تخيل سيناريو ليوم فى حياتك !!!!!!!!

[دعاء شديد]

You can see links before reply


اتفضل هو ده مكان فى خيالنا
يا ريت بقى
تقمص دور السيناريست والمخرج والبطل طبعا
مطلوب ايه من حضرتك


You can see links before reply


عمل سيناريو ليوم فى حياتك ... اى يوم
يوم عادى
يوم شغل
يوم مميز بالنسبه لك
يوم خنيق


You can see links before reply NxUvrX0CRtdcmmB-LRWA7ojqLq7wh1LSXIMKkb8sX966dz/P1010022.JPG?width=482&height=355


المهم حدد انت اليوم
وابدأ عمل السناريو طبعا
بشرط
تبدأ اليوم ده ... من أول متصحى من نومك


You can see links before reply (You can see links before reply 20%26um%3D1%26hl%3Dar%26sa%3DN%26rlz%3D1R2SKPB_enE G353%26ndsp%3D20%26tbs%3Disch:1)


وبدأ بقى فى سرد احداث اليوم
نهار داخلى
نهار خارجى
جو المكان صامت
الاضاءة
تخيل كده واعمل السيناريو

[امل لاشين]

يوم شغل






You can see links before reply es_wearing_slippers_and_holding_coffee.jpg




الساعه 8


(دايما المنبه بيرن في ميعاده غريبه )


البطله نايمه وكسلانه جداااا ... (وقتها النوم بيكون جميل جدااااااا)


You can see links before reply



تفضل تعطل في المنبه لغايه ماتقوم فجاه علي 8.45


وتمسك التليفون تتصل بالمكتب تقولهم امامها نصف ساعه وهتوصل ..


(وكمان بتتامر وتقول لو شطبتوا عليه مش هاجي .........:))


الساعه 9.30 : 9.45 ..


(علي حسب سرعه حصولها علي التاكسي ..)


تخرج من منزلها و توصل المكتب..


( في الدور الرابع وعباره عن كذا قسم مع بعض من ضمنهم التوجيه ..)


تقوم بتحيه الجميع ..وبعدين


كان في شغل عندها .. وده سبب نزولها ..


( في الاغلب بتاخد عارضه في يوم المكتب :) )


استلمت عملها وانهيته ..


( طبعا في اثناء ذلك لازم تطلب الفطاروالشاي..
وممكن تمل العمل تخرج ..في الكريدور تكلم في الموبايل
او تغلس علي حد من زمايلها ..غلاسه .)


وفي الساعه 12 ظهرا ..


تركت المكتب


( ولم تظل للانصراف ..بلطجه ..:))



رجعت للمنزل ...


يوم شغل اتعودت عليه ...بس بحاول اعمل تغير


في مجري الشغل وجدده لانه مجرد اني اشعر اني اتعودت عليه ..


اتخنق منه بجد .....طبيعه مهببه ..


وبس :bosyht9: ..



وبجد يادعاء جميل الموضوع ...ياريت اكون عرفت اكتب سيناريو


بس يكفيني المحاوله ...وكمان ممنوع المقارنه ههههههههه


شغلي ليه طبيعه خاااااااااااااصه جدااااااااا ..


علشان لامل لاشين وبس ..:)

[أبوبكر أحمد العملة]

You can see links before reply



اتفضل هو ده مكان فى خيالنا
يا ريت بقى
تقمص دور السيناريست والمخرج والبطل طبعا
مطلوب ايه من حضرتك
أبدأ بالمخرج طبعاً ده الكبير في الموضوع ده


You can see links before reply


عمل سيناريو ليوم فى حياتك ... اى يوم
يوم عادى
يوم شغل
يوم مميز بالنسبه لك
يوم خنيق
اختار يوم اجتماع الفيوم
You can see links before reply

7.00: استيقظت مبكراً علشان السفر مبكراً ..
7.45: بصة سريعة على المشاركات الجديدة ببوابةالتعليم المصرى
8.30:نزلت الشارع واشتريت سندوتشات سريعة علشان السفر طبعاً
9.00:ركبت الميكروباص متجهاً الى رمسيس لمقابلة الغالى محمد غمرى
10.30:وصلت لرمسيس وانتظرت أستاذ محمد غمرى وفؤجئت باتصاله لظروف خارجة عن ارادته الاعتذار حتى لا يؤخرنى على موعد الاصدقاء بالفيوم
10.50: تحرك الميكروباص الى الفيوم الجميلة صاحبة وادى الحيتان المميز
12.30:الوصول بسلامة الله الى ارض الاحباب


You can see links before reply nxuvrx0crtdcmmb-lrwa7ojqlq7wh1lsximkkb8sx966dz/p1010022.jpg?width=482&height=355


المهم حدد انت اليوم

يوجد رابط بالصور لمن يرغب في مهمة مدير التصوير
You can see links before reply




You can see links before reply (You can see links before reply 20%26um%3d1%26hl%3dar%26sa%3dn%26rlz%3d1r2skpb_ene g353%26ndsp%3d20%26tbs%3disch:1)







شكراً دكتورة دعاء شديد على اتاحة الفرصة

وجزاكم الله خيراً

مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

[نعمه محمود]

يوم زى كل يوم
المنبه بيرن الساعه 6 واخره ل 6 وربع قال يعنى الربع ساعة دى هتفرق
المهم جرى اعمل الشاى وأصحى عمر وحبيبة ألبسهم وأنا بصرخ
حبيبة بتعيط لانها مش كملت الواجب وانا بقولها مفيش وقت
عمر أفندى بيزن عشان مش يتأخر لان المس مش بتدخل حد بعدها دى الحجة ولكن الحقيقة انه عاوز يلحق يلعب شوية
انزل أسخن العربية واتحرك الشارع كالعادة واقف واتنين عاندين في بعض وصلت لمدرسة حبيبة وممنوع الانتظار هنا والعسكرى بيمثل انه هيكتب مخالفة
طبعا عاوز الشاى بتاعه وهنا الشاى ما يقلش عن 5 جنيه اصلها تسعيرة لانه عارف المخالفة هنا بكام المهم اكمل واوصل عمر واطلع على مدرستى وللاسف مش لاقية مكان اركن فيه وكلها 5 دقايق والتوقيع يترفع وبصعوبة اركن واطلع المدرسة اخلص يومى اللي بيكون مشحون جدا في اكتر من حاجة وارجع اعمل كل ده تانى في طريق العودة

[نعمه محمود]

ده سيناريو واقعى وحقيقي وروتينى
حبيت اكتبه عشان هتخيل يوم تانى
عشان تلمسي الفرق

[وسام غانم]

للاسف الايام كلها زى بعضها
بقوم من النوم من خمسه و نص ل 6
بتوضى و اصلى و ماما حبيبة قلبى بتكون قايمه قبلى و بتحضر الفطار
افطر و اجهز نفسى علشان أروح المدرسه ( الشغل )
و بالرغم من انى بكون قايمه بدرى بس بتاخر فى الخروج
اخرج انا و ماما نروح الشغل هيه تروح على مدرستها اللى قريبه مننا
و انا تبع التساهيل مع الموصلات يا بدرى يا متأخره
بوصل المدرسه و الحمد لله بلحق امضى فى الدفتر
و نشوف الشغل اللى و رانا و نشتغل
يخلص اليوم اروح اصلى و افتح المنتدى و اتغدى
و بقيت اليوم ان مخرجتش يبقى لزقه للكمبيوتر
و ننام و نصحى و نفس السيناريو بيتكرر لدرجه انى بحس فى اوقات كتيره بالملل

[ميس صافيا]

اوعى حد يفتكر ان انا خنيقه والا حاجه
لا والله
بس هو سبحان الله فيه ايام كده من اول اليوم ولحد اخره بيكون خنيق خنيق يعنى
بيبدا بانى اصحى متاخر ربع ساعه
طبعا الربع ساعه دى دمار
المهم اعمل سندوتشات للبنات اى كلام واجهزلهم شنطتهم برضه تجهيز اى كلام
واطلع اجرى
تبدا الخنقه اللى بجد باه
اجى احايل العربيه تدور تحلف ما هى دايره فى يومها
يا ستى يهديكى يرضيكى .. ابدا
المهم اروح رزعه الباب كالعاده واصحى الجيران
واطلع اجرى ع المواصلات

مواصلات زى الزفت بنقابل العربيات عشان نعرف نركب من الزحمه
ممكن نمشيلهم لحد ما بنكون خلاص قربنا نوصل الشغل يعنى

المهم اوصل طبعا متاخره
وميس سكينه تمضينى فى الدفتر وهى مش طايقه تبص فى وشى دا لو هى مبسوطه
طبعا لو العكس دفتر التاخيرات باه بيطلع

اطلع ع الدور الخامس مقرنا الرسمى
الا ولازم خناقه تحصل بينى وبين واحده من زميلاتى
وطبعا خناقه هايفه كالعاده (دماغهم فاضيه )
يعدى يوم العمل بالعافيه بكل زهق وارف

وارجع البيت افكر انى هاستريح باه
لكن هيهات هيهات
فما ان خطر ببالى مجرد خاطر انى انام شويه
الا ولى لى بنتى اللى متعوده تنام كل يوم فى الوقت ده ساعتين تلاته
هى كمان تحلف ما هى نايمه
وانا جنبها باحايلها تنام وانا نايمه نص نوم
احايل مره وازعق مرات فيييييييييييين على ما ربنا يهديها وتنام
ابدا انا يدوب كده النوم يحلو
يثرب تيجى تصحينى
وتخترع اى اختراع اللى لازم يقومنى من ع السرير
بس على حسب الاختراع باه
يا اقوم يا ما اقومش
بس فى الحالتين النوم خلاص طااااااااااااار
ويحلف انه ما يرجعش تانى
اقوم عامله زى الفرخه الدايخه
لا عرفت انام
ولا استفدت بالوقت اللى ضاع فى انى اعمل حاجه
ويستمر اليوم خنيق خنيق خنيق
لحد اخر لحظه
وما خفى كان اعظم
بجد بجد لما بافتكر يوم زى ده مجرد فكر اعصابى بتتعب
ربنا يسامحك يا دعاء

بس موضوعك الصراحه ادانى فكره موضوع
قولى يا رب ويتعمل

[دعاء شديد]

يوم الشغل عندى
بيبدأ من بالليل

ليل داخلى"البيت" : الساعه 11
بكون قررت انى هصحى بدرى
ولان معادى فى المعهد 10 صباحا
واظبط المنبه على 8
وطبعا باخد قرار انى هنام بدرى

نهارد داخلى"البيت" : المنبه بيرن
اقوم اغير المعاد واخليه 8.30
وافضل كده لحد مصحى الساعه 9.30
ههههههههههههههه
وطبعا اول مصحى بكلم نعمه
مهما كنت متأخره

نهارد خارجى "الشارع" : 10.30
يدوبك لسه نازله من البيت وهركب
اكلم ولاء اقولها ربع ساعه واكون عندك فى المعهد
"عمرى مرحت فى معادى"

نهارد داخلى "المعهد" : 11.30
وصلت المعهد لازم طبعا اشرب حاجة الاول
ونشوف جدول الاعمال وننفذ على اد منقدر

نهارد داخلى "المعهد" : 02.00
نغادر المعهد لان كده خلاص كفايه اوى

نهارد خارجى"امام المعهد" : 02.00
فى طريقى للمنزل
وانتهى يوم الشغل والساعه 03.00 اكون فى البيت

طبعا ده اليوم الرفيهى
انما فى ايام ببدأ من 10 صباحا إلى 7 مساءاً

[دعاء شديد]

شكرا جزيلا لكل من شارك برد
وطبعا كلنما كتبنا سيناريو ليوم واقعى

انا عاريزه سيناريو من وحى الخيال
تخيل يوم ... وشوف نفسك يكون ازاى
:16:
فى النتظار ايامكم والا