من الاحق بالندب؟

[nwralhda]

السلام عليكم ورحمة الله...........اولا اقدم خالص الشكر والتقدير لجميع القائمين على هذا المنتدى لما يقدموه من جهد...........ثانيا: اريد حلا لمشكلتى لاننى تعبت كثيرا دون جدوى فأنا مدرسة علوم (مدرس أول أ) تعيين 1993
وبذلك يكون لى 17سنة متواصلة بدون اى اجازات فى نفس المدرسة ومن 3سنوات جاءت للمدرسة زميلة تعيين
1984ولكنها اشتغلت فى اول تعيينها 3سنوات فى احدى المدارس ثم تزوجت وسافرت مع زوجها الى السعودية
وقضت هناك 20سنة ولكنها كانت بتدفع التأمينات ثم عادت لمصر ليلتحق ابنائها بالجامعة ورجعت مرة اخرى للعمل
وجاءت فى المدرسة التى اعمل بها وكانت فى البداية تقول لنا ياجماعة ساعدونى وعرفونى الشغل واعتبرونى
ست بيت لااعرف شىئ وواحدة واحدة علمنها وساعدنها ثم دخلنا امتحان الكادر 2009ونجحنا والحمد لله وتم تسكيننا
على مدرس اول (أ) وبالتالى لا بد من تفعيل الكادر وكل مدرس لازم يأخذ نصابه وكان التوزيع من الاقدم للاحدث
وهنا بدأت الزميلة تطالب بحقها لانها تعتبر حسب تاريخ التعيين هى الاقدم اما انا حسب تاريخ التعيين الاحدث وطبعا
نحن كمدرسين علوم كان معنامادة التكنولوجياولكن تم حذفها والجداول قلت وبذلك عند توزيع الحصص لم يتبقى لى
جدول فقامت الموجهه الاولى للمادة بأنتدابى النتداب جزئى لمدرسة ابتدائى ولما أعترضت ورفضت قالت لى اننى الاحدث حسب تاريخ التعيين وفى هذا العام تريد انتدابى انتداب كلى بحجة اننى الاحدث مع العلم اننى اسكن فى نفس
المنطقة التى بها المدرسة وكل من معى يسكن فى مناطق بعيدة(فيصل,الهرم,الجيزة,المعادى) يعنى حتى خارج المحافظة كما انه لى ابنة فى الصف الثالث الا بتدائى ولكنها فى2004اصيبت بمرض اللوكيمياواستمر علاجها لمدة
3 سنوات والحمد لله شفيت ولكنها فى فترة متابعة لذلك قدمتلها فى المدرسة التى بجوارى حتى اطمئن عليها وطبعا
حكيمة المدرسة على علم بذلك علشان لو لا قدر الله تعبت تبلغنى وطبعا ابنتى فى ايدى ذهابا وايابا للمدرسة
فهل كل هذه الظروف ليس لها اى اعتبار؟وهل 17سنة خبرة متواصلة ليس لها اى اعتبار؟ ورجوع موظف لعمله
بعد20سنة غياب نتعامل معه على انه الاقدم لمجرد انه دفع التامينات بدون النظر الى مستوى الخبرةز
افيدونى بالرد والحل افادكم الله لان الانتداب ده فيه لخبطة لحياتى واستقرارى انا وابنتى وباقى افراد اسرتى.


وطبعا انا باعتذر على التطويل ..........................ولكم جزيل الشكر و التقدير

[camela]

يا أختى الفاضلة
عندى معلومة بهذا الشأن بأن اقدمية دخول المدرسه تحميك من الندب
ولكن هذه المعلومه يتسترون عليها لا ادرى لصالح من ؟
فالعبرة بتاريخ دخول المدرسة وليس تاريخ التعيين

[نهاد فؤاد]

هما بيعملوا اللى هما عايزينة

لا اقدمية ولا غيرة

بس اكيد لازم تقدمى تظلم للادارة التعليمية

يعنى دورى على حقك

انا طبعا مش موافقة على طريقة كلامى بس دى الحقيقة!

[امل لاشين]

انا اللي اعرفه ان اللي بيسافر لمده طويله

هو فعلا بيدفع تاميناته وبيحافظ علي الوظيفه

لكن لا يتساوي مع الشخص المستمر في العمل في الدرجه الماليه

بمعني .....ان الزميله سافرت من عشرين سنه ....ممكن تكون علي الدرجه الثالثه

وولا تترقي الي الثانيه ااو الاولي.....مثل الشخص المستمر في العمل

وان (معلم اول ا )شرط في الكادرمن يترقي لها ان يكون حاصل علي الدرجه الاولي ..

معتقدتشي اللي سافرت واخده الدرجه الاولي ...علي حسب ما فهمت من الموضوع

حاولي تقدمي تظلم لكي تحصلي علي حقك ..وربنا يوفقك

[س ا يوسف]

قواعد النقل والندب
اولا على رغبة العامل
1- الاقدم في الدرجة الحالية
2- الاقدم في الدرجة السابقة
3- الاقدم في تاريخ التعين
4- الاقدم في التخرج
5- الاكبر سنا
طبعا اذا تساوي في واحد ينظر ل 2 وهكذا
وان تساوي في الكل
المرأة اولاثم الرجال (الزواج ويعول قبل الزواج فبل الاعزب )

على غير رغبة العامل

1- الاحدث في الدرجة الحالية
2- الاحدث في الدرجة السابقة
3- الاحدث في تاريخ التعين
4- الاحدث في التخرج
5- الاصغر سنا
طبعا اذا تساوي في واحد ينظر ل 2 وهكذا
وان تساوي في الكل
الرجال اولاثم النساء (الاعزب قبل الزواج فبل الزواج ويعول )(


وطبعا هناك نسبة 5% للسلطة المختصة (المحافظ او من ينوب - وكيل الوزارة )للظروف الخاصة


وعليه العبرة بالدرجة الحالية واظن من الكلام انك اقدم في الدرجة الحالية وعليه هي من تندب وليس انت

[nwralhda]

اشكركم جميعا على الاهتمام والرد ولكن .......اللى بيأخذ اجازات وبيدفع
التأمينات بياخذ ترقياته ويعامل من الناحية الوظيفية كأى مدرس مثله
لان القانون له الاوراق والتواريخ ولكن من الناحية الفنية ليس لها خبرة
لذلك ليس لها علاقة بأشراف المادة بالرغم من انها الاقدم لذلك فهى على
الدرجة الاولى(مدرس اول أ) وفعلا تقدمت بتظلم للمدير العام ومضى عليها وكتب( ارجو اتخاذ اللازم وأفاد)وقال لى انه سيرسلها للموجهه الاولى لتأتى له لمناقشتها وعندما قابلت الموجهه الاولى طبعا كانت غضبانة لانى كتبت تظلم وقالت لى ان المدير العام بيمضى وخلاص
دون ان يعرف العجز والزيادة فى المدارس ولا حتى عارف اخر القرارات
او النشرات ولذلك رجع لى التظلم علشان انا اللى اتصرف لانى انا اللى
عارفة شغلى . وطبعا انا مش عارفة اعمل ايه ,فأنا فعلا عندى احساس بالظلم لانى ليه حق ومش عارفة أخده.

[camela]

اشكركم جميعا على الاهتمام والرد ولكن .......اللى بيأخذ اجازات وبيدفع
التأمينات بياخذ ترقياته ويعامل من الناحية الوظيفية كأى مدرس مثله
لان القانون له الاوراق والتواريخ ولكن من الناحية الفنية ليس لها خبرة
لذلك ليس لها علاقة بأشراف المادة بالرغم من انها الاقدم لذلك فهى على
الدرجة الاولى(مدرس اول أ) وفعلا تقدمت بتظلم للمدير العام ومضى عليها وكتب( ارجو اتخاذ اللازم وأفاد)وقال لى انه سيرسلها للموجهه الاولى لتأتى له لمناقشتها وعندما قابلت الموجهه الاولى طبعا كانت غضبانة لانى كتبت تظلم وقالت لى ان المدير العام بيمضى وخلاص
دون ان يعرف العجز والزيادة فى المدارس ولا حتى عارف اخر القرارات
او النشرات ولذلك رجع لى التظلم علشان انا اللى اتصرف لانى انا اللى
عارفة شغلى . وطبعا انا مش عارفة اعمل ايه ,فأنا فعلا عندى احساس بالظلم لانى ليه حق ومش عارفة أخده.
يا اختى
زميلتك هذه كان المفروض بعد عودتها من السفر ان يعاد توزيعها من جديد كتعيين حديث لسد العجز
مش الهانم مسافره وحافظه مكانها وهى فى الغربه
وبعدين انا مريت تقريبا بنفس ظروفك دى
لكن العائده من السفر كانت اكبر واقدم منى فى كل شىء
وبرضوه قعدت الف وادور حولين نفسى لغاية لما وراحد اخبرنى بالمعلومة دى
ان الاولوية بتاريخ دخول المدرسة وليس تاريخ التعيين
فتوجهت بمذكره للنيابة الادارية
وبالفعل اخذت حقى

[محمد كامل محمود]

الزائد عن حاجة المدرسة هو الأحدث تواجدا بالمدرسة ، ولك الحق فى التظلم من قرار الندب سواء كان جزئيا أو كليا حيث أن تواجدك بالمدرسة يعطيك أقدمية مكانية، وكان حريا بالسيدة الفاضلة / موجه أول المادة سد العجز أولا بأول فى اماكن العجز بالادارة من المتعاقدين الجدد او المنقولين من ادارات أو محافظات أو دول أخرى حرصا على استقرار العاملين الموجودين أصلا بالادارة ريثما لم يرتكب أى منهم ذنب يعاقب عليه .

[camela]

الزائد عن حاجة المدرسة هو الأحدث تواجدا بالمدرسة ، ولك الحق فى التظلم من قرار الندب سواء كان جزئيا أو كليا حيث أن تواجدك بالمدرسة يعطيك أقدمية مكانية، وكان حريا بالسيدة الفاضلة / موجه أول المادة سد العجز أولا بأول فى اماكن العجز بالادارة من المتعاقدين الجدد او المنقولين من ادارات أو محافظات أو دول أخرى حرصا على استقرار العاملين الموجودين أصلا بالادارة ريثما لم يرتكب أى منهم ذنب يعاقب عليه .
ايوه كده
رفع الله قدرك
وجزاك كل خير
يا جماعه المفروض اللى يعرف معلومه ما يبخلش بيها على الآخرين
واغاثة الملهوف من واجبات ديننا
شكرا

[اسامة محمد2]

الزائد عن حاجة المدرسة هو الأحدث تواجدا بالمدرسة ، ولك الحق فى التظلم من قرار الندب سواء كان جزئيا أو كليا حيث أن تواجدك بالمدرسة يعطيك أقدمية مكانية، وكان حريا بالسيدة الفاضلة / موجه أول المادة سد العجز أولا بأول فى اماكن العجز بالادارة من المتعاقدين الجدد او المنقولين من ادارات أو محافظات أو دول أخرى حرصا على استقرار العاملين الموجودين أصلا بالادارة ريثما لم يرتكب أى منهم ذنب يعاقب عليه . الاستاذ المحترم لو تتكرم علينا وتذكر رقم او ناريخ القرار لان بعض الناس عندنا بيقول جبت الكلام ده من أين

[اسامة محمد2]

الاستاذ المحترم لو تتكرم علينا وتذكر رقم او ناريخ القرار لان بعض الناس عندنا بيقول جبت الكلام ده من أين

[دينا احمد]

الموقف ده حصل مع خالتى ولما فتحت مدرسة جديدة وحاولوا ينقلوها باعتبارها الاحدث فى التعيين اشتكت فى الادارة وبقت فى المدرسة لان زميلتها كانت بتاخد اجازات كتير على الرغم من انها اقدم فى التعيين ولكن خالتى بقت سنوات شغلها اكتر من زميلتها فحضرتك مفروض تروحى وتشتكى واوعى تسكتى عن حقك وعلى فكرة انتى معاكى الحق

[سكلومه]

يا اختى العزيزه . طبقا لقواعد النقل والانتداب .اى شخص يرجع من اجازه بدون مرتب اذ لم يكن فى عجز بمدرسته ينتقل الى مدرسه بها عجز.الاولويه للمعلم الذى على رأس العمليه التعليميه.