امتحان ولا اصعب مطلوب تعميمه لجميع الاعضاء

[logaina]

انا جيت وجبت معايا حبة أسئله اختراعي وانا اللى صممتها علشان كرسي الاعتراف مخصوص
بصراحه انا جربتها في منتدى تانى ولاقت النجاح والقبول اتمنى تنال اعجابكم :-

السؤال الأول :- (اجباري)
ملحوظه : الاسئله يمكن ان تكون مذكر او مؤنث حسب الضيف

أجب عن الاسئله التاليه:-
أ- ماهو اهم هدف في حياتك تتمنى تحقيقه؟
ب- من هم أقرب الناس اليك بالترتيب؟
ج- ماهى مواصفات فارس احلامك؟
د- ايه اكتر صفه ممكن تجذبك لصداقة معلم / معلمة ؟
ر ماذا تعنى كلمة الثقة بالنفس بالنسبة لك؟؟
وياترى ما درجة ثقتك بنفسك.....كام من عشره 10؟؟؟؟؟ ولماذا؟؟
ه- ايه اللى ممكن تزعل بسببه من واحد صاحبك وماتصالحهوش تانى مهما حصل؟
و- ماالدرس الذي تعلمته من الحياه وكان قاسي عليك؟
ى- صف نفسك كما تراها انت ؟؟
-----------------------------------------------
السؤال التانى :- (اجباري برضه)
ماذا ستفعل لو :-
أ- أصبحت الادمن المسئول عن المنتدى ليوم واحد
ب-أصبحت وزير التربية والتعليم ؟؟

--------------------------------------------
السؤال الثالث:- >>> والله العظيم اجباري هو كمان

أكمل الآتى:-
1-حينما احزن أقوم ب................
2- عند شعورى بالسعاده الخياليه اقوم ب ..............
3- أجد نفسي عندما ...................
4- نقطه ضعفي هى .................. بينما انا قوي جدا في ............
-----------------------------------------------------
السؤال الرابع:-
(اختر 6 من 7 لو تحب يعنى) رحمة وشفقه يلا بدل ماتدعي عليا
عرف التالى من وجهة نظرك ثم اذكر ماذا يمثل بالنسبة لكى مع توجيه كلمه لكل من:-
أ- الحب
ب- الصداقه
ج- المنتدى
د- الحياة
ه - السعاده
و - الرومانسية
ز - مصر


انتهت الأسئله بحمد الله
مع التمنيات بالتوفيق والنجاح
والغش ممنوووووووع

[mr.hisham]

إمتحان صعب جداً

[sherena]

مع انى جديدة بالمنتدى ولكن شكرا جدا على الموضوع

أ- ماهو اهم هدف في حياتك تتمنى تحقيقه؟

الارتقاء باولادى فى التعليم

ب- من هم أقرب الناس اليك بالترتيب؟


ماما--اخى فارس-- زوجى--ابى ----اخى احمد-- اولادى

ماهى مواصفات فارس احلامك؟


ما اتجوزنا وخلاص انا نسيت ان فى فارس احلام

د- ايه اكتر صفه ممكن تجذبك لصداقة معلم / معلمة ؟

اكيد الثقافة

ر ماذا تعنى كلمة الثقة بالنفس بالنسبة لك؟؟


لازم نعلم ابناءنا الثقة بالنفس لان الثقة بالنفس هى اساس تكوين الشخصية

وياترى ما درجة ثقتك بنفسك.....كام من عشره 10؟؟؟؟؟ ولماذا؟؟

8-----لانى بشتغل فى الديكور
ه- ايه اللى ممكن تزعل بسببه من واحد صاحبك وماتصالحهوش تانى مهما حصل؟


مش بحب الخصام و متاكدة ان الزعل له فترة بسيطة والنفوس بتهدى


صف نفسك كما تراها انت ؟؟
صعب ان الانسان يصف نفسه دائما هيجمل فى شخصيته


-----------------------------------------------
السؤال التانى :- (اجباري برضه)
ماذا ستفعل لو :-
أ- أصبحت الادمن المسئول عن المنتدى ليوم واحد

مش فاهمة السؤال

ب-أصبحت وزير التربية والتعليم ؟؟


هجعل التعليم نظام كورسات ومع انى مش مدرسة ولكن بشعر ان السنوات الدراسية غير مرتبطة ببعضها


--------------------------------------------
السؤال الثالث:- >>> والله العظيم اجباري هو كمان

كمل الآتى:-
1-حينما احزن أقوم ب..............اللعب مع اولادى

2- عند شعورى بالسعاده الخياليه اقوم ب ........اقول اللهم اجعله خيررر
3- أجد نفسي عندما ...................اكون بشغلى او مع عائلتى الكبيرة

4- نقطه ضعفي هى ..شيكو ومارينا وفارس................ بينما انا قوي جدا في ....عند حماتى....


-----------------------------------------------------
السؤال الرابع:-
(اختر 6 من 7 لو تحب يعنى) رحمة وشفقه يلا بدل ماتدعي علي

كتر خيرك ايه البذخ ده؟؟؟؟؟؟

أ- الحب ------- احلى كلمه و احلى حاجة حب الناس

ب- الصداقه ----صعب انك تلاقى صديق وفى بس الصداقة هى اسمى كلمة


د- الحياة-----دى قناتى المفضلة

ه - السعاده----احنا اللى بنصنع السعادة لنفسنا

ج- المنتدى ---ولو انى كنت اعتقد ان المنتديات مضيعه للوقت ولكنى بستمتع جدا وانا معاكوا


و - الرومانسية------كلمة خيالية
ز - مصر----- جميلة بس الزحمة و الترااااب و الوساطة؟؟؟؟؟؟


انتهت الأسئله بحمد الله
مع التمنيات بالتوفيق والنجاح
والغش ممنوووووووع
ارجو ان اكون ضيف خفيف

[dalila7777]

أجب عن الاسئله التاليه:-
أ- ماهو اهم هدف في حياتك تتمنى تحقيقه؟
واللهى كتير اوى اولها انى اعيش فى هدوء وسلام
وان امى تكون راضيه عنى
واعمل اسس لحياه قويه
ب- من هم أقرب الناس اليك بالترتيب؟
امى اخواتى
ج- ماهى مواصفات فارس احلامك؟
ما فتكرش ان فى فارس احلام خدهم الوبا
د- ايه اكتر صفه ممكن تجذبك لصداقة معلم / معلمة ؟
الاهتمام بلاخرين ورقه الشعور والقلب الطيب
ر ماذا تعنى كلمة الثقة بالنفس بالنسبة لك؟؟
الثقه بلنفس انى افعل ما يمليه عليه ضميرى ولا اخشى الا الله

وياترى ما درجة ثقتك بنفسك.....كام من عشره 10؟؟؟؟؟ ولماذا؟؟
ثقتى بنفسى من اى ناحيه لان لكل نفس الف جانب من ناحيه العمل مليون فى الميه لانى جاده فيه لكن الحياه لا ادرى عنها شىء لانى ببساطه بنت شرقيه
ما تفدرش تدى لنفسها اكتر من المجتمع سامح بيه يعنى الكلام لو بثقه زايده اوى بيبقى غرور لكن لابد من الجديه يبقى فى العمل مليون فى الميه التواصل مع الاخرين 7 من عشره

ه- ايه اللى ممكن تزعل بسببه من واحد صاحبك وماتصالحهوش تانى مهما حصل؟
الخيانه مخالفه التقاليد
و- ماالدرس الذي تعلمته من الحياه وكان قاسي عليك؟
ان الموت موجود وان ليس كل ما يتمناه المرء يدركه

ى- صف نفسك كما تراها انت ؟؟
طفله اتقجات انها كبيره ومش مقتنعه ابدا ولن يقنعها شىء ابدا
-----------------------------------------------
السؤال التانى :- (اجباري برضه)
ماذا ستفعل لو :-
أ- أصبحت الادمن المسئول عن المنتدى ليوم واحد
حكتب مواضيعى عادى حعمل ايه يعنى

ب-أصبحت وزير التربية والتعليم ؟؟
حدفع تعويض لكل طالب كان فى الدفعه المزدوجه اللى انا كنت منها لانهم سببولنا ضرر نفسى كبير والغى التنسيق واعمل اختبار صعب لكل كليه ومش اى حد بدخلها الا الموهوب فى المجال

--------------------------------------------
السؤال الثالث:- >>> والله العظيم اجباري هو كمان

أكمل الآتى:-
1-حينما احزن أقوم ب................
بلشكوى لله والانعزال
2- عند شعورى بالسعاده الخياليه اقوم ب ..............
التنطيط
3- أجد نفسي عندما ...................
العب مع الاطفال
4- نقطه ضعفي هى خطى الوحش اقوى حاجه عندى هى الاحساس بلاخرين

-----------------------------------------------------
السؤال الرابع:-
(اختر 6 من 7 لو تحب يعنى) رحمة وشفقه يلا بدل ماتدعي عليا
عرف التالى من وجهة نظرك ثم اذكر ماذا يمثل بالنسبة لكى مع توجيه كلمه لكل من:-
أ- الحب
امى بجد انتى الحب اللى عمرى ما عانيت ا منه ابدا
ب- الصداقه
وجدتها وضيعتها فليسامحنى الله
ج- المنتدى
اخوات كتير اوى بحبهم جدا
د- الحياة
حدوته حلوه اوى وطيبه بس عشان نعيشها صح ما نحدش فى بالنا اوى منها
ه - السعاده
انك تسعد غيرك ده كلام حقيقى مش شعارات لو الكل مبسوط حبقى سعيده
و - الرومانسية
ضعف لم اتجرد منه ولكنى احاول
ز - مصر
حبيبتى وترابها فيه ابويا ولو خيرت فى اى ارض ادفن مش حلاقى اطهر من ارضها لانى ولائى الاول ليها


ا