من قتل فوزيه؟

[المهندس هشام كمال الدين]

بسم الله الرحمن الرحيم

من قتل فوزيه؟

أجري الزوج أتصالا الي الشرطه مستنجدا...... ألحقوني.... ألحقوني

جاءت الشرطه علي الفور وحاولت فتح باب الفيلا فوجدته موصدا من الداخل

طلب الضابط من أحد مساعديه كسر الباب والدخول فكانت المفاجأه...........

فوزيه مقتوله بجوار المدفأه المشتعله فقد كان الطقس شديد البروده

وجميع نوافذ الحجره مغلقه وبأستجواب الزوج أقر أنه كل يوم بعد

أن ينتهي من عمله يذهب الي بيت أهل فوزيه ويصطحبها للعوده الي المنزل

ولكن في هذا اليوم لم يجدها فعاد منفردا الي المنزل ظناً منه أنها سبقته الي المنزل

وعندما عاد الي المنزل وطرق الباب فلم يفتح أحد فتوجه الي نافذه في الجهه الأخري من المنزل

فوجد الضباب يكسو الزجاج فمس بيده الضباب ونظر من النافده المغلقه فوجد فوزيه

ملقاه علي الأرض والدماء تملأ المكان.

هنا أحتار الضابط وهمهم قائلا من قتل فوزيه.

والسؤال لك عزيزي القارئ

عند معرفتك بالقاتل أذكر دليلا هاما علي أتهامك

في أنتظار الحل

[بسمه السيد]

اكيد فوزية هى اللى قتلت نفسها لان الباب كان مقفول من الداخل لو كان حد من خارج البيت كان اكيد الباب هيبقى مفتوح او مقفول من الخارج ومش ممكن يبقى زوجها لانه ازاى خرج بعد ما قتلها والباب مقفول من الداخل

[صفيه سعداوى]

أعتقد يا بشمهندس
الزوج هو القاتل لانه كذب فى الاتى
1- الفترة التى يرجع فيها الزوج من العمل لايوجد بها ضباب
2 - الشرطه وجدت جميع نوافذ الغرفه مغلقه

واضح طبعا ان هى دى فوزيه النكديه

[المهندس هشام كمال الدين]

اكيد فوزية هى اللى قتلت نفسها لان الباب كان مقفول من الداخل لو كان حد من خارج البيت كان اكيد الباب هيبقى مفتوح او مقفول من الخارج

يا بسمه
فكري قليلا
من القاتل

[المهندس هشام كمال الدين]

أعتقد يا بشمهندس

الزوج هو القاتل لانه كذب فى الاتى
1- الفترة التى يرجع فيها الزوج من العمل لايوجد بها ضباب
2 - الشرطه وجدت جميع نوافذ الغرفه مغلقه



واضح طبعا ان هى دى فوزيه النكديه


ههههههههههههههههههههه
أنتي عرفتي فوزيه النكديه
وعلي فكره الزوج ممكن يرجع من العمل متأخرا
مش جايز عنده عمل أضافي
بدليل إن فوزيه بتنتظره عندأهلها
فكري قليلا
من قتل فوزيه الله لا يرجعها.

[صفيه سعداوى]

ههههههههههههههههههههه

أنتي عرفتي فوزيه النكديه
وعلي فكره الزوج ممكن يرجع من العمل متأخرا
مش جايز عنده عمل أضافي
بدليل إن فوزيه بتنتظره عندأهلها
فكري قليلا

من قتل فوزيه الله لا يرجعها.



مادمت الزوج طلع برئ من قتل
فوزيه النكديه
يبقى اكيد اتخنقت نتيجه المدفأه المشتعله
الله يرحمها بقى كانت منكده عليه عيشته

[المهندس هشام كمال الدين]

مادمت الزوج طلع برئ من قتل
فوزيه النكديه
يبقى اكيد اتخنقت نتيجه المدفأه المشتعله

الله يرحمها بقى كانت منكده عليه عيشته


لا لا
مكتوب في الفقره السابقه انها غارقه في الدماء
فكري قليلا
شكلنا هناكل عيش النهارده
والزباين مش عارفه تحل
اللغز سهل جدا
بس القراءه الجيده

[صفيه سعداوى]

موضوع فوزيه ده طلع كبير اوى
ههههههههههههه
معقوله تطلع فى الاخر انتحرت
لا طبعا مش معقول
طيب مين هينكد على المسكين
هههههههههه

[sherena]

الزوج طبعا هو القاتل لان الشرطة وجدت جميع نوافذ الحجرة مغلقة طيب وباقى نوافذ الفيلا اكيد قتلها وقفل الباب وهرب من شباك فى الفيلا


امضاء كرومبو

[المهندس هشام كمال الدين]

الزوج طبعا هو القاتل لان الشرطة وجدت جميع نوافذ الحجرة مغلقة طيب وباقى نوافذ الفيلا اكيد قتلها وقفل الباب وهرب من شباك فى الفيلا


امضاء كرومبو

لا يا كرومبو
أحنا هنجم ولا أيه
دي جريمه قتل مش لعبه
فين الدليل
فكروا شويه
وأقرؤا الفقره بتروي
مفيش حد عارف الحل

[بسمه السيد]

حضرتك لم تذكر اشخاص غير الزوج وفوزية والضابط ومساعديه
لو مش الزوج اللى قتلها ولا فوزيه قتلت نفسها اكيد مش معقول الضابط هو او مساعديه اللى قتلوها

يبقى مين ؟

حضرتك اللى قتلتها ولا عمى عثمان بواب الفيلا

[المهندس هشام كمال الدين]

حضرتك لم تذكر اشخاص غير الزوج وفوزية والضابط ومساعديه
لو مش الزوج اللى قتلها ولا فوزيه قتلت نفسها اكيد مش معقول الضابط هو او مساعديه اللى قتلوها

يبقى مين ؟

حضرتك اللى قتلتها ولا عمى عثمان بواب الفيلا

والله مش انا اللي قتلتها أنتي كده هتحبسيني
وكمان عم عثمان برئ دا راجل مسكين
أنا عايزك لما تقولي جوزها اللي قتلها تذكري الدليل من القصه الموجوده
والدليل موجود وهو ده جوهر اللغز
خلاص ..... فكري ومتظلميش عم عثمان
وعشان أساعدك فعلا الزوج هو القاتل والدليل في كلامه!!!!!
ولو مش عايزه تفكري أنا هسلم نفسي أنا القاتل.

[بسمه السيد]

والله مش انا اللي قتلتها أنتي كده هتحبسيني
وكمان عم عثمان برئ دا راجل مسكين
أنا عايزك لما تقولي جوزها اللي قتلها تذكري الدليل من القصه الموجوده
والدليل موجود وهو ده جوهر اللغز
خلاص ..... فكري ومتظلميش عم عثمان
وعشان أساعدك فعلا الزوج هو القاتل والدليل في كلامه!!!!!
ولو مش عايزه تفكري أنا هسلم نفسي أنا القاتل.



ههههههههههههههههههههه


الصراحه انا قررت استنى الحل هو امتى؟

[captin9000]

طبعا القاتل هو المشتبه به الوحيد وهو الزوج .. ولكن يبقى الدليل الذى اعتقد أنه هو كذبه على الضابط فى أنه مسح الضباب من على زجاج النافذة وذلك لاستحالة تجمع الضباب على النافذة فى هذه الحالة لأن الضباب يتجمع على الزجاج البارد والزجاج هنا متأثر بحرارة الغرفة الناتجة عن المدفأة فلا يمكن أن يتجمع الضباب على النافذة

[المهندس هشام كمال الدين]

طبعا القاتل هو المشتبه به الوحيد وهو الزوج .. ولكن يبقى الدليل الذى اعتقد أنه هو كذبه على الضابط فى أنه مسح الضباب من على زجاج النافذة وذلك لاستحالة تجمع الضباب على النافذة فى هذه الحالة لأن الضباب يتجمع على الزجاج البارد والزجاج هنا متأثر بحرارة الغرفة الناتجة عن المدفأة فلا يمكن أن يتجمع الضباب على النافذة

ممكن أقول بجد أنت كابتن
بس أجابتك 90 % وحلك هو الأقرب
بس أسمح لي أن أذكره بطريقه بوليسيه

برافو يا كابتن
هو بالمناسبه الكابتن أسمه أيه؟

[المهندس هشام كمال الدين]

أجابه اللغز
طبعا القاتل هو الزوج
والدليل
القتيله داخل غرفه مغلقه النوافذ والمدفأه شغاله
والطقس بارد
في هذه الحاله سيتكون الضباب علي زجاج النافذه من الداخل
فكيف مسح الزوج الضباب من خارج الغرفه
وهذا دليل كذبه
ويستاهل الشنق
والي اللقاء في لغز آخر
وبرافو يا كابتن.

[captin9000]

أخوك أيمن
مدرس لغة عربية

[المهندس هشام كمال الدين]

أخوك أيمن
مدرس لغة عربية

أهلا وسهلا بك أستاذ / أيمن
وعلي فكره أنا يشرفني معرفه الناس الأذكياء
نورت قسم الألغاز
ولو إنك قطعت عيشي

[بسمه السيد]

الحل كتير جميل بس كان محتاج حد عنده خبره امتى يتكون ضباب

[المهندس هشام كمال الدين]

الحل كتير جميل بس كان محتاج حد عنده خبره امتى يتكون ضباب

مش قولتلك
الحل سهل وعمال أقول أقرؤا الفقره جيدا
وأنت تهمتي عم عثمان
لازم تقولي إن بعد الظن أثم
شكرا جزيلا لمتابعتك
وأراكي في مواضيع أخرى

[بسمه السيد]

اوك اسفه
صحيح (ان بعد الظن اثم)

[captin9000]

الشرف لنا يا باشمهندس .. سعيد بمعرفة حضرتك

[cadbury]

انا كنت متأكد ان الزوج هو القاتل
الرجالة مالهمش امان

[المهندس هشام كمال الدين]

يا سيدي تعيش وتفتكر
أقرأ الفاتحه عليها احسن
شكرا لمرورك

[mostafa 2]

يا بشمهندس /هشام
انا جيت متاخر
وضميرى عذبنى
احب اقولك واعترفلك انى انا اللى قتلت فوزيه مش جوزها الغلبان
سامحنى