الحقونى العروسه هتروح منى

[حازم دهب]

يا جماعة عايز اتجوز وابو العروسه بيقول مش ممكن اجوز بنتى لمدرس بالحصه اقوله يا عم الحج انا بالعقد يقوللى مش فارقه طب بذمتكم اعمل ايه اكلم مين

[ا/عبدالفتاح شبانه]

الله يكون فى العون وربنا معانا

[mena gerges 123456]

قلة الصبر سنة بالكتير وحاول لبس دبل

[محمود عبدالمجيد مرزبان]

الأستاذ الفاضل أ / حازم دهب

تحية طيبة لشخصكم الكريم

استاذنا الفاضل ... لاتنظر إلي التثبيت بقدر ماتنظر إلي إثبات ذاتك ونجاحاتك في العمل لأنه هو الأهم .

وتفضل بقبول فائق الإحترام

[M.Ahmed Elsaid]

صدقنى يا زميلى الفاضل .. كلنا فى مركب واحد ويمكن بعضنا حاسس ان العمر بيجرى منه
نفسنا نتجوز ونفتح بيت ونبدأ حياتنا .. لكن نعمل ايه ؟؟
احيانا الظروف بتكون اصعب من اى حد فينا
مرتب مدرس بالحصة او مدرس بالعقد ميفتحش بيت نهائى فى الايام دى

نصيحة من اخ ليك يعانى نفس المشكلة

متفكرش فى اى حاجة دلوقتى غير لما تحقق ذاتك زى ما قال استاذنا محمود
علشان متشيلش فوق طاقتك وتحس ان الدنيا ضاقت بيك
قسم حياتك وبراحتك.. وحاول تفكر بعقلك مش قلبك .. وصدقنى النصيب هييجى لوحده لما ربنا ياذن

وربنا يوفقنا كلنا
اخوك احمد

[وسام غانم]

ان كانت العروسه من نصيبك
فاكيد هتستناك
و انت صبرت كتير ع التثبيت
و لعل فرج ربنا قريب و يكون فى حاجه اكيده
و تدخل على اهلها كده و انت مالى مركزك
و ربنا يقدم لك اللى فيه الخير
و ان شاء الله هنقولك مبروك

[Mr Reda]

على فكرة قبل اى كلام انا متعاقد زيك ومتجوز وعندى بنتين الكبيرة عندها 5 سنوات
أخى العزيز التثبيت مش هيجوزك
إذا نويت الزواج ربنا هيعينك هتلاقى الخير جاى مش هتعرف ازاى
اما بالنسبة لوالد العروسة فمعذرة ده ماينفعش الواحد يتجوز بنته طالما مش مقدر الإنسان اللى أمامه
ملحوظة
عن تجربة شخصية
انا ملازم على سورة الواقعة يوميا
والأستغفار والله يأخى ماهتعرف الفلوس جاية منين

[معتز الجمل]

الأستاذ الفاضل أ / حازم دهب

تحية طيبة لشخصكم الكريم

استاذنا الفاضل ... لاتنظر إلي التثبيت بقدر ماتنظر إلي إثبات ذاتك ونجاحاتك في العمل لأنه هو الأهم .

وتفضل بقبول فائق الإحترام

ياراجلللللللللللللللل حام عليك

[emad22]

الله يرحمه يسرى الجمل كان متفائل بالمعلمين المساعدين وكان بيقول هما اللى هيصلحه حال التعليم فى مصر لانهم مؤهلات عليا ومدربين على التكنولوجيا لكن الله يسامحهم منقدرش نقول الا
سابنى وراح ياهوا كلى جراح ياهوا
سابنى تعبت وهو ارتاح يا هوا
:28::28::28::28::28::28::28::28::28::28::28::28::2 8::28::28::28:
وحسبى الله ونعم الوكيل

[أشرف السيد]

ادعب وقول يا رب

[حاتم شوقى]

يسرى الجمل كان رجل طيب