انا لسه شريها واكتشفت ان اضحك عليه فى سعرها منه لله بقى اللى بعهالى.
وشكرا على الموضوع الرائع دودو.

[dalila7777]

يا بنتى احنا هندق فى الجنيه والنص جنيه ما احنا بيضحك علينا علطول فى كل حاجه بنشتريها الوقتى بالخمسين والميت جنيه وبناكلها بمزجنا لأن احنا عارفين ان معتش خلاص غير كده هو ده الموجود عاجبك تخديه عاجبك مش عاجبك فيه غيرك موجود وبرضه مش هيقول لأ وبرضه عارف انه مضحوك عليه وبرضه واكلها بمزاجه وربنا حرام اللى احنا بنشوفه الوقتى فى كل حاجه يلا ربنا يعوض علينا عوض الصابرين يا رب ويزيح الغمه عن بلدنا.وبعدين بس بقى متقلبيش عليه المواجع وتفكرينى بالشنطه اللى انا لسه شريها واكتشفت ان اضحك عليه فى سعرها منه لله بقى اللى بعهالى.
وشكرا على الموضوع الرائع دودو.


ربنا يخليكى يا جميله وشكرا على مرورك واهى محاوله لتصحيح ولو شىء بسيط انتى ما شفتنيش فى الميكروباص المنيل كان حياخد النص جنيه منى ومن البنت اللى جنبى وانا خارجه من الكليه ممعييش فكه قلتله هات يا رجل جنيه ونزلت انا والبت قسمناه وهى حطى لينسز ورقه وبسكوت كده لالالا انا مسمحه فيه قلتلها لا لما انتى وانا نسامح حيغلى الاجره انتى قادره غيرك لا وسحبتها عند الولا بتاع الكركريه اللى فى الموسسه وفكينا الجنيه وخدت حقها الحق حبيب الله وشكرا لمرورك الجميل يا قمره