العقد الجديد وصل يا ميت ندامه على التثبيت

[ابوملك]

اخوانى واخواتى الاعزاء تحيه طيبه وبعد اليوم وقعنا العقد الجديد وهو عقد لمدة عام ولكن السؤال الذى يشغل بالى وبال الجميع اين التصريحات الكثيره عن التثبيت والله انا والجميع فى صدمه من موضوع العقد ولابد من احد يجيب على الامورالتى تشغلنا خلاص كنا نعتقد ان زمن العقود سوف ينتهى وتنتهى معه مشاكلنا ولكن يظهر مكتوب علينا القهر فنسأل الله العلى العظيم ان يريحنا من هذه الدنيا ان كنا عاله على هذا البلد

[mr.hisham]

حسبى الله و نعم الوكيل

[emad22]

والله العظيم اللى بيعملوه فينا ده حرام
احنا ناس مؤهلات عليا زى البيطريين اللى هيثبتوهم فى 7:16: كفايه صمت لابد من المسواه كفايه
كفايه مهانه فى المدارس كفايه زل الواحد زهق كلمة عقد اصبحت كابوس مدرس بالعقد بالقلم الرصاص /نشيلك فى وقت / ننفيك فى وقت /حتت مدرس بعقد
:16::16::16::16::16::16::16::16:

[alaa ammar]

الاستاذ اللى كاتب الموضوع من اى بلد وفى اى اداره
ياريت اللى يكتب كلام يتاكد منه
هو فى حد مضى عقود دلوقتى
ارجو الرد على اى كلام غير صحيح

[ابوملك]

يا استاذ والله مضينا العقود بجد فى محافظة بنى سويف ولو تحب اصورلك العقد علشان تتأكد احنا كلنا فى مركب واحد وقرب يغرق يعنى

[ابو عمر السعدنى]

ياخ أبو مالك انت مضيت عقدك متى ؟
لى رجاء عند الإخوة عندما مر عليك عامان متواصلان وانت متعاقد وعلى رأس عملك واجتزت كل الشروط الكريهه المطلوبة . الم ينصفك القانون ؟ عندما تذهب الى مجلس الدولة وترفع قضيه على هؤلاء المنتمين للعقلاء اسما وهم الاغبياء فعلا ما يسمون بوزراء وخبراء التعليم
باذن الله سوف ينصفك الله وتكسب الدعوه

[معتز الجمل]

تواضعنا حتى ضعنا

[mena gerges 123456]

الرجاء من الزميل كتابة لنا بنود هذا العقد

[محمد مهدى]

ممكن تمضى عقد النهارده وينزل قرار التثبيت بكره وتتحول من متعاقد الى معين ايه المشكله يعنى

[ابوملك]

يا اخوانى العقد زى اللى فات صوره منه بس شطبوا على كلمةعامين وخلوها عام وحسبى الله ونعم الوكيل

[احمـد الشلقامـى]

بصوا يا جماعة فى ناس انتهت مدة العقد سنتين بتاعتهم واحنا بنقول التثبيت فى شهر 7 يعنى لحد شهر سبعة يروحوا بيوتهم يعنى قال لا يمدولهم العقد بتاعهم وعند التثبيت يلغى بس كدة هى دى الحكاية ليه بنعمل زى جحا ونشاور على ودننا البعيدة

[حازم دهب]

استر يارب يااحب الرقم 7 ده يا اكرهو طول حياتى

[mr.hisham]

استر يارب يااحب الرقم 7 ده يا اكرهو طول حياتى

ان شاء الله نحبه كلنا

[دينا احمد]

انا مع الاستاذ احمد وشايفة ان فعلا اللى عقودهم هتنتهى دلوقتى مش معقول هيقعدوا فى البيت لا طبعا لازم يمضوا عقد حتى شهر 7 ياجماعة تفائلواااااااااااااا خير

[المعلم المتطور]

بسبب كترة الكلام و الاشاعات دى كلمت النهادره الاكاديمية بفرع بنى سويف اسالهم امتى تصدر شهادة رخصة مزاولة المهنة قالوا لسه كل الامور واقفة و مفيش اى تعليمات جديدة من القاهرة و بعد كده سألتهم طب هو فعلا فى تعيين ف شهر 7 قالوا لى اسأل المديرية ففعلا كلمت المديرية بالمنيا و سألتهم قال المسئول بالنص " من غير كتر كلام هيتم نقل اسمائكم من دفاتر العقود المميزة الى دفاتر الاساسيين ف اول 7 بس اهم حاجة تكون معاك الرخصة الدولية " فقلت له انا سلمت اصل الشهادة لحضرتك ف المنيا قال لى كده تمام و شكرا

[nourhan200005]

ياجماعة
احنا هنا فى الغربية
عقدنا انتهى فى شهر 4 وججدناه تانى لمدة عام ايضا
وقالوا لنا فى الادارة دى تجديد لحين صدور اشعار اخر من الاكاديمية او الوزارة

[mena gerges 123456]

مبروـــــــــــــــــــــــــــــــــــــــك

[mr.hisham]

ربـــنـــا يبشركم بكل الخيــر

و ألــف مبـــــــروك

:38::38::38:

[مستر أحمد خليل]

ان شاء الله خير

[samoha]

طيب واللى ما خدش icdl اخباره ايه

[جوال دوت كوم]

يا جماعة فعلا فى تثبيت فى شهر7 والدليل معى

[nourhan200005]

ايه هو الدليل

[حاتم شوقى]

الدليل ؟؟؟؟؟؟؟؟

[sayed ahmed ali]

ابحث عن الدليل
ياعم عيب قول الكلام الدليل ياإما تبطل كلام احسن

[كينج 3]

ماشى يعم المحظوظ انتو هتثبتو واحنا لسا هناخذ التربوى بأذن الله طب مكانو عملو زى شرط الحصول على ال icdl وكتبنا اقرار بلحصول عليها وتثبتنا كلنا مع بعض علشان الفرحه تكون جماعيه