التثبيت مش جاى لاتنتظروه

[ابورقية]

كما قولت من قبل انه لا يوجد تثبيت هذا العام
انه من قام بخصم فلوس النظار لا يمكن ان يثبت الناس ويزود لهم فلوس
انه من حرم موظفى الابنيه من حقوقهم لا يمكن ان يشعر بالمرار اللى احنا فيه
انه من يصدر الاوامر من تحت التكييف والمراقبين يموتون فى اللجان مستحيل يفكر فى مستقبلنا
الوزير مصرى وشرب من نيلها لازم يحس بينا
فلو كان من مصر اما سمع كلام المحترم يسرى الجمل عن التثبيت؟
ان الواقع لنا مرير والله
والايام بتعدى والشهور بتفوت والسنيين بتمر واحنا زى مااحنا
الاسم بالقلم الرصاص نغشش فى الامتحانات نصحح كل الورق ونمضى للاساسي
كفانا اهانه لما اللى واخد معلمين يتحكم فينا
ياسيادة الوزير نظرة
ياريس نحن فى امس الحاجة اليك نحن ننتهى اكلينيكيا
مدرس متعاقد لا يرى النور
التعديل الأخير تم بواسطة ابورقية ; 02-07-2010 الساعة 12:05 AM

You can see links before reply (You can see links before reply)

[logaina]

ههههههههههههههههههههههههههههههههههه
انا اول واحده عاوزة التثبيت الصراحه علشان احس بالامان في الوظيفه اخد وضعي مش احس ان فيه حد بيعايرنى انى عقد او انى بنت امبارح لسه ما اعرفش حاجه وهما (المتثبتين )اللى يعرفوا كل حاجه
ويبهدلوا فينا روحوا وهاتوا وتعالوا ولو قلنا لا يبقي تهديد بتقارير العمل انه حيبقي دون المستوى
حصص احتياطى وشغل زياده ومستحملين وقلنا بكره الفرج من عند ربنا
لكن بامانه ياجماعه رغم كل اللى احنا فيه ده اعترض على حالنا
حاليا انتوا كده بداتوا تتخبطوا ودى سكه مش حلوة بداية ضياع
مع احترامى مثلا احنا مانعرفش ايه سبب وقف مرتبات الهيئه دى
مش احتمال يكون الوزير عنده حق جايز بيفكر في توفير ميزانيه للتعليم
لان التربيه والتعليم وزارة مستهلكه (يعنى بتعتمد على فلوس داخله ليها بس )
غير بعض الوزارات التانيه اللى ممكن تنتج
ولعلمكم برضه الوزير معاه حق في انه يضرب من حديد على المعلمين
لان فيه كتير بيتتساهل ويزوغ ومش بيؤدى حق وظيفته صح
فلازم يضرب من حديد على الكل علشان يخافوا
عارفين ابسط مثال اييييييييييييييييييييييييييه
ههههههههههههههههه فينا احنا
ان اى حد يتكلم في التثبيت اول كلمة على لسانه (ان شاء الله اول مااتثبت حاخد اجازة بدون مرتب واشوف اكل عيشي )
او اخد اجازة رعايه طفل ههههههههههههههههههههه
حد فيكوا فكر يقول حاثبت جدارتى في شغلى وحستمر وححسن من مستتوايا المهنى
كلنا فرحنا لما الوزير جه وبعد فتتره اختلفت الاراء هو معانا ولا علينا
هنا بقي لازم علشان نحكم صح ندى فرصه له يثبت نواياه ونثق فيه
واكيد هو عاوز مصلحه التربيه والتعليم في الاول وفي الاخر وقبل اى شئ
هو محتاج يثبت جدارته كوزير حازم زى والده لان مع احترامى
الناس اغلبها مستهتر (ويمكن للاسف احنا الجيل اللى شال الامانه على مايرام واتظلم )

اسفه انى طولت عليكم بس اعتبروها حوار من حد زهقان من اللى حواليه في المدرسه
وعندها امل كبير في الله وفي الوزير

[asmaamatter]

لا تتأسفي فيجب أن نشكرك جميعا نحن المعلمين المساعدين
فقد عبرتي بصدق عما يدور بداخلنا جميعا.... جزاكي الله خيرا وكل عام وأنتم جميعا بخير
:38::38::38:

[محمد توفيق جودة]

اعتقد إننا صبرنا كثير فيما مضى و أعتقد اننا لازم نصبر شوية كمان واحنا فى بورسعيد عملنا استمرار عمل واللى ما دخلش الآكاديمية هيجدد العقد سنة واحدة ودا يتماشى مع ما هو مكتوب بالعقد وأعتقد مع ما هو مقرر فى القانون 155 لسنة 2007 يعنى فصلوا ما بينا وبين الذين لم يتقدموا للاكاديمية و يارب التثبيت قريباً

[sarah2002]

شكرررررررررررررا

[محمد مصطفى محمد سيد]

ربنا على الظالم وينصر المظلوم المتعاقد

[safaa_ss]

لن يحصل شئ إذا صبرنا بعض الوقت لعل يحدث شئ وأتمنى منكم اخوتى بطول البال فلم يعد بأيدينا إلا انتظار ما قد يحدث فى الأيام القادمة

[miss / samah raafat]

ليه الياس ده؟
احنا صبرنا كتير اوى ربنا يصبرنا الشوية اللى فاضلين

[كاتشو]

يا جماعة لية الياس دة
لسة بدرى على شهر 8
ولا خلاص نفسكم اتقطع طول بالكم شوية فات الكتير مباقى الا القليل
هااااااااااااااااااااااااانت

[ayman3body]

اللهم خيب ظنك ونثبت