اضحك من قلبك ومن غير زعل.... [الأرشيف] - المنتديات التعليمية

مشاهدة النسخة كاملة : اضحك من قلبك ومن غير زعل....

مسيو وليد عسكر

21-04-2009, 01:54 AM

اضحك وارمي همك .....وفكها وبلاش الوش الخشب ده

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت منه

*****************
مره اتنين مجانين اتفقوا انهم يهربوا من المستشفى
واحد قال للتانى لو لاقينا السور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت.
*******************
مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له وديه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما.
*****************
مره قرية كلها أغبيا........
كان فيها حفره كل يوم واحد يقع فيها عملوا مجلس علشان يشوفوا حل للحفره دي...
قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه
قام التاني قال: احنا نبني مستشفى جنب الحفره علشان يتنقلوا أسرع
قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى
****************
واحد راح يشتري عربية .لقى كل العربيات غالية عليه.بعدين لقى عربية قديمة و عليها تراب كتير بس سعرها مناسب.صاحب المحل قال له العربية دي فيها ميزة هايلة.بص كدة ..وقام مسح بإيده التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي للبيه حالاً..في لحظة كانت كباية الشاي قدام الراجل .قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و..... قام العفريت قال حيلك حيلك إنت فهمت غلط .. أنا شاي و قهوة بس .
*****************
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض.
****************
واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."
************
مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن".
*************
واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق.
*************
مرة حلاق بيعلم ابنه الحلاقة فدخل زبون المحل يحلق دقنه فقال لابنه "لو جرحت الراجل هاضربك" بدأ الابن فى الحلاقة فجرح الراجل فجه الاب يلطشه ألم فابعد الابن نفسه فضرب الزبون، ثم اكمل الابن فجرح الرجل مرة تانية وتكرر نفس الموقف، بعدها جت المرة الثالثة وجرح الرجل فقال للولد "بسرعة وخبي الجرح قبل ان يراه ابوك"

******************
وعلشان مشرفتنا الهمام ترضي عني النهارده
وعلشان متنقلش الموضوع للمحذوفا ت
بهديها الخواطر دي...
1-مشرف خلف توام احتفظ بواحد وحط التاني في
قسم المكرر....
2-مشرف وصلتله فاتوره التليفون كبيره عملها تعديل....
3-مشرف بيتغزل في خطيبته _بيقلها
انتي موضوع عمري ........
انتي مشاركه حياتي ......
انتي كل صلاحياتي....
4-مشرف يريد يعرف حبيبته بتحبه ولا لا دخل على المنتدى
و بدا يحذف في المواضيع واحد بعد التاني
(بتحبني _مبتحبنيش_بتحبني_مبتحبنيش) .....
5-مشرف يريد يطرد عضو مميز من المنتدى
حط في واحد من مواضيعه حشيش وبلغ عنه
معلش اصلي مزاجي رايق النهارده..

طارق ممدوح ذكي محمد

21-04-2009, 02:04 AM

يا روقانك ... ايه الجمال ده

:6:

عجبتني اوي فقرة المشرفين
:27:

مسيو وليد عسكر

21-04-2009, 02:07 AM

ربنا يخليك يا طارق الخير
كلك ذوق وشياكه

س ا يوسف

21-04-2009, 02:09 AM

مسيو وليد عسكر

21-04-2009, 02:14 AM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه
اوعي تكون دي ضحكات شريره متقطعه
هههههههههههه
اشكرك علي مرورك الباسم اخي الحبيب سيف

طارق ممدوح ذكي محمد

21-04-2009, 02:16 AM

وخد دول كمان ع المشرفين علشان استاذه احلام تثبت الموضوع

مشرف عايز يتزوج عضوه قالها ممكن اسجل عندكم في البيت بس ياريت ابوك مايتأخر علي في رسالة التفعيل

مشرف عنده حاله نفسيه(موسوس) كل مايكتب موضوع يحذفه

مشرف كتب كتابه في موضوع وعمل الفرح في منتدى التهاني والتبريكات ووزع على المعازيم اوسمة

مشرف متخانق مع مراته عملها اغلاق

مشرف مردش على الموضوع اختفى في ظروف غامضه

محمد بن عباس

21-04-2009, 02:21 AM

اضحك الله سنك مسيو وليد

مسيو وليد عسكر

21-04-2009, 02:23 AM

طارق ممدوح ذكي محمد

21-04-2009, 02:34 AM

الفقره دي هديه للاخوه الزملكاويه
وخاصة استاذه شمس

واحد زملكاوى متعصب خطب واحدة بيسالها عن عيد ميلادها قالت له 6\1 .................فسخ الخطوبة

اهلاوى اتجوز زملكاوية ستتها

واحد زملكاوى مراتة بتقولة مش انت الراجل الاول فى حياتى . قالها انا زملكاوى ومتعود على التانى

اية الفرق بين الزمالك والتاكسى

التاكسى بيشيل اربعة اما الزمالك بيشيل ستة

مره واحد اهلاوي سال واحد زملكاوي الساعه كام قله سته الا بيبو

مره ولد فرحان جدا عشان نجح ولما ورا ابوه الزملكاوي النتيجه ضربه جدا لييييييه؟؟؟؟؟؟؟

عشان جاب سته على سته

مره واحد زملكاوي خلى المنبه بتاعه على الساعه سته فلما رن المنبه قال بيبو000بيبو000بيبو

واحد زملكاوى بيوقف تاكسى بيقوله 6 اكتوبر فقاله لا ستة واحد

مرة واحد زملكاوى اشترى كيكه طلعله فيها متعب وابو تريكه

مرة واحد زملكاوى فات طلعلة بركات

مره واحد زملكاوي بيوقف تاكسي بيقله ابو العلى يا اسطه قاله لا ابو تريكه يا خفيف

مره واحد زملكاوي راح للترزي قال له فيصلي بدله

مذيعة تليفزيون قابلت شاب فى الشارع سألته سؤال جاوب إجابة صحيحة ،قالتلة تحب يشوف أيه رد بسرعة: أمى الله يرحمها ، ردت المذيعة مستحيل وقالتلة يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك امك أسهل

بيقولك هايشيلوا شبكة موبينيل وفودافون واتصالات من مصر لية ؟؟؟؟؟

هايحطوا شبكة الزمالك علشان بتستقبل أحسن

:18:

Blanche Neige

21-04-2009, 02:37 AM

اتمنالك المزيد من الروقان
عشان تمتعنا بالموضوعات اللذيذه دى
وفعلا انا ضحكت ومن قلبى
عجبتنى جدااااااا حكايه الحفره والمستشفى دى
بجد منتى الذكاء...... تقبل تحياتى

مسيو وليد عسكر

21-04-2009, 02:43 AM

الفقره دي هديه للاخوه الزملكاويه

وخاصة استاذه شمس

واحد زملكاوى متعصب خطب واحدة بيسالها عن عيد ميلادها قالت له 6\1 .................فسخ الخطوبة

اهلاوى اتجوز زملكاوية ستتها

واحد زملكاوى مراتة بتقولة مش انت الراجل الاول فى حياتى . قالها انا زملكاوى ومتعود على التانى

اية الفرق بين الزمالك والتاكسى

التاكسى بيشيل اربعة اما الزمالك بيشيل ستة

مره واحد اهلاوي سال واحد زملكاوي الساعه كام قله سته الا بيبو

مره ولد فرحان جدا عشان نجح ولما ورا ابوه الزملكاوي النتيجه ضربه جدا لييييييه؟؟؟؟؟؟؟

عشان جاب سته على سته

مره واحد زملكاوي خلى المنبه بتاعه على الساعه سته فلما رن المنبه قال بيبو000بيبو000بيبو

واحد زملكاوى بيوقف تاكسى بيقوله 6 اكتوبر فقاله لا ستة واحد

مرة واحد زملكاوى اشترى كيكه طلعله فيها متعب وابو تريكه

مرة واحد زملكاوى فات طلعلة بركات

مره واحد زملكاوي بيوقف تاكسي بيقله ابو العلى يا اسطه قاله لا ابو تريكه يا خفيف

مره واحد زملكاوي راح للترزي قال له فيصلي بدله

مذيعة تليفزيون قابلت شاب فى الشارع سألته سؤال جاوب إجابة صحيحة ،قالتلة تحب يشوف أيه رد بسرعة: أمى الله يرحمها ، ردت المذيعة مستحيل وقالتلة يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك امك أسهل

بيقولك هايشيلوا شبكة موبينيل وفودافون واتصالات من مصر لية ؟؟؟؟؟

هايحطوا شبكة الزمالك علشان بتستقبل أحسن

:18:

احبك وانت اهلاوي
وخد بالك
الزمالكويه مش هيسكتوا
هتلاقي عز وحيد وكريم داخلين عليك بردود جامده
اجهز يابطل للمعركه القادمه

مسيو وليد عسكر

21-04-2009, 02:51 AM

اضحك الله سنك مسيو وليد
اشكرك استاذي العزيز
مرورك العطر ورد نور الموضوع
ربنا يكرمك ويجازيك كل خير

مسيو وليد عسكر

21-04-2009, 02:53 AM

اتمنالك المزيد من الروقان
عشان تمتعنا بالموضوعات اللذيذه دى
وفعلا انا ضحكت ومن قلبى
عجبتنى جدااااااا حكايه الحفره والمستشفى دى
بجد منتهى الذكاء...... تقبل تحياتى
ربنا يخليكي ويبارك فيكي اختي الفاضله
مرورك العطر اسعدني

محمد عبد العظيم وسية

21-04-2009, 03:00 AM

نكته شديدة جدا يا مسيو وليد وفعلا خاااااااااارقة للعادة ..

معظمها جديد جدا بالنسبالي وخاصة نكت المشرفين

ايه بقا ........... احنا هنسيب نكت بلدياتنا وهتبقى النكت الجديدة بقا

تبدأ البداية دي

مره واحد مشرف ..............

والا ايه ؟؟

Mr Gomaa Ashour

21-04-2009, 03:27 AM

خد دى

مرة واحد رخـــم وقع على وشه
قال أحسن
:27::16::18:
مرة واحد رخــــم وقع فى حفرة
قال والله مانى طالع
:27::16::18:

مسيو وليد عسكر

21-04-2009, 03:35 AM

خد دى

مرة واحد رخـــم وقع على وشه
قال أحسن
:27::16::18:
مرة واحد رخــــم وقع فى حفرة
قال والله مانى طالع
:27::16::18:
ياخوفي ليكون قصدك من الرخم ده اخوك وليد
وطالما اتكلمنا عن الرخما
خد دي:
واحد واقف أمام محل عصير وممعهوش غير 25 قرش قال
أشرب عصير ولا أركب الأوتوبيس؟؟ لو ركبت الأوتوبيس يا هقف يا هقعد، لو وقفت مش مشكلة لو قعدت هقعد جنب راجل أو ست، لو راجل مش مشكلة لو ست يا تبقي حلوة أو وحشة، لو وحشة مش مشكلة لو حلوة هطلبها للجواز، لو رفضت مش مشكلة لو وافقت هدفع لها مهر وشبكة وهتخلف عيال ياخدو فلوسي ويطلعوا عيني، وعلى إيه أشرب عصير أحسن ...

MohammeD el_SadaT

21-04-2009, 01:14 PM

:27:
هههههههههههههههههههه
بجد هموت من الضحك
:28:
من كتر الضحك بعيط
ههههههههههههههههههههههههههه

بجد تسلم إيدك يا أستاذ وليد
:6:

السيد سليم

21-04-2009, 02:57 PM

نكات على مشرفين المنتديات

مشرف أجاله توأم احتفظ بواحد وحط الثاني بقسم المواضيع المكرره
ــــــــــــــــــــــــــــــــــــــــ ــــــــــ ــــــــــــــــ

2- مشرف وصلته فاتورة التلفون كبيره سوالها تعديل

ــــــــــــــــــــــــــــــــــــــــ ــــــــــ ـــــــــــــــــــــ

3- مشرف يريد يتغزل بخطيبته كاللها أنتي موضوع عمري .. أنتي مشاركه حياتي .. أنتي كل صلاحياتي

ــــــــــــــــــــــــــــــــــــــــ ــــــــــ ــــــ

4- مشرف يريد يعرف حبيبته تحبه او لا دخل على المنتدى و بدا يحذف بالمواضيع واحد ورا الثاني (تحبني _ما تحبني_ تحبني_ما تحبني....) الى ان صفر المنتدى

ــــــــــــــــــــــــــــــــــــــــ ــــــــــ ـــــــــــــــــــ

5- مشرف يريد يطرد عضو مميز من المنتدى حط بواحد من مواضيعه مخدرات وحشيشة وبلغ عنه
ــــــــــــــــــــــــــــــــــــــــ ــــــــــ ـــــــــ

6- مشرف زعل على حبيبته نزل عليها موضوع بقسم
النكات والضحك

تحياتي

You can see links before reply

السيد سليم

21-04-2009, 02:59 PM

4- مشرف يريد يعرف حبيبته تحبه او لا دخل على المنتدى و بدا يحذف بالمواضيع واحد ورا الثاني (تحبني _ما تحبني_ تحبني_ما تحبني....) الى ان صفر المنتدى

السيد سليم

21-04-2009, 03:00 PM

You can see links before reply

السيد سليم

21-04-2009, 03:02 PM

مشرف كل ما مراته تفتح معاه موضوع يحذفه

مشرف مراته جابت توأم سمي الأول ( مثبت )
و التاني ( منقووووووول )

مشرف ابنه نجح في الامتحان راح ثبته

مشرف اشتري عربية كتب عليها حصريا

السيد سليم

21-04-2009, 03:07 PM

1-خطيبه مشرف كل لما تتصل بيه تطلعلها رساله مسجله _السرفرمشغول حاليا_حاول في وقت اخر

2-مشرف شغال في المروركل مايشوف عربيه مخالفه يديها تقييم سالب

3-مشرف كتب كتابه في موضوع وعمل الفرح في منتدى التهاني والمناسبات ووزع على المعازيم تقييمات موجبه

4-مشرف متخانق مع مراته عملها حظر

7-زوجة مشرف نسيت تحط ملح في الاكل حطلها تقييم سالب

8-مشرف بيتغزل في خطبته _بيقلها انتي موضوع عمري ........انتي مشاركه حياتي ......انتي كل صلاحياتي

10-مشرف عنده حاله نفسيه كل مابكتب موضوع يحذفه

12-مشرف عام موضف في مصلحه حكوميه شرط على كل عضو يكتب مشاركه يحط عليها ورقه دمغه

13-مشرف دخل منتدى المناقشه طلع بخمس غرز وارتجاج في المخ

14-مشرف دخل منتدى القضايا السياسيه قبضو عليه في مظاهره

16-مشرف مردش على الموضوع ده اختفى في ظروف غامضه

امة الرحمن

22-04-2009, 12:45 AM

هههههههههههههههههههه

ربنا يبعد عننا الحزن يارب

وربنا يكرم حضرتك

شمس بياض

22-04-2009, 02:36 PM

يامسيو تصدق ان الضحك غالى

قوى اليومين دول

جزاكم الله خيرا

وعلى فكرة توقيع حضرتك روعه

شكرا ياصعيدى على النكت الزمالكويه
يوم لك ويوم عليك

شمس بياض

30-04-2009, 02:20 AM

دبلوماسي أرسلوه إلى كندا مع زوجته ..

بعد سنة

ولدت زوجته ولد أشقر وعيونه زرق .. سألها :

كيف ؟

ردت عليه : طبيعي وأنا في البلكونة أشوف أشقر رايح وأشقر جاي وتوحمت !

اقتنع الدبلوماسي ....

بعد فترة نقلوه إلى نيجيريا .. بعد سنة ولدت الثاني ولد أسود .. سألها : كيف ؟

ردت عليه : وأنا في البلكونة أشوف أسود رايح وأسود جاي وتوحمت !

واقتنع الرجال ....

لما رجعوا بلدهم بعد كم سنة .. سألته أمة وقال لها القصة ..

قالت الأم : ذكرتني بأبوك يتركني في المزرعة أشوف حمار رايح وحمار جاي وجبتك

واحد اهلاوي قاعد في المدرجات عمال يقول اهلي اهلي الناس اتخضت عليه افتكروه تايه

واحد اهلاوى عطشان ومش عايز يشرب

ليه ياترى

علشان لما يحب يشرب يقول ايه

انبو

انبو

بصراحة
الاهلى

حديد

حديد

حديد

وكلاه

البارومة

انا مسبش تارى

يا استاذ طارق:18:

طارق ممدوح ذكي محمد

30-04-2009, 02:32 AM

عز وحيد

30-04-2009, 05:38 AM

هههههههههههههههههههههههه
موضوع جامد اوى اوى اوى يا مسيو
يا سلام على روقانك لما تكون رايق يا مسيو وليد
امابخصوص المعركة بقى
فهى خلاص ابتدت
كنت ومازلت بحبك يا استاذ طارق بس مع الزمالك لأ مش ممكن اسكت
يلا بقى نبتدى المعركة

استنى المشاركةالجاية

مسيو وليد عسكر

30-04-2009, 05:52 AM

ماشي يا اخت نور
الرد هيكون بعد ماناخد الدوري
ونخلي (البياض والصفار) يلعق انامل الندم وبكره الفره هتاخد البيضه كلها ببياضها وصفارها...
الكبير كبير..
يااهلي يا حبي يا حته من قلبي:18:

عز وحيد

30-04-2009, 06:29 AM

ليه الاهلوية ما بيصوموش رمضان ؟

علشان بيخافوا م الهلال

ليه الاهلوية مابينزلوش بالليل ؟

علشان بيخافوا م النجم

ليه الاهلوية ما بيشربوش ميه ؟

علشان لو عطشوا هيقولوا (إنبو)

ليه مفيش ولا أهلوى انتحر بالنار ؟

علشان لما يولع ف نفسه هيجيب بترول من أسيوط

أهلاوي اخد من المعصرة
القصب في كيس .. قالوا لية ؟

قاله وشك مش وش كااااس

واحد اهلاوى قاعد فى المدرجات عمال يقول اهلى اهلى افتكروه تايه

فى الوقت الى لما كان فريق برشلونة بيلعب بطريقة 4 3 3 الاهلى كان بيلعب بطريقة وانا مالى

ايه الفرق بين الأهلي في الكاس وسنة أولى ابتدائي ؟
كلهم بيطلعوا بدري

دول كده على الماشى يا اساتذة
والمعركة ما زالت مستمرة
:18::18::18::18:
:38::38::38::38:

عز وحيد

30-04-2009, 07:16 AM

عموما انا هرد عليكي باغنية سمعتها من زميل زملكاوي

الراجل بيقول

**************
زملكاوي وبغير من الاهلي

ياما خدوا منا الكاس والدوري

بصراحه من الاهلي بغير

الاهلي فريق بضمير

**************

وبكره ان شاء الله لما ربنا يكرمنا بالدوري رغم تآمر المتآمرين

ههديلك مقال كاتبه اسمه سته في مقابل واحد

طاما بقى دخلنا فى الاشعار والابداع
احب اهدى ليك شوية الكلام الى من الاخر دول يا استاذ طارق

اهلاوي اه يا عيني ----------- دايما كسبان بطولات
و السر بينك و بيني ----------- حكامنا دول شربات
بفلوسنا بندلعـــهم ----------- شقق و عربيـــــات
اوفسيد و بنلاتي و كارت احمر ----------- و البركه في الحركات
و الحظ مننساهوش ----------- ده حبيبنا و منسيبوش
نكسب بجول دربكه ----------- و نصد بالعارضات
عايزين بطوله ناخد ----------- بس بولادنا مفيش
خدنا نص المنتخب ----------- و الباقي من الدراويش
عبد الله و النحاس ----------- و الشاطر و بركات
و تريكه م الترسانه ----------- يخلص الماتشات
لا مؤاخذه متلومنيش ----------- و تفولي سرقت الدراويش
ده ياما نكدوا عليا ----------- 2 و 3 و اربعه
يعني اسيبهم يعقدوني ----------- و اقف ايدي مربعه ؟؟
الا العفريت شيكابالا ----------- رميت تحته الملايين
قرطسني و قال انا جاي ----------- و استني في التمرين
ضحك عليا و سابني ----------- قالك بيتي الزمالك
بقي هي كده يا شيكا ----------- طب خد عندك يا عم
هنشتم و نقل أدبنا ----------- و نقول لعيب يجيب الغم
بس اهو رفع الجزمه ----------- و قلبت بحرقه دم
خلاص هنجيب فتحي ----------- و نخطف عبد ربه
و العقد نشوفله ثغره ----------- و نقولك دي احترافات
اهلاوي اه يا عيني ----------- دايما كسبان بطولات
و السر بينك و بيني ----------- حكامنا دول شربات

طارق ممدوح ذكي محمد

01-05-2009, 01:50 AM

طاما بقى دخلنا فى الاشعار والابداع
احب اهدى ليك شوية الكلام الى من الاخر دول يا استاذ طارق

اهلاوي اه يا عيني ----------- دايما كسبان بطولات
و السر بينك و بيني ----------- حكامنا دول شربات
بفلوسنا بندلعـــهم ----------- شقق و عربيـــــات
اوفسيد و بنلاتي و كارت احمر ----------- و البركه في الحركات
و الحظ مننساهوش ----------- ده حبيبنا و منسيبوش
نكسب بجول دربكه ----------- و نصد بالعارضات
عايزين بطوله ناخد ----------- بس بولادنا مفيش
خدنا نص المنتخب ----------- و الباقي من الدراويش
عبد الله و النحاس ----------- و الشاطر و بركات
و تريكه م الترسانه ----------- يخلص الماتشات
لا مؤاخذه متلومنيش ----------- و تفولي سرقت الدراويش
ده ياما نكدوا عليا ----------- 2 و 3 و اربعه
يعني اسيبهم يعقدوني ----------- و اقف ايدي مربعه ؟؟
الا العفريت شيكابالا ----------- رميت تحته الملايين
قرطسني و قال انا جاي ----------- و استني في التمرين
ضحك عليا و سابني ----------- قالك بيتي الزمالك
بقي هي كده يا شيكا ----------- طب خد عندك يا عم
هنشتم و نقل أدبنا ----------- و نقول لعيب يجيب الغم
بس اهو رفع الجزمه ----------- و قلبت بحرقه دم
خلاص هنجيب فتحي ----------- و نخطف عبد ربه
و العقد نشوفله ثغره ----------- و نقولك دي احترافات
اهلاوي اه يا عيني ----------- دايما كسبان بطولات
و السر بينك و بيني ----------- حكامنا دول شربات

موهوم حبيبي كتير .... عايز افوقه

عايز اقوله كلام .... يشفيه يروقه

انتظر ردي بعد ان ناخذ الدوري باذن الله

لاننا كنادي وجمهور لا نتكلم الا بعد الانجازات :18:

مسيو وليد عسكر

01-05-2009, 02:46 AM

موهوم حبيبي كتير .... عايز افوقه

عايز اقوله كلام .... يشفيه يروقه

انتظر ردي بعد ان ناخذ الدوري باذن الله

لاننا كنادي وجمهور لا نتكلم الا بعد الانجازات

استاذ ورئيس قسم في ردك يا طارق:18:
رد الواثقين وليس المهزوزين
ورغم انك ياعز حبيبي
ورغم اني كان عندي رد كان هيقلب التربيزه فوق راس اي زمالكاوي
ولكني افضل ان اتكلم بالافعال وليس بالكلام
بالمناسبه....
اللي حصل ماتش( الاسماعيلي والزمالك )دي اخلاق كوره او تمت للرياضه بصله ؟عاوز رد موضوعي وليس كلام سازج
مجرد سؤال بريء والله العظيم ولا اقصد اهانه اي زمالكاوي او ااصفراوي
لاني مقدر حالتهم النفسيه من احتكار الاهلي لكل البطولات ...
عموما الكبير كبير والاهلي هو الاهلي رغم انف البيضه (ببياضها ويصفارها)
والرد ان شاء الله في الملعب
كالمعتاد..........
بالمناسبه هو الزمالك ترتيبه كام النهارده ؟

عز وحيد

01-05-2009, 03:36 AM

موهوم حبيبي كتير .... عايز افوقه

عايز اقوله كلام .... يشفيه يروقه
انتظر ردي بعد ان ناخذ الدوري باذن الله

لاننا كنادي وجمهور لا نتكلم الا بعد الانجازات :18:

يبقى للأسف كده مش هشوف رد

يلا يبقى نستنى الرد بقى الدورى الى بعد بعد بعد بعد بعد بعد بعد بعد بعد الجاى ويمكن ما يجيش
هههههههههههههه

وبصراحة مش هلاقى احلى من ده رد

موهوم حبيبي كتير .... عايز افوقه

عايز اقوله كلام .... يشفيه يروقه

اسف يا استاذ طارق بس فعلا كان لازم اقتبس الكلمة ديه بالذات

عز وحيد

01-05-2009, 04:05 AM

استاذ ورئيس قسم في ردك يا طارق:18:
رد الواثقين وليس المهزوزين
ورغم انك ياعز حبيبي
ورغم اني كان عندي رد كان هيقلب التربيزه فوق راس اي زمالكاوي
ولكني افضل ان اتكلم بالافعال وليس بالكلام
بالمناسبه....
اللي حصل ماتش( الاسماعيلي والزمالك )دي اخلاق كوره او تمت للرياضه بصله ؟عاوز رد موضوعي وليس كلام سازج
ماشى ارد رد موضوعى وبدلائل كمان
1 - كريم شمسية لاعب كرة السلة قالها بالحرف احنا عاوزين الجزيرة ياخد الدورى وكان المفروض الحكام يعملوا معانا حاجة يعنى سابوا الماتش للجزيرة مش ده بردوه الندى الاهلى نادى المبادىء
2 - مانويل جوزيه( :confused:) مدرب النادى الاهلى قالها ايضا فى دورى ابطال افريقيا الماضى عندما تأكد صعود الاهلى قال اياكم ان توا للمنافس فرصة ان يفوق طبعا مش عاوزين او مستين حاجة منه بس الكلام نفسه
3 - ابو تريكة ( الخلوق ومن احبه فعا وليس مجرد كلام ) قام بعمل اشارت للجمهور فيما معناه ايضا لن تصعدوا معنا فى دروى ابطال افريقيا
ديه شية دلائل بسيطة كده على الماشى وكمان موضوعية
مجرد سؤال بريء والله العظيم ولا اقصد اهانه اي زمالكاوي او ااصفراوي
لاني مقدر حالتهم النفسيه من احتكار الاهلي لكل البطولات ...
لا ولا يهمك يا مسيو احنا كمان بنرد رد برىء ولا نقصد فيه اهانة اى احمر
عموما الكبير كبير والاهلي هو الاهلي رغم انف البيضه (ببياضها ويصفارها)
والرد ان شاء الله في الملعب
كالمعتاد..........
فعلا كالمعتاد بس خلوا بالكم افتكر الملعب كان ايه حكايته بقاله كام ماتش
بالمناسبه هو الزمالك ترتيبه كام النهارده
طيب وليه ما نسالش سؤال من ناحة تانية
من هو نادى المبادىء فى مصر
وسلملى على المبادىء واحنا مش طرف فى الموضوع
وعلى فكرة يا مسيو لكل جواد كبوة وعلى فكرة ليس بعيد ولكن قريب
كنتوا المركز ال11 مش السادس زينا لاحظ الفرق
؟

فى النهاية احب أكد على حبى لش خصكم يا مسيو حضرتك والاستاذ طارق وده خلاف فى الاراء
والخلاف فى الرأى لا يفسد للود قضية ولا ايه

طارق ممدوح ذكي محمد

01-05-2009, 10:38 AM

فى النهاية احب أكد على حبى لش خصكم يا مسيو حضرتك والاستاذ طارق وده خلاف فى الاراء
والخلاف فى الرأى لا يفسد للود قضية ولا ايه

واحنا كمان بنحبك يا عز ولولا كده لولا اننا بننكشك وعايزين نسمع منك احلى كلام ... قول براحتك واختلف ... الاختلاف ضروره .. فبضدها تتضح الاشياء .

:6:

شوفت يا عز .. القلب نفسه احمر .. ومش عايزني ابقى اهلاوي ..

dream

01-05-2009, 11:35 AM

ههههههههههههههههههههه

الموضوع بقى جامد جدا

الاول المشرفين وانتهى بالاهلى والزمالك

بجد تسلم الايادى

نعمه محمود

01-05-2009, 11:37 AM

حتى لو ما أخدناش الدورى مش مشكلة
الدرع بيصدى من الركنه عندنا في النادى وبنبعته لأى فرقة تلمعه وترجعه تانى

مسيو وليد عسكر

01-05-2009, 12:27 PM

فى النهاية احب أكد على حبى لش خصكم يا مسيو حضرتك والاستاذ طارق وده خلاف فى الاراء
والخلاف فى الرأى لا يفسد للود قضية ولا ايه

برضه ياعم عز هربت من الرد ولفيت ودورت حول الموضوع ...
عموما...الاهلي تاريخ كبير ...انجازا وبطولات وتشريف لمصر في كل المحافل الدوليه...ويكفي انه سنويا بيصنف كافضل فريق افريقي وباحتكار تام
الاهلي اصلا لا يقارن مع اي نادي في مصر لانه ببساطه شديده منطلق وبسرعه الصاروخ للعالميه وكون انه بيلعب في الدوري المصري مع الشواكيش والحناكيش والحرافيش ليس الا انه فريق مصري وده قدره
يعني لما تيجي تقولي امثله حصلت زي حكايه كريم شمسيه وموضوع تريكه اللي انا مش مصدقه ده هو قمه الهروب من المناقشه وقضيه تفويت المباريات تعتبر سبه في حق النادي والجمهور لانك بتتبع مبدا ميكافيلي الغايه تبرر الوسيله وافتكر ياعز ان الاهلي حن عليكم في بطوله افريقيا ومارضاش يكسب واكتفي بالتعادل عشان يمنحكم الامل ولكن البهوات والموظفين اللي في الزمالك اكلوا علقه سخنه مع نادي افريكا سبورت علي ما اتذكر يعني لو كان الاهلي قطعكم في مصر كان قضي علي امالكم ولكن رافه بولاد العم لعبنا علي الهادي وقولنا ياهادي احنا وولاد عمنا علي الغريب والغريبه ان فيه ابواق زمالكاويه كانت بتطالب الاهلي بتفويت المباره ولكن حسام البدري رفض الفكره والكلام نفسه لان الاهلي اداره محترمه ولكن اللاعبين انفسهم في الملعب اشفقوا علي جمهور الزمالك المسكين من ضياع كل شيء ولكن هنقول ايه ..لما تلاقي نادي بيتعلم عليه من طوب الارض حتي انديه الدرجه التانيه مارحمتوش (بني عبيد لو تفتكر ) اكيد هيكون تصرف الزمالك كده مع محتكر البطولات ويحاول انه يدمره وباي وسيله
والغريبه انك تلاقي واحد زمالكاوي طويل عريض كده ويقولك الاسماعيلي هيقطعكم وفرحان اوي بنفسه (بيفكرني بالمثل الشعبي القرعه بتتباهي بشعر بنت اختها ) طب ياعم الزمالكاوي فين فريقكم خلوه يجي يقطعنا بدل ماتيجي من الغريب:)
كان زمان الزمالك نادي جامد ايام شحاته وطه بصري والجيل الجميل ده وكان الاهلي بيعمله حساب وكان فعلا منافس قوي للاهلي لكن الان صعب نقول منافس والمنافس الحقيقي للاهلي للاسف لسه مش موجود في مصر حاليا واي اجتهاد من بتروجيت او الاسماعيلي لا يرقي لمستوي المنافسه لان الاهلي بيخسر باقدام لاعبيه وليس لمهاره الفرق الاخري..
الاهلي اجهد ولاعبيه محتاجين احلال وتبديل وللاسف جوزيه مصمم علي نفس اللاعيبه وده اللي مخلي مستوي لاعيبي الاهلي متراجع هذه الايام ولكل جواد كبوه
عموما برضه مش هنتكلم كتير
كلها ايام ويعلن بطل الدوري
ووقتها نتكلم بس ماتجيش وتقولي حكام وكلام مايدخلش العقل...
قولي ياعز ..
اخبار قناه الزمالك ايه ؟:)

شمس بياض

01-05-2009, 02:08 PM

مسيو وليد عسكر

01-05-2009, 02:25 PM

يااااااااااااااااااااااااه يا مسيو
يخرب بيت اللى يزعلك
كله دا من الصعايده
بجد انا مكنتش قصدى الموضوع يولع كده
لكن قصدى رد فقط على الاستاذ طارق
ونكته على الزمالكاويه

دا انت بتعشق الاهلى بجد
نصيحه منى بقى

احبب حبيبك هونا ما
فلربما يكون بغيضك يوما ما
وابغض بغيضك هونا ما
فلربما يكون حبيبك يوما ما
خليك هادى------------انت كاتب العنوان من غير زعل

خلاص

مش ممكن نكون تانى

الا زمالكاويه :16::16::16:
والله يا اخت نور احنا بنحب الزمالكويه واخواتنا وحبايبنا ومالناش بركه الا هما..واي زمالكاوي علي عيني وراسي بس يشجع ويشهد بالحق
يكفي اننا بتفرح كل سنه علي حسكم مرتين وساعات ربنا بيكرم وبتكونوا معانا في بطولات تانيه عير الدوري والفرحه بتزيد وتزيد
انا مشوفتش فرق في العالم بيفرح بالتعادل مع الاهلي الا الزمالك ويصرف مكافئات كمان الا الزمالك وبيقولوا فريق منافس طب تيجي ازاي دي :)؟
وبعدين انا لسه ماتكلمتش....
انا لو حد زعلني اجيب اي عضو جديد معايا في منتدي الاهلي وبفضل الله يرد علي عشر زمالكويه مع بعض....بالعكس انا سعيد بانتمائكم للابيض والانتماء قضيه انا بشجعها ولكن قلب الحقائق ومسانده الباطل امر ارفضه
كنت افضل ان اري نقدا واستهجانا من جمهور الزمالك لتفويت ماتش الاسماعيلي ولكن للاسف الغايه تبرر الوسيله المهم ان الاهلي لا يحتكر البطوله كالعاده....:16:
عموما التقيل وراا.....
وعمده الاهلاويه مستر اسامه لسه مدخلش..
انا مش هتكلم كتير....نخلي الكلام لما ناخد الدوري ان شاء الله

طارق ممدوح ذكي محمد

01-05-2009, 02:40 PM

استاذ وليد هادي جدا وبيتكلم بروقان وثقه اللي متعصب صحيح هو حضرتك يا اخت شمس و علشان كده قولت اجبلك القصيده دي يمكن تهديكي شويه

يافريق الزمالك
يا جايب المهالك
لجمهورك العظيم
لا نافع مدرب
ولا.. لاعب مشطب
مكسح مكحكح سقيم
يخبط ويضرب
زمايله في ملعب
شيطان ورجيم
يقولك فلوسي
وبعالج ضروسي
من سوسي الغريم
وعقدي المزور
وعقدي السليم
وكل ماتش يهرب
خايف يتعب
وباقى التيم
يتعمد الهزيمة
بعادته اللئيمة
بلعبة قديمة
مالهاش أي قيمة
في كل ماتش هيه
اللعبة منتهيه
هزيمة ياتعادل
ومكافأة
للمكسح
والمكحكح
العايش في النعيم
والخيبه للى شجع
فريق لازم يتقطع
يتبعزق زي البرسيم

Mr Gomaa Ashour

01-05-2009, 02:55 PM

الأهلى حديد الأهلى حديد
الزمالك حديد الزمالك حديد
الإسماعيلى حديد الإسماعيلى حديد
المصرى حديد المصرى حديد
انبى حديد انبى حديد
........حديد............حديد

مسيو وليد عسكر

01-05-2009, 03:08 PM

خف عليهم بقي ياعم طارق
كفايه كده ....هنبقي احنا وفرقتهم المكسحه
راعي حالتهم النفسيه:28:
الضرب في الميت حرام

صلاح

01-05-2009, 03:19 PM

مرة واحد اتنين تلاتة

عز وحيد

01-05-2009, 07:05 PM

واحنا كمان بنحبك يا عز ولولا كده لولا اننا بننكشك وعايزين نسمع منك احلى كلام ... قول براحتك واختلف ... الاختلاف ضروره .. فبضدها تتضح الاشياء .

:6:

شوفت يا عز .. القلب نفسه احمر .. ومش عايزني ابقى اهلاوي ..

ربنا يخليك يارب يا استاذ طارق من القلب للقلب والله

انصحك يكون قلبك قلب ابيض

عز وحيد

01-05-2009, 07:23 PM

سوف يتم الرد تباعا على كل المشاركات

ولكن اعتذر لو تأخرت شوية

بس مش هسكت وعندى ردود لكل كلمة اتقالت

خاصة اسئلتك يا مسيو وليد

واشعارك يا استاذ طارق

انتظرونى

بس اوعل حد يمشى

zizo2_2

01-05-2009, 07:43 PM

ههههههههههههههههههههههه

اضحكتنا استاذنا
بارك الله فيك

مسيو وليد عسكر

01-05-2009, 11:00 PM

سوف يتم الرد تباعا على كل المشاركات

ولكن اعتذر لو تأخرت شوية

بس مش هسكت وعندى ردود لكل كلمة اتقالت

خاصة اسئلتك يا مسيو وليد

واشعارك يا استاذ طارق

انتظرونى

بس اوعل حد يمشى
منتظرين ياباشا
هات كل الزمالكويه وتعالوا كلكم
وانا منتظركم وهرد عليكم
نفر مفر

شمس بياض

02-05-2009, 01:44 PM

ياجماعه احنا خرجنا عن نص الموضوع( معلهش هاتعدى حدودى علشان مش نزعل)
احنا كفايه زعل فى حياتنا الكثير

الموضوع نكت وضحك مش اكتر

ومناقشه الزمالكويه والاهلويه

الاتنين حلوين الاتنين غاليين محتاره اشيل من وولا مين من المنتدى هههههههه

خلاص بقى نرجع للموضوع

واحد لا دول اتنين بلدياتنا قبلتهم مذيعه

سالت الاول : مصر بالنسبة لك تمثل مين؟

رد عليها وقال : مصر دى أ مى

وقالت للتانى مصر بالنسبه لك تبقى مين ؟

فقال لها : انت اتجنيت ولا ايش عايزانى اجيب سيرة ام صحبلى على الهوا

مسيو وليد عسكر

04-05-2009, 12:23 AM

ياجماعه احنا خرجنا عن نص الموضوع( معلهش هاتعدى حدودى علشان مش نزعل)
احنا كفايه زعل فى حياتنا الكثير

الموضوع نكت وضحك مش اكتر

ومناقشه الزمالكويه والاهلويه

الاتنين حلوين الاتنين غاليين محتاره اشيل من وولا مين من المنتدى هههههههه

خلاص بقى نرجع للموضوع

واحد لا دول اتنين بلدياتنا قبلتهم مذيعه

الاول : مصر بالنسبة لك تمثل مين؟

رد عليها وقال : مصر دى أ مى

وقالت للتانى مصر بالنسبه لك تبقى مين ؟

فقال لها : انت اتجنيت ولا ايش عايزانى اجيب سيرة ام صحبلى على الهوا
مافيش اي زعل ولا حاجه
احنا بنهزر مع حبايبنا الزمالكويه
وبصراحه خايف عليهم
اخر الاحصائيات اثبتت ان مرضي القلب معظمهم زمالكويه

طارق ممدوح ذكي محمد

04-05-2009, 12:28 AM

مافيش اي زعل ولا حاجه
احنا بنهزر مع حبايبنا الزمالكويه
وبصراحه خايف عليهم
اخر الاحصائيات اثبتت ان مرضي القلب معظمهم زمالكويه

اه .. وكمان المرضى النفسيين

واحد زملكاوي راح لدكتور نفساني وبعد ما ابتدى المريض يتكلم ويطلع اللي جواه

بص ........... لقى الدكتور غرقان في العياط ومدد جنب المريض

المريض قاله : معلش يا دكتور ما كنتش اعرف انك انت كمان زملكاوي

:28:

عز وحيد

04-05-2009, 05:25 PM

انا كنت ناوى التزم بالتهدئة الى عملتها الاستاذة شمس

عشان زملكاوية كبيرة وما ينفعش اكسر كلامها

بس خلاص بقى يا استاذة شمس انا اسف مضطر اكسر الهدنة لان اطرف التانى

الى كسرها

الموضوع خرج من ايدى

اذن فهى الحرب ( بهزر يا جماعة اوعى حد يفتكر حرب بجد انا مش حمل ضرب )

ونقول بقى الى جوااااااااااااااااااااااانا

ونقول كل حاااااااااااااااااااااااااااااااااااااااااااجة

انتظرووووووووووووووووووووووووووووووووووووا