دلع زوجتك بـ 59 طريقة

[أشرف السيد]

السلام عليكم

لحد امتى هنفضل نأخذ الدلع من الزوجات

وننسى حقوقهم علينا

لا يجب لوقفة

بجد كل المواضيع تنادي بحقوق الزوج

وكيف تسعد المرأة زوجها

58 طريقة لاسعاد زوجك


انا بقي النهاردة هقول لك يا رجل كيف تسعد زوجتك

زوجتك لها حق عليك

والمفروض انت تعطيها 59 علشان تعطيك 58

ومش لازم تأخذ منها 1 حتى من 58

كفاية تعبها ليل ونهار مع الاولاد

كفاية سهرها وانتظارك

كفاية تجهيزها للطعام

كفاية انت بتحفظك وانت مش في البيت

كفاية انها بتفكر وشغالة عقلها طول الصبح هتجهز غداء ايه لسيادتكم

كفاية انها مش بتأكل طول ما انت برة

كفاية انها بتكوي وتروق وتنظف

كفاية انها بتفكرك بزيارة اهلك واهلها

كفاية انها بتحافظ عليك وبتخاف عليك من اي مكروه

كفاية انها زوجة لك انت يا رجل

كفاية بجد نكران لتعبها

كفاية بجد

يكفيك يا رجل ان الرسول صلى الله عليه وسلم قال ( خيركم خيركم لأهله, وأنا خيركم لأهلي )

اقول 59 طريقة لكم يا رجال كيف تسعدون الزوجات

لا مش هقول

انا هسيب الرجال بجد كل واحد يقول طريقة

في انتظار الطريقة

[أشرف السيد]

الطريقة الاولى

كلمة ( وحشتيني )

هي سحر وبلسم عند دخول المنزل بعد القاء السلام

وتفعل ما لا تستطيع فعله الهدايا

[شريف]

هوا يوم باين من أوله
رجالة المنتدي بيتسحبوا من تحت ايدين الجيش بتاعنا واحد ورا التاني


طيب
عشان خاطرك انت بس يا ابو ادم

هناخد هدنة شوية

و هقولك علي طريقة ندلع بيها الزوجة

هدية بسيطة أد سلسة و خاتم دهب عيار 24
و تلبسهم لها بنفسك

بعد ما تغمض لها عينيها و انت بتهمس في اذنها

بكلمات رقيقة رقراقة مليانة حب


و علي حسب شغلتك و انت و شطارتك بقا


السكرتير:يا ملف وجداني

طبيب الاسنان:يا حشوة قلبي

الرسام: ياأحلى لوحه

التاجر: ياأغلى بضاعه

الطبيب: يابنج قلبي

الصيدلي: يابلسم الفؤاد

رجل العقار: ياأحسن صفقه

العسكري : يا سلاح روحي

الصائغ: ياعقد ثمين

بائع المكسرات: يالوزتي

الفلكي : يانجمتي

المحامي: ياسجن فؤادي

الشاعر: ياقصيدتي

الموظف: يا مرتبي يا مكتبي يا حوافزي

البقال: ياعسل

الخباز: ياطحيني


بائع العطور: يادهن العود

النجار: يامسمار قلبي

الزبال: ياأحلى علبة

صياد البحر: يامحارتي

صياد البر: ياغزالي

مدرس اللغه: ياأحلى جمله

بايع الفواكه : ياموزه مقشره

الضابط: ياضابطة إشارات قلبي

الحداد: ياحديدتي

سائق التاكسي : يا مشوار حياتي !

العاطل : يا شاغل قلبي !

[نداء الجنة]

لا اله الا الله
بصراحه مش عندى تعليق مناسب غير انى اقول
ربنا يبارك فيك استاذ اشرف
وتحيه تقدير واحترام لمستر شريف
بس ليا استفسار ليه 59 !!!!!!!
كانوا يبقوا 60
جزاكم الله خيرا

[امة الرحمن]

الله علي حضرتك استاذ اشرف

اخيرا حد حس بحقوقنا

يارب نلاقي بس اللي يعرف كده

وفي نفس الوقت احنا كمان نعمل اللي علينا

ده احنا نعمه

[طارق ممدوح ذكي محمد]

الله اكبر . ...

ايه الجمال والروعه دي

رجالة المنتدى كلهم ذوق وشياكه

وبيعرفوا حقوق المرأه كويس وبيقدروها اعظم تقدير

هوه عضو واحد بس ... شايف نفسه وماشي عكس التيار

طيب وعلى ايه .... انا ايه اللي يوجع قلبي ... ويخليني اعادي الستات

انا اهوه بعلنها قويه مدويه ... ( لا .. لا ..قوية ايه ... هوه انا لسه برده عايش في الدور )

قصدي اعلنها رقيقه ناعمه .... الستات اجدع ناس وعظمه على عظمه يا ست

[أشرف السيد]

مش معني الموضوع اننا بنخاف

بس بجد هما لهم حقوق احنا نسناها وبندور على حقنا بس

[كريم ماضي]

مع اني مش متجوز
بس ادعو معايا علي 2080 كده ان شاء الله اتجوز

ــــــــــــــ
عايز تدلع مراتك

1- خدها فسحها ولو مره في الشهر
2- تعالي في يوم كده من الايام خليها نايمه وجهزلها الفطار وصحيها من النوم

بس نصيحه اوعي تخليها تاخد علي كده لتعتمد عليك وتخليك تعمل شغل البيت انا عارفهم كويس
ربنا يحفظنا يارب


جزاك الله كل الخير علي الموضوع الجميل

[غادة عبدالسلام]

بس بجد هما لهم حقوق احنا نسناها وبندور على حقنا بس
__________________


يسلم فكمك يا ابو ادم

ده خلاصة القول

بارك الله لكما وحماكما من عين الحساد

[شمس بياض]

شكرا يا ابا ادم على هذا الموضوع الرائع
الحمد لله فعلا رجال المنتدى يعرفون
مالهم وما عليهم يتقون الله بفضل الله
الحمد لله
الاستاذ شريف بيقول
هدية بسيطة أد سلسة و خاتم دهب عيار 24
و تلبسهم لها بنفسك
وانا بقول هديتها كفايه كلمة طيبه ولمسة حانيه تزيل همها وتسعد قلبها
والاستاذ طارق بيقول
هوه عضو واحد بس ... شايف نفسه وماشي عكس التيار

طيب وعلى ايه .... انا ايه اللي يوجع قلبي ... ويخليني اعادي الستات
وانا بقوله لازم تكون من داخلك مقتنع تمام الاقتناع مش علشان رجاله المنتدى زى ماقلت تبقى وراهم
لاتكن امعه
ربنا يصلح حال الاسرة المصريه ويجعلها دائما اسرة مثالية

[طارق ممدوح ذكي محمد]

وانا بقوله لازم تكون من داخلك مقتنع تمام الاقتناع مش علشان رجاله المنتدى زى ماقلت تبقى وراهم
لاتكن امعه



عمري ما كنت امعه ولا هكون الحمد لله صاحب رأي دايما وصاحب مشوره لا تخيب بفضل الله

ولي اتجاه مستقل عن اي احد ... ومزاحي في بعض الموضوعات لا يعبر عن رأيي بل ان رأيي مختلف تماماً

رغم حبي واحترامي للجميع رجالاً ونساء وخاصة اختي شمس

الا انني لا اقبل ان توجه لي هذه العباره ابداً .. ابداً .. ابداً

مع خالص حزني و اسفي :mad:

[شمس بياض]

الا انني لا اقبل ان توجه لي هذه العباره ابداً .. ابداً .. ابداً
وانا عتذر وبشدة
واعلم اخى الفاضل
وواحده بواحده
انا لا اتحمل غضب اى اخ من اخوتى لى والله فى هذا المنتدى العظيم
انا لم تسعفنى الذاكرة فى تعبير افضل واتاسف مرة اخرى ياكبير
والكبير ميزعلش من حرمة ولا ايه

[شريف]

هههههههههههههههه

يا جمالكو يا صعايدة و انتو بينكو سوء تفاهم

اجدع ناس


حبيبي طارق

الاخت نور اكيد بتهزر يعني اوعا تزعل

و بعدين مانت ياما قولت يا جدع

ياريت مهما حصل مانزعلش من بعض ابدا

لاننا في النهاية اخوة

و بيننا خصوصية و حب و معروف غير موجود في اي منتدي اخر
حتي بص للصورة الرمزية بتاعتي

بتأيد وجهة نظري

[غفران]

عمري ما كنت امعه ولا هكون الحمد لله صاحب رأي دايما وصاحب مشوره لا تخيب بفضل الله

ولي اتجاه مستقل عن اي احد ... ومزاحي في بعض الموضوعات لا يعبر عن رأيي بل ان رأيي مختلف تماماً

رغم حبي واحترامي للجميع رجالاً ونساء وخاصة اختي شمس

الا انني لا اقبل ان توجه لي هذه العباره ابداً .. ابداً .. ابداً

مع خالص حزني و اسفي :mad:


الأخ الفاضل أستاذ طارق
أعزك الله وأكرمك أنت تعلم تماما مكانتك لدى إخوتك وأخواتك من أعضاء
المنتدى جميعا , وأنا لا أبالغ وحاشا لله أن أنافق إذا قلت أن وجودك أنت
ومجموعة الأخوة والأخوات أعضاء هذا المنتدى يعطى الحيوية والاستمرار
لهذا المكان الذى أشرف بالانضمام له كما أنه سر بقاء أى منتدى تتواجدون فيه
وكلنا نستمتع بكتاباتك وأرائك وتعليقاتك التى اتعلم منها شخصيا
كما أستمتع أيضا بالجدال الممتع والشيق بينك وبين الأخت العزيزة شمس والتى
أتشرف دائما بصداقتها . وانت تعرف مقدارك عندها وعندنا جميعا لذلك أطالبك
بألا تغضب ولا تحزن لأنه أكيد غير مقصود المعنى الذى وصلك
ولأنه -وهذا أكيد - لوحة المفاتيح عاكست الأخت شمس ولم تطاوعها فيما قصدته
بارك الله لك يا صاحب الرأى السديد وجعلك من الكاظمين الغيظ . وشكرا

[طارق ممدوح ذكي محمد]

اشكركم جميعاً بداية من اختي العزيزه الاستاذه شمس

وصديقي اللدود مستر شريف

واختنا الفاضله الكريمه استاذه غفران

اشكر لكم مشاعركم الطيبه وهذا ما اتوقعه من الجميع دائماً

بارك الله فيكم وجزاكم عني الله خيرا

واحب اؤكد للجميع اني لم اغضب ابدا من اختنا شمس

وهي مجرد جمله عابره وموقف عابر لا يمكن ابدا ان يهز جبال الاحترام والموده

التي احتفظ بها لجميع الاخوه والاخوات وعلى رأسهم اختي شمس


وشكر خاص جدا لا ختنا (( غفران )) على كلماتها التي اتمنى ان استحق ربعها فقط

جزاكي الله خيرا وفي ميزان حسناتك بإذن الله تعالى

[dream]

الكلمة الطيبه صدقه


-فعطر ايها الزوج لسانك باحلى الكلمات العطرة لزوجتك


-اذكرها بكل الخير امام الجميع

-نبهها لعيوبها بملاحظات لا تجرحها مثلا اعطى مثال على شخصيه اخرى

-ساعدها احيانا فى وقت فراغك

-داعبها بلطف

-ابتسم فى وجهها

-شاورها فى مشاكلك فى عملك وغيره


-حبها واشعرها بحبك

-ناقشها فى طلباتها وامكانيه احضارها


-راعى الله فى اهلها


-لاتجادلها امام اطفالكم

-حثها على اداء الفرائض

-حث اطفالك على مساعدتها وعدم تعبها

-اذكر المناسبات السعيدة فى حياتكم
وتذكرها

-اجعلها تود اهلها واهلك

-راعى الله فى معاملتها اولا واخيرا



جزاك الله كل الخير على الموضوع استاذ اشرف

[مسيو وليد عسكر]

الكلمة الطيبه صدقه



-فعطر ايها الزوج لسانك باحلى الكلمات العطرة لزوجتك



-اذكرها بكل الخير امام الجميع


-نبهها لعيوبها بملاحظات لا تجرحها مثلا اعطى مثال على شخصيه اخرى


-ساعدها احيانا فى وقت فراغك


-داعبها بلطف


-ابتسم فى وجهها


-شاورها فى مشاكلك فى عملك وغيره



-حبها واشعرها بحبك


-ناقشها فى طلباتها وامكانيه احضارها



-راعى الله فى اهلها



-لاتجادلها امام اطفالكم


-حثها على اداء الفرائض


-حث اطفالك على مساعدتها وعدم تعبها


-اذكر المناسبات السعيدة فى حياتكم
وتذكرها


-اجعلها تود اهلها واهلك


-راعى الله فى معاملتها اولا واخيرا



جزاك الله كل الخير على الموضوع استاذ اشرف

لم اجد اروع من هذه الكلمات البسيطه المعبره والموجزه في الرد الرزين والمعبر عن الموضوع بكل جوانبه
لو كل النساء تفكر بنفس عقليتك...ستتغير امور كثيره في حياتنا
اعزك الله وبارك فيكي اخي الكريمه

[ahmed_chemists]

good man thanks

[MohammeD el_SadaT]

إيه يا أستاذ أشرف إن تقهقرت للخلف كده ليه إنت شكلك خفت
وقولت أنفد بجلدى أحسن

ولا شكلك كده فيه تفتيش عليك فى المنتدى

يلا ما علينا
بجد الأنثه كائن رقيق جداااً بتستجيب من أقل الكلمات الرقيقه
هى كل اللى محتجاه
الحنان والأمان والحب