كارت --------احمر

[موناليزا]

:18:بعد التحيه:-
زملائي وزميلاتي الاعزاء:-


كلنا عارفين الكارت الاحمر الموجود في الماتشات وخاصة الشباب
يعرفوه اكتر مننا احنا البنات---لكن لو كل واحد فيكم معاه كارت احمر
س---هترفع الكارت الاحمر ضد ايه في حياتك او شغلك او في اي حاجه انت مش قابلها في الدنيا ده كلها؟

يلا منتظره ردكم ويارب الموضوع يعجبكم:38:

[mr.hisham]

موضوع جميل جدًا


أنا أرفع الكارت الأحمر ضد الدكتور أحمد درويش

[mena gerges 123456]

انا ارفع كارت احمر لنفس علشان دخلت كلية التربية من اصلا
دة العامل في المصنع مرتبة 1000جنية وهوه واخد دبلوم ولية وجبه غداء 25 جنية واقامة مجانا ومواصلات مجانا وتامين صحي
ورعاية وزيادة سنوية وممكن يحترف برة في اي دولة وياخد بالادولار كمان
شوفوا احنا هل من مقارنة
اقول انا كان مرتبنا 173 جنية
لازيادة لا مواصلات لا وجبة لا تامين لا رعاية قمة الاهانة
في 1-7-2008
320 فقط في 20-11-2009
امتحان وشوف من الي نجح
2009 icdel
وفي 22-6-2010
حتي الان المصير مجهول ؟
مين الافضل علي العلم كله عمل محترم

[aa_mm]

السلام عليكم ورحمه الله
انا هرفع كارت احمر للموجهه بتاعتى
وياريت تكون سمعانى هههههههههههه

[mr.hisham]

السلام عليكم ورحمه الله
انا هرفع كارت احمر للموجهه بتاعتى
وياريت تكون سمعانى هههههههههههه



لو سمعاكى مش هيحصل كويس


ههههههههههههه

[aliokaly]

انا ارفع كارت احمر لكل المدرسين الثابتين منهم والمتعاقدين
وتصبح المدارس طلبه فقط بدون مدرسين
والحكومة تتعاقد مع مدرسين سكه من الفلبين
يكلفوهم ملايين وملايين
عشان يعرفوا قدرنا حقا اللهم آمين آمين

[ايمان ابو الفتوح]

انا ارفع كارت احمر ضد الوزير وقراراته المتغيره دا فى شغلى اما فى حياتى ارفع كارت احمر ضد نفسى لانى معرفتش اختار اصحابى لانهم طلعوا فى الاخر بتوع مصالح

[مني احمد علي]

ارفع كارت احمر للفوضي (ناس في وادي تبحث عن التعيين وناس في وادي بتبكي من امتحانات الثانوية العامة وناس بتصرف بالملايين وناس مش لاقيين العيش يكلوه وناس تعطي تصريحات رنانة وتنفيذها في خبر كانه)

[naylovepoet]

أما أنا فأنا أحتاج لكارتين وليس كارت واحد أما الأول فهو كارت أحمر للتربية والتعليم فقد طلقتها ثلاثا لأنى مسافر للملكه العربيه السعوديه للعمل كمدرس فى مكه وأما الكارت الآخر فهو للزواج الذى لطالما بحثت عنه منذ ثلاث سنوات وأنا مستعد له ماديا وهو مصر على أن يفر منى فسأتركه أيضا وأسافر حتى يكون هو الذى يطلبنى

مشكورين على الفكرة

[أبوبكر أحمد العملة]

عطاء متميز من شخصية متميزة

بارك الله في وقتك وصحتك ...اللهم آمين

ببوابة التعليم المصرى

وجزاكم الله خيراً

الخدمة الجيدة ....تحتاج الى التسويق الأجود

مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

[E-TEACHER]

كارتى الاحمر اللى هطلعه ......هطلعه لحد فى بالى كده

[اسماعيل]

والله انا محتاج كروت كتير لان كرت واحد مش هيكفي بس اول كرت هطلعة لقانون الطوارئ

[Mr.Trueman]

هو كارت احمر واحد لراس الفساد فى هذا الوطن بعدها كل المشاكل هتنحل لوحدها . اللهم اهلكهم جميعا فانهم لا يعجزونك

[Mr.Trueman]

ممكن اعرف حذفتو مشاركتى ليه؟

[mr.hisham]

ممكن اعرف حذفتو مشاركتى ليه؟


بسبب المخالفات اللى فيها

[المعلم المتطور]

ارفع كارت أحمر لحياتى كلها

[دينا احمد]

انا بقى فى عملى هرفع كارت احمر لموظفين الادارة التعليمية عندنا اما فى حياتى فهرفعه لناس كتييييييييييييرما يستهلوش

[عبدالله حسن رياش]

You can see links before reply
هارفعه في وجه المستهترين

You can see links before reply
هارفعه في وجه المتشائمين

You can see links before reply

هارفعه في وجه للذي لا يعرف للناس قدرهم

[عماد عبد الحميد]

فى البداية أحب أشكر الاخت موناليزا على الموضوع الجميل ده جزاها الله كل خير.
وأسمحوا لى أن أشهر أكثر من كارت أحمر
هرفعه لكل ظالم مش فى البلد دى بس فى العالم كله , هرفعه لكل مسئول لا يحترم رعيته المسئول عنهم , هرفعه لكل جبان بيخاف لأن الخوف بيكون من الله بس مش من حد تانى , هرفعه لكل عامل لا يؤد عمله بإتقان ,هرفعه لكل سلبى , هرفعه لكل واحد تسبب فى إحباط ويأس ملايين .
وأتمنى اليوم الذى يأتى فيه حكم شجاع يشهر كروته الحمراء فى وجه كل هؤلاء بدون خوف أو تردد.

[موناليزا]

ياماشاءالله كل ده كروت حمره طب ممكن كرت ليا هرفعه -- هرفعه
اه هرفعه
ضد الضمير اللي مفتقديني واللي اتركن علي جنب علشان المصالح الشخصيه
ضد كل انسان يبيع ضميره علشان اوهام دنيويه يقابل ربنا بيها يوم القيامه
ازاي
انا مبسوطه جدا ان حضراتكم رديتوا علي موضوعي ومتشكره لكل واحد حط كلمه في موضوعي
والامل في ربنا كبير
ملوش حدود
لئن شكرتم لازيدنكم -----وقد شكرنا وانتظرنا المزيد

[Mr.Trueman]

بسبب المخالفات اللى فيها

يا راجل اتقى الله . ولو سمحت ممكن تعرضها تانى والاخوة يحكموا اذا كان فيها مخالفات ولا لا .
وبلاش الاستبداد بالراى ده.
ولا عشان ضد الفساد الى فى البلد. بجد اول مرة اعرف ان المنتدى له توجهات سياسية معينه وبيفرض رايه على الاعضاء. وممكن كمان المشاركة دى تتحذف عشان كلمة الحق .

[عبدالله حسن رياش]

العضو المحترم savagexx2000
أرجو الهدوء واسمعني
أي حذف لمشاركة لا يقلل من قيمة أي عضو بالبوابة
ثق تمامًا
أن رأيك محل اهتمام لنا جميعًا
ولكن لابد أن نتذكر أنه لا أحد في البوابة من حقه أن يحجر على رأي أحد
ممكن المشرف شايف إن وجودها هنا سوف يثير مشكلات
أو يخرج الموضوع من جو المرح إلى إتجاه آخر
ثق تمامًا أننا
وأنا شخصيًا متحمس لقراءة مشاركاتك

ممكن طلب
عايزك تضحك وما تكشرش تاني

[mr.hisham]

يا راجل اتقى الله . ولو سمحت ممكن تعرضها تانى والاخوة يحكموا اذا كان فيها مخالفات ولا لا .
وبلاش الاستبداد بالراى ده.
ولا عشان ضد الفساد الى فى البلد. بجد اول مرة اعرف ان المنتدى له توجهات سياسية معينه وبيفرض رايه على الاعضاء. وممكن كمان المشاركة دى تتحذف عشان كلمة الحق .


أولا : المنتدى ليس له توجهات سياسية ولكن يجب أن تكون مشاركات الأعضاء على قدر من المسئولية فلا يكون فيها تجاوزات

ثانيا : المشاركة دى ما لم يتم حذفها لأنى أرى أنه لا يوجد بها تجاوزات

[رضاالوادي]

كارت أحمر



انا هارفعوا في وجه التقاليد البالية

[Mr.Trueman]

روى البخاري ومسلم في صحيحهما من حديث بن عمر رضى الله عنهما أن النبي صلى الله عليه وسلم قال: (( إن من البيان لسحراً ))
جزاكم الله خيرا يا استاذ عبدالله.:18::)

[وسام غانم]

للاسف الكروت الحمره اللى مفروض انها تطلع كتير
كارت احمر لكل شخص باع ضميره او ركنه ع الرف
كارت احمر للناس اللى بتذل فى الناس و الموضوع كله مصالح
كارت احمر للنفوس اللى بدات تضعف قدام حاجات مش تستاهل
كارت احمر و كارت احمر و ....................
يارب ييجى اليوم اللى ييجى و الكروت دى مش نحتاج ليها
هتفرق فى حياتنا كتييييييييير
مشكوره موناليزا على الموضوع
جزاكى الله كل الخير