للمتعاقدين :بقيت رسمى وبشهادة وزارة الداخلية

[emad22]

وزارة التربية والتعليم بالتعاون مع وزارة الداخلية
يقدمان كلاكيت اخر مرة ( المعذبون فى الارض )
قالوا روحوا الادارة يا متعاقدين خلاص وافقوا لكم على ختم استمارة الرقم القومى وافرحوا وهيصوا هيكتب ليكم مدرس فى البطاقة روحنا وختمنا وخلصنا واتصورنا وقالولنا فوتوا علينا بعد شهر يا سيد علشان تستلموا البطاقة مبروك عليكم ياخوانا صبرتوا ونلتوا وجاء الميعاد وروحنا وكلنا امل نستلم البطاقة ونحن فى غاية الفرح وكانت المفاجأة كنا فى البطاقة حاصل على (ليسانس اداب / ليسانس دار علوم /ليسانس علوم وتربية ) لقينا مكان المهنة بالخط العريض:
مدرس بعقد بعقد بعقد بعقد بعقد بعقد بعقد
يعنى خلاص فضايح رسمى وبالاوراق الرسمية مش هتقدر تهرب حرام عليكم حتى كلمة مدرس بخلتوا علينا بيها والله حرام عليكم كلمة صغيرة كانت هتفرق معانا شوية لكن ماذا نقول؟؟
:28::28::28::28::28::28::28:

[mena gerges 123456]

انا عملتها معلم مساعد

ومعايا حاليا

[mr.hisham]

مفيش علاقة بين خانة الوظيفة فى البطاقة و موضوع التعيين

[أحمد شعيب]

ايه الكلام الغريب ده
انا عامل البطاقة من فتره من قبل امتحان الكادر والوظيفه معلم
يا جماعه مش عارف ليه كل حاجه بنربطها بالتعيين وبنفسرها علي مزاجنا
يكفي تلاعب بالمشاعر

[M.Ahmed Elsaid]

المشكلة مش فى البطاقة يا اخى الفاضل

الاهم من دا كيانك ووضعك اللى بتعمله لنفسك بنفسك .. وعمر البطاقة ما بتعمل وضع وكيان لصاحبها

والحمد لله على كل حال

[حازم دهب]

يا جماعه انا لسه مكلم موظف فى الاداره وقاللى عايز فيش واصل العقد واصل المؤهل تقريبا عشان يتأكدو ان انا مش خريج هندسه وقاللى لازم قبل التجديد او التعيين يعنى الراجل مش عارف ايه اللى هيحصل بس الامل موجود لسه

[رضاالوادي]

انا عملت بطاقة قبل نتيجة الكادر ومفيش حاجة زيادة طلبوها لا اصل عقد ولا اصل مؤهل وختمة الورق من المعهد واتكتب في البطاقة مدرسة واسم المعهد


ولللللللللللللللللللممممممممممممممممممم يكتب متعاقد

[mr.hisham]

هو دا الكلام

[أحمد البرجينى]

أنا كتبت عندى فى البطاقة مدرس حاسب الى ومفيش
اى مشــــــــــــــاكل
وواحدة زميلتان كتيت مدرس بالعقد طلعلها كدا فى الطاقة
ولا هما هيعيننونا من وزارة الداخلية
بلاش نربط حاجات ليس لها علاقات مع بعضها

[elsalafy]

السلام عليكم انا مش عارف فية ناس بدور على النكد وانت ياعم عايز البطاقة فى اية ؟ لما تاخد معلم ابقى غيرها وخلاص تفائلوا بالخير تجدوة وبلاش نكد علشان العملية مش ناقصة اللى عندة خبر كويس يحطة هنا وبلاش الاخبلر المحبطة كفاية حرررررررررررررررررام

[manone1]

يا جماعة اعزروه هيعمل ايه البطاقة كلمة مدرس بتفرق عن مدرس بعقد
يعنى انتوا مش عارفين الناس بتبص ليك ازاى لما يعرفوا انك بعقد
هى بضايق صحيح
وربنا يكرمنا ونثبت ومشاكلنا كلها تختفى ونعامل بشكل لائق فى المدرسة والادارة وكل مكان

[safaa_ss]

زميلتى مدرسة بالعقد زينا وعملت بطاقة الرقم القومى ومكتوب فيها معلم

[mr.hisham]

ربنا يكرم الجميع

[قدرى]

انا عملت البطاقة معلم مافيش مشكلة .بس لو ثبتونا يكون افضل خاصة انى امتحنت الكادر فى 20/11/2009 ونجحت وحصلت على icdl

[elsalafy]

السلام عليكم ياجماعة انا عامل كارنية النقابة من شهرين ومكتوب فية مدرس لو الوزارة والنقابة شايفين غير كدة كانوا كتبوا متعاقد والله المستعان

[عماد عبد الحميد]

انا من المنوفية وعملت البطاقة ومكتوب فيها معلم

[mr.hisham]

السلام عليكم ياجماعة انا عامل كارنية النقابة من شهرين ومكتوب فية مدرس لو الوزارة والنقابة شايفين غير كدة كانوا كتبوا متعاقد والله المستعان




فعلا انا عامل كارنيه النقابة من شهر و مكتوب فيه مدرس