مفردات المرتب بالتفصيل فى الاسكندرية

[معلم متعاقد]

الاجور الاساسية
15% حصة حكومة 27.54 + 1 % اصابة عمل 1.83 + 2 % حصة الحكومة فى المكافأة 3.67 + 3% 5.50+ الاساسى 183.60 = 222.14

الاجور المتغيرة الخاضعة بكامل قيمتها للتأمين والمعاشات
15% 36.00 + 30 % 7.20 + 10% 14.40 + 10% 4.80 + 10 % 4.80 = 67.20

الاجور المتغيره الاخرى
علاوة اجتماعية 6.00 + علاوة اجتماعية اضافية 4.00 + كادر خاضع للتأمينات 76.80 + حوافز 25 % 46.00 = 200.00

حصص الاجور المتغيرة
15% حصة حكومة 30.00 + 1 % اصابة عمل 2.00 + 3 % 6.00 = 38.00

منحة عيد العمال 10

اذا جملة الاستحقاقات = 470.14 جنيها

والاستقطاعات 143.43

اذا الصافى فى شهر 7 / 2010 علشان متزوج وكمان معلم مساعد من 1/4/2008

= 326.71

ارجو من الساده الزملاء ده مظبوط والا فى سرقه

ارجو من الزملاء الفهمين يوضحوا لى الحقوق ايه وشكرا :33:

[sherif2020]

الى جميع الاخوه فى الاسكندريه وجميع الادارات على مستوى الجمهوريه التعليميه ياريت تراجعوا مفرادات المرتب لان بها خطأ كبير فى العلاوات وهو ده اللى عامل الفرق بين المحافظات فى المرتب حيث ان فيه محافظات بتحسب العلاوه من اساسى المرتب ومحافظات بتحسبها من مربوط الدرجه والصح ان العلاوه تحسب من الاساسى وليس المربوط
سوف تجد الخطأ
1- فى علاوه 2008 فهى كانت 30% وبناء على الاساسى فى وقتها المفترض العلاوه ان تكون 44.4ج وليس 14.4
2- علاوه 2009فهى كانت 10% وبناء على الاساسى فى وقتها المفترض ان تكون 14.4ج وليس 4.8ج
3- علاوه 2010 فهى 10% وبناء على الاساسى فى وقتها المفترض ان تكون 15.3ج وليس 4.8ج
العلاوه تحسب من اساسى اخر مرتب قبضه المتعاقد قبل نزول قرار العلاوه
وهذا طبقا للماده الثانيه من القانون 128 لسنه 2009
والقوانين السابقه بشأن منح العلاوه الخاصه للعاملين وكذلك الماده الثانيه من قرارات وزير الماليه التى تنص باحتساب العلاوه الخاصه المقرره من الاجر الاساسى والمكافأت الشامله المستحقه للعامل فانه يتم حساب العلاوات الخاصه لهم على اساسى المرتب فى اخر شهر قبل العلاوه ..


واحب اقول ليكم اكيد ناس منكم هتسأل طيب ليه مفيش غلط فى علاوه 2006 و2007
هقولكم ان الرئيس فى السنتين دول اصدر قرار
ان العلاوه 10 % بحد ادنى 30 ج لسنه 2006
وحد ادنى 35 ج لسنه 2007
وبناء عليه مظهرش الغلط لان العلاوه اقل من الحد الادنى فأدوكم الحد الادنى طبقا لقرار الرئيس لكن عشان 2008 / 2009 / 2010 مفيش حد ادنى للعلاوه ظهر الغلط واحب اقول لكم ان اللى مش مصدق يسأل فى مدريه التنظيم والاداره فى محافظته عن القوانين والقرارات الى مكتوبة بالاحمر وقلولهم اساسى مرتبكم كام وهمه هيقولوا ليكم نفس الكلام
ياريت تطالبوا بحقكم
وقارنوا ما بين مفرادات مرتبكم ومابين مفرادات مرتب متعاقدين التربيه والتعليم بسوهاج
على فكره احنا فى سوهاج كان عندنا نفس الغلطه وانا اشتكيت وكنت بفضل الله سبب فى ان المرتب اتصحح واخدنا فروق المرتب
المطلوب من كل الادارات على مستوى المحافظه انها تشتكى للمحافظ وللتنظيم والاداره بناء على الجزء اللى انا كاتبه بالاحمر وتكتب فى الشكوى اسوه بمحافظه سوهاج :giljotiiniug3:

[طه عرب]

المعلم المساعد من 1/4/2008 المفروض يكون مرتبه 387(ج)
ده اللى انا أعرفه وقبضته بالفعل (محافظة الغربية)

[أسماء عبد اللطيف]

ينهار أبيض
يعني الغلط المفروض كدة من حسابات الإدارة
ولا من حسابات السكرتيرة المالية في المدرسة
يعني نتوجه بالسؤال للإستفسار لمين؟؟؟
ويعدين نشتكي فين؟؟؟؟

وجزاك الله خير علي التوضيح

[عبير الزهور]

ايه المرتبات دي يا جماعة انا من ادارة شرق الاسكندرية احنا قبضنا الشهر ده 276.5 جنيه فقط لا غير بدون حوافز اما لما بيكون بالحوافز بيكون المرتب 310 فقط انا متلخبطة و مش عارفة اسال مين و الصح فين :7::7::7::7::7::7::7::7:

[مصطفى الفوال]

السلام عليكم
احنا في محافظة قنا المرتب بتاعنا لعقد 2009 هو 350 و 2008 هو 276

[roozz]

احنا زهقنا مش كفايا مرتبات التربية و التعليم قليله انا من أسيوط باخذ 313 جنيه و باصرف منهم 60 جنيه مواصلات للذهاب و العودة من المدرسة
وشهر 7 المرتب زاد حيث أصبح 323 يعنى زاد 10 جنيه بس مع ان اسعار السلع زادت كلها و كمان اسعار وسائل المواصلات .............. وامنحنا الكادر ونجحنا من شهر 2 وحتى الان لم نصرف فلوس الكادر

[seadanger]

مرتب اساسى407ج =كام المرتب الشهرى الذى سيقبض سنة 2010 بالكادر والحوافز فى التربية والتعليم معلم اول أ ارجو الرد السريع ولسيادتكم جزيل الشكر 2\8\2010 وشكرا.

[دعاي]

احنا كمان في اسكندريه قبضنا 323

[اسماء عادل]

احنا فى الاسماعيليه ولسه ما صرفناش مرتب شهر سبعه لكن اخر مرتب كان 365

[أسماء عبد اللطيف]

إحنا فعلا في اسكندرية إدارة شرق
مرتبنا الي بناخده من أول العقد المميز 310.25
وقبضنا شهر 7 276.50
مفيهوش حوافز ولا زيادة

عاوزة أعرف بس نشتكي لمين؟؟؟؟؟؟؟

[lolo_78_2006@yahoo.com]

انا من الغربية ومرتبي كان 365واصبح بعد الزيادة 387.70في حد بياخد اكتر؟ ولو في ممكن مفردات مرتبه علشان نعرف الفرق؟لاني شايفة الدقهلية والبحيرة ارقامهم خيالية

[حازم دهب]

انا 362 وبعدين 385 وبصراحه اتفاجئت بالزياده دى مش عارف اعمل بيها ايه ولا ايه

[بنت سيناء]

انا من العريش وقبضت مرتب 7 بالحوافز 105%كان المرتب 541
وبعدين ليه مرتباتكم بتتأخر احنا بنقبض مع المتثبتين يوم 16 او 17 او 18 بالكتير يوم 20


*سبحان الله وبحمده سبحان الله العظيم *