ايه الحل فى المشكلة دى

[geoayman]

بسم الله الرحمن الرحيم

انا مدرس علوم(بكالوريوس علوم) بالعقد المميز كنت ابتدائى وحولت اعدادى
المهم لما حولت اعدادى الى مدرسة فى نفس القرية اللى انا ساكن فيها
المدرسة دى كان فيها مدرس اول علوم فلما انا روحت المدرسة دى الامور ارتاحت وكنا تمام لغاية التعاقدات الجديدة ما نزلت وألاقى فيه مدرسة علوم جات تانى المدرسة مع العلم ان المدرسة 6 فصول فقط
فلما سألت عنها قالوا ليى ان المدرسة الجديدة بنت اخو المدرس الاول قلت ربنا يستر وبعدها باسبوع لقيت فيه جواب فى المدرسة بندبى ندب كلى الى مدرسة بعيدة خالص عنى
فانا مرضيتش اروح المدرسة التانية وروحت للموجه الاول بتاع العلوم وقولتله فيه احدث منى ممكن يروح الندب ده قالى البنت عاوزه تقعد مع عمها انا اعملك ايه
فانا عاوز اعرف انا ممكن اعمل ايه خصوصا ان الموجه الاول معاهم
افيدونى اعمل ايه
ملحوظة المدرس الاول عدد ححصه 16 كان واخد 8 علوم و4 تكنولوجيا 4 دين مسيحى
وانا كنت واخد 16 حصه علوم

[محمد كامل محمود]

الأخ الفاضل
أرجو ايضاح اذا كانت الاخت مدرسة العلوم تعاقد ام تعيين
اذا كانت مدرسة تعيين ومنقولة او منتدبة فهى من حقها اما اذا كانت تعاقد مثلك فيكون من حقك البقاء فى المدرسة وعليك اللجوء الى المدير العام أو الموجه العام بالمديرية التابع لها

[أبوبكر أحمد العملة]

بارك الله لكم

في كل لحظة وثانية ودقيقة وساعة ويوم وشهر وسنة ....

ببوابة التعليم المصرى

وجزاكم الله خيراً

[geoayman]

أرجو ايضاح اذا كانت الاخت مدرسة العلوم تعاقد ام تعيين
المدرسة العلوم تعاقد (ولكن خريجة تربية )
فأرجو منك الرد
يعنى أعمل ايه بالظبط
وشكرا على الرد

[محمد كامل محمود]

أخى الفاضل /
تقدم بشكواك للسيد المدير العام فلك أحقية حيث انك اصبحت الاقدم فى التواجد بالمدرسة
مع وافر التحية والاحترام
محمد كامل محمود

[geoayman]

الف شكر يا استاذ محمد

[hany_aita33]

السلام عليكم ورحمة الله وبركاته
أنا مدرس متعاقد واجتزت الكادر وحاصل على ICDL وكانوا بيقولوا سيتم التعيين بعد اجتياز الكادر ولكن المفاجأة أنهم قرروا يعملوا عقد سنة كمان ودا مخالف للقانون 155 لسنة 2007 البند رقم 73
فما هو العمل والى من نذهب بالشكوى أفيدونى رحمكم الله

[hany_aita33]

ارجوا من الأستاذ الفاضل / محمدكامل الرد على مشكلتى وله جزيل الشكر

[محمد كامل محمود]

أخى الفاضل ..آسف أشد الأسف على تأخرى فى الرد عليك وذلك بسبب انشغالنا فى هذه الايام بامتحانات الثانوية العامة .
حقيقى ما ذكرت لقد تم مد التعاقد سنه اخرى وذلك ناتج من عدم وجود درجات شاغرة وان شاء الله قريبا سيكون التعيين خاصة وان هناك دراسة تتم حاليا لرفع بداية مربوط التعيين ونأمل ان يتم تطبيقها عليكم ، ونحن جميعا نأمل خيرا فى خطوات معالى الوزير الوثابة نحو اصلاح التعليم واحوال المعلمين .