الدرس الثاني اين تخزن البيانات وكيف تسمى [الأرشيف] - المنتديات التعليمية

س ا يوسف

14-03-2009, 04:22 PM

تعلمنا ما هو البيان وكيف يدخل في الكمبيوتر وما شكله اثناء الدخول وماذا يحدث له في الداخل وكيف يخرج وفي اي شكل يخرج
بس يدخل الكبيوتر فين
يدخل في مكان (مخزن) في الذاكرة
ايه!!! الذاكرة !!!! يعني ايه
الذاكرة مجموعة كبيرة من الخلايا كل خلية تسمى Byteوكل جهاز يختلف عن الاخر في خجم الذاكرة
طب المكان او المخزن او الخليه او Byte اللي انت قلت عليه ده بياخد اد ايه من البيانات المدخلة
حرف واحد فقط
ولو كانت ارقام من +127 الي - 128
طب لو اكتر من حرف او اكتر من 127 ايه اللي يحصل
ياخذ اكثر من خليه ويعملها مكان واحد
المهم لو القيمة بتاع البيان المدخل كانت ثابتة يعنى ايه ثابتة يعنى لا تتغير اثناء تشغيل البرنامج حنسميها بيانات ثابتة والمكان ( المخزن حنسميه ثوابت
وان كانت متغيرة يعني قيمتها تتغير اثناء تشغيل البرنامج
تمام حنسميها بيانات متغيرة والخزن ( المكان ) يسمى متغيرات
ايه الثوابت : اسماء الخلايا التي تحوي قيم ثابتة لا تتغير اثناء تشغيل البرنامج
ايه المتغيرات : اسماء الخلايا التي تحوي قيم متفيرة تتغير اثناء تشغيل البرنامج
اسماء !!!!!!!!
هي الخلايا حيكون لها اسماء
لازم كل مكان يكون له اسم وعملية اعلان الاسماء دي يطلق عليها
اعلان المتغيرات لو كانت متغيرات
واعلان الثوابت لو كانت ثوابت
طب اي اسم ينفع يطلق على الخلايا
لا طبعا فيه شروط
1- يبدأ بحرف انجليزي اي حرف A ... Z a ....z
2-ممكن بعد الحرف الاول اي رقم
3- مفيش اي علامة خاصة ! @ # % . , ؟ - اي علامة الا علامة واحدة _ under شفت مع 2
4- لا تكون كلمة محجوزة
محجوزة !!!!!
محجوزة اي تم حجزها للبرنامج زي double integer dim

س ا يوسف

14-03-2009, 04:32 PM

اسئلة
صوب الجمل التالية
sif-salem اسم متغير
المتغيرات هي اسماء الخلايا التي تشغل قيم لا تتغير اثناء تشغيل البرنامج
كلمة " بوابة التعليم المصري " تشغل خلية واحدة في الذاكرة
جميع اجهزة الكمبيوتر تتساوى في الذاكرة

اكمل

Double اسم متغير خطأ لان ..............................
2ndword لسم متغير خطأ لان ........................
السعة التخزينية للخلية ...............................................