سؤال للجميع ؟؟؟؟ بخصوص التعيين

[sondok2]

السلام عليكم ورحمة الله و بركاته
كيف احوالكم يا متعاقدين تعقدتوا ولا لسة .....
انا عندي سؤال محيرني شوية
انا معلمة رياضيات متعاقدة من 2005
وعندما فتحت ابواب الاكاديمية لنقدم فيها وكان شرط اساسي اصل العقد اللى ما وصلني من المديرية اصلا وتاه في ادارة أخري غير الادارة الللى انا تابعة لها ومعي معلمات ومعلمين كثيرة و لهذا السبب ما عرفنا نقدم ع الاكاديمية مع اكتمال جميع اوراقنا دون هذا العقد اللى مش لاقينوا اصلا .. بسبب اهمال موظفين المديرية

راح علينا التقديم في الاكاديمية وما اختبرنا ولا اى شئ و ورقنا كله كامل ومعنا شهادات icdl
هل أحد منكم مرت عليه هذه الحالة في منطقته ؟
وازاى نتصرف ؟
وكيف وضعنا ؟ تعاقدات قديمة و ما اختبرنا بالاكاديمية و اتصلنا كثيرا على الاكاديمية تقول ما في اى اختبارات في هذه الفترة

نعمل ايه انا الان بالسعودية و اريد ان اعرف ما العمل حتى استطيع التصرف ولا تفوتني التعينات اذا كان فى تعينات اصلا

[المعلم الاسود]

انتي مصرية


باب التقديم الاكاديمية سوف يفتح علي شهر 9

[sondok2]

اه مصرية وهل أكيد هذا الخبر

[mr.hisham]

ربنا يوفقك

[مني احمد علي]

ازاي انتي في السعودية وعايزة تتعيني في مصر او ازي انتي الآن في السعوديه ومتعاقدة اذا كان الي يغيب شهر يفصل هو في حد بيمضي لك في المدرسه
ثم انك في السعودية ربنا يسهلك وتعملي هناك افضل من هنا 100مره
يعني الي شغاليين هنا ويذهبوا للمدرسه كل يوم اتعينوا لما الناس الي بره تتعين
انا آسفه اذا قلت لك انه اكيد تم الغاء عقدك بناءاغلي انقطاعك عن المدرسه لمدة شهر :39::39::39::39:

[الأمير باشا]

إذا كنت تستحقين التعيين سوف تعيني

[سيدسيكا]

أمانة عليكى يا اخت تدعى لنا وانتى فى الاراضى المقدسة وسيبك من اللى بيحصل فى مصر المهم ان منخسرش الاخرة الدنيا مش مهم المهم الاخرة

[sally2009]

تابعى موقع الاكاديميه...وأول ما يفتح باب التقديم قدمى ....وربنا يوفقك ويوفقنا...

[مني احمد علي]

تابعى موقع الاكاديميه...وأول ما يفتح باب التقديم قدمى ....وربنا يوفقك ويوفقنا...
لحظة من فضلك
ازاي الاخت تقدم وهيه مش مقيمه في البلد ولا تذهب للعمل
ياجماعة نظام العقد اذا المتعاقد انقطع شهر يفصل بعد انذاره وفي اكثر من حاله في مدرستي حصل معهم ذلك
واحد حصل علي عمل في دوله اخري وانقطع وثم فصل
الاخري كانت فتاه تزوجت وسافرت لدوله اخري وانقطعت ثم فصلت وتم الغاء التعاقد
اعتقد ان الكلام آمانة علشان الاخت تعرف الحقيقة
ودي احد عيوب العقد

[sally2009]

ممكن تكون مش منقطعه ولا حاجه ... هى بتعمل عمره أكيد وراجعه تانى .. وغيابها من المدرسه ودى وأكيد حد بيمضلها..علشان كده هى بتسأل على التقديم..

[sondok2]

هههههههههههههههههه
انا جئت فى الاجازة لاداء العمرة و هفضل شوي مع زوجي ما اخبيش عليكم انا بفكر اشتغل هنا و قدمت في اكثر من مدرسة بس معنوينا مش مرتاحة نفسي اتعين في بلدي مش بعد ما اتخرجنا و اشتغلنا نطفش من البلد وخلاص
هنا الشغل مربح جدا يعني سعر الدرس الواحد براتب خمس شهور في مصر لكن مش مهم المهم نفسي اتعين

[sondok2]

أمانة عليكى يا اخت تدعى لنا وانتى فى الاراضى المقدسة وسيبك من اللى بيحصل فى مصر المهم ان منخسرش الاخرة الدنيا مش مهم المهم الاخرة
ربي يسهل جميع اموركم اللهم امين و يسدد خطاكم و ينصركم ولكل مجتهد نصيب لا تملوا من المطالبة بحقكم اللى بيحصل للمدرس في مصر عمره ما حصل فى اى بلد عربية اخري

[مني احمد علي]

بالصراحة انا تخيليت انك منقطعه من فتره لان اللهجة اتغيرت ده لا يمكن يحصل الا اذا كنتي من فتره هناك علي الا قل سنه