عارفين ايه اللى معطل موضوع التثبيت

[أحمدالشلقامى]

عارفين ايه اللى معطل موضوع التثبيت الزملاء اللى مخلصوش icdl
هما اعلنوا تثبيت 75 الف قبل كدة يرجعوا يثبتوا 40 الف ازاى وتنقلب عليهم الدنيا
قالوا ندوا فرصة لفرصة لفرصة لفرصة الناس تقدم الشهادة بس لامتى الكلام ده وذنب الناس اللى خلصت من زمان ايه
ادى هية الحكاية حضرات السادة ومن مصدر مقرب من مكتب الوزير

[أحمدالشلقامى]

بس برضه المصدر اكد لى ان خلال 3 شهور حتخلص الحكاية ونثبت ويمكن اقل من كدة
وبصوا بدل اخرها تثبيت يقبى نطمن وبرضه لازم نسمعهم صوتنا فى وقفة 25/7
وربنا يوفقنا كلنا

[المعلم الاسود]

الفرصه دي اخرها 30-6-2011

[احمد الطاهر]

يا جماعة وقفة 25/7 حتكون امام مديريات التعليم في كل محافظة ولا ايه؟

[mr.hisham]

ربنا يسهل والكل ياخد الICDL بسرعه


مديريات التربية والتعليم وزعت المتقدمين للإمتحان على جميع المراكز الخاصة عشان أكبر عدد يخلصها فى وقت قريب إن شاء الله

[amirahmed]

يا سلام خبر بمليون جنية يا باشا بارك الله فيك

[عماد عبد الحميد]

هنشوف أخرتها معاهم أيه

[حبيبه المصريه]

عارفين ايه اللى معطل موضوع التثبيت الزملاء اللى مخلصوش icdl
هما اعلنوا تثبيت 75 الف قبل كدة يرجعوا يثبتوا 40 الف ازاى وتنقلب عليهم الدنيا
قالوا ندوا فرصة لفرصة لفرصة لفرصة الناس تقدم الشهادة بس لامتى الكلام ده وذنب الناس اللى خلصت من زمان ايه
ادى هية الحكاية حضرات السادة ومن مصدر مقرب من مكتب الوزير


تحليلى الشخصى لا ألزم به أحد

أنه مش معقوله التثبيت على دفعات
بمعنى ان ثبت دفعه باقى الدفعات حتشتكى
ومش حتسكت من باب
انهم كمان خلصوا كل حاجه
مش ذنبهم ان مراكز الامتحانات
اخرت قبولهم وامتحانهم
لكن النتيجه فى النهايه
انهم خلصوا زى اللى سلموا اول دفعه
والوزير مش بالعقليه دى
عشان يثبت دفعه بحجة انها قدمت اول دفعه
ويترك الدفعات الاخرى
بحجة تأخرهم هذا سيفتح عليه الكثير
إعتقادى الشخصى
لانهم مدوا لكل المعلمين المساعدين العام الثالث
وهذا العام الفيصل.
ارى والله اعلم بذلك
انه بنهاية هذا العام
سيكون قراره
معظمنا ان لم تكن الغالبيه العظمى
ستكون انتهت من المطلوب
التربوى والرخصه الدوليه
ومن لم ينتهى بنود العقد واضحه
اللى مضى عليها
فسخ العقد بعد 3 سنوات
ويبقى كده نفذ بنود العقد
ومن فسخ عقده يبقى قانونى
ومفيش تعسف
وتبقى الوقفه اللى بتجهزوا ليها ملهاش فايده
لان العام الثالث ماشى ماشى والله أعلم

توقع شخصى
حبيت أقوله عشان تبقى نظرتنا بعيده شويه
نظرتى الشخصيه واكرر لا الزم بها احد
وبالنهايه الله أعلم

[معلم زميل]

يا جماعة احنا عايزين الوزير يطمنا بنفسه لانه ظهر أكتر من مرة في برامج تليفزيونية أو انهم ينزلوا خبر علي موقع الاكاديمية انه هيتم الانتهاء من التثبيت في فتر ة معينة احنا عايزين نطمن ونتأكد انه في تثبيت والخوف أنهم يكونوا بيتحججوا بالناس اللي مخلصتش ورقها علشان يفوتوا علينا فرصة التثبيت وممكن لو عايز يثبت على دفعات ممكن يعملها وهذا امر ممكن جدا وبتعمل ومش صعب ده لو في نيته اساسا انه يثبتنا:16:

[مني احمد علي]

اولا مش كل الي امتحن نجح في نسبة عندها مواد ودول حتي لو خلصوا icdl لا يحق لهم التثبيت ولم يعقد لهم امتحان حتي الان يعني كده كده مش هيعينوا 75 الف يبقي ليه التأخير بالنسبة للناس الي نجحت؟؟؟؟؟؟؟؟؟؟؟؟؟؟؟؟؟

[سلامة الصعب]

حد يعرف مرتب شهر 7 ياجماعة

[سلامة الصعب]

حد يعرف مرتب شهر 7 ياجماعة

[أحمدالشلقامى]

عندما نثبت حيكون منظرنا زى اللى طلع الدور العاشر على السلم واتفتحله باب الشقة

[محمدمحمدالضبع]

كلامك يا اخ احمد صح الصح

[الاخصائي]

شكرا على المجهود

[أحمدالشلقامى]

شكرا لمروركم الكريم جميعا

[عادل المداح]

معلش ما وقفة 25/7
اعذرونى

[مستر اينشتين]

الف شكر على الخبر

وانشاء الله فى تعيين بسى لازم نعمل حاجة لكى يتم التعيين هذا العام

لازم وقفة