احتقرتها في شبابي .... فاحتقرتني في شيخوختي !!

[شريف]

معلش هعطل حضرتك تلات دقايق بالظبط
ندردش فيها شوية بعد اذنك

......

ايه اخبار الرياضة معاك ؟

أيوة ... الرياضة
هوبا واحد اتنين تلاتة :)

.......

غاندي ادالك خبرته و قال لك علي الرياضة :
احتقرتها في شبابي فاحتقرتني شيخا !

.....
طبعا أول حاجة هتيجي علي لسانك هتقول لي :
اسكت يا عم شريف ...و النبي اتنيل و اسكت

انت يا شريف اللي بتتكلم علي الرياضة؟
و انت في اجازتك علي طول مأنتخ !
:)
هرد عليك و هقولك فعلا
أنا يعتبر كبير المأنتخين :)
.....
بس لما بفكر امشي كل يوم ... بمشي بغباء
لدرجة ممكن تكرهني في المشي و الحركة كلها
....
و طبعا ده غلط
و مافيش افضل من التوسط و الاعتدال في كل حاجة
بس للاسف
احيانا مابيبقاش عندي وسط
بحب اعمل الحاجة باتقان
لحد ما الحاجة دي ممكن تقل أدبها عليا :)
...........
المهم
عايزين نمشي
You can see links before reply


لا لا ... مش قصدي نمشي من المنتدي لا سمح الله
لا
مش دلوقتي :)
.....
انا قصدي نمشي كل يوم
امشي كل يوم نص ساعة بس علي السريع
بس مش مشي السلحفاة اللي احنا بنمشيه
في وسط البلد واحنا رايحين نشتري هدوم

لا
You can see links before reply

المشي اللي انا اقصده هوا المشي السريع
بص بص كده معايا

الرياضة تساعد القلب على القيام بعمله بارتياح.. تمنع انغلاق الشرايين.. تقلل من الكوليسترول وارتفاع ضغط الدم.. تحسن في استقبال الأنسولين في الخلايا.. أو تسهل تدفقه إلى خلايا الجسم. و30 دقيقة يوميا في ممارسة رياضة المشي أو القيام بتمارين رياضية بشكل منتظم لمدة ساعة يوما بعد يوم تمنع زيادة وزنك وتمكنك من الاحتفاظ برشاقتك بغض النظر عن كمية الطعام.. وتعيدك إلى رشاقة ما قبل عصر السيارات وتعفيك من الالتزام ببرامج الحمية التي ينتهي مفعولها بانتهاء مدتها.
ممارسة الرياضة أو المشي لمدة 30 دقيقة يوميا تقوي من عظامك وتمنع عنها الهشاشة .. وتزيد من متعتك بالحياة وتمنحك القدرة على بالحركة من دون ألم. أما تأثير الرياضة في تخفيض ارتفاع ضغط الدم فهو مفيد بغض النظر عن العمر، أو الوزن، أو الجنس، وأفضل الرياضة في هذه الحالة ما صاحبها زيادة في عدد دقات القلب والتي تستغرق 20-30 دقيقة في المرة الواحدة مرات عدة أسبوعيا
سبحان الله
الواحد بقا يتعب من اقل حركة
و ده ليه
لان الجسم اتعود علي الانتخة

You can see links before reply

و أحيانا والله تلاقي ناس تتخن من اقل لقمة تاكلها
((( ناس بيتمر فيها ))) :) زيي كدا
You can see links before reply
..........
ليا واحد صاحبي نفسه يتخن عامل زي الباتونساليه

و الله في كل وجبه بياكل مش اقل من اربع ارغفة

.....
ما علينا عشان زمانه زور و لا شرق ولا حاجة

.......
المهم
الرياضة عموما و المشي علي وجه الخصوص
ممكن يعالج امراض كتير احتار فيها الاطبا و الله
....
You can see links before reply

نصيحة من اخوك اللي بدأ يطبقها
امشي كل يوم مش اقل من نص ساعة
و ياريت ساعة او اتنين
مشي سريع
و ماتنساش نفسك ادام الكمبيوتر
احسن الواحد ساعات بيقعد ادام الكمبيوتر
لحد ما يبقا قطعة رئيسية من قطع الكيسة :)
You can see links before reply
.....

استني

قبل ما تجيب شريط الانتقال السريع
و تطلع م الموضوع و تنفضلي
قول لي الاول
نظام حياتك ايه؟
منظم موضوع الرياضة و مهتم بيها؟
بتمشي كتير؟

نصيحتي ليك كمان الصيام الصيام الصيام
صوموا تصحوا والله والله ثم والله
You can see links before reply

صوم ...و شوف الاثر الرهيب للصيام علي جسمك
النهاردة أول شعبان كل سنة و انتو طيبين
الرسول صلي الله عليه و سلم كان بيصوم شعبان كله الا قليلا
و عايزين نحيي السُّنة دي
ها ... مين هيصوم معايا ؟؟؟؟؟؟؟؟
كل واحد يدير وشه بقا ... ماشي ماشي
.............
ثواب الصيام في الايام الحر دي تحفة يا جماعة
و الدعوة مستجابة
و الاثر علي الصحة رهيب ...

العبوا رياضة .... و صوموا
و خلي بالكم من صحتكم و من الدهون
و من الاكل الغير صحي
الوقاية خير من العلاج
و الصحة تاج .... مش هنحس بقيمته الا بعد فقدانها

يارب يحفظكم من كل مرض و من كل سوء
و يكفيكم الشر كله

تأمروا بحاجة ؟
ياللا

سلامو عليكو

[محمد فؤاد محمود]

أخى الفاضل الاستاذ / شريف
دائما موضوعاتك تتميز بالواقعية لذلك تلقى قبول عند معظم الأعضاء ..
أحييك على اختيارها وطريقة سردها .....
أما بالنسبة للرياضة وممارستها ...
نقول : ان صحتك كنز ثمين .. لا تحث به فى الصغر ولكن تحتاجه فى الكبر
فان من يحافظ على صحته بالتغذية الجيدة وممارسة الرياضة فهو بذلك يحافظ على كنزه الثمين ألا وهو الصحة .
فالمحافظة على الصحة أمر من الله عز وجل الى أعظم مخلوقاته ألا وهو الانسان الذى حمل الامانة
أمانة عبادة الله وتعمير الكون ..
لذلك أمره بالمحافظة على الصحة وعدم القاء نفسه فى التهلكة ..

ممكن يكون موضوعك ده أخى الكريم بداية دعوة لجميع أعضاء بوابوتنا لممارسة الرياضة .
ويعرض كل عضو منا ماذا حدث له بعد ممارسة الرياضة .. وما الفائدة التى عادت عليه ..
حتى يكون دافع لجميعنا لممارسة الرياضة ..

جزاكم الله خير الجزاء

[ميس صافيا]

ههههههههههه
عسل يا شريف
بس يا ريت بلاش فضايح وتسال عن اخبارى مع الرياضه
لانها ولله الحمد تقريبا شبه معدومه
بس تعرف والله انا كنت لسه بافكر فى الموضوع دا امبارح والله
الرياضه عموما مش المشى
وبعدين المشى دا فيه مشكله
انى عشان امشى لازم اركب مواصله عشان اروح مكان اعرف امشى فيه وما اتكعبلش فى الناس
اللى يمكن اقدر اعمله هو الصيام ان شاء الله
رغم ان الواحد ما بيبطلش شرب ميه طول اليوم
يله
كل سنه وانت طيب يا شريف

[نعمه محمود]

اسكت ياشريف من 3 سنين كده نت بمشي كويس جدا وبانتظام وكان المشي ليه مفعول السحر صحتى اتحسنت جدا وضربات قلبى انتظمت ووزنى نزل جدا بس للاسف بطلت المشي وبقيت اعتمد ع العربية في اقل حركة وعلى رأى صديق قالى"الرفاهية تولد الكسل"
بس خلاص اتفقت انا وواحدة صاحبتى انت تعرفها كويس اننا نمشي كل يوم ساعه بس الله اعلم هنبدأ ايمتى قول يارب
وبخصوص الصيام هحاول:) وربنا يقوينا
شكرا شريف على موضوعاتك التى تضعنا أمام أنفسنا

[شريف]

أخى الفاضل الاستاذ / شريف
دائما موضوعاتك تتميز بالواقعية لذلك تلقى قبول عند معظم الأعضاء ..
أحييك على اختيارها وطريقة سردها .....
أما بالنسبة للرياضة وممارستها ...
نقول : ان صحتك كنز ثمين .. لا تحث به فى الصغر ولكن تحتاجه فى الكبر
فان من يحافظ على صحته بالتغذية الجيدة وممارسة الرياضة فهو بذلك يحافظ على كنزه الثمين ألا وهو الصحة .
فالمحافظة على الصحة أمر من الله عز وجل الى أعظم مخلوقاته ألا وهو الانسان الذى حمل الامانة
أمانة عبادة الله وتعمير الكون ..
لذلك أمره بالمحافظة على الصحة وعدم القاء نفسه فى التهلكة ..

ممكن يكون موضوعك ده أخى الكريم بداية دعوة لجميع أعضاء بوابوتنا لممارسة الرياضة .
ويعرض كل عضو منا ماذا حدث له بعد ممارسة الرياضة .. وما الفائدة التى عادت عليه ..
حتى يكون دافع لجميعنا لممارسة الرياضة ..

جزاكم الله خير الجزاء
خالص ودي و شكري و تقديري لردكم الرائع الايجابي اخي الفاضل
لا حرمنا الله من طلتك

[دعاء شديد]

بس خلاص اتفقت انا وواحدة صاحبتى انت تعرفها كويس اننا نمشي كل يوم ساعه بس الله اعلم هنبدأ ايمتى قول يارب

ههههههههههههههههههه
انا صاحبتها على فكره ومستنيه اشاره البدء لننطلق

وبصراحه بكره الرياضه جدا
بس ممكن امشى ممكن مش اكيد

موضوع فى الجون وطلعنا احنا اوت
:16:
ومش هينفع معانا غير "ضربات" الجزاء

[شريف]

انى عشان امشى لازم اركب مواصله عشان اروح مكان اعرف امشى فيه وما اتكعبلش فى الناس

بلاش حجج الله يخليكي
هتمشي يعني هتمشي :)

طب خلاص مش مشكلة
بلاش تمشي
بس خليني اكسب ثواب النصيحة و صومي
صومي يوم واحد علي الاقل
يوم واحد بس
ارجوكي
حسنة قليلة تمنع بلاوي كتيرة:28:

[شريف]

اسكت ياشريف من 3 سنين كده نت بمشي كويس جدا وبانتظام وكان المشي ليه مفعول السحر صحتى اتحسنت جدا وضربات قلبى انتظمت ووزنى نزل جدا بس للاسف بطلت المشي وبقيت اعتمد ع العربية في اقل حركة وعلى رأى صديق قالى"الرفاهية تولد الكسل"
بس خلاص اتفقت انا وواحدة صاحبتى انت تعرفها كويس اننا نمشي كل يوم ساعه بس الله اعلم هنبدأ ايمتى قول يارب
وبخصوص الصيام هحاول:) وربنا يقوينا
شكرا شريف على موضوعاتك التى تضعنا أمام أنفسنا
انا هشجعوا .... حوالين سور الكلية الحربية
امشوا انتو و انا وراكو بودي جارد :)
و اهو منها اضحك علي نفسي و اعمل كأني بودي جاردكو و ف نفس الوقت
امشي غصب عني :28:

[شريف]

ههههههههههههههههههه
انا صاحبتها على فكره ومستنيه اشاره البدء لننطلق

وبصراحه بكره الرياضه جدا
بس ممكن امشى ممكن مش اكيد

موضوع فى الجون وطلعنا احنا اوت
:16:

ومش هينفع معانا غير "ضربات" الجزاء


جون ايه بقا و اوت ايه
احنا باين علينا بتوع كلام :)
انا صايم و بمجرد ما فطرت من شوية
حسيت ان كيس جوافة وقع علي دماغي و اتسطلت و عايز انام

[خالد سعد]

والله الرياضه حلوه
ربنا معاك
بالنسبه للصيام
متهالى كيس الجوافه يقضى الغرض لحد الادان
والله المستعان
موضوع جميل
بس فين النفس اللى تمشى

[شريف]

بس فين النفس اللى تمشى



لا
انا مش عايز النفس تمشي
انا عايز حضرتك انت اللي تمشي :)
تمشي كي يوم نص ساعة بس
و تاخدني معاك يمكن اتشجع و امشي :)

[أم هيما]

طب والله موضوع حلو جدا وفكرة مشجعه
بس نمشى فين وسط الزحام الرهيب والاماكن متشجعش على المشى خالص وكمان يا ريت ليه اصحاب قريبين منى كنت مشيت انا وهما فعلا على الاقل لو الواحد اتكعبل فى اى حاجه وهو ماشى يلاقى حد
يسنده او حتى يقعد يعيط جنبه هاها ها
مشكور والله يا استاذ شريف وجزاك الله كل خير على التذكير على الصيام

[شريف]

طب والله موضوع حلو جدا وفكرة مشجعه
بس نمشى فين وسط الزحام الرهيب والاماكن متشجعش على المشى خالص وكمان يا ريت ليه اصحاب قريبين منى كنت مشيت انا وهما فعلا على الاقل لو الواحد اتكعبل فى اى حاجه وهو ماشى يلاقى حد
يسنده او حتى يقعد يعيط جنبه هاها ها
مشكور والله يا استاذ شريف وجزاك الله كل خير على التذكير على الصيام
و جزاكي الله الف خير علي مرورك الكريم
و ننتظر بلهفة موضوعاتك و مشاركاتك

[عزة المصرى78]

الرياضة عموما و المشي علي وجه الخصوص
ممكن يعالج امراض كتير احتار فيها الاطبا و الله
....
You can see links before reply

نصيحة من اخوك اللي بدأ يطبقها
امشي كل يوم مش اقل من نص ساعة
و ياريت ساعة او اتنين
مشي سريع
+






































شكرا أ / شريف على هذه النصائح التى تفيد صحتنا جسديا " المشى " وروحيا أيضا " الصيام "فرياضة المشى من أسهل أنواع الرياضة وأنا بأحبه وأفضله جدا لكن للأسف عندى صعب ومكلف حيث أبنائى لا يجعلونى استمتع به من شدة مشاكساتهم فى الشارع ومطالبهم من المحلات فتجد الركوب أفضل وأرخص


أما الصيام ربنا يوفقنا ويقدرنا عليه

دمت ودام تميزك وإبداعك ونصائحك الغالية