الى كل المحافظات التى تريد الاشتراك فى نقابه المعلم

[sherif2020]

انا زميلكم شريف من سوهاج معلم مساعد وعند نا فى محافظه سوهاج كانوا رفضين اننا نعمل اشتراك النقابه لكن بفضل الله وحده قدرت اضغط على النقابه فى سوهاج لغايه ما حصلت على موافقه نهائيه بضم المتعاقدين للنقابه بسوهاج وهيبدء من الاسبوع القادم توزيع نشرات على المدارس بسوهاج للعلم
ودلوقت هقولكم عملت ايه عشان تعملوا زى ما انا عملت
انا روحت النقابه وطبعا قالوا ليه ان ملناش نقابه فعن طريق المنتدى قدرت احصل على صور عقود متعاقدين وكمان صور لكارنيهات العضويه الخاصه بيهم بالنقابه بمحافظات مختلفه وقدمتهم للنقابه بسوهاج عشان يصدقوا ان لينا اشترااك فاتص النقيب بسوهاج بالنقابه العامه بالقاهره فكان رد النقابه فى القاهره ان يحق للمتعاقد الاشتراك فى النقابه اذا كان عقد مميز وليس بالحصه وبناء على ذلك اتخذت النقابه بسوهاج قرار ضم المتعاقدين للنقابه
فكل محافظه مفهاش اشتراك للمتعاقدين بالنقابه يخلوا النقابه تتصل بالنقابه الرئيسيه بالقاهره للاستعلام علما بان النقابهفى القاهره مبتشتغلش غير بعد السلعه 5 مساءا

[بنت سيناء]

طب يا استاذ شريف انا اخصائية نفسية لما اخدت العقد قالولي ان انا تبع نقابة المعلمين وانا معايا ليسانس آداب علم نفس
والسنة دي عملت دبلومة تربوي بس انا مارحتش اي نقابة اسأل
لو عندك فكرة عن الموضوع ده تقوللي اعمل ايه؟
وانا كده تبع نقابة المعلمين وللا لا؟

[عماد عبد الحميد]

جزاك الله خيرا أستاذ شريف

[nourhan200005]

احنا فى الغربية الادارة علقت اعلانمنذ حوالى شهر انه يحق للمعلم المساعد ان يشترك فى النقابة بس كل المتعاقدين تقريبا قررنا اننا ما نشتركش لحد اما نشوف موضوع التثبيت ده هيوصل لحد فين
اصل حرام ندفع فلوس كتيرويتخصم مننا فلوس كل شهر من المرتب واحنا لسه بعقد

[أحمدالشلقامى]

والله براوة عليك راجل من ضهر راجل
الف شكر ليك من كل معلمى سوهاج
اخوك من مركز جهينة

[محمد حسن ضبعون]

ايضاً التحق بالنقابة الإلكترونية بالمنتدى
قسم وظائف ومسابقات المعلم


أكتب سيرتك الذاتية
مرحبا بك


ارسل ايميلك للمشرف



يوجد اجتماع دورى كل اسبوع على الكونفرانس



للأطلاع والتشاوروالخبرة وكل ماهو جديد



بادر بارسال ايميلك لمشرف القسم
:38:



تنويه



أعزائنا



ارسل بياناتك الشخصية ( التليفون والإيميل ) على الخاص



الأشراف يقوم بتصنيف التخصصات
نحرص دائماً على تقديم الأستشارة والدعم والمتابعة

[لــؤلــؤة]

شكرا استاذ شريف على التنبية

ياريت لو حد من المنوفية يقولي مكان النقابة فين ؟؟؟

[mr.hisham]

جزاك الله خيراً

[sherif2020]

[QUOTE=بنت سيناء;351786]طب يا استاذ شريف انا اخصائية نفسية لما اخدت العقد قالولي ان انا تبع نقابة المعلمين وانا معايا ليسانس آداب علم نفس
والسنة دي عملت دبلومة تربوي بس انا مارحتش اي نقابة اسأل
لو عندك فكرة عن الموضوع ده تقوللي اعمل ايه؟
وانا كده تبع نقابة المعلمين وللا لا؟
يحق ليك يا بنت سيناء الانضمام الى النقابه لان النقابه فى الاصل ليس نقابه المعلمين ولكن هى نقابه المهن التعليميه وانت تعملين فى مهنه التعليم ويكون لك احيانا جدول لذلك يحق لك الانضمام الى النقابه
واللى مش مصدق يسأل عن النقابه الرئيسيه للمعلمين اللى عنوانها الجزيره بالقاهره هيلاقيها تحت مسمى نقابه المهن التعليميه وليس نقابه المعلمين نقابه المعلمين ده اسم يطلق على افرع النقابه فى المحافظات وبما انها نقابه المهن التعليميه فيحق لاى شخص يعمل فى مجال التعليم وليس التدريس ان يشترك فى النقابه ولكن طالبوا بحقوقكم لكى تأخذوها