غبا

[شريف]

في رومانيا قرر (( جورجي هارلوكسكو)) ، أحد المواطنين، التخلص من القمل الموجود في رأسه بغسلها بالبنزين، ثم قربها من المدفأة حتى تجف. وفي الوقت الحالي تجرى له عملية زرع جلد كبيرة لتعويض الجلد الناتج عن الحروق التي أصابته
:)
و ده الحال لما يحب الواحد منا يعالج مشكلة
فيقوم موقع نفسه في مشكلة أكبر
و في ديننا الجميل
احنا مأمورين اننا نأمر بالمعروف و ننهي عن المنكر
إلا في حالة واحدة
اذا ترتب علي النهي عن المنكر
منكر أشد منه !

عمرك في مرة جيت تكحلها عميتها ؟

قول قول ما تتكسفش

[خالد سعد]

كتير والله
تسلم الايادى
طرح طيب بارك الله فيك

[نعمه محمود]

ههههههههههههههههههه
كتير ياشريف او تقريبا كل ما آجى أكحلها أعميها .أبقي في موقف معين وناوية اهدى الامور واعديها وإذ فجأة كده ألاقينى بزعق واقول كلمة الحق اللي طبعا بتزعل وبدل ما اهدى الموقف الأزمة تزداد اشتعالا نقول ايه هو ده واجبنا نهدى النفوس

[وسام غانم]

بيحصل كتير
بس فى اوقات بلم الموضوع قبل ما يولع و الحمد لله
فى موضوع دلوقتى بجد بحاول أدل فيه ع الخير
بس للاسف فى مجادله بالباطل
مره و اتنين و تلاته
فقلت خلاص
هبطل علشان مضلمشى فى الآخر

[أبوبكر أحمد العملة]

عطاء متميز من شخصية متميزة

بارك الله في وقتك وصحتك ...اللهم آمين

ببوابة التعليم المصرى

وجزاكم الله خيراً

الخدمة الجيدة ....تحتاج الى التسويق الأجود

مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

[جمال سراج]

بالتأكيد بيحصل كثير وخصوصا عند محاولات الصلح بين اتنين متخاصمين او زعلانين
تتحمل اهانات احدهما او كلاهما بدرجة او باخرى الى ان يقترب الصلح ولكن فى الوقت تجد نفسك عمال تكتم تكتم الاهانات ثم تنفجر فيهما وربما يقودك ذلك الى نوع من الغلط او التطاول بالالفاظ احيانا من كتر ما انتا شعرت بالاهانة
عموما التروى مطلوب
والحلم والأناة والروية وكتم الغيظ - كل دا مطلوب
اسمع بقا يا شريف لقول سيدنا على بن أبى طالب كرم الله تعالى وجهه ورضى الله عنه :
أحب مكارم الأخلاق جهدى
وأكره أن أعيب وأن أعابا
وأصفح عن سباب الناس حلما
وشر الناس من يهوى السبابا
شكرا لموضوعك
هو إنت بتعمل المواضيع دى ازاى !!!!!!!!! عسل وربنا
ربنا يديم عليك التألق وخفة الدم والشياكة يا سيدى
فى أمان الله

[همس الحنين]

موضوع اكثر من رائع استاذ شريف


رغم اني غالبا انطوائيه ومنعزله ومحبش ادخل في مشاحنات


الا اني كثيرا عندما احاول تهدئه مواقف بتيجي علي دماغي انا


سلمت اناملك

[صفيه سعداوى]

موضوع رائع يا استاذ شريف
بتحصل والله كتير جدا لما الواحد يحاول يصلح
بين اثنين او يقرب بينهم بطريقه غير مباشره
النتيجه تكون ان كل طرف من الطرفين يفهم
انك متحامل عليه هو بالذات وبدل سوء التفاهم
مايبقى بين اثنين يبقى بين ثلاثه

[Madame/Basmalh]

في رومانيا قرر (( جورجي هارلوكسكو)) ، أحد المواطنين، التخلص من القمل

بزمتك يا شريف الحاجات دى موجوده فى رومانيا


انا كنت فاكره انها فى مصر بس ماعلينا

هو احسن حاجة فى الحالة دى انك تكون متفرج تتفرج وبس
وفى مثل سمعته زمان بيقول ( اللى حضر عفريت يصرفه)
:28::28::28:
وبنائا على هذا المثل تقوم انت عامل ايه تتفرج عليه وهو بيصرفه ههههههههههه

[An_unknown_man]

عمرك في مرة جيت تكحلها عميتها ؟

هههههههههههههههههههههههههههههه
مين سمعك ومين فينا اساسا استاذ شريف مش بيعميها
سيبنا فى حالنا استاذنا الغالى
سلمت لنا يداك ع الطرح المولع
هههه

[عزة المصرى78]

You can see links before reply (You can see links before reply)
]
فى أحيان كثيرة يحصل هذا لأنى لا أجيد الصلح والنصح " أعمل زى الدبة اللى قتلت صاحبها " فتخرج كلمات تقضى على الموقف نهائيا

بجد موضوعاتك جميلة ومفيدة وتضيف لى خبرات

You can see links before reply (You can see links before reply)

[محمود فهيم2010]

جزاك الله خيراً

فعلاً " لازم ما نكونش الدبة اللى قتلت صاحبها ...."

[شريف]

شكرا علي مروركم و تعليقاتكم العسل
ربنا ما يحرمنا من ردودكم