إذا عرفت الحل ... اتصل بـ 747120 إذاعة

[دعاء شديد]

طبعا الجمله دى محفورة فى الاذهان
كبير وصغير
لانها من علامات الاذاعه المصريه
ومازالت كل يوم جمعه
مسابقه لها معنى بجد
تشغل العقل وتحترمه
تحتاج لتركيز علشان تعرف "من الجانى"
You can see links before reply (You can see links before reply r%26sa%3DX%26rlz%3D1R2SKPB_enEG353%26tbs%3Disch:1)
لـــــــــــكن
يا خساره حتى المسابقات شوهتها التكنولوجيا
دلوقتى بقت المسابقة حدث ولا حرج
عن كم الهيافه والتفاهه
والاستخفاف بالعقول
والسطحية
واستنزاف فلوس الناس من خلال
الاتصالات وتكرارها
You can see links before reply (You can see links before reply 9%2583%25D9%2588%25D8%25B1%25D9%2588%25D9%2585%25D 8%25A8%25D9%2588%26um%3D1%26hl%3Dar%26rlz%3D1R2SKP B_enEG353%26tbs%3Disch:1)
ده غير كم المسابقات نفسها
ده من كتر المسابقات الفظيعه المريعه
ناقص يجيى يوم ويعملوا مسابقه عن
يا ترى انت اكلت ايه انهارده ؟؟؟؟؟
"بصراحه سؤال صعب جدا"
وطبعا الي هيجاوب صح له مبلغ مالى
مهووووووووووووول
You can see links before reply (You can see links before reply 6hl%3Dar%26rlz%3D1R2SKPB_enEG353%26tbs%3Disch:1)
فى ناس بتتصل من الفراغ
وناس بتتصل بتجرى ورا الامل
وفى ناس يتتصل هيافه بصراحه
You can see links before reply!.gif (You can see links before reply!.gif&imgrefurl=You can see links before reply 6hl%3Dar%26rlz%3D1R2SKPB_enEG353%26tbs%3Disch:1)
وفى النهايه
تعددت انواع البشر المتصله
والنتيجه واحده
مكسب لشركات الاتصالات


طيب هل احنا خسارتنا تمن مكالمه التليفون وبس ؟؟؟؟؟؟
يعنى انت معنويا المسابقات الهايفه دى موش بضايقك ؟؟؟؟
من الآخر
انت بتتلقى المسابقات دى ازاى اصلا ؟؟؟؟؟

[شريف]

عشان أقولك علي انطباعي عن المسابقات دي
هقولك موقف بسيط جدا
اتصلت بيا واحدة من شركة ت.............
قالت لي
ألف مبروك يا فندم ... انت كسبت معانا .........
و قبل ما تكمل الجملة يا عين أمها ... كنت رازع سماعة التليفون في خلقتها

شوفي عدم الثقة في الجو ده وصلني لحد ايه ؟
واحدة بتقولي انت كسبت
مش لسه هتشترك و تكسب
و رغم كده ما صدقتهاش
لانها فعلا كدابة
و ما خفي كان أعظم ورا كلامها ده

فما بالك بالمسابقات الخايبة اياها
اللي بتصب كلها في مصلحة شركات المحمول؟

أقول حاجة أكثر فقعا بالنسبة لي ؟

و انا بقلب مرة في القنوات
لاقيت قناة زبالة اسمها (strike )

نظامها ايه بقا
واحدة خفيفة الدم زغنططة كده
بتستخف دم امها علينا (( سوري يعني ))
عمالة ترقص و تتنطط و تقول سؤال خايب
و الناس يتصلوا و هيا تتدلع
و حتي اللي بيتصلوا متخلفين عقليا بيقولوا اجابات مالهاش علاقة بالدنيا
مع ان الاسئلة يحلها طفل في كي جي ون
و هيا شغالة رقص و دلع و الموسيقي و الاغاني
و جو قذر ... وواحدة بعدها واحدة بيسلموا بعض
و عمري ما شوفت حد فاز
و اهي مكالمات بالهبل ماتعرفيش اخرها
و كله في جيوبهم
منهم لله

[ممدوح الأنصارى]

موضوع كويس ومعالجة درامية
لجريمة مأساوية....... من الجانى؟؟
استنزاف لموارد الناس الغلابة
بعضهم ينفق اكثر من 100ج اتصلات فى
4 مكالمات بس حقيقى بيفهم بسرعة
انه انضحك عليه !!!!!!!!!!!!!!!!!!!!

مين الجانى ؟؟؟؟؟؟؟؟؟
1- نوع الموبايل
ولا
2- نوع شركة الاتصالات
ولا
3- مكتب بيع كروت الشحن
لو عرفت الحل
اتصل
سبعة سبعة واربعين
100 وعشرين
اذاعة
شكراً يا دكتورة
دعاء

[المهندس هشام كمال الدين]

فعلا موضوع كله نصب واستنزاف لاموال الناس
بس الحكايه ديه مش من شركات النصب فقط
بيطلب من طلبه الجامعه كتابه أرقام المحمول لكي نتصل ونعر ف النتيجه
طيبوالله دا شئ مميز وخدمه حكوميه خمس نجوم
واتصل يا سيدي عشان أعرف نتيجه بنتي
تفاجئ بالأتي
- نتيحه كليه أضغط رقم 1
-نتيجه معهد أضغط رقم 2
- عند سماعك اسم الكليه أضغط..........
-عند سماعك الشعبه أضغط..........
-سنه اولي ولا تايه أضغط.....
وعلي هذا المنوال ياسيدي وخلص الكارت قبل ما أعرف بنتي نجحت ولا لأ
وضاعت فلوسك يا صابر
فهذا نصب من نوع أخر الا وهو نصب الحكومه الألكترونيه
وتحيا مصر.

[استاذ على]

فعلا موضوع كله نصب واستنزاف لاموال الناس
ربنا يهدينا ويهديهم
وجزاكى الله خيرا على الطرح الرائع

[عزة المصرى78]

وصل الفراغ فى حياتنا والضياع إلى انسياق الكثير وراء هذه المسابقات التى هى طريقة من طرق النصب والاحتيال ولا تقدم أى فائدة تذكر لا علمية ولا أخلاقية ولا أدبية وما سبقها الاعلانات نفسها وطريقة عرض المنتج وعندما تشتريه وتجربيه تجدين نفسك وقعتى فريسة للنصب والاحتيال المفروض إن وسائل الاعلام يكون لها شفافية وصدق وثقة أكثر من ذلك ولكنها المادة الهدف الأول أما ما ينفع المستهلك ومصلحته لا يوضع فى الاعتبار
أتعامل معها بتجاهلها تماما فاذا جاءت عن طريق رسالة على المحمول امسحها قبل قراءتها أو عن طريق تليفون أرضى برفضها أما عن طريق النت والتليفزيون فلا أشاهدها أبدا القنوات المتخصصة بذلك إلا فى بيتنا حيث معى أخت مولعة بهذه القنوات والاعلانات هداها الله وشفاها
ولكنها كثرت بشكل يخنق ومستفز ونحتاج إلى طلب 122 لترحمنا من السرقة والنصب ، 123 لتعالج لنا الضغط المرتفع والقولون العصبى

[نعمه محمود]

طيب هل احنا خسارتنا تمن مكالمه التليفون وبس ؟؟؟؟؟؟
تمن مكالمة التليفون جزء من الخسارة بكل تأكيد
اقولك على موقف اختى راحت تدفع فاتورة تليفون البيت لقت اتصالات ب 0900 ب 1200 جنيه
طبعا كان هيجى لها انهيار عصبي


يعنى انت معنويا المسابقات الهايفه دى موش بضايقك ؟؟؟؟
أنا شخصيا بستفز جدا من هيافة المسابقات دى وببقي عصبية جدا لانى بحسها اهانة لعقلية الناس المحترمة
من الآخر
انت بتتلقى المسابقات دى ازاى اصلا ؟؟؟؟؟
أروع ما في الأمر انى قاطعت التليفزيون من زمان والناس اللي بتتفرج على التليفزيون في البيت الحمد لله مش بيشوفوا الحاجات دى


هنقول ايه اهى حاجة تلهينا وتلهى عقولنا وخلاص

[Madame/Basmalh]

هى جات المسابقات وبس يا دعاء
ده لو عاوز تخسى اتصلى عاوزه تتجوزى اتصلى عندك
استشارة اتصلى حتى الفتوى كمان عاملوا ليها خط وكله كوم وكنوز على بابا بس
اتصلى وفى الاخر وبعدساعة من الارشادات تلقى اسئلة لو طفل فى حضانه حيجاوب عليها
علشان تاخدى كنز الكنوز
غير كدا الهبل التانى تنزيل اغانى على الموبيل اوتنزل العاب
وللاسف الهبل والعبط بالجملة عليها
الحمد الله على نعمة العقل والتميز
منتظرين موضوعات اكترتلفت الانظار لمدى الغش والاستغلال
والانتباه ليها وتوعية الناس شكرا لطرحك يا دعاء

[دعاء شديد]

عشان أقولك علي انطباعي عن المسابقات دي

هقولك موقف بسيط جدا
اتصلت بيا واحدة من شركة ت.............
قالت لي
ألف مبروك يا فندم ... انت كسبت معانا .........
و قبل ما تكمل الجملة يا عين أمها ... كنت رازع سماعة التليفون في خلقتها


عارف لو كنت سمعتها
كانت هتقولك بس شرط استلام الجايزه
تدفع مبلغ ايه وتيجى تستلم جايزتك
وتعد تقنعك
وفى الاخر تكتشف ان كله جر رجل للزبون
يعنى اذا مدفعتش عن طريق الاتصالات
هم يتصلوا يدفعوك
هتدفع هتدفع
ربنا يرحمنا
بس انا زعلانه منك
يعنى لما يتصلوا هم توفرلهم المكالمه وترزع السماعه
كنت سيبها ترغى ووالعداد يعد ع الفاضى
لا مالكش حق

[دعاء شديد]

مين الجانى ؟؟؟؟؟؟؟؟؟

1- نوع الموبايل
ولا
2- نوع شركة الاتصالات
ولا
3- مكتب بيع كروت الشحن
لو عرفت الحل
اتصل
سبعة سبعة واربعين
100 وعشرين
اذاعة


والله اعتقد الجانى الحقيقى
عقوووووووووول الناس
الي بتصدق ومبتقدرش تميز
او بتحاول تستهبل يمكن يكسبوااااااا

نورتنا يا عمدتنا

[دعاء شديد]

فعلا موضوع كله نصب واستنزاف لاموال الناس

بس الحكايه ديه مش من شركات النصب فقط
بيطلب من طلبه الجامعه كتابه أرقام المحمول لكي نتصل ونعر ف النتيجه
طيبوالله دا شئ مميز وخدمه حكوميه خمس نجوم
واتصل يا سيدي عشان أعرف نتيجه بنتي
تفاجئ بالأتي
- نتيحه كليه أضغط رقم 1
-نتيجه معهد أضغط رقم 2
- عند سماعك اسم الكليه أضغط..........
-عند سماعك الشعبه أضغط..........
-سنه اولي ولا تايه أضغط.....
وعلي هذا المنوال ياسيدي وخلص الكارت قبل ما أعرف بنتي نجحت ولا لأ
وضاعت فلوسك يا صابر
فهذا نصب من نوع أخر الا وهو نصب الحكومه الألكترونيه
وتحيا مصر.


اه دى كمان موده جديده
موضوع النتايج ده
وبيستغلوا قلق الناس على ولادهم
بجد رحمتك يا الله
حتى الاستغلال بقى لاعصاب الناس وقلقهم
المهم طمنا على البنوته ونتيجتها
نورت الموضوع

[دعاء شديد]

فعلا موضوع كله نصب واستنزاف لاموال الناس


ربنا يهدينا ويهديهم

وجزاكى الله خيرا على الطرح الرائع


يا رب
شكرا جزيلا لمرور حضرتك

[دعاء شديد]

ولكنها كثرت بشكل يخنق ومستفز ونحتاج إلى طلب 122 لترحمنا من السرقة والنصب ، 123 لتعالج لنا الضغط المرتفع والقولون العصبى

هههههههههههههههه
والله انتى جبتى المفيد
دايما ردودك اضافه قويه لاى موضوع

[دعاء شديد]

هنقول ايه اهى حاجة تلهينا وتلهى عقولنا وخلاص

للاسف فعلا فى ناس بتلهى نفسها وعقولها بالمسابقات دى
بس سيبك
توقيعك زى العسل بجد حلو اوى
دى بقى شكره اتصالات الجيل الرابع
catphone

[دعاء شديد]

هى جات المسابقات وبس يا دعاء

ده لو عاوز تخسى اتصلى عاوزه تتجوزى اتصلى عندك
استشارة اتصلى حتى الفتوى كمان عاملوا ليها خط وكله كوم وكنوز على بابا بس
اتصلى وفى الاخر وبعدساعة من الارشادات تلقى اسئلة لو طفل فى حضانه حيجاوب عليها
علشان تاخدى كنز الكنوز
غير كدا الهبل التانى تنزيل اغانى على الموبيل اوتنزل العاب
وللاسف الهبل والعبط بالجملة عليها
الحمد الله على نعمة العقل والتميز
منتظرين موضوعات اكترتلفت الانظار لمدى الغش والاستغلال
والانتباه ليها وتوعية الناس شكرا لطرحك يا دعاء


مهو ده قصدى
الاستخفاف بالعقول بقى واضح جدا
كانهم بيسخروا مننا بشكل علنى
على فكره
احنا مستنين موضوعاتك انت
نورتى الموضوع

[محمد عبد العظيم وسية]

فعلا موضوع مهم جدا يا دكتورة دعاء .
الموضوع كله بقت تجارة واستخفاف بعقولنا ,, والغريب ان فيه ناس هايفه كتير بتتصل بيهم .
ــ شكرا على الموضوع الجميل .

[دعاء شديد]

فعلا موضوع مهم جدا يا دكتورة دعاء .

الموضوع كله بقت تجارة واستخفاف بعقولنا ,, والغريب ان فيه ناس هايفه كتير بتتصل بيهم .
ــ شكرا على الموضوع الجميل .


فعلا يا مستر محمد
دى تجاره الهوا ومش مكلفه
خط تليفون + ناس هايفه = اعلى ربح وهو مرتاح
الموضوع نور بجد