المساعد الشخصي الرقمي

مشاهدة النسخة كاملة : فريق حياة" نهر النيل "



فريق حياة
05-08-2010, 12:40 PM
بسم الله الرحمن الرحيم

احنا فريق حياة........
بنتمنا اننا ننشر فكرتنا فى منتداكم الكريم وبرغم من اننا حاليا بالفعل من اعضاء منتداكم الا اننا فضلنا نستاذن ادارتكم الكريمه اننا نعرض فكرتنا...........

ده اعلانا فيه كل حاجه عننا نتمنى حضراتكم تعرفوا فكرتنا وتساعدونا فى تحقيقها من خلال نشرها هنا واذا حضراتكم وافقتم هنكون سعداء جداااا فى انتظار ردكم قريبا باذن الرحمن




نهر النيل مصدر الحياة.. نهر الحب والخير والرخاء.. شريانٌ يجرى في دماء المصريين.. يستغيث من وءد نقاءه وطهارته.. ينادى أبناءه.. ساعدونى طهروا مائى من النفايات.. إملأوا شطآنى بالاشجار.. لا تلقوا بالملوثات داخل مياهى.. فهل من مجيب.
نعم هنــــــــاك من يجيب

You can see links before reply
نحن فريق حيــــــــــــــــــــــــــــــــــــــــــــــــ ــاة
ليه إسمكم حيــــــــــــــــــاه؟
لان حياتنا في النيل و(وجعلنا من الماء كل شيء حي)
You can see links before reply

مين هو فريق حيـــــــــــــاه؟
هو فريق من اكاديميه اعداد وتطوير الذات مع الدكتوره هدي طاهر خبيرة التنمية البشريه
ايه هو هدفكــــــــــــــــــم؟
احنا شباب من اجل النيل
هدفنــــــا حماية النيل من جميع انواع التلوث وتنقية المحافظات واحدةً تلو الآخرى من اي تلوث فيها
( مخلفات بشرية او حيوانيه او انتاجيه - الحفاظ عليه من التلوث البييئى )
ايه هي امكانياتكــــــــــم؟
احنا عندنا إراده وحب للعمل التطوعي والجماعي وعايزين نعمل حاجه لبلدنا مصر وكمـــان
إستطعنـــا الإتفـــاق مع العديد من الجمعيــات داخل مصر ووفقوا على مساعدتنــا وتمويل مشروعنــا
طيب ليه اخترتم مشروع النيل مخصوص؟
عشان النيل هو هبة مصر وهو سر الحياه فيها ولازم نحافظ عليه
انتو متوقعين انكم تنجحـــــــــــــــــو؟
عندنا ثقه فربنا سبحانه وتعالي وفارادتنا وعزيمتنا باذن الله
انتو انجزتم حاجه دلوقتي من عمل الفريق؟
ايوه احنا شغالين في محافظة سوهاج بداية المحافظات في فريق حياه باذن الله وهنكمل مع باق المحافظات تدريجيا وربنا يقوينا
ايه المطلوب عشان تقدرو تستمرو؟
احنا محتاجين مساعدات يعني لازم نكون ايد واحده الجهات المسئوله(الحكومه+المصانع+الجمعيات الخيريه+الجمعيات الأهليه)تساعدنا فلنشر ومش بس كده تساعدنا فلمحافظه علي النيل بامدادنا بادوات ومعدات ماليه او حتي معنويه لاكمال المرحله الثانيه من المشروع
طيب إحنــــــا نقدر نساعدكم إزاى ؟
تقدروا تساعدونـــا بإنكم تصوروا لينـــا أكثر الآمـــاكن الملوثة من ميــاه نهر النيل فى محــافظاتكم , أو إنكم تدلونــا على جمعيـــات تقدر تســـاعدنـــا سواء كـــان بالتمويل أو الدعــاية أو بمســاعدتنــا فى إزالة مصــادر التلوث .بالإضــافة إلى دور كل واحد فيكم داخل محــافظته من نشر التوعيه بخطر التلوث بين المواطنيين وأيضــا عدم إلقــاء أى نفــايـــات أو قذورات
بداخل الترع أو القنوات أو حتى البحيرات الصغيره وأيضــا عدم السمــاح لأى شخص بإلقــاء النفايات فى ميــاه نهر النيل

You can see links before reply
إزاى نقدر نتواصل معـــــــــــــــــاكم ؟
من خلال جروبنـــــــا ع الفيس بوك هنا (You can see links before reply)
رســــــالة من النيل
كم جرت مياهه غاضبة.. من لوث مياهى فمن أجاب.. من ألقى بالنفايات.. من دمر الأشجار.. فمن أجاب.. من خرب الشطآن.. من غاب عن الاصلاح.. من ترك الاحلام.. وساعد الاعداء.. فهل من مجيب.........
كم ساعدنا نهر النيل في عبور الحروب والازمات.. كم مرة ساعدنا وارهب الاعداء.. كم مرة ساعدنا وارشدنا الى طريق النجاة.. فمن يساعده الآن وينزع تلوث المياه.
كم بكى يطالبنا أنهضوا أبنائى ولا تلقوا الملوثات... امنعوا من يلقى بالنفايات.. انهضوا وتحرروا من قيد الاستسلام.. طهروا المياه.. نقوا نهر الرخاء.. والعطاء.. ازرعوا الاشجار.. هيا ابدأوا من الآن.. هيا ابدأوا وانزعوا عنى الاحزان.

شريف
05-08-2010, 01:42 PM
جاري نسخ الموضوع في مجلس ادارة المنتدي و مناقشته و الرد علي حضراتكم
بارك الله فيكم

فريق حياة
05-08-2010, 05:16 PM
جاري نسخ الموضوع في مجلس ادارة المنتدي و مناقشته و الرد علي حضراتكم
بارك الله فيكم

متشكرين جداااااااااااااا
جزاكم الله كل خير:27::27:

نتمنى انهم يوفقوا على فكرتنا باذن الله

فريق حياة
10-08-2010, 07:45 PM
رجاااااااااااء
احنا ملتزمين بوقت والله
رجاء الى الساده القائمين على المنتدى الكريم سرعه الرد على اقتراحنا وفكرتنا

نتمنى تساعدونا

جزاكم ربى الجنه

نعمه محمود
10-08-2010, 11:46 PM
تم الرد واخبرناكم بالموافقة على نشر افكاركم ولكن ممنوع الاعلان عن تلقي تبرعات او ماشابه ونسعد لوجودكم معنا