لأنتزعن ضحكاتكم ...... رغم كل هذا النكد !!!

[الصقر]

الزملاء الأعزاء أعضاء المنتدى

طبعا الأحوال و الحمد لله مش محتاجه تعليق

بس مين المسئول عن كده - و متقولش و انا مالى
بيتهيئ لى ان أحنا برضه مشتركين فى الجريمه
أكيد مشاركاتنا بتأثر علينا سلبيا و بدل ما ندخل نفرفش لأ - نتنكد أكتر

طيب ليه الجو الوحش ده - هوه كله كده

و فجأه أكتشفت ان النت زى ما كله أخبار وحشه فيه ناس لسه بتضحك طيب ازاى و ليه رغم كل القرف و العيشه اللى مايعلم بيها الا ربنا

قال ايه فيه حاجه أسمها نكت و مقالات فكاهيه و كتب ساخره
قمه الضحك وسط بحور من الدموع - يبقى لسه فيه أمل حتى لو مختفى
سمعتوا عن أحمد رجب و محمد عفيفى و عمر طاهر و الجاحظ و جحا و ...و .... الخ

الناس دى بيقولوا انهم بيقدروا يضحكوك رغم انفك و همه ميضحكوش أبدا
طيب ما نييجى نحاول - مجرد 10 دقايق قبل ما نشوف الأكتئاب مجرد حتى نبتسم علشان نقدر نكمل الطريق

ندخل على اى محرك بحث زى جوجل و لا ياهو و نكتب
عايزين نضحك - ضحكه - نكته - ابتسامه
نحاول حتى و أكيد النتيجه هتبقى تغيير و لو بطيئ بس للأحسن أن شاء الله

كل واحد يحاول يبتسم - اما بقى لو ضحك يبقى من حقنا عليه يضحكنا معاه و يكسب فينا ثواب
يجيب اى حاجه أو لينك لكتاب أو مقال
و بما ان عددنا مش قليل يبقى نعمل الموضوع و يكبر و يبقى ركن الأبتسامات

أيه رأيكم نجرب على الأقل - لعل و عسى
يمكن لما نروح الشغل تانى يوم نفتكر ان لسه فيه مكان فى حياتنا لأبتسامه و لو خفيفه
بالتأكيد الأبتسامه دى هتخفف توتر العمل و العيشه

هل ستحاولون معى فتح موضوع قديم كنت أحبه

يوم أنشأت هذا الموضوع فى منتدى آخر عمل 15 صفحه فى 4 ساعات فقط - و قتها أدركت كم نحب ان نبتسم ولنسميه

بنك الدم الخفيف - مجرد محاوله (بدل ما يجرالنا حاجه وحشه )

فسأحاول و أرى و متأكد اننى أسمع ضحكات فى الصدور و أبتسامات على الوجوه - و سأنتزعها منكم

رغم أنف كل هذا النكد

التوقيع : متفائل

البداية :
حسن تصرف

مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب..."
:18:هههههههههههههههههههههههههههههه:18:

[شريف]

ههههههههههههههههههههههههههههههه
عسل
و النعمة عسل

[أشرف السيد]

الله يكرمك

وعملت بالنصيحة

ونقلت لكم

مرة جحا كان مضيع حماره ،وهو ببدور عليه لقى واحد بغازل حبيبته و بقوللها:أنا شايف الدنيا بعنيكي. جه عليه جحا وقال له: بالله عليك تشوف حماري؟؟؟؟؟؟؟؟؟؟؟

[أبوبكر أحمد العملة]

ما شاء الله على سيادتك ...نعم الاخ والصديق

وجزاك الله خيراً




مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

[الصقر]

جزاكم الله كل الخير على مروركم الكريم ولكن أين رأيكم في موضوع بنك الدم الخفيف

[نعمه محمود]

هههههههههههههههههههههههههههههههههههههههههههههههههه ه
بجد جميلة جدااااااااااااااااااااااااااا
استمر يا مستر حسام
ربنا يسعدك

[وسام غانم]

ههههههههههههههههه
لا بجد حلوه
و الفكره دى جميله
:27::27:
ع الاقل الواحد يغير المود بتاعه
و يلاقى فعلا حاجه تضحكه
جزاك الله خيرا عن كل ضحكه او ابتسامه اترسمت ع الوش

[ميس صافيا]

هههههههههههههههههه
واحد غبى خطف واحده غبيه
ركبها معاه العربيه
قعدت تصرخ
قالها هاتسكتى والا انزلك
قالتله خلاص هاسكت

[الصقر]

قلك في مرة زوجين من اللي بيقولوا عليهم هاي لايف

عندهم كلب لولو صغير بيربوه

فحبوا يسافروا بلاد برة

فتركواا الكلب عند واحد زميلهم وسافروا

وبعدين للأسف الكلب نزل الشارع وخبطته عربية

فبعت ليهم فاكس ( احضروا سريعا الكلب مات)


فطبعا أول ما سمعوا الفاكس جالهم صدمة عصبية شديدة


وبعد ما خفوا

راحوا لصاحبهم وقالوا ليه : حرام عليك صدمتنا
قالهم :طيب اعمل ايه

قالوا الراجل الهاي لايف : بسيطة

الأول ابعت تلغراف وقول الكلب نزل يلعب في الشارع

وبعدين الكلب خبطته عربيه

وبعدين الكلب في المستشفي

وبعدين مات مش تصدمنا كده

وبعد فترة سافروا تاني


فصاحبهم بعتلهم فاكس :


أمك نزلت تلعب في الشارع

ههههههههههههههههه

[الصقر]

هههههههههههههههههههههههههههههههههههههههههههههههههه ه
بجد جميلة جدااااااااااااااااااااااااااا
استمر يا مستر حسام
ربنا يسعدك

جزاكم الله خيرا على وأكرم بها من دعوة [ ربنا يسعدك ]
أسعدك الله وأسعد كل أحبائك وكل أخواننا والمسلمين أجمعين الله أميييييييييييييييييين
فأجمل ما في الموضوع هو التواصل بين الأخوة بالدعاء الصالح عسى أن يتقبل الله من أحدنا الدعاء

[الصقر]

كان الرجل قد أوشك أن يلقي بنفسه في البحر لولا انه سمع
صوتا يصيح به قائلا أيــها المجنون ....قـــف
وأيقن انه لن يتمكن من الانتحار
بهدوء وتوقف الرجل مرتبك
وشاهد رجلا عجوزا يتقدم منه
وينهال عليه بعبارات التأنـيب ليأسه
من رحمة الله ومحاولته
الانتحار
ثم سأله :
مالذي يدفعك الى الانتحار يا رجل ؟
فقال :
مشكلة عائليه معقدة
فرد عليه العجوز
وهل توجد مشكلة دون حل ما هذه المشكلة ؟
وبدأ الرجل يروي قصته
قائلا :
تزوجت سيده ارمله ولها فتاه مراهقة وعندما بلغت الفتاه
سن الرشد رآها ابي
فاحبها وتزوجها فصرت صهرا لابي كما ان ابي اصبح في مقام
زوج ابنتي
واصبحت انا (حما) لابي لان زوجتي حماته
ثم انجبت زوجتي ولدا لي
فاصبح الولد سلف ) ابي)
وبما ان ابني هو اخو زوجه ابي التي هي بمثابة
خالتي صار ابني يعد خالي
ايضا
وحدث ان وضعت زوجه ابي طفلا يعد اخي من ابي وفي
الوقت نفسه هو حفيدي
لانه حفيد زوجتي من ابنتها وبما ان زوجتي صارت جده
اخي فهي بالتالي
جدتي وانا حفيدها
وهكذا اصبحت انا زوج جدتي وحفيدها في الوقت ذاته
ونظرا الى انها جدة اخي فانا اصبحت ايضا جدا لاخي
وبناء عليه اكتشفت انني اصبحت جد نفسي او حفيد نفسي
لانني ......
وهنا قاطعه الرجل العجوز
قائلا : كفى... كفى...
وقام العجوز بدفعه للبحر قائلاً:
أبوك لأبو جدك لأبو إللي جابك
:18:ههههههههههههههههههههههههههه:18:

[سعد مختار]

مرة واحده كل ماتنزل الشارع تتعاكس .. راحت لدجال قالتله انا عاوزه ارجع لعصر الجاهلية .. فرجعها
وهى ماشيه قابلت ابو جهل .. نظر اليها وقال .. واللاتى والغزة ..انها لمزة

[صفيه سعداوى]

بجد بجد ربنا يسعدكم زى ما اسعدتونا

[الصقر]

الصداقه:

الصداقة بين النساء : لم تعد الزوجة بيتها ذات ليلة .. وفي اليوم التالي قالت لزوجها أنها كانت نائمة عند صديقة لها ..! اتصل الزوج بأفضل عشر صديقات لزوجته ليتأكد من كلامها فأنكر الجميع رؤية زوجته تلك الليلة .
الصداقة بين الرجال : لم يعد الزوج لبيته ذات ليلة ..وفي اليوم التالي قال لزوجته أنه كان نائماً عند صديق له ..! اتصلت الزوجة بأفضل 10 أصدقاء للزوج لتتأكد من صحة كلامه ... ثمانية منهم أكدوا أنه كان نائماً عندهم تلك الليلة .. فيما أقسم اثنان أنه لا يزال عندهم إلى الآن

[الصقر]

واحد جاب ولاده قبل ما يموت
قال لواحد خد عود حطب واكسره فالولد كسره
قاله خد اتنين فكسرهم
قاله طب خد خمسين فكسرهم
فالراجل قال لولاده
خلاص
اموت وانا مطمن ان معاكم البغل ده

[نعمه محمود]

ربنا يسعدك مستر حسام ولو ان الصداقة بين النساء شأنها شأن الصداقة بين الرجال

[دعاء شديد]

اسعد الله اوقات حضرك
فعلا لما احتجت اضحك دخلت الموضوع هنا
:18:
شكرا جزيلا

[Madame/Basmalh]

You can see links before reply

[الصقر]

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم يا عم

واحد مسطول ماشى فى الشارع قابل واحد قاله ازيك يا اشرف انت اتغيرت اوى يا اشرف عنيك ووشك وشكلك اتغير قوى يا اشرف رد عليه وقاله انا مش اشرف قاله ياه وكمان غيرت اسمك

[الصقر]

طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت ... راح الطفل حاطط شوية سكر تحت السجادة... يومين و
لاقى صرصار فقال له لو مكنتش ابنى كنت قتلتك !!!


واحد قال لخطيبته أنتي لبن أنتي قشطة أنتي حليب أو أقلك ؟ أنتي البقرة
كلها

[الصقر]

ايه الكسل ده واضح النكد عليكم


من طلب العلا يتفضل فى كابينه 3

اقلب القدرة على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

لاتبكى على اللبن فى البسكوت

اقطع عرق و حته بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافي

وبكره ترجع ريما من عند خالتها فى مارينا

ياداخل بين البصله وقشرتها حط قطرة عشان هادمع من ريحتها

اصوم اصوم وافطر على المدفع

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

أكل العيش يحب الطعميه

[نوره فوزي]

You can see links before reply
السلام عليكم ورحمة الله وبركاته...




You can see links before reply
مساء النور والسرور





فكرة الموضوع جميلة جداً...:)



مرة واحد اشترى غسالة فول أوتوماتيك

مراته عزمت الجيران علشان يشوفوها حطت في الغسالة 20 كيلو غسيل

والغسالة يا عيني بتاخد بس 7 كيلو بس

وشغلتها والجيران باركولها وعزمتهم على كباية شاي

وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة

شفتها مرات صاحبنا قامت جريت عليها وقالت لها والله ماانت نشره الغسيل أنا اللي هنشره!!!




You can see links before reply
You can see links before reply
You can see links before reply
You can see links before reply





أختكم في الله / نورة فوزي
You can see links before reply