سرك في بير (اوعى تقول لحد)

[أشرف السيد]

بما أننا في قسم

احنا بنسأل وسيادتكم بتجاوبوا

فموضوعي الثاني عن

( سر في بير )

كلنا لنا أصدقاء وأصحاب وطبعا افراد العائلة

أكيد مش بتقول أسرارك كلها لأي حد

وممكن ما تقولش اسرارك لاحد أفراد العائلة لكي لا يفتن للأب أو الأم

ويمكن كثير من الشباب بيقول اسراره لزملائه في المدرسة او الجامعة انما اخوه ابدااااا


وكثير من البنات بتقول اسرارها للأم انما اخوها أو اختها السوسة أبدااااااااا

وكثير بقي ما بيحبش يعرف البيت اي سر

ويقول لاصدقائه

الأسئلة

انت بتقول اسرارك لمين

في حد فعلا من أفراد العائلة بتقول له كل الاسرار الكبيرة والصغيرة

وفي كمان أمهات مش بتحب تقول اسرار الا لجيرانها وتخاف تقولها في البيت

انتي منهم

وفي رجال مش بيحبوا يقولوا اسرار كثيرة للزوجات ويقولها لزملائه في العمل

انت بقي منهم ولا مش بتقول بتقبض كام ولا رايح فين ولا جاي منين

الشق الثاني من الموضوع

لما حد بيقول لك على سر بتحفظه فعلا

يعني ممكن حد صاحبك جدااااااااااا يقول على سر كبير جداااااااااا ويحلفك مائة مرة انك لا تقوله لاي احد ولا تحدث به نفسك حتى

بتحاول فعلا تحفظة ولا ممكن تدرش مع حد بعيد ما يعرفش اصلا صاحبك وتحكي معاه وتقول له السر على سبيل الحكاية وممكن تغير اسم صاحبك

فعلا بتعرف تحفظ سر

طيب لو صاحبك قالك على سر بجد او اخوك او اختك

وبعد كدا حصلت مشكلة بينكم وزعلتم مع بعض

هتفضل برضوا حافظ السر ولا هتقول بقي


وخلي بالك اللي هيرد هنا مش هقول لحد انه هرد وسرك في بير

[نبيه عيسى]

لا اقول االاسرا لاى حد

[Mr Gomaa Ashour]

الأسرار متنوعة

يوجد أسرار لا يعلمها إلا الله سبحانه وتعالى
يوجد أسرار لا أقولها إلا لوالدى فقط
يوجد أسرار لا أقولها إلا لإخوتى فقط
يوجد أسرار لا أقولها إلا لرئيسى فى العمل فقط
يوجد أسرار لا أقولها إلا لجارى فقط
يوجد أسرار لا أقولها إلا لصديقى (أسرار متنوعة )

[الاستاذ على الدين يحيى]

والله يا أبو آدم هذا الموضوع عاجبنى منك جداً لأن كل كلمة فيه فى محلها وأسلوبة بسيط والكلام إنساب معاك بسهولة شديدة فلم تكتب كلمة زائدة أو كلمة ناقصة - بسم الله ماشاء الله -
عموماً والحمد لله أنا عن نفسى لا أخفى أسراراً ولكن ....!!
عاهدت فى حياتى أن السر يظل سراً فترة من الزمن وليس كل الزمن يعنى حيطلع حيطلع
فتعلمت ألا أعطى سرى لأحد وإذا أعطيته فلا أعطيه كله , شاهدت فى حياتى الماضية أن السر ممكن يذاع فى حالة الزعل !! , ايضاً السر ممكن يذاع إذا كان فى مصلحة الطرف الآخر إذاعته . ولذلك كان المثل الذى يقول دارى على شمعتك تقيد مثلاً صحيحاً بمعنى إذا كنت بعمل خطوة تقدمنى فى عملى فلا داعى للكلام عنها مطلقاً إلا بعد أن تتم .
كما أن هناك اسرار تقال وأسرار لا تقال مطلقاً مثل تلك التى تحكى عن خطأ فظيع أرتكبته فى صغرك !! والتى تندم على فعلها بقية عمرك . مثل هذه الأسرار إذا قلتها لأى أحد لن يزيدك إلا شقاء . أما الآن وبعد هذا العمر الطويل فأنا والحمد لله ليس عندى أسرار إطلاقاً وأعيش بوضوح تام مع نفسى ومع من يحيطون بى . فالبساطة والتواضع ليس أفضل منهما شيئ
وإذا كان لى فى العمر بقية فلى عودة للموضوع مرة أخرى
تقبل تحياتى .

[ABO_ALREGAL]

منطقيا
حيث أنه :
لاتوجد ضمانات كافية لكتم الأسرار من قـبل الآخرين ..

و الشاعر أيضا يقول :

إذا ضاق صدر المرء عن سر نفسه ... فصدر الذي يستودع السر أضيق

وقـديما قالوا :

" من عرف سرك ،........ عرف طريـقا ليخنـقك "


وعليه فإن :


( الإحتـفاظ به ) أفضل بكثير من( البوح به ) !!!

دمت سالما

[طارق ممدوح ذكي محمد]

انت بتقول اسرارك لمين ?
ده حسب نوع السر .... :)
في حد فعلا من أفراد العائلة بتقول له كل الاسرار الكبيرة والصغيرة
والدتي بس مش كل الاسرار طبعا ...
وفي رجال مش بيحبوا يقولوا اسرار كثيرة للزوجات ويقولها لزملائه في العمل
في اعتقادي انه لا اسرار بين الزوج وزوجته
انت بقي منهم ولا مش بتقول بتقبض كام ولا رايح فين ولا جاي منين
ان شاء الله هقول ... وادي تقرير يومي وتمام كمان :) ... والزوج اللي ما يعرفش زوجته هوه بيقبض كام يبقى ينفصل عنها افضل .... امال تبقى حياه زوجيه ازاي :confused:



لما حد بيقول لك على سر بتحفظه فعلا


اكيد طبعا بحفظ السر

يعني ممكن حد صاحبك جدااااااااااا يقول على سر كبير جداااااااااا ويحلفك مائة مرة انك لا تقوله لاي احد ولا تحدث به نفسك حتى
من غير ما يحلفني يكفي ان استشف انه لا يريد ان يعلم حد بسره فاكتمه حتى عن مخيلتي .

بتحاول فعلا تحفظة ولا ممكن تدرش مع حد بعيد ما يعرفش اصلا صاحبك وتحكي معاه وتقول له السر على سبيل الحكاية وممكن تغير اسم صاحبك

ولا اغير ولا ابدل انا بنسى سره بعد ان افارقه مباشرة واتذكره حينما التقي به مرة اخرى

فعلا بتعرف تحفظ سر

الحمد لله ( قول بس يا ابو ادم الاسرار اللي عندك ما تخفش سرك في بير :) )

طيب لو صاحبك قالك على سر بجد او اخوك او اختك

وبعد كدا حصلت مشكلة بينكم وزعلتم مع بعض

هتفضل برضوا حافظ السر ولا هتقول بقي

طبعا دي حاجه ترتبط بامانة الانسان ومن يضيع الامانه ............... :mad:


وخلي بالك اللي هيرد هنا مش هقول لحد انه رد وسرك في بير

ما شاء الله عليك لا بجد كتوم للأسرار ... ومش هتعرف حد اني رديت على موضوعك ... :)

موضوع جميل واثرت قضيه هامه وهي كتمان الاسرار
وكتمان السر يحتاج لانسان قوي يحفظ السر
اما الضعفاء فلا يمكن ان نستئمنهم على اي سر مهما كان بسيطا
واضعف الاشخاص من لا يقوى على كتمان اسرار بيته
وهذا ما نراه للأسف بين الزملاء والزميلات في العمل
ارجو ان تختفي هذه الظاهره ... فهي من علامات غضب الله علينا
اللهم ارفع مقتك وغضبك عنا

[أفنان أحمد]

إذا خرج السر من بين الاثنين لم يعد سرا
أتعلم من (الاثنين)




الشفتين

انت بتقول اسرارك لمين ?
حسب نوع السر
في حد فعلا من أفراد العائلة بتقول له كل الاسرار الكبيرة والصغيرة
زوجى
وفي رجال مش بيحبوا يقولوا اسرار كثيرة للزوجات ويقولها لزملائه في العمل
لو ضاعت الثقة فى الحياة الزوجية ضاع كل شىء
وأحيان بعض النساء لا يكتمن سرا
وليست كل الأسرار تقال خاصة أسرار العمل إلا إذا كنت الزوجة كتومة جدا
انت بقي منهم ولا مش بتقول بتقبض كام ولا رايح فين ولا جاي منين
الشفافية مطلوبة جدا وعواقبها طيبة
والعكس


لما حد بيقول لك على سر بتحفظه فعلا

اكيد والحمد لله

يعني ممكن حد صاحبك جدااااااااااا يقول على سر كبير جداااااااااا ويحلفك مائة مرة انك لا تقوله لاي احد ولا تحدث به نفسك حتى


بتحاول فعلا تحفظة ولا ممكن تدرش مع حد بعيد ما يعرفش اصلا صاحبك وتحكي معاه وتقول له السر على سبيل الحكاية وممكن تغير اسم صاحبك

كأنها ما قالته ولا أحدث به أحد
وإن كانت مشكلة وتريد حلا لها أسأل بعض ذوى الرأى دون ذكر أسماء مع الإبهام الشديد
لطالح السائلة

فعلا بتعرف تحفظ سر

الحمد لله

طيب لو صاحبك قالك على سر بجد او اخوك او اختك

وبعد كدا حصلت مشكلة بينكم وزعلتم مع بعض

هتفضل برضوا حافظ السر ولا هتقول بقي

آية المنافق ثلاث وفى بعض الروايات أربع منها
وإذا خاصم فجر
وأنا أرى ان هذا من الفجور


وخلي بالك اللي هيرد هنا مش هقول لحد انه رد وسرك في بير

طبعا لولا إنى متأكدة من كدة ما رديت على الموضوع
وجزاك الله خيرا موضوع فعلا يمس الجميع ويحتاج إلى وقفة

[شريف]

أولا : أحييك بشدة يا أخ أشرف و ببارك لك علي القسم
الجديد في فكرته ...
الجديد في جوه الدافئ
و عندي ليك أفكار لأقسام جديدة نار
بس لما يتم افتتاح الموقع علي خير ان شاء الله
ثانيا : أحييك علي الموضوع اللي بيأيد فكرة البرنامج الاذاعي بتاع شريف الحريف
ههههههههه
لأني هقطعكم اسئلة و اسرار و اعترافات


انت بتقول اسرارك لمين


أنا بئر غويط كبير
كاتم أسرار أصدقائي
و بالتالي
كاتم أسرار نفسي
لأن السر اللي هيتقال و يخرج من فمي
من السذاجة أن نطلق عليه أساسا كلمة ((( سر )))
بيني و بينكم
لم أعد أثق أن أحتفظ بسري مع أحد
فالخيانة أصبحت كالهواء يتنفسه الكثير للأسف



انت بقي منهم ولا مش بتقول بتقبض كام ولا رايح فين ولا جاي منين


لكل مقام مقال
كله كووم و زوجتي كووووووم تاني
لانها أنا
لأنها نفسي
هل أكتم سري عن نفسي
بدون مبالغة أعتقد أنني و زوجتي شخص واحد
كيف سأعيش معها و أنا أخشي أن تفضح سري؟
كيف لا استطيع أن أحفظ سري مع رفيقة العمر؟؟؟
ان كانت ليست أهلا لحفظ سري
فليس لي حاجة في الزواج منها

أما بالنسبة للفلوس و الميزانية و الكلام ده
فأنا معنديش خلق لميزانيات
أنا قولت لها
شيلي انتي الليلة
خدي الفلوس
و عيشي حياتك
تقوليلي هات كذا أو عايزة كذا هولعلك في المنطقة بحالها
الميزانية معاكي يا بنت الحلال و اللي في نفسك جيبيه
ههههههههههه

أما رايح فين و جاي منين
فلها الحق
و لكن
مش بخنقة
عشان انا بتخنق بسرعة



لما حد بيقول لك على سر بتحفظه فعلا


الحمد لله رب العالمين أنا محل ثقة جميع أصدقائي
فيبوحون لي بما لا يجرءون أن يتلفظوا به أمام اخرين






وبعد كدا حصلت مشكلة بينكم وزعلتم مع بعض

هتفضل برضوا حافظ السر ولا هتقول بقي


دي ندالة و خيانة و منافية للرجولة
حتي وان كان عدوا
فالعهد عندنا في ديننا الاسلام أمر مقدس لا ينبغي الاقتراب منه




وخلي بالك اللي هيرد هنا مش هقول لحد انه هيرد وسرك في بير



أمة لا إله إلا الله كلها عرفت يا ابو ادم


و في النهاية تذكرت كلمات هذا مقامها
قالوا قديما: كل سر جاوز الاثنين شاع

أما سرك الخاص بك، فأصدق ما يقال فيه: كل سر جاوز الشفتين ذاع· بمعنى: أن يتسع صدرك لسرك، فلا تتحرك به شفتاك، ولا تسمع به أذناك، فضلا عن أن تسمعه أذنا غيرك·
قال علي - رضي الله عنه -: (سرك أسيرك، فإن تكلمت به صرت أسيره)·
ويكتم الأسرار حتى إنه * * * ليصونها عن أن تمر بباله

وإن من الأمانة: الأسرار الزوجية، ومن أعظم الخيانة إفشاء الزوج سر زوجته، وإفشاء الزوجة سر زوجها، فقد جاء في الحديث الشريف: (إن من أشر الناس عند الله منزلة يوم القيامة: الرجل يفضي إلى امرأته، وتفضي إليه، ثم ينشر سرها)
(استعينوا على إنجاح حوائجكم بالكتمان، فإن كل ذي نعمة محسود)

إذا المـرء أفشـى سره بلسـانه * * * ولام عليــه غيره فهـو أحمـق

إذا ضاق صدر المرء عن سر نفسه * * * فصدر الذي يستودع السر أضيق

[غادة عبدالسلام]

lموضوع جميل استاذ اشرف وفقك الله

والقسم الجديد سينجح باذن الله لانه هيقرب الزملاء من بعد فى الجانب الاجتماعى

وسيزيد رابطة الاخوة والمحبة فى الله

وبالنسبة للسر اكيد ان خرج من بين شفتا الانسان خلاص مبقاش سر

لكن ممكن تكون فضفضة وطبعا لازم اختيار الشخص المناسب

حسب نوع ما يقال

وبجد فى زميلات زمان ايام الدراسة قالولى اسرار الى الان لم اخبر بها

احد وان شاء الله الى نهاية العمر

[امة الرحمن]

الأسئلة

انت بتقول اسرارك لمين

الاكتر اصحابي

في حد فعلا من أفراد العائلة بتقول له كل الاسرار الكبيرة والصغيرة

اه اغلي حب بعد ربنا ورسوله وامي وابويه
هبه بنت خالي
صديقه عمري اللي فات وعمري اللي جي
صديقه وحبيبيه واخت وزميله كل حاجه ليا في دنيتي
وفي كمان أمهات مش بتحب تقول اسرار الا لجيرانها وتخاف تقولها في البيت

انتي منهم
انا مش امهات خالص
لسه مش جه دروي في طابور الامهات

وفي رجال مش بيحبوا يقولوا اسرار كثيرة للزوجات ويقولها لزملائه في العمل

انت بقي منهم ولا مش بتقول بتقبض كام ولا رايح فين ولا جاي منين

ولا انا راجل بردو:o
الشق الثاني من الموضوع

لما حد بيقول لك على سر بتحفظه فعلا
اه
عشان انا مش اقبل حد يقول سري لحد

يعني ممكن حد صاحبك جدااااااااااا يقول على سر كبير جداااااااااا ويحلفك مائة مرة انك لا تقوله لاي احد ولا تحدث به نفسك حتى

بتحاول فعلا تحفظة ولا ممكن تدرش مع حد بعيد ما يعرفش اصلا صاحبك وتحكي معاه وتقول له السر على سبيل الحكاية وممكن تغير اسم صاحبك
اه ساعات بعمل كده
بس بعلم صحبتي اللي قاتلي
لاني بقوله لهبه وهبه مش تعرفهم معرفه شخصيه
فعلا بتعرف تحفظ سر

طيب لو صاحبك قالك على سر بجد او اخوك او اختك

وبعد كدا حصلت مشكلة بينكم وزعلتم مع بعض

هتفضل برضوا حافظ السر ولا هتقول بقي

لا مش حقول
لاني لو قولت
هو كمان حيقول
والفضايح حتكتر:d
وخلي بالك اللي هيرد هنا مش هقول لحد انه هرد وسرك في بير

لا بير بير وغويت جدا
محدش حياخد باله

قسم جديد وقسم رائع بجد
ربنا يكرمك استاذ اشرف
والموضوع احلي واحلي

[KHALOOOD]

باختصار شديد
اثق فى اغلب الناس
لانى كثيرا ما يرتاح قلبى للناس
ولكن اسرارى ليست مع احد
وهذا سر سعادتى

[الاستاذ احمد]

:17:السلام عليكم ورحمة الله تعالى وبركاته


تلك أولى مشاركاتي في المنتدى الذي أتمنى ان بكون عظيما بأعضائه وزواره


جميل طرح هذا الموضوع لكن اتذكر هذا البيت من الشعر



قال الشافعي :


إذا ضاق صدر المرء عن سر صدره
فصدر الذي يستودع السر أضيق

واتذكر حكمة والدي


أي بني

لا تفعل ما تخشى أن يعرفه الناس


فإذا فعلت حلالا فانشره فذلك ليس بسر فان لم تفعل كان كتمانا للعلم

وإذا فعلت حراما فاستر نفسك يسترك ربك ولا تعط رقبتك لأحد وكما قيل قديما


احذر عدوك ألف مرة واحذر صديقك 2345 مرة

أعرفكم بنفسي


أخوكم في الله

الأستاذ أحمد

معلم اللغة العربية


مصر


هواياتي قراءة القران وحفظ منا يجمل من الاشعار


عزب أبحث عن جنة

سائر إلى الله منذ بضع وعشرين سنة


في كثير من المنتديات هناك صفحة للتعارف يكتب فيها كل عضو بعض البيانات عن نفسه اتمنى ان تكون موجودة في هذا المنتدى