خالى ( سعد ) سمع اقتراح من عضو تابع ل ...... لحل ازمة الوقود

[محمد وهب الله سندل]

شوفتوا اللى حصل

من عضومنافق مخادع تابع لهيئة النفاق فى مجلس سوء عشان يكون محبوب قال

خطة واقتراح جديد عمل وقود من ( القمح والفول )


فجن جنون خالى ( سعد ) ومشى يقول !!




وفى سط الزرعه والمحصول
شفته بيكلم نفسه يا ولداه !
سألته ايه اللى حصل يا ترى وياه ؟
ايه مالك يا عم سعد مشغول ؟


رد عليا وقال إلحق ...

قال ايه
هيحولوا الغله والفول لوقود بقى دا معقول !


قلت حصل ** والله صدق القول


سألنى وقال وهناكل ايه ؟


استكتروا علينا حتى الفول


رديت وقلت مش عارف نعمل ايه !!


القمح هيبقى فى روشته
والفول يبقى بالبون
ح يخلوا اسعارنا تقيد وتولع ع لطول

ورغيف العيش يبقى بالحته
واللى بياكل تلاته ياكل طقه

وهياكل ايه يا عينى
هو يا ناس دا كلام معقول
هما فاكرينا زييهم ناكل مايونيز
ومادكيز والله ما عارف اقول
دا احنا يا خلق غلابه
طعامنا من الحبه وشوية فول
مساكين يا اهلى وغلابه يا ناسى:28:
هتعملوا ايه لما الوقود (You can see links before reply)ياخد المحصول

[أحمد البرجينى]

حضرتك دا منتدى تعليمى مش برنامج سر الأرض والأرض لو عطشانه
ممكن حضرتك تضع الموضوع دوا فى مكان تانى ( ولا خليه حتى علشان أنا بحب بتوع مجلس الشعب )
أنا رديت علشان الإدارة قالت المفروض إننا نتحمل المسئولية ونوجه بعض

[محمد وهب الله سندل]

حضرتك دا منتدى تعليمى مش برنامج سر الأرض والأرض لو عطشانه

ممكن حضرتك تضع الموضوع دوا فى مكان تانى ( ولا خليه حتى علشان أنا بحب بتوع مجلس الشعب )

أنا رديت علشان الإدارة قالت المفروض إننا نتحمل المسئولية ونوجه بعض



يا أخ / احمد

للكلام معنى ومغذى بس مش كل الناس تفهمه

ومن مضمون الكلام لو حضرتك عايش فى البلد وشايف الغلا وصل لايه وشوفت سعر الغاز ومشاكله .
2 - مش لازم نعبر دايما بكلام صريح ساعات النكته او رسم الكاركتير بيعبر عن مشاكل وكلام بدون ما نتكتبه .
3 - الكلام والشعر انواع منه الزجل والعامى والقافيه والهجاء . وغيره للتعبير عن الكلام والحوار

4 - تدبر الكلام وشوف الهدف منه ايه داخل الكلمات والقصد منها .

[احمد الاقصر]

اكيد الواقع الان يحقق ما قيل

[ايمان ابو الفتوح]

فعلا للقصيده معنى واضح ومفهوم جزاك الله خيرا اخى الفاضل ونتمنى منك الافضل والاستمرار فنحن فعلا نستفيد منك شكرا جزيلاااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااا

[عماد عبد الحميد]

جزاك الله خيرا والحدق يفهم