المساعد الشخصي الرقمي

مشاهدة النسخة كاملة : ياريت تقرا كلامى للأخر !!!!! وفى الاخر أفيدونى أفادكم الله



ابو معتز
31-05-2010, 03:46 AM
بعد ما قرأت الخبر التالى فى الكثير من المنتديات والصحف الالكترونيه الخبر اللى بيقول
" نشرت صحيفة الاهرام المسائي ان الدكتور أحمد زكي بدر وزير التربية والتعليم أعلن أنه سيتم تعيين جميع المدرسين الذين يعملون بالحصة وأصحاب العقود المؤقتة ويصل عددهم إلي نحو‏75‏ ألف مدرس‏،‏ وقال إنه يجري حاليا حصر أعداد هؤلاء المدرسين تمهيدا لاحتواء القرارات اللازمة بتعيينهم‏.‏
جاء ذلك‏‏ في رد الوزير مساء الثلاثاء على ‏58‏ طلب إحاطة امام مجلس الشعب حول السياسة التعليمية‏.‏"
انتابتنى الفرحه والخوف وفى نفس الوقت مقترنه بالقلق اللى طير النوم من عينى
انا أعمل مدرس بلأجر العام ين الدراسيين 2008/2009 و 2009 / 2010 وكنت على رأس العمل ولله الحمد اشادة بى ادارة المدرسة والموجهين اللى زارونى والطلبه الحمد لله كانت لى بهم علاقة طيبه لانى لا استخدم سوى طريقة الصديق فى التدريس وليس المعلم الصارم ولكن هناك من هدم عزيمتى وقال لى " هو انت بتصدق كل اللى بيتقال ماحنا بنسمع الكلام ده على طول .. الخ "
اصدقائى :- عملت مدرس علوم بالحصه فى مدرسة تبعد عنى ساعة تقريبا " مواصلتين " وبركب عربية فى الصندوق عشان اوصل وبصرف فى اليوم اللى بروحه اكتر من 5 جنيه وفى نفس الوقت المرتب لا يتعدى 50 جنيه والله العظيم اشتكيت كتير فى الادارة ولكن كله كان بيخدرنى ويقولى ربنا يسهل والكلام المعسول ده .
خلاصة الموضوع اين الحقيقة فعلا فيه تعاقدات وهل تنطبق على الشروط هل هيجى فى يوم وامسك فلوس الحكومة بايدى ومتكونش عشرات وتبقى مئات هل سيكتب اسمى فى الحكومة مدرس هل سيتغير خانة الوظيفة فى بطاقتى من باكالوريوس علوم وتربية الى مدرس مساعد اتخبط واتلعثم عندما اريد أن اتحدث فى الموضوع .
مشكلتى مشكلة ناس كتيرة زى مابيقول الخبر 75 الف بس هما كتيير
صابرين محتسبين
بيشتغلو من غير فلوس حبا فى المهنة مش فى الفلوس ولكن بيتعبو
لابد ان تطبق السياسة الصح كما قال رسول الله " اعطى الاجير حقه قبل أن يجف عرقه " بيتعب ياخد مفيش مانع وزيادة لان المدرس بيعمل اكثر من الدكتور والمهندس ... الخ قدامة جيل بحاله


المهم بعد الاطاله الطويلة والكلام الكتير
عايز اعرف الصح فين
بعد صبر سنه واتنين عايزين نكون بالعقود مميزين
ولا هنفضل كده مش عارفين شمال من يمين
ولحقنا كده سايبين وعليه نايمين
لازم نقوم نجرى ونكون واثقين
ان اللى له حق اكيد هايخده بس نشكى لمين
اكيد نشكى لربنا هو عالم باللى فى الازين والبطين
مادام احنا للغلط شايفين
وللصح عايزين
منقومش قومه واحده وفيها نكون ناصحين
ماقالو فى الامثال الكتره تغلب الشجاعة
ولو قومنا هيكونو خايفين
واكيد اكيد لو قمنا لحقنا مش هنكون سايبين



محمود البنا
أبو معتز
مدرس علوم بالحصه سابقا " مفصول حاليا "
طنطا / الغربية/ جمهورية مصر العربية / قارة افريقيا / الكرة الارضية/ المجموعة الشمسيه
:confused::confused::confused::confused::confused: :confused:

محمود عبدالمجيد مرزبان
31-05-2010, 04:01 AM
هون علي نفسك

أبا معتز

إن بعد العسر يسر

ولاتيأس من روح الله

إن رحمة ربك قريب

فبإذن الله الفرج قريب

تمنياتي لك ولأمثالك

التوفيق والثبات

حتي يأتي التثبيت

mr.hisham
31-05-2010, 03:18 PM
ربنا فوق الكل

M.Ahmed Elsaid
31-05-2010, 03:45 PM
يا بخت اللى اتعين بالواسطة فى زمن الوزير السابق

والله مشكلتك مشكلة ناس كتير اوى اوى

لا تيأس من رحمة الله وتفاءل بالخير

شهر 7 مش بعيد وطالما انت على رأس العمل فلك الاولوية والاحقية بالعقد المميز

خليك عنيك دايما على الادارة بتاعتك والتوجيه وان شاء الله خير

Mr.Trueman
31-05-2010, 03:54 PM
ان شاء الله خيــــــــــــــــــــــــــــــــــــــــــر

أبوبكر أحمد العملة
31-05-2010, 04:53 PM
الاستاذ الفاضل / محمود البنا

بارك الله لك ....في كل لحظة وثانية ودقيقة وساعة ويوم وشهر وسنة

ببوابة التعليم المصرى

وجزاكم الله خيراً

الخدمة الجيدة ....تحتاج الى التسويق الأجود


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

وسام غانم
31-05-2010, 08:09 PM
ربنا يقدم لك اللى فيه الخير
ان شاء الله

ابو معتز
01-06-2010, 12:56 AM
هون علي نفسك

أبا معتز

إن بعد العسر يسر

ولاتيأس من روح الله

إن رحمة ربك قريب

فبإذن الله الفرج قريب

تمنياتي لك ولأمثالك

التوفيق والثبات

حتي يأتي التثبيت





شكرا جزيلا على المرور
وارجو من الله أن تكون مسرور
وأن يجعلك صابرا صبور
شاكرا شكور
وبجنته مأجور

ابو معتز
01-06-2010, 01:01 AM
ربنا فوق الكل

ربنا موجود وفوق الكل
ولما هلاال العدل يهل
ومنبقاش مثال للزل
هتبقى حياتنا زى الفل
شكرا لمرورك

ابو معتز
01-06-2010, 01:03 AM
يا بخت اللى اتعين بالواسطة فى زمن الوزير السابق

والله مشكلتك مشكلة ناس كتير اوى اوى

لا تيأس من رحمة الله وتفاءل بالخير

شهر 7 مش بعيد وطالما انت على رأس العمل فلك الاولوية والاحقية بالعقد المميز

خليك عنيك دايما على الادارة بتاعتك والتوجيه وان شاء الله خير


الواسطه آفة من يداويها
مفيش غير ربك يقدر عليها

شكرا لمرورك الكريم

ابو معتز
01-06-2010, 01:08 AM
الاستاذ الفاضل / محمود البنا

بارك الله لك ....في كل لحظة وثانية ودقيقة وساعة ويوم وشهر وسنة

ببوابة التعليم المصرى

وجزاكم الله خيراً

الخدمة الجيدة ....تحتاج الى التسويق الأجود


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم


اتشرف بإنتمائى لبوابة المعلم المصرى
واتمنى الاقى فيه كل جديد وحصرى
اشكرك لمرورك وعواتك وافيدنا بالجديد ربنا يكرمك ويعطيك مايحرمك

ابو معتز
01-06-2010, 01:11 AM
ربنا يقدم لك اللى فيه الخير
ان شاء الله


ربنا يقدم اللى فيه الخير
بس يكون فيه مسئول عنده ضمير
يوندعى كلنا ربنا يسهلنا كل عسير

شكرا لمرورك

ابو معتز
01-06-2010, 01:16 AM
ان شاء الله خيــــــــــــــــــــــــــــــــــــــــــر


الخير فى وفى امتى الى يوم القيامه
رسول الله محمد صلى الله عليه وسلم

بس ارجو من اى حد عنده جديد يبشرنا بالخبر السعيد عشان يبقى يومها بالنسبالى يوم عيد وده شئ اكيد بالتأكيد

رضاالوادي
01-06-2010, 12:25 PM
الحمد الله عل كل حال
استغفر ربنا كتير وربنا ومع الكل

سنا مصر
01-06-2010, 08:34 PM
يااااااااااااااااااااااااااااااااااااااااااه من سنتين!!!!!!!!!!!!................. ربنا معاك
أنا بقالليييييييييييييييييييييييييييي سنين!!!!!!!!!!!!!!................ وربنا معايا
اتعشم فى وجه كريم وبإذن الله هيعوضنا باللى فيه الخير،
تعرف حضرتك انى اشتغلت قبل ما يقرروا المكافأة للعاملين بالأجر وكنت بأقبض على السنه كلها 260 جنيهاً فقط .

ابو معتز
02-06-2010, 12:07 AM
يااااااااااااااااااااااااااااااااااااااااااه من سنتين!!!!!!!!!!!!................. ربنا معاك
أنا بقالليييييييييييييييييييييييييييي سنين!!!!!!!!!!!!!!................ وربنا معايا
اتعشم فى وجه كريم وبإذن الله هيعوضنا باللى فيه الخير،
تعرف حضرتك انى اشتغلت قبل ما يقرروا المكافأة للعاملين بالأجر وكنت بأقبض على السنه كلها 260 جنيهاً فقط .

فيه مثل بيقول " اللى يشوف بلاوى الناس تهون عليه بلوته "
اهى كلها بلاوى مبليين بيها
وربنا معانا ونعديها

على فكره انا قبضت الترم الاول 89 جنيه والله والترم التانى موقوف مرتباتنا عشان فى تحقيق فى النيابه الاداريه مع الموجه بتاعنا لانه كان المفروض نتعاقد مكافأه شامله مش بالحصه بس عشان يخدم ناس كتير خلاها بالحصه اللخخخخخخ

على فكره بإذن الله أنا متفائل جدا بالوزير احمد ذكى بدر
بس الى مخوفنى انه قال ان فيه قرار صدر فى اغسطس 2008 بتعيين المدرسين وأنا عملت 2008 \ 2009 واللى بعده خايف بقه يتلككم فى دى

ربنا معانا ويصبرنا عليهم

وشكرا لردك الكريم
واللى مزعلنى ان كل اللى بيشتغلو بالحصه عندهم ضمير وبيحبو التدريس جدا وعندهم خبرة وهما الاحق بالتعاقد على الله يكونو مراعيين كده
وشكرا مرة تانيه لسة الصدر

ابو معتز
02-06-2010, 12:17 AM
الحمد الله عل كل حال
استغفر ربنا كتير وربنا ومع الكل

سيد الاستغفار " اللهم انت ربى لا اله الا انت خلفتنى وانا عبدك وانا على عهدك ووعدك ماستطعت اعوذ بك من شر ماصنعت ابوء لك بنعمتك على وابوء بذنبى فاغفرلى فانه لايغفر الذنوب الا انت "
الحمد لله على كل حال بس اللى انا عايزه عايز اشتغل مدرس بحب التدريس جدا ومؤمن بشرف ومواثيق المهنة الجلية العالية المقام وأرجو من الله ان يجعلنى مثل جيدا يحتذى به كما ارجو من الله ايضا ان يحسن ختامى وأن يجعل اخر عهدى بالدنيا توصيل العلم والمعرفه للناس
وشكرا على ردك ومرورك