الكفاح في سبيل الشك " مصر هتفضل غالية عليا"

[مريم مدكور]

ذهبت الى الاكاديمية فرع بورسعيد اليوم الخميس 3/6/2010
وقدمت صورة طبق الاصل مختومة بختم النسر من icdl لي ولبعض زملائي واستفسرت من مدير الفرع المحترم عن بعض الاسئلة التى تدور بخلدنا جميعاً وكان الحوار كالتالي :

بعد صباح الخير والتحيات :18:

انا : يافندم دي الخطوة الاخيرة للتثبيت؟:18:
المدير المحترم : لسه محدش يعرف اذا كان تثبيت على درجة مالية أو عقد جديد بوظيفة معلم
انا : يا فندم طلبتوا مؤهل تربوي شقينا وكافحنا و عملناه
طلبتوا icdl شقينا واتبهدلنا وعملناه
طلبتوا تجهيز ملف الترخيص يحتوى على فيش وتشبيه وبيات تقييم داخل الفصل من الموجه والناظرو ..و ..
واتمرمطنا هنا وهناك وشقينا وعملناه
اعملوا استطلاع امن و شقينا وعملناه
طلعوا الرقم التأميني وطلعناه
املأوا استمارة في المديرية ومليناها
امتحنوا كادر 20/11 وذاكرنا وتعبنا وشقينا ونجحنا
ايه اللي جاي بالضبط ؟:7:
المدير المحترم :يابني احنا احرص على مصلحتكم منكم
انا : يعني يافندم شهادة الصلاحية "رخصة معلم " هناخدها امتى ؟:7:
المدير المحترم : محدش يعرف اذا كانت شهادة ورق ولا امرتنفيذي يوجه للمديريات .
انا : شكراً يا فندم
وخرجت وانا في حالة من الحيرة والشك ووجدت نفسي اهتف من الاعماق :

مصــــــــــــــــــــــــــــــــــــــــــــــــ ـــــــر
مصــــــــــــــــــــــــــــــــــــــــــــــــ ـــــــــــر
تحيا مصــــــــــــــــــــــــــــــــــــــــر

[سام سام]

دا عادى خالص وعلى راى المثل (تبقى انت اكيد اكيد فى مصر) والله انا بحس ان الناس دى بتحقد علينا وزى اللى مش عايزنا نتعين او مستكتريين علينا التعين او عايزين يبقى هما الى متعينين بس مش عارف بس حاجة غريبة جدا
هم بيعملو فينا كدا لية؟؟؟؟؟؟؟؟

[مريم مدكور]

دا عادى خالص وعلى راى المثل (تبقى انت اكيد اكيد فى مصر) والله انا بحس ان الناس دى بتحقد علينا وزى اللى مش عايزنا نتعين او مستكتريين علينا التعين او عايزين يبقى هما الى متعينين بس مش عارف بس حاجة غريبة جدا
هم بيعملو فينا كدا لية؟؟؟؟؟؟؟؟
استاذي الكريم اتفق معاك في الجملة الاولى من كلامك بان هي دي مصر
واختلف في الباقي مافيش حقد ولا استكتار لان كل الموظفين اللي بنتعامل معاهم مفيش في ايديهم حاجة هم لا حول لهم ولا قوة هيعملولنا ايه يعني؟؟ بجد والله يا خويا القرار من فوق اوي من عند الوزير " وزير ايه بالضبط ؟؟ههههه برضه محدش يعرف اذا كان وزير التعليم ولا التنمية الادارية ولا الوزير المحافظ !!!" مش تقولي حاقدين لا يا استاذي بلاش كده , وانا والله مقدر حرقة الدم اللي انت واحنا فيه ؟ بس هنقول ايه
" مصر بتعلمنا نتعب من اجل المجهول لا من اجل اليقين !!!"

[عماد عبد الحميد]

انا لله وانا اليه راجعون وحسبنا الله ونعم الوكيل

[حازم دهب]

نفسى اعرف الساده مدراء فروع الاكاديميه مش عارفيين امال مين يعرف

[mr.hisham]

حسبى الله ونعم الوكيل