دعوة لاخذ حقنا

[ehab_1922]

انا بطلب من كل مدرس مساعد انة يتصل بالخط الساخن للوزارة 19126 ويبلغ عن شكوى انة اتجدد عقدة ولا حد بيسال فينا وانا عن نفسى عملت كدة وكمان دخلت من على النت على موقع برنامج 90 دقيقة وتركت رسالة لشكوى وكمان برنامج ال10 مساء فارجو من الجميع عمل ذلك حتى يعلموا اننا لن نسكت ونريد حقوقنا حتى نعرف مصيرنا واتمنى التوفيق للجميع:16:

[شم النسيم 2010]

مش فاهم هنشكو من ايه بالضبط

[ehab_1922]

مش فاهم هنشكو من ايه بالضبط

هانشتكى اننا لم يصدر لنا اى بيان بخصوص التعين حيث اننا نجحنا فى الكادر وقدمنا الافادة بشهادة الكمبيوتر وكل ما حصل معنا اننا اتجدد عقدنا عام اخر امال فين التعين

[شم النسيم 2010]

قصدك اننا نطالب بالتثبيت وميبقاش فيه عقد صح كدة ولا انا غلطان
معلشى استحملنى

[mena gerges 123456]

ياجماعه هما قصدهم لسة الترخيص ماجاش وايضا في انتظار الدور الثاني للامتحانات الكادر

والي لسة ماخلص icdel وال يعقدة انتهي تخلص كل الامور دي نتثبيت وفي الاخر

كدة كدة تثبيت تجيبها كدة تجيبها كدة تثبيت تثبيت وهي كدة تثبيت مافيش مفر غير التثبيت

[ehab_1922]

قصدك اننا نطالب بالتثبيت وميبقاش فيه عقد صح كدة ولا انا غلطان
معلشى استحملنى

بالظبط كدة عشان محدش ينسانا ومتنسيش اننا كدة بردة بنقبض على القديم مش على التعين كلة وقت بيختصرو فية الفلوس اللى هايدوهلنا وعنيهم فيها من قبل ما يديهولنا

[mohali2m]

يا جماعة هي ده الحكومة.إزاى تريحنا.هما أساسا" مش عرفين يعملوا إيه معانا فقالوا نمدلهم سنة كمان لغاية ميشوفلنا حل

[دينا احمد]

ياجماعة انا رأيى نصبر ونشوف اللى هيحصل ولا نشتكى دلوقتى ولا نعمل حاجة ده الوزير لما بيكون فى استضافة فى برنامج مش بيجيب سيرتنا لما نبعت مشكلتنا فى برنامج هيرد مثلا ويتكلم عننا000000 ابدا

[محمد مهدى]

لازم نتحرك

[مصطفى محمد صابر]

ياجماعه هما قصدهم لسة الترخيص ماجاش وايضا في انتظار الدور الثاني للامتحانات الكادر

والي لسة ماخلص icdel وال يعقدة انتهي تخلص كل الامور دي نتثبيت وفي الاخر

كدة كدة تثبيت تجيبها كدة تجيبها كدة تثبيت تثبيت وهي كدة تثبيت مافيش مفر غير التثبيت

يا أستاذ/مينا
أنا من سوهاح أيضا
وأتقالت لى صريحة مفيش تثبيت السنة دى
قلت طيب ليه الامتحان قالو علشان يزيد مرتبك بالمرحلة الثانية
طيب ليه الدبلومة والicdl ,وغيرها قالو دى من مقومات ومطلبات العمل والتطوير
قلت الخلاصة
قالو استمراركم عقود وتغيير المسمى الى معلم وانتم عقووود
ما انتم بتحصولوا على كافة حقوق المثبت عايزين ايه تانى
هذا الحوار دار معى
ومع مدير الادارة إدارة البلينا التعليمية
ومع جميع الموجهين اللى لهم صيت وكلمة ويذهبوا للتدريب
ومدير المديرية بسوهاج

[ديناميت55]

نفهم من كده ايه ؟؟؟؟؟؟؟؟؟؟؟؟؟؟؟؟؟؟؟؟

[وسام غانم]

يارب
مش هقول غير كده
منشوف اخرتها ايه

[عاشق تراب مصر ونيلها]

يا جماعة خلاص بلاش قلق كلها سنة والامور هاتمشى زى الفل

[mena gerges 123456]

الصبر لشهر 7

[معتز الجمل]

يا استاذه دينا احمد انتى بصراحه ارائك كلها صبر انتى ما زهقتيش واللة انا بحسدك بجد

[دينا احمد]

لو احنا قادرين نعمل حاجة يااستاذ معتز كنا عملنا من زمان بس ما باليد حيلة لو تظاهرنا وعملنا وقفة اخرتها عربية امن مركزى وانت عارف الباقى وبعدين يفسخوا العقد وياسلام سهل اوى يجيبوا ناس غيرنا وكمان بمرتب اقل اصل الناس دلوقتى مش لاقية شغل يبقى نعمل ايه نصبر ونشوف اللى هيحصل الصبر مفتاح الفرج وان شاء الله خير

[nourhan200005]

والله معاكى حق يادينا وممكن يكونوا هو دى اللى هما عاوزينة
وفى الاخر ان الله مع الصابرين

[حازم دهب]

يا جماعة متصدقوش حاجة من اى موجه او ناظر لانهم مش عارفيين عننا خالص