المساعد الشخصي الرقمي

مشاهدة النسخة كاملة : من حقنا ان نعلم ....!



السروجي
28-04-2009, 12:43 AM
من حقنا ان نعلم ما هو مصيرنا الوظيفى هل نحن نستحق الكادر ام لا ؟ وهل نستخق التثبيت كى نشعر بالامان ام ليس من حقنا ؟
طبعا اعنى حالنا نحن المتعاقدين سواء فى العام او الازهر

ياربت يا جماعة لو حد عنده اى اجابة بس تكون من مصدر صحيح
ياريت يرد السروجى مدرس بالازهر ( متعاقد )

الطيب2004
28-04-2009, 03:47 PM
الله يسامح اللي كان السبب في اللي انت فيه واعتقد طول ما وزير التنمية الإدارية موجود انت متعاقد!!!

bddar2
28-04-2009, 11:51 PM
تحيه طيبه وبعد ....
أرجو من كل شخص يعرف أى معلومات عن الكادر أو تثبيت العقود فى التربيه والتعليم أو عقود ممـيزه للمتعاقدين مع المدارس الحكوميه أو التجريبيه أن يرد علينا ويوضح لنا الأمور ...هل عقود المدارس سوف يأتى لها يوم وتعين عقود اداره مميزه أم لا...؟؟؟؟؟؟
أرجوكم وخصوصا أن عقدنا قرب على الأنتهاء فى المدرسـة ...ياولاد الحلال حد سمع....!!!!!!

MohammeD el_SadaT
29-04-2009, 12:35 AM
أنا على ما أعتقد إن المدرسين اللى بتعاقد حقهم مهضوم
ومستحيل يتم إدخالهم فى الكادر والحاجات دى
ربنا معاكم

السروجي
29-04-2009, 12:40 AM
والله المستعان على ما تصفون) ولا حول ولا قوة الا بالله

zook
02-05-2009, 04:34 AM
يا جماعة انا متعاقد من 2006 بعقد مميز و عقد معلم مساعد من 2008 و انا و زملاء كتير مش خريجين تربية ومخدناش دبلومة عامة فى التربية لانه لم يطلب منا اصلا و يسرى الجمل اعلن ان اختبارات الكادر للمتعاقدين من يناير 2008 ستكون فى اغسطس بس لخريجى تربية او من لديهم دبلومة تربوية طب احنا محدش قال لنا من الوزارة لا فى العقد بتاع 2006 ولا بتاع 2008 على ضرورة الدبلومة للتعيين والا كنا خلصناها وكان رد الموظفين بتوع شئون العاملين لما كنا بنسأل عل موضوع التأهيل التربوى الذى ذكر فى القانون والذى ذكر نصا فى القانون حرفيا \ أن يكون حاصلاً على مؤهل عال تربوي مناسب أو على مؤهل عال مناسب بالإضافة إلى شهادة (إجازة) تأهيل تربوي وتصدر بقرار من وزير التربية والتعليم اشتراطات التأهيل التربوى المطلوب
ويستثنى من هذا الشرط المعلم المساعد والشاغلون لوظائف تعليمية في تاريخ العمل بهذا الباب.
واللى اتفهم من الكلام ده ان اللى اصبح معلم مساعد مستثنى من التاهيل التربوى لكن الكلام ده وتصريحات الوزير بتعيين 80 الف معلم مساعد اللى قالها فى بداية 2009 كانت تضليل لان الوزير اكد فى تصريحاته الاخيرة ومنها للى عايز يتاكد ما قاله فى المؤتمر الصحفى للمدرسة المنتجة بقنا وعندى نص ماقاله وكنت محمل نص حواره بشأن المتعاقدين وقوله بأنه سيتم اختيار خريجى التربية و الحاصلين على دبلوم تربية من المعلمين المساعدين من يناير 2008 والباقى مجبش سيرتهم طب احنا نعمل ايه لم يخبرنا احد بضرورة الحصول على الدبلومة وكان الحديث من المسئولين بان التأهيل فى الاكاديمية والقانون قال \وتصدر بقرار من وزير التربية والتعليم اشتراطات التأهيل التربوى المطلوب \\ و اليكم حسبة برمة \ احنا متعاقدين من يناير 2008 والعفد سنتين يعنى الى يناير 2010 والقانون قال سنة زيادة بقرار من الوزير يعنى يناير 2011 و احنا فى مايو 2009 والتقديم فى اغسطس والدبلومة سنتين لغير المتفرغ واما سنة للمتفرغ ويحضر المحاضرات و طبعا فى نسبة للغياب واحنا عندنا شغل فى المدرسة و المحاضرات بتبقى الصبح والجامعة مالهاش دعوة وما يخصنا هى دبلومةغير المتفرغ وتبدأ فى اغسطس 2009 وتنتهى فى يونيو 2011 اى بعد انهاء العقد بخمسة اشهر اى ان المطلوب للتثبيت هو المستحيللللللللللللللللللللللللل

اسماعيل
05-05-2009, 05:42 PM
قرر الدكتور يسرى الجمل وزير التربية والتعليم، شهر أغسطس المقبل موعداً لعقد اختبار الكادر لـ 4 فئات من المعلمين تشمل 73 ألف معلم تخلفوا عن التسجيل فى اختبارات الكادر 29 مايو المقبل، والمعلمين الراسبين فى اختبار الكادر المقبل، والراسبين من اختبار الدور الثانى من الكادر الذى عقد فى الأسبوع الأخير من أبريل الماضى ومعلمى التعليم الخاص.



يعن المتعاقدين ملناش نصيب هذا العام

mike
07-07-2009, 02:21 AM
فعلا الخبر صحيح تماما وانا من ادارة اسيوط والدنيا مقلوبة فى جهاز الاحصاء وتسجيل البيانات لان الوزير بنفسه من جهاز القاهرة المركزى طالب بياناتهم من اجل التثبيت قبل بداية العام الدراسى الجديد والادارة مشدودة على الاخر بسبب سرعة تنفيذ ارسال هذه البيانات . لى اصدقاء يعملون فى الادارة وهم من يقومون بتسجيل هذه البيانات لارسالها للقاهرة فى غضون اسبوع لا اكثر . michael_812003@yahoo.com

س ا يوسف
07-07-2009, 02:28 AM
المعلم المساعد
لابد من مرور من سنة الى 3 للتثبيت
بشرط التربوي والنجاح بالكادر
ولن يدخل الاختبار الا بعد مرور 2

اسماعيل
07-07-2009, 11:48 AM
يا اخواني واخواتي الاختبار ان شاء الله هيكون في شهر 9 القادم ولاكن هذا الاختبار ليس اختبار كادر انما اختبار للحصول علي شهادة الصلاحية (ترخيص مزاولة مهنة)الي هيتم ان شاء الله تثبيتنا بها علي وظيفة معلم وعلشان ندخل اختبار الكادر لازم يمر علي عملنا في مجال التعلم عامين ودي تعليمات الاكاديمية المهنية للمعلمين يعني ان شاء الله اختبار اغسطس القادم للتثبيت فقط
وبالمناسبة احنا في اسيوط ارسلت المديرية خطابات للمدارس لاستكمال بيانات المعلمين المساعدين ومن ضمن هذه البيانات الرقم القومي لتسجيلهم وعمل رقم سري وكود
وشكرا

ابو رضوي
07-07-2009, 03:22 PM
يا جماعة عاوز اقول لكم اتفائلو خيرا كل معلم مساعد مر عليه سنة اتثبت والامتحان الي بيقولوا عنه ده بعد التثبيت انشاء الله