في بلد الأزهر ...متي سيتم حجب هذه المواقع ؟؟؟

[شريف]

جلست ابنة أختي نورهان يوما علي الشبكة العنكبوتية
فهي قد أصبحت بارعة في فنون النت
و تكتب علي الكيبورد بسرعة 3000 كلمة في الفيمتوثانية
و أصبحت تزعجني كثيرا و تثير بداخلي خوفا كبيرا
فقد عرفت طريق السلاح ذو الحدين ((( الأخ جوجل )))
و أصبحت أخشي عليها أن تكتب في جوجل
((( و لو علي سبيل الخطأ )))
ما يجعلها تري بعينيها ما لا يحمد عقباه !!
أصبحت الفتنة علي بعد خطوات يسيرة
كما قال رسول الله صلي الله عليه و سلم
و كم أعتقد أن حديثه الشريف الذي يتحدث فيه عن
فتنة تدخل كل بيت من بيوت العرب
ان هذه الفتنة هي الدش و النت و ما الي ذلك يقينا

و السؤال الذي يطرح نفسه بقوة
هو ايه فائدة عدم حجب المواقع الاباحية فى مصر ؟
بتزود الدخل ؟
بتجيب سياحة ؟
بتجيب دولار ؟
طبعا لا
بتجيب خراب فى البيوت ؟...... اه


بتشجع على جرائم الاغتصاب ؟ ......اه
بتسبب سخط الله ؟
ايوة
بتجيب بلاوي من جميع النواحي؟
أيوة
طب ساكتين ليه فى مصر عليها ؟ مش عارف






طب سؤال تانى لو مصر حجبت المواقع الاباحية هيبقى خير ولا شر ؟


طب لو خير منعملوش ليه ؟


طب لو شر منمنعوش ليه ؟



وأهم الأشياء الضرورية التي ترعاها الشريعة الإسلامية لجميع رعاياها، ألا وهي : الدِّين، النفس، العقل، النسل، والمال



والمواقع الاباحية بلا ريب تقضى عليها جميعاً
دعوة عامة الى حجب المواقع الاباحية بمصر


الامارات طبقت الحجب فى أبريل 2008 --- طيب مصر امتى ؟




فلو قلنا الدش صعب



ازاى هنمنع القنوات الاباحية ؟



طيب الانترنت سهل جداً عن طريق حجب الآى بى ويتم تطبيق ذلك
فى معظم الدول العربية مثل الامارات والسعودية وغيره يعنى الفكرة مش جديدة ...لكن لم تطيق في مصر بعد





You can see links before reply





بس عاوزك تتخيل حاجة صغيرة ان شاء الله لما الموضوع ده يتحقق
( قريب ان شاء الله ) هتبقى ليك كام حسنة عند المولى عزوجل انك شاركت فى حماية شباب بلادك !
متخيل ؟
باختصار الموضوع لا يجب أن يهمل وعاوز زقة صغيرة
منك ومنى ومن كل مسلم غيور
ــــــ
فى معظم الدول العربية كام موقع جنسى فى صدارة أكثر مائة موقع يدخلها المواطنون العرب، فى مصر مثلاً المواقع الاولى جوجل وياهو وميكروسوفت وفيسبوك ومصراوى والبلوجز ومواقع رفع الملفات وبداية هذه المواقع الاباحية من رقم 25 تخيل ده بيدخلوا كام مليون مصرى يومياً ؟؟؟
الفكرة موجودة في منتديات كبيرة كثيرة
و ستؤتي ثمارها ان شاء الله


- لو حد ممكن يُلحق الموضوع ده بالحملة اللى كانت منتشرة على الفضائيات لعلاج حالات ادمان المخدرات واهو كله ادمان برضوا
يبقى كتر خيره


- لو حد يعرف نائب فى مجلس الشعب يتبنى تقديم طلب احاطة يبقى كتر الف خيره

- لو حد يعرف يوصل لقناة فضائية تعرض الموضوع وتتبناه يبقى كتر الف خيره

كلمة رقراقة لمسئول في مكان ما
و بأسلوب مهذب
قد تحركه للتواصل في هذا الموضوع

فما كان الرفق في شئ إلا زانه

[س ا يوسف]

العلمانية والعلمانيين ومصر
كتاب اود تأليفه

[نانى]

سلمت يمناك موضوع جميل ولو تم هيبقى اجمل الدنيا بقت مليانه مصائب بفضل هذه المواقع اللهم عافنا وذريتنا

[nanes]

استاذ شريف حقيقي جزاك الله خيرا على فتحك للموضوع

انا في الحقيقة مش شايفه اي سبب منطقي يخلي المواقع دي مش تتحجب لحد دلوقتي
هل ده بداعي الحريه!!! .. اي حرية دي ؟.. ده فجور .. وما هو الا الفجور بعينه

بجد اتمنى ان حاجه زي دي تتم في اسرع وقت .. وان شاء الله الواحد يعمل اللي ربنا يقدروا عليه

وجزاك الله خير مره اخرى يا استاذي

[محمد عبد العظيم وسية]

فعلا أيها الفارس الشريف

وحشتني موضوعاتك الرهيبة الجميلة المتميزة

بالمناسبة احنا ممكن نقدر نمنع أولادنا من أخطار المواقع الإباحية والشات

وخاصة في سن التكوين في المرحلة الإبتدائية بعون الله

والفتنة التي ستدخل كل بيت أعتقد أنها ( الربا ) فما رأيك ؟؟
ـــــــــــــ
لكككككككككككككككككككككككككككككككككككككككن يا صديقي

إن أردت أن تحرك الأزهر ليمنع تلك المواقع الإباحية

فأريد أن أنبهك ((((((((((((( أن غول الإعلام والاستعمار الثقافي الغاشم على مصر والدول العربية من الصعب إيقافه وتدميره إلا بال .................................. ))))))

ـــــــــــ

استر يا ستار من موضوعاتك اللي مابتسكتش وردودي اللي هتودينا في داهية

[اسامه القزاز]

استاذ شريف / موضوعك يستحق ان اقف عنده واحييك عليه ولكن للأسف هذه الجزئية التى تتحدث عنها هى مجرد جزئية من اشياء كثيرة جداً جداً قد لاتلفت نظرك انها قد تفسد الكثيرون على المدى القصير والبعيد مثال بسيط جدا قد يكون داخل مدرستك التى لا اعرفها او فى مدرسة اخرى بجانبها .

[طارق ممدوح ذكي محمد]

حبيب قلبي شريف جزاك الله كل خير

بس حقيقة لي وقفتين مع موضوعك حتى اشاركك الاجر والثواب ان شاء الله

اولا : ياريت ما نستشهدش بالازهر ونقول اننا بلد الازهر لان ببساطه الازهر ليس من المقدسات الاسلاميه وكلنا يعلم ما أل اليه حال الازهر في هذه الايام ........:(

ثانياً : هوه مين اللي هيحجب المواقع الاباحيه او هيستصدر لذلك قانون ؟ ... اللي بيعتبر ختان الاناث ( في كل الاحوال جريمه ) واللي بيرفع سن الزواج ( قال يعني فيه جواز !! ) اللي بيجيز فوائد البنوك ( الربا ) .. اللي بيجيز بل ويشجع تجارة الخمور .... متهيقلي نوجه دعوانا وشكوتنا ورجائنا الى الله عز وجل وكفى به ولياً و نصيرا .

اللهم دبر لنا امورنا فإننا لا نحسن التدبير

اللهم ارفع مقتك وغضبك عنا

[أفنان أحمد]

جزاك الله خيرا أستاذ شريف
وأنا أؤيدك بشدة
لا عائد من وراء وجود مثل هذه المواقع إلا الخراب و الدمار
والفساد الذى نلمسه فى مدارسنا وشوارعنا من سلوكيات
وألفاظ وغيرها ..
صحيح فتن كقطع الليل المظلم
اللهم نج المسلمين من الفتن ما ظهر منها وما بطن
وعلينا ألا نقف مكتوفى الأيدى فعلينا بتربية أبنائنا على الخوف من الله عز وجل ومراقبته فى السر و العلن
وليقل كل منا لنفسه
(إذا أردت خليفة كأبى بكر فكن كخالد وسعد )

[monsieur_sadek]

اعتقد أن الأعداء أيقنوا أنه لا سبيل ولا طاقة لهم بنا إن واجهونا بأسلحتهم مهما كانت قوتها
فغيروا من أسلوبهم وأسلحتهم ( الغزو الفكرى والثقافى ) وأعتقد أنهم نجحوا
فلقد دخلت الأقمار الصناعية كل البيوت وتجاوزتها الى الاشتراك فى كل القنوات المشفرة ثم النت وما به من مواقع إباحية
فاللهم اعصمنا من الوقوع فى هذه المعاصى

[moaz1993]

حلو الكلام اول حاجة الموضوع منقووووووووووول منتدى احلى ثانوية على ما اتذكر لان الموضوع هناك مذ اشهر
تمام
انا مش اقول اكثر من اللي قلته هناك
لما تقفل شوارع الهرم والبهوات اللي بتطالب انهم يقفلو المواقع دول ماهم ناييمن في حانات شارع الهرم ده اكبر باين تجمعات ...

دنا يوم الجمعة في مرة نازل من اكتوبر 6 الصبح لمحطة جيزة بتاعت القطر الدنيا لسة مش تنورت والفجر لسة منتهي لقيت امم خارج من احدى ... وجنبها بودي جاردات ....

اما الازهر .!!! ازهر اما اللي قايميمن عليه اضل سبيلا الا من رحم ربي
انا سمعت انا اصلا في كتاب انجليزي للازهر كان في صور خمور على ما اعتقد

مشكووور طبعا على طرح حضرتك

[أشرف السيد]

اهلا بكم

ممكن يكون اسم الموضوع بشكل تاني

متي سيتم إلغاء الأزهر في بلد هذه المواقع

[moaz1993]

متي سيتم إلغاء الأزهر في بلد هذه المواقع

لا جااااااامد اوووووووووي العنوان ده يا استاذ اشرف
بس اكيد ده الي هما عايزنو
ولية احنا نحسسهم بالضعف وان احنا بعنا القضية
محنا نقاوم ومش نستسلم

[شريف]

اول حاجة الموضوع منقووووووووووول منتدى احلى ثانوية

أحلي ثانوية؟؟؟؟؟؟؟

حضرتك أنا مابدخلش احلا ثانوية نهائي
ولا أي ثانوية بتدخل دماغي

اذا ماكنش في المنتدي اللي بدخله ناس أحبها و احترمها و أثق فيها
مابدخلوش

و بصراحة في مواقع معينة بقيت أكره نفسي لما ادخلها اساسا
عشان في انواع بشر معينة مش عايز اشوف خلقتهم

هدخل و انقل موضوع كمان منها؟؟؟؟؟؟
ايه حلاوة الروح دي؟

الموضوع جزء من فكرته منقول لكن من منتدي تاني خالص سمعته مالية البلد ياراجل

احلا ثانوية؟؟؟؟؟؟؟
ههههههههههههههه

أضحكتني

[شمس بياض]

لو حد يعرف نائب فى مجلس الشعب يتبنى تقديم طلب احاطة يبقى كتر الف خيره
تعرف احلى حاجه ان قلبك طيب وكبير
الغالبيه منهم يا استاذ شريف ب-----------
عندهم اسبابهم لظهور المواقع دهيت

- لو حد يعرف يوصل لقناة فضائية تعرض الموضوع وتتبناه يبقى كتر الف خيره
فيه قنوات شريفه كتير لكن مين بيسمعها
مثل الرحمه والرساله والمجد وغيرها
الله نسال ان يعيد الاسلام فى النفوس اولا
انا اسال كل رجل فى المنزل امنع نفسك وقم بتنزيل برامج لمنع هذه المواقع فى بيتك وابدأ بنفسك

كلمة رقراقة لمسئول في مكان ما
و بأسلوب مهذب
قد تحركه للتواصل في هذا الموضوع

ياسعاده البيه المحترم يخليك ويبارك فيك وينصرك على مين يعاديك

شيل الهباب دهوت اللى اسمه المواقع الاباحيه

ربنا يصالح حال الامه الاسلاميه

[مستر أحمد حمدى]

اقولكم على حاجة

يوجد فى شركة الإتصالات المصرية خاصية يتم الاشترك فيها لمستخدمى النت

تلك الخاصية اسمها على ما اعتقد حماية الأسرة والمجتمع

فلما تفتح مواقع جنسية او يوتيوب على بعض اللقطات لا يفتحها لك ويقول انها محظورة

تعرفوا لما صاحب شبكة النت المركزى اللى انا كنت مشترك فيها عمل كدة إية اللى حصل ؟؟؟

اتخرب بيتة وتقلص عدد المشتركين من 61 مشترك إلى 17 مشترك

عارفيين ما معنى ذلك ؟

معناه أن أكثر من 80 % من مستخدمى الشبكة يستخدمونها للجنس


فما كان منه إلا أن انسحب من تلك الخاصية اللى خربت بيتة

فأقول لكم القول الفصل

بدلاً من منع القنوات الإباحية والمواقع الخليعة وهذا مستحيل لسبب بسيط لأن الحجب يكون على

المواقع التى عليها السكس صريحا لكن هناك مواقع عربية تنشر السكس على هيئة فضائح

او مقاطع بلوتوث

بل بعضها يأخذ مسميات بريئة فبالطبع يفلت من الرقابة

فبدلاً من المنع للموقع او القناة الأباحية نمنع أسباب إستخدامها

فالأسباب 1- الفراغ 2- تأخر سن الزواج 3- البطالة

هذا إذا استطاع أحد أن يمنع تلك الأسباب

[dream]

يا استاذ شريف

انا راى الشخصى

اننا نبدا بانفسنا فى تربيه ابنائنا

وزرع الخصل الحميدة والاخلاق

لان المغرييات اصبحت تتعدى النت

بمراحل

البلد بتدعو الى العولمة

وحضرتك بتدعوهم لحظر المواقع الاباحيه

ناقش فكرهم الاول وبعدين

ادعوهم

ربنا يستر على الاجيال القادمة



شكرا لك على هذا الموضوع

[شريف]

وحضرتك بتدعوهم لحظر المواقع الاباحيه


ناقش فكرهم الاول وبعدين


ادعوهم




حاضر
هروح اناقش حاضر
هناقش فكرهم يمكن اقتنع بيه
انا غلطان يا جماعة و حقكو عليا:)

[عز وحيد]

معاك يا استاذ شريف
وانا بدعوك انت وكل اساتذتنا
وكل الاعضاء
اننا نقوم احنا بالحملة ديه
ونبدأ بنفسنا
ليه ما نقومش احنا بحملة من اجل غلق هذه المواقع وحجبها نهائيا
احنا مستخدمين النت
انا وانت وهو وهى وهما وكل الناس ليه ما نقومش بالحملة ديه
ياريت نتجمع كلنا ونفكر ازاى نقوم بالحملة ديه
ازاى نلغى المواقع ديه
وكل واحد يبدأ بنفسه

[moaz1993]

هناقش فكرهم يمكن اقتنع بيه



نرجو منك الاحترام فى الرد

ومناقشه جادة للفكر


وليس التريقه بمقوله اعلانيه

الاشراف

مع الشكر

[شريف]

تبقى بتحلم يا حلمي
ههههههههههههههههههه



مش فاهم رد سعادتك حضرتك
ياريت معاليك تفهمني فخامتك ايه معني جملة جناب سيادتك

[zizo2_2]

انا مش مع الغلق بصراحة
الحلال بين والحرام بين

لا ننكر اننا احيانا نحتاج الى اشياء او برامج او ابحاث اجنبية ربما لا تكون غير موجودة غير بتلك المواقع

يجب ان نمنع انفسنا بانفسنا ن دخولها

انا هنا في الامارات اعاني من صعوبة في التعامل مع كثير من المواضيع أو الابحاث العلمية بسبب الحظر الموجود

ولكن هذا لا يعنني أني لا أؤيد الفكرة لا فانا أؤيدها ايضا

تصحيح معلومة

انا هنا في الامارات من 25/11/2007 وكان الحظر يعمل حينها معنى ذلك ان الحظر تم في الامارات قبل هذا التاريخ وليس في ابريل 2008

[السيد سليم]

يا ريت لان الجنس اصبح في متناول الصغار والكبار من دش وكمبيوتر ونت وموبيل
الموضع جدا خطير يا جماعة
وهو ادمان بالفعل