المساعد الشخصي الرقمي

مشاهدة النسخة كاملة : زمــــــان كان عيب .. دلوقتي بقى عادي


MohammeD el_SadaT
14-03-2009, 05:12 PM
بسم الله الرحمن الرحيم

السلام عليكم ورحمه الله وبركاته


طبعاً الموضوع عنوان باين
زمان كنا نقول عيب .. دلوقتي بقينا نقول عادي
امبارح كان حراااام .. و انهارده بقت حلااال
اتغيرت عقولنا .. بس للأسف اتغيرت للأسوء
و اللي غيرها كلمة ......... (الموضة)

امبارح .. كان الجار بيزور الجار
انهارده .. يبقى كويس لو الجار عرف اسم جاره

في الأول كان (الدش) خراب بيوت و دخل البيت الرجالة بس هم اللي بيشوفوه
دلوقتي اصغر بنت في البيت في غرفتها (دش) و الاهل مبسوطين

امبارح كانت الاسواق هادية
كانت الام تاخد بناتها و تجيبلهم حاجتهم و يرجعوا البيت
دلوقتي الاسواق بقت عبارة عن مغازل و مفاتن و بلوتوث و هئ و مئ وطبلة وشوخليلة وطبله ورق

في الأول كان الموبايل في ايد الرجالة ولو لزم الامر بيكون في ايد الزوجة
دلوقتي بقت هيصة .. بقى حافز على النجاح للأطفال
"لو ذاكرت كويس ياحبيبي و جبت مجموع عالي حجيبلك موبايل بكاميرا" هه بكاميرا كمان
و لو قلت ايه لزمته .. يقولك يعني ايه الفرق بيني و بين فلان


زمان وزمان ... و زمااااااااااااان
كل حاجه حلوة كانت زمان
و المشكلة كل يوم في ازدياد .. والسبب ان (زمان) اتغير
يا بخت جدي و جدتي لسه محافظين على اللي اتبقى من (الزمان) دا

والكل بيقول (الزمن اتغير)..كل اللي شافله شوفة اي واحد اختلف عليه امر
يقول كده .. و المشكلة ان أغلبية التغيرات دي لا يرضاها الدين و لا القلب ولا العقل

مش عارفة مين اللي اتغير

الزمن ولا الأشخاص
؟


نعيب زمآننآ والعيب فينآ ... ومآلزمآننآ عيبٌ سوآنآ
ونهجو ذا الزمان بغير ذنب ... ولو نطق الزمان لنا هجانا

وجهة نظر البعض..

الزمن اتغير لأن احنا اللي اتغيرنا
و لازم نحاسب نفسنا قبل مانعيب و نشتم على الزمن

وماعتقدش ان الزمن اتغير
بس احنا اللي اتغيرنا
الزمن واحد .. واحنا اللي بنتبدل

بسألكم
هو الزمن اللي وحش و لا البشر اللي طبعهم وحش
؟
شمس بياض
14-03-2009, 05:20 PM
نعيب زمآننآ والعيب فينآ ... ومآلزمآننآ عيبٌ سوآنآ
ونهجو ذا الزمان بغير ذنب ... ولو نطق الزمان لنا هجانا

هذا هو الرد اخى الفاضل
ولكن عدم حسن استخدام الاشياء هو العيب

يعنى ناخد الجزء المفيد من الشى ونترك السئ لكن

هو سوء استخدام يؤدى الى العيب
أشرف السيد
14-03-2009, 05:26 PM
زمااااااااان والنهاردة

زماااااااااااااااان كان زمن العيب صح

ده الوقت الخداع والمكر عيني عينك وبدون كسوف ويقال عليه ذكاء

وعجبي
س ا يوسف
14-03-2009, 05:48 PM
تعقيب بسيط
زمان (لاحظ الكلمة) الاباء والامهات والاجداد وحتى الافلام القديمة اوي كانوا بيقولوا دا زمان كان شكل ودلوقت شكل تاني (المقولة كانت بتتردد ايامهم في الستينات والسبعينيات )
واحنا في التسعينات قلنا ذات المقولة
والشباب الجدد الان بيقولوا ذات المقولة
وغدا سيقال ذات المقولة

سبحان المغير الذي لا يتغير
راحل مع الراحلين
14-03-2009, 06:36 PM
ازيك يا محمد
بص يا سيدي
اولا مفيش حاجة اسمها الزمان هو اللي وحش
لو كان فيه عيب بجد
يبقي العيب ده فينا احنا
مش الزمن ابدا
اكيد عقول الناس اتغيرت بس للاسف للاسوأ
و حاجات كتيرة اوي اتغيرت في المجتمع بس للاسف تغير جذري صعب اوي انك تتراجع فيه
لان انت لو مشيت بنهج زمان
هيقولوا عليك سوري في التعبير
_ده عايش في الدور اوي _
بس بارده اكيد لو كل انسان اتمسك بالقيم و العادات اللازمة
كيد هيبقي المجتمع كويس اوي
بس لا حياة لمن تنادي
في امان الله
امل لاشين
14-03-2009, 07:47 PM
هو الزمن اللي وحش و لا البشر اللي طبعهم وحش؟؟؟؟

الزمن مش وحش.... ولا البشر طبعهم وحش .....

هو كل زمن ليه وقته وجماله وليه ناسه......

وزمانا سريع .احداثه بتجري....وفيه برده الحلو والوحش.......

فيه البساطه وحريه التعبير.....

وفيه القسوة ..........

الاهم ان احنا نتبع اللي يرضي ربنا ويمشي مع تقاليدنا اللي عمرها ما تتغير

بتغير الزمن ........

ولازم نكون بداخلنا تفاؤل وامل ........وان بكرة افضل من اليوم وامس ...

وكما قال افضل البشر صلي الله عليه وسلم

الخير في وفي امتي الي يوم الدين.......

وميرسي جدا علي هذا الموضوع .......
مستر احمد يحيى
14-03-2009, 10:10 PM
نعيب زمآننآ والعيب فينآ ... ومآلزمآننآ عيبٌ سوآنآ
ونهجو ذا الزمان بغير ذنب ... ولو نطق الزمان لنا هجانا


لا تعليق بعد هذه الكلمات الرائعه
شقاوة طفله
17-03-2009, 08:59 AM
موضوع جميل بس لما تكون بعيد عن الناس ولو هما طلبوا المساعده ساعدتهم أحسن من انك تبقى معاهم على طول ومتسلمش من كلمهم
رغد الحياة
17-03-2009, 09:16 AM
احم احم
زمان ياااااااااااااه ايام زمان دى كانت كميلة خالص
هو بس يا محمد
العصر ساعات بيفرض على الانسان حاجات معينة
يعنى دلوقت مثلا مش ينفع انك تلاقى واحدة لابسة البرقع ده
صعبة شويه مش كده؟
اما بقى بالنسبة لحتة الحرام و الحلال
اسمح لى اعترض
مفيش حاجة اسمها كده
الحلال حلال و الحرام حرام
احنا لا نغير كلام الله
كلام الله هو من يغيرنا
ثانكس على التوبيك
zizo2_2
17-03-2009, 07:37 PM
لي عودة للتعقيب على هذا الموضوع يا محمد
عز وحيد
18-03-2009, 02:42 AM
الزمان
الزمان كما كان ولكن نحن لم نقدم ما فى الإمكان
هذا هو ردى وماكان
MohammeD el_SadaT
21-03-2009, 10:25 PM
نعيب زمآننآ والعيب فينآ ... ومآلزمآننآ عيبٌ سوآنآ
ونهجو ذا الزمان بغير ذنب ... ولو نطق الزمان لنا هجانا

هذا هو الرد اخى الفاضل
ولكن عدم حسن استخدام الاشياء هو العيب

يعنى ناخد الجزء المفيد من الشى ونترك السئ لكن

هو سوء استخدام يؤدى الى العيب

فعلاً عند حضرتك حق يجب أن نختار الصالح من الأعمال ونترك الطالح لكن وبكل آسف
ما يحدث غالباً العكس
فنحن نتفنن فى إختيار الطالح وتطويره ونتجنب الصالح تماماً

و
أقرب مثال على ذلك
تقليد الغرب فى الموضه ............ وما الى ذلك
وعمرنا ما حاولنا نحاكيهم فى التطور العلمى
MohammeD el_SadaT
21-03-2009, 10:29 PM
زمااااااااان والنهاردة

زماااااااااااااااان كان زمن العيب صح

ده الوقت الخداع والمكر عيني عينك وبدون كسوف ويقال عليه ذكاء

وعجبي

زمنا ده زى ما بيقولو بالبلدى
الناس شاله فيه برقع الحياء والخشى بقت كل حاجه بتحصل عينى عينك واللى تعرف تعمله إعمله
أفنان أحمد
22-03-2009, 05:27 PM
البعد عن الدين هو أصل المشكلة

الله سبحانه من خلق الخلق ووضع لهم التشريع الذى يصلحهم

فى كل زمان ومكان

ويقيم حياتهم

وكلما بعد الانسان عن تشريع ربه فسدت حياته

هذه المشكلة ببساطة

واسمعوا هذه ال.....

مر أحد الصالحين فى السوق وكانت امرأة تسير فكشف الهواء عن كعبها

فأسرع إلى بيته مستغفرا الله قائلا :

هذا زمان الفتن !!!!!!!!!!!!!!!!!!

لا تحسبوها نكتة
dream
22-03-2009, 06:58 PM
الزمان هو الزمان


لكن الناس البتتغير

وبيرجعوا تغييرهم للتكنولوجيا

والتطور!!!!!!!!!!!!!!!!!!


الانسان لو حافظ على دينه
وسنه رسول الله صلى الله عليه وسلم اكيد

مش هيتغير

وهنلاقى البركة رجعت


والامور اصبحت ايسر على الانسان


تسلم ايدك محمد على الموضوع
MohammeD el_SadaT
22-03-2009, 08:49 PM
تعقيب بسيط
زمان (لاحظ الكلمة) الاباء والامهات والاجداد وحتى الافلام القديمة اوي كانوا بيقولوا دا زمان كان شكل ودلوقت شكل تاني (المقولة كانت بتتردد ايامهم في الستينات والسبعينيات )
واحنا في التسعينات قلنا ذات المقولة
والشباب الجدد الان بيقولوا ذات المقولة
وغدا سيقال ذات المقولة

سبحان المغير الذي لا يتغير

بالفعل عندك كل الحق يامستر
بجد والله

أنا خايف يجى علينا الزمن وألاقى ولادى بيقولو الله يرحم زمن والدى أيام الحجه روبى والست نانسى
كان البيبى دول فوق الركبه والجيبه نص والبوت
دى مش كانت بيبان منها غير نص جسمها بس كان فيه خشى شايف التقوى كانت باينه عليهم إزاى

:d
وعجبى
MohammeD el_SadaT
22-03-2009, 09:56 PM
ازيك يا محمد
بص يا سيدي
اولا مفيش حاجة اسمها الزمان هو اللي وحش
لو كان فيه عيب بجد
يبقي العيب ده فينا احنا
مش الزمن ابدا
اكيد عقول الناس اتغيرت بس للاسف للاسوأ
و حاجات كتيرة اوي اتغيرت في المجتمع بس للاسف تغير جذري صعب اوي انك تتراجع فيه
لان انت لو مشيت بنهج زمان
هيقولوا عليك سوري في التعبير
_ده عايش في الدور اوي _
بس بارده اكيد لو كل انسان اتمسك بالقيم و العادات اللازمة
كيد هيبقي المجتمع كويس اوي
بس لا حياة لمن تنادي
في امان الله


نعيب زمآننآ والعيب فينآ ... ومآلزمآننآ عيبٌ سوآنآ
ونهجو ذا الزمان بغير ذنب ... ولو نطق الزمان لنا هجانا

تسلم إيدك ياشريف نورت الموضوع
دعاء شديد
22-03-2009, 11:06 PM
الليل هو الليل

اليوم 24 ساعة زمان ودلوقت

الاسبوع والشهر والسنه والفصول كلها زى ما هى

انما من يتغير هم الناس ... هناك زمن الانبياء وكذلك زمن الطغاه

اذن نحن من تغيرنا ونحن من غيرنا ... اخترعنا وطورنا كل ما يريح النفس

حتى صدأت انفسنا ... ويا ويلنا من صدأ النفس الذى غير معنى كل شيء

بل افسد كل معنى جميل وكل وقت جميل ... اصبحنا نجرى ولا نعرف من نسابق

اصبحنا كاللصوص نسرق الاوقات الجميله الصافيه ونسطو على راحة بال من حولنا!!