البيت بيت ابونا ........

[ميس صافيا]

You can see links before reply (You can see links before reply 58A%25D8%25AA%2B%25D8%25A8%25D9%258A%25D8%25AA%2B% 25D8%25A7%25D8%25A8%25D9%2588%25D9%2586%25D8%25A7% 26start%3D54%26hl%3Dar%26sa%3DN%26gbv%3D2%26ndsp%3 D18%26tbs%3Disch:1)


من الاخر وبدون مقدمات
عاوزه اسال سؤال
فين خصوصية الانسان اللى قاعد فى بيته
من وجهة نظرى البيت ده مكان للراحه
يعنى معظمنا
بيخرج من بيته الصبح عشان الشغل طبعا
ولما بيرجع اكيد بيكون تعبان
فبيرجع للبيت مع شىء من الشوق للراحه والبساطه
برضه من الاخر
الانسان فى بيته بيتخلى عن اى تكلف او مظهر اللى ضرورى يظهر بيه ادام الناس
وبرضه ساعات بنحتاج نريح شويه اثناء النهار
علشان نقوم نواصل حياتنا
والناس المفروض انها عارفه كده
لكن للاسف فيه شويه من الناس ما تعرفش باه
بيطنشوا والا مش واخدين بالهم والا مش هاممهم الا مصلحتهم اللى جاينلك عشانها
والا هم .....؟ والا .....؟
صفات كتير ممكن نقولها عنهم انتوا عارفينها طبعا
تبص تلاقى فى عز نومك اللى ما صدقت انك حصلت عليه
حد واقفلك ع الباب ومش راحم الجرس
ولو انت كبرت مخك هو يسوء فيها
ويبدا الخبط ع الباب شويه والجرس شويه
لا حول ولا قوة الا بالله
تلاقى عنده اصرار عجيب فى انك تفتحله
حتى لو عارف انك ممكن تكون مش فى البيت اساسا
بس مش بيياس ابدا
ديما عنده امل انك تفتحله
تضطر حضرتك ادام اصراره العجيب انك تقوم تفتح وطبعا النوم فى عنيك
ويشوفك نايم على نفسك وعادى خالص ولا همه
اكتر حاجه ممكن يقولهالك
معلش ويبدا باه يقول اللى هو عاوزه لو هو قاصدك انت
ولو مش قاصدك يبدا يحقق معاك
يقولك هى دى شقة الاستاذ فلان ؟
تقوله لا
يقولك امال هى فين ؟
وانا ايش عرفنى يا سيدى
والله حاجه غريبه
يعنى كمان بعد الازعاج دا كله تطلع غلطان فى العنوان

You can see links before reply (You can see links before reply 5A7%25D9%2586%26start%3D18%26hl%3Dar%26sa%3DN%26gb v%3D2%26ndsp%3D18%26tbs%3Disch:1)

طب وفين حديث الرسول صلى الله عليه وسلم
اللى بيقول ما معناه انك لو خبطت على باب يبقى تلت مرات بس
ولو ما اتفتحش ترجع
بصراحه حاجه تخنق ومش لاقيالها حل
اصل مش معقول يعنى هاعلق يافطه ع الباب مكتوب عليها ممنوع الازعاج

You can see links before reply (You can see links before reply 588%25D8%25B9%2B%25D8%25A7%25D9%2584%25D8%25A7%25D 8%25B2%25D8%25B9%25D8%25A7%25D8%25AC%26hl%3Dar%26s a%3DG%26gbv%3D2%26tbs%3Disch:1)


متهيالى الحل الوحيد هو ان الواحد المفروض ما يريحش ولا يستريح ويفضل
قاعد طول اليوم متاهب ومستعد ومنتظر الباشا اللى غلطان فى العنوان او غيره
ويكون فى شرف استقبال حضراتهم
لان ما ينفعش ييجوا لحد البيت اللى هو بيت ابونا
وما يلاقيش حد يفتحله
والا ايييه ؟

:bosyht9::bosyht9:

[خالد سعد]

طرح مميز
بارك الله فيكى
استاذتى الغالية

اسمحى لى بهذة الاضافة


أولا: الاستئذان

، قال الله تعالى "يا أيها الذين آمنوا لا تدخلوا بيوتا غير بيوتكم حتى تستأنسوا وتسلموا على أهلها ذلكم خير لكم لعلكم تذكرون، فإن لم تجدوا فيها أحدا فلا تدخلوها حتى يؤذن لكم وإن قيل لكم ارجعو فارجعوا هو أزكى لكم والله بما تعملون عليم، ليس عليكم جناح أن تدخلوا بيوتا غير مسكونة فيها متاع لكم والله يعلم ما تبدون وما تكتمون" "النور 27- 29".
هذه آداب شرعية أدّب الله بها عباده المؤمنين، أمرهم أن لا يدخلوا بيوتا غير بيوتهم حتى يستأنسوا أي يستأذنوا،
وينبغي أن يكون الاستئذان "ثلاث مرات" فإن أذن للزائر وإلا انصرف.

قال الإمام القرطبي: قال علماؤنا:

إنما خص الاستئذان بثلاث لأن الغالب من الكلام إذ كرر ثلاثا سمع وفهم. قال قتادة: أما الأولى، فليسمع الحي، وأما الثانية فليأخذوا حذرهم، وأما الثالثة فإن شاءوا أذنوا وإن شاءوا ردّوا، ولا تقفنّ على باب قوم ردّوكم عن بابهم. ومن الآداب في الاستئذان إلقاء السلام، وفي هذا السلوك أحاديث نبوية عديدة وأن يكون الدق على الباب خفيفا،
روي عن أنس

"كانت أبواب النبي صلى الله عليه وسلم تقرع بالأظافر"، وأن يعرف الزائر بنفسه ويذكر اسمه ولقبه.

ثانيا: غضّ البصر عن حرمات البيت،

قال عمر بن الخطاب

"من ملأ عينيه من قاعة بيت فقد فسق"


ثالثا: ينبغي الاستئذان على جميع المحارم: الأم، والأخت، وغيرهما،
روى البيهقي عن عطاء أن رجلا قال للنبي صلى الله عليه وسلم أستأذن على أمي؟ قال "نعم" قال: إني أخدمها. قال "استأذن عليها" فعاوده ثلاثا، قال "أتحب أن تراها عريانة؟" قال: لا. قال "فاستأذن عليها".

رابعا: الاستئذان على الزوجة،
وهو من الأدب العالي، قال الإمام أحمد "إذا دخل الرجل بيته استحب له أن يتنحنح أو يحرك نعليه".

خامسا: التماس الأعذار، قال تعالى "وإذ قيل لكم ارجعوا فارجعوا هو أزكى لكم" "النور 28" أي إذا ردوك من الباب قبل الإذن أو بعده "فارجعوا هو أزكى لكم" أي رجوعكم أزكى لكم وأطهر. قال قتادة فإن شاؤو أذنوا وإن شاؤوا ردوا، ولا يقفنّ على باب قوم ردوك عن بابهم، فإن للناس حاجات ولهم أشغال والله أولى بقبول العذر.

تقبل الله منكى صالح الاعمال

[شريف]

موضوع في الجون يا صفاء
و فعلا الموضوع ده مجنني انا شخصيا
لدرجة فكرت اعمل جرس باب الشقة silent صامت
او حتي vibration

[نعمه محمود]

والله ياصافيا عندك حق لسه من كام يوم المكوجى مخبط الساعه 12 بالليل عشان يجيب المكوة خلانى كرهت اليوم اللي اتعاملت معاه وفكرت انى ابطل اكوى من اساسه

[صفيه سعداوى]

حبيبه قلبى صافيا
ان بحب موضوعاتك اوى
تصدقى كأنك بتتكلمى بالسانى
ياما فى حاجات من النوع ده كتير
ناس تجيلك فى وقت غير مناسب ومهما اديتيلهم وش ابلكاش
هما ولا الدموع .. يعنى ولا كأنهم واخدين بالهم

[Madame/Basmalh]

انا عندى حل كويس اوى انا عن نفسى بعمله وبذات لما بيكون الواحد نايم
قفل الموبيل
نزلىزرار النور الاساسى للشقة بتاع الشقه كله علشان لوحد ضرب الجرس النور ما فيش ماعد نور الحجرة اللى فيها
اقفلى باب الحجرة كمان
ياه هدوء ما بعده هدوء
جربيها وقولى نفعلت ولا لا

[امل لاشين]

متهيالى الحل الوحيد هو ان الواحد المفروض ما يريحش ولا يستريح ويفضل
قاعد طول اليوم متاهب ومستعد ومنتظر الباشا اللى غلطان فى العنوان او غيره
ويكون فى شرف استقبال حضراتهم
لان ما ينفعش ييجوا لحد البيت اللى هو بيت ابونا
وما يلاقيش حد يفتحله
والا ايييه





لا طبعا نرتاح ونرتاح كمان ..


انا عن نفسي لازم افتح وارد علشان لو مش رديت الدنيا تتقلب ..:)


مره كنت راجعه من الشغل تعبانه وهلكانه وعاوزة اناااااااااام


ودخلت انام لقيت الجرس بيضرب ...وقرايبي وصلوا ..اصل انا وحشتهم


طبعا دخلتهم وسلمت وقلتلهم هنااااااام شويه لاني هلكانه جدااااااا


وقلت كل حاجه موجوده اعملوا اللي عايزينه ..وتصبحوا علي خير :)


ونمت ........وبعدها طبعا الكل عرف بكده ومحدش بقي بيجي


وقت رجوعي من الشغل وبيتصلوا كمااااااان ..:friendsxs3:


مواقف كتير جدااااااااا بتحصل ياصفاء

[زهره المدائن]

الســــــــــــــــلام عليكـــــــــــــــــم
تسلم افكارك يا مس موضوع بجد في
الجووووووووووووووون
دي مشكله بنعشها تقريبا كل يوم

[مستر حمادة الدماطي]

الحياة بطبيعتها مفهاش راحة.................. لقد خلقنا الإنسان في كبد

[ميس صافيا]

طرح مميز
بارك الله فيكى
استاذتى الغالية

اسمحى لى بهذة الاضافة


أولا: الاستئذان

، قال الله تعالى "يا أيها الذين آمنوا لا تدخلوا بيوتا غير بيوتكم حتى تستأنسوا وتسلموا على أهلها ذلكم خير لكم لعلكم تذكرون، فإن لم تجدوا فيها أحدا فلا تدخلوها حتى يؤذن لكم وإن قيل لكم ارجعو فارجعوا هو أزكى لكم والله بما تعملون عليم، ليس عليكم جناح أن تدخلوا بيوتا غير مسكونة فيها متاع لكم والله يعلم ما تبدون وما تكتمون" "النور 27- 29".
هذه آداب شرعية أدّب الله بها عباده المؤمنين، أمرهم أن لا يدخلوا بيوتا غير بيوتهم حتى يستأنسوا أي يستأذنوا،
وينبغي أن يكون الاستئذان "ثلاث مرات" فإن أذن للزائر وإلا انصرف.

قال الإمام القرطبي: قال علماؤنا:

إنما خص الاستئذان بثلاث لأن الغالب من الكلام إذ كرر ثلاثا سمع وفهم. قال قتادة: أما الأولى، فليسمع الحي، وأما الثانية فليأخذوا حذرهم، وأما الثالثة فإن شاءوا أذنوا وإن شاءوا ردّوا، ولا تقفنّ على باب قوم ردّوكم عن بابهم. ومن الآداب في الاستئذان إلقاء السلام، وفي هذا السلوك أحاديث نبوية عديدة وأن يكون الدق على الباب خفيفا،
روي عن أنس

"كانت أبواب النبي صلى الله عليه وسلم تقرع بالأظافر"، وأن يعرف الزائر بنفسه ويذكر اسمه ولقبه.

ثانيا: غضّ البصر عن حرمات البيت،

قال عمر بن الخطاب

"من ملأ عينيه من قاعة بيت فقد فسق"


ثالثا: ينبغي الاستئذان على جميع المحارم: الأم، والأخت، وغيرهما،
روى البيهقي عن عطاء أن رجلا قال للنبي صلى الله عليه وسلم أستأذن على أمي؟ قال "نعم" قال: إني أخدمها. قال "استأذن عليها" فعاوده ثلاثا، قال "أتحب أن تراها عريانة؟" قال: لا. قال "فاستأذن عليها".

رابعا: الاستئذان على الزوجة،
وهو من الأدب العالي، قال الإمام أحمد "إذا دخل الرجل بيته استحب له أن يتنحنح أو يحرك نعليه".

خامسا: التماس الأعذار، قال تعالى "وإذ قيل لكم ارجعوا فارجعوا هو أزكى لكم" "النور 28" أي إذا ردوك من الباب قبل الإذن أو بعده "فارجعوا هو أزكى لكم" أي رجوعكم أزكى لكم وأطهر. قال قتادة فإن شاؤو أذنوا وإن شاؤوا ردوا، ولا يقفنّ على باب قوم ردوك عن بابهم، فإن للناس حاجات ولهم أشغال والله أولى بقبول العذر.

تقبل الله منكى صالح الاعمال





اللهم امين
جزاك الله خيرا استاذى الفاضل على الاثراء الجميل

[ميس صافيا]

موضوع في الجون يا صفاء
و فعلا الموضوع ده مجنني انا شخصيا
لدرجة فكرت اعمل جرس باب الشقة silent صامت
او حتي vibration



هههههههههههههههه
ويا ريت الباب كمان يا شريف يكون فايبريشن
عشان مش هايسيبه

[ميس صافيا]

والله ياصافيا عندك حق لسه من كام يوم المكوجى مخبط الساعه 12 بالليل عشان يجيب المكوة خلانى كرهت اليوم اللي اتعاملت معاه وفكرت انى ابطل اكوى من اساسه


هههههههههههههههه
والله معاكى حق
الساعه 12
صعب اوى

[ميس صافيا]

حبيبه قلبى صافيا
ان بحب موضوعاتك اوى
تصدقى كأنك بتتكلمى بالسانى
ياما فى حاجات من النوع ده كتير
ناس تجيلك فى وقت غير مناسب ومهما اديتيلهم وش ابلكاش
هما ولا الدموع .. يعنى ولا كأنهم واخدين بالهم


ربنا يهدى
نورتنى يا صافى

[ميس صافيا]

انا عندى حل كويس اوى انا عن نفسى بعمله وبذات لما بيكون الواحد نايم
قفل الموبيل
نزلىزرار النور الاساسى للشقة بتاع الشقه كله علشان لوحد ضرب الجرس النور ما فيش ماعد نور الحجرة اللى فيها
اقفلى باب الحجرة كمان
ياه هدوء ما بعده هدوء
جربيها وقولى نفعلت ولا لا



هههههههههههههه
اوك
بس صدقينى
فيه نوعيه مش بينفع معاها حاجه

[ميس صافيا]

لا طبعا نرتاح ونرتاح كمان ..


انا عن نفسي لازم افتح وارد علشان لو مش رديت الدنيا تتقلب ..:)


مره كنت راجعه من الشغل تعبانه وهلكانه وعاوزة اناااااااااام


ودخلت انام لقيت الجرس بيضرب ...وقرايبي وصلوا ..اصل انا وحشتهم


طبعا دخلتهم وسلمت وقلتلهم هنااااااام شويه لاني هلكانه جدااااااا


وقلت كل حاجه موجوده اعملوا اللي عايزينه ..وتصبحوا علي خير :)


ونمت ........وبعدها طبعا الكل عرف بكده ومحدش بقي بيجي


وقت رجوعي من الشغل وبيتصلوا كمااااااان ..:friendsxs3:


مواقف كتير جدااااااااا بتحصل ياصفاء



معاكى حق يا امل
بس انا عن نفسى عمرى ما اعرف انام وحد من قرايبى فى شقتى
الا لما ينام هو الاول
هههههههههههههه
مش عارفه ليه

[ميس صافيا]

الســــــــــــــــلام عليكـــــــــــــــــم
تسلم افكارك يا مس موضوع بجد في
الجووووووووووووووون
دي مشكله بنعشها تقريبا كل يوم


ويسلملى مرورك وردك زهرتى

[ميس صافيا]

الحياة بطبيعتها مفهاش راحة.................. لقد خلقنا الإنسان في كبد


والله مع حضرتك حق
بس يعنى احنا بنحاول نختلس اوقات الراحه
دا ابسط حق لينا