الجرح ..الالم ...الحزن ..!!!

[امل لاشين]

الجرح ...الالم ...الحزن....


كلمات رغم بساطه حروفها .. تعبر عن احداث مؤثره بيمر بيها الانسان


احداث مترابطه ومتتابعه في الحياه ...


اذا حدث الجرح يحدث الالم ثم الحزن..




الجرح


You can see links before reply


ممكن يكون الجرح مش بايدين البشر ..لا دخل لهم فيه ..


بيكون بيد القدر ..اللي بيفرق بين الناس يا اما بالموت ..


او بكشف حقيقه تؤدي الي التفرقه بين اتنين سواء اصدقاء او حتي زوجين


واحيانا بيكون الجرح غائر عندما يكون من اقرب الناس..


ولابتم يشفاؤه بسهوله ..لكن من حكمه ربنا انه اعطانا الصبروالنسيان




الالم


You can see links before reply***********/Silent_Love__Colour___by_I__.jpg


هو المرحله اللي بعد الجرح ..


مرحله يشعرفيها الانسان بالالم لما يمر بيه من جروح..


الالم عندما يشعر بالفراق عن احب الناس ..


الالم عندما يتذكر ان الجرح ياتي من ناس لم يتوقع منهم ذلك


وكلما زاد الشعور بالالم من الجرح زادت نسبه الشفاء..


لان من ينجرح ولا يتالم سوف ينجرح اكثر من مرة


ولايتعظ بما مر بيه من جروح وآلام واحزان..




الحزن


You can see links before reply




هو الحاله اللي بيشعر فيها الانسان بعد كل الصدمات


اللي مر بيها في حياته ..انه متعايش في الحياه..


كل شيء شكل بعضه..من غير اي معني..ايام وبتعدي


وتؤدي هذه الحاله لعدم اتزان الشخص ..


لايشعر بالسعاده وهي بين ايديه ...


والحزن .. علي تحطم الاحلام وعلي تحطم المباديء بين البشر


الحزن... علي تشويه المشاعر الجميله باستغلالها ..


ونتسال بعد ذلك


اين ذهبت المشاعر بين البشر ...!!!!!!!



ده كان رايي عندما تاملت هذه الكلمات ...ياتري رايكم ايه


في هذه الكلمات ؟؟؟


وياتري تستاهل الدنيا ان شخص ياذي الاخر ....مهما كان الاذي بسط


هو في الاخر اسمه اذي ؟؟؟


وان كانت الاجابه لا ..


ليه بيحصل كده في الدنيا ؟؟


وماذا تقول لمن يجرح ويؤلم غيره ويشعره بالحزن ؟؟؟


منتظره مشاركتكم ..اللي عن طريقها نقدر نفهم كتير في الحياه




You can see links before reply

[نعمه محمود]

ده كان رايي عندما تاملت هذه الكلمات ...ياتري رايكم ايه


في هذه الكلمات ؟؟؟
كلمات مؤلمة تقابلنا ونتعثر فيها من آن لآخر


وياتري تستاهل الدنيا ان شخص ياذي الاخر ....مهما كان الاذي بسط
هى مش قصة الدنيا تستاهل ان شخص يأذى التانى ولكن ممكن نقول ايه الفايدة اللي بتعود على المؤذى من الأذية


هو في الاخر اسمه اذي ؟؟؟
اكيد أذى نفسي بشع

وان كانت الاجابه لا ..


ليه بيحصل كده في الدنيا ؟؟
لأن هناك بعض المرضي النفسيين الذين يجدون متعه في تعذيب وايلام الاخرين


وماذا تقول لمن يجرح ويؤلم غيره ويشعره بالحزن ؟؟؟
اقول له كما تدين تدان


منتظره مشاركتكم ..اللي عن طريقها نقدر نفهم كتير في الحياه


موضوع يوجع القلب يا امل الله يسامحك

[محمود عبدالمجيد مرزبان]

الأستاذة الفضلي أ / أمل لاشين


تحية طيبة لشخصكم الكريم


إن موضوع سيادكم والذي يتكلم عن الأذي وما ينتج عنه من جرح وألم وحزن


كل هذا مجمله إبتلاء من الله عز وجل


قيل للإمام الشافعي رحمه الله : أَيّهما أَفضل : الصَّبر أو المِحنة أو التَّمكين ؟ فقال : التَّمكين درجة الأنبياء ، ولا يكون التَّمكين إلا بعد المحنة ، فإذا امتحن صبر ، وإذا صبر مكن .



وأن الإبتلاء ماهو إلا كفارة للذنوب للمؤمن ولمن يحبه الله ويختاره


وروي الترمذي


عن أبي هريرة رضي الله عنه قال : قال النبي صلى الله عليه وسلم : ( ما يزال البلاء بالمؤمن والمؤمنة في نفسه ، وولده ، وماله ، حتى يلقى الله وما عليه خطيئة ) رواه الترمذي (2399) وصححه الألباني في "السلسلة الصحيحة" (2280) .
وعَنْ أَنَسٍ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِذَا أَرَادَ اللَّهُ بِعَبْدِهِ الْخَيْرَ عَجَّلَ لَهُ الْعُقُوبَةَ فِي الدُّنْيَا ، وَإِذَا أَرَادَ اللَّهُ بِعَبْدِهِ الشَّرَّ أَمْسَكَ عَنْهُ بِذَنْبِهِ حَتَّى يُوَافِيَ بِهِ يَوْمَ الْقِيَامَةِ) . رواه الترمذي (2396) وصححه الألباني في السلسلة الصحيحة (1220) .






وأن الإبتلاء يظهر حقيقة الناس ومعادنهم



لأن يوجد أناس لايعرف فضلهم إلا وقت المحن


قال الفضيل بن عياض : " الناس ما داموا في عافية مستورون ، فإذا نزل بهم بلاء صاروا إلى حقائقهم ؛ فصار المؤمن إلى إيمانه ، وصار المنافق إلى نفاقه " .
ورَوَى الْبَيْهَقِيُّ فِي "الدَّلائِل" عَنْ أَبِي سَلَمَة قَالَ : اُفْتُتِنَ نَاس كَثِير - يَعْنِي عَقِب الإِسْرَاء - فَجَاءَ نَاس إِلَى أَبِي بَكْر فَذَكَرُوا لَهُ فَقَالَ : أَشْهَد أَنَّهُ صَادِق . فَقَالُوا : وَتُصَدِّقهُ بِأَنَّهُ أَتَى الشَّام فِي لَيْلَة وَاحِدَة ثُمَّ رَجَعَ إِلَى مَكَّة ؟ قَالَ نَعَمْ , إِنِّي أُصَدِّقهُ بِأَبْعَد مِنْ ذَلِكَ , أُصَدِّقهُ بِخَبَرِ السَّمَاء , قَالَ : فَسُمِّيَ بِذَلِكَ الصِّدِّيق .



وكما قيل


لن تشتاق إلى الجنة إلا إذا ذقت مرارة الدنيا , فكيف تشتاق للجنة وأنت هانئ في الدنيا ؟


وتقبلي إحترامنا وتقديرنا لشخصكن الكريم

[شريف]

بصي بقا يا أمل هجيبلك م الآخر و عن تجربة و خبرة أقول لكِ
بعيدا عن تعريفات الجرح و الألم و الحزن
كل واحد فينا هو سبب رئيسي بل السبب الأول و الأخير لما يحدث له هو شخصيا من ألم و حسرة و جرح و حزن


الالم عندما يتذكر ان الجرح ياتي من ناس لم يتوقع منهم ذلك

هوا ده لب الموضوع
يا أمل احنا في زمن و للأسف ينبغي ألا نثق لا في غريب و لا في قريب الثقة الزائدة
التي تخلق جوا من العشم لدرجة الصدمة الشديدة لما نعرف ان القريب او الغريب ده خاننا
يا أمل من السذاجة اننا نصدق في زماننا ده أحد لدرجة التقديس
يا أمل الناس الذين لم نتوقع منهم ذلك أكيد فعلوا سابقا ما يلفت نظرنا الي انهم خائنين
و لكننا غضضنا الطرف عن أخطائهم بارادتنا
يا أمل العيب ليس فيهم ! فهم قد وجدوا المغفل الذين سيضحكون عليه و هم مرضي
و كما قيل ... القانون لا يحمي المغفلين
يا أمل لا ينبغي أن نصدق أحدا لم يبادر بعمل و كل كلامه أقوال و فقط
الحق أبلج و الباطل لجلج
بمعني
ان الانسان الصادق يظهر من أول لحظة و الانسان المخادع يترك وارئه الكثير من الادلة التي تؤكد خداعه لنا في المستقبل
و لكننا نعيش في الجو ده بمزاجنا ... و حابين نخش في مود ان حد يضحك علينا
مع اننا لو اتبعنا ابسط قواعد التفكير المنطقي هنلاقي ان فولان اللي أدامنا ده كداب و نصاب و عايز ضرب الجزمة
من مجرد كلامه و لفتاته و اسلوبه
احنا اللي بندي الفرصة للناس تضحك علينا
احنا اللي لو اتبعنا الاصول من البداية مكناش اتصدمنا في حد و شوفنا كل واحد علي حقيقته من غير قناع
احنا اللي ما بنصدقش كلام الناصحين
عايز اقولك يا أمل
ان تجارب الحياة و خبرة الخبراء في الحياة أثبتت ان الانسان مسئول عن كل اللي يحصله
سواء خير او شر
و بايديه يقدر يغير كل ما حوله
في موضوع زي ده لما يتصدم شخص بحد قريب له جدا و يكتشف زيفه
ببساطة شديدة يرميه في اقرب صندوق زبالة (( سوري ))
يرميه ورا ضهره
و يبقا غبي جدا لو بكي عليه لحظة لانه بكده بيكمل مشوار السذاجة اللي بدأه من أول الحكاية
يرميه تحت رجله ... ولا يعطي له الاهتمام ...
بتقولي يا أمل ان الحزن و الالم و الجرح نتيجة كل ده
و انا بختلف معاكي جدا
لو لسه الانسان المخدوع ده عايش في الوهم و لسه عايش يعيش في موود الحزن و الجرح و الالم
و يبكي علي الاطلال لسه
و يشتكي للناس لسه
و يزعل و يحزن و يتألم لسه
يبقا بجد كان يستاهل اللي يجراله من الاول
لانه بيحب الجو ده بارادته البحته و عايز يعيش فيه فلا يلومن الا نفسه
انا شايف ان لا الجرح و لا الالم و لا الحزن ينبغي ان يكون هو نتيجة هذا الموقف
انا شايف ان الانسان المخدوع ... لازم يفرح جدا و يبل شربات و يوزعه علي اهل الحارة كلهم
و يعمل ليلة لله .... لانه اكتشف مبكرا زيف الشخصية اللي كانت معيشاه الوهم
قبل ما يدخل مع النصاب ده في مرحلة اعمق
اذن .... لا جرح و لا حزن و لا الم نسيبنا من الكلام ده خالص ... و نكبر الدماغ ... و نفرح ...و نغير الموود
و نعيش حياتنا صح.... و ندي كل واحد قيمته ...و لو ادينا كل واحد قيمته بجد
يبقا الانسان النصاب ده مش هيستاهل مننا لحظة حزن او الم او جرح او تفكير أصلا
ده رايي الشخصي
ماحبتش ارد في الموضوع يا أمل رد حالم او رومانسي او عاطفي
حبيته يكون واقعي ... لان الدنيا مليانة مآسي و بلاوي من النوعية دي ... و مكانش حلها ابدا
اننا نبكي علي الاطلال ... او نبوظ حياتنا ... الحل الوحيد كان اننا نبقا اقوي من أي حدث خصوصا
لو يتعلق بشخص تافه
موضوع جميل يا أمل .... جميل جدا
اعتذر عن الاطالة ...

[دعاء شديد]

ولو ان الحكايه مش ناقصه وجع قلب
انما نقول ايه فيكى يا امل ... يلا مضطره ارد
:friendsxs3:
شوفى يا بنتى

حينما يحدث الجرح فتتألمين ويتملكك شعور الحزن
تأكدى ان من كان السبب فى كل ذلك
شخص يستحق ان تبكيه طوال عمرك
شخص يعلو عن الصغائر
وما حدث منه ان تاملتيه ستجدى انه
"الموقف الوحيد الذى جرحك فيه"
وهذا هو القدر وليس لانه ضخص سيء
معلش وجهة نظرى غريبه شويتين

اما اسوء انواع البشر ممن نقابلهم هم اكثر الناس
اسعادنا حينما يحدث الاتى:
1- تتأكد وجهة نظرك فيهم التى ثبتت بمرور الايام.
2- تعرفى حقيقتهم بأقل ضرر.
ويكون موقفهم او ما تسميه جرح متكرر لكنك لم تلتفتى اليه
الا بعد ان ارتداء نضاره وتشوفيهم على حقيقتهم بقى

وقتها ستعرفين وتتأكدين من رضا الله عنك
ودعا الوالدين المستجاب
وعملك الطيب
:bosyht9:
والنبى يستحقوا الشكر
لانهم عرفونا اد ايه احنا كويسين

[ميس صافيا]

ده كان رايي عندما تاملت هذه الكلمات ...ياتري رايكم ايه


في هذه الكلمات ؟؟؟
اصعب ما فيهم الالم


وياتري تستاهل الدنيا ان شخص ياذي الاخر ....مهما كان الاذي بسط


هو في الاخر اسمه اذي ؟؟؟
طبعا ما فيش حاجه فى الدنيا تستاهل عشانها انه ياذى حد
بس تقولى ايه فيه ناس عايشه بس عشان تاذى غيرها
لاحول ولاقوة الا بالله


وان كانت الاجابه لا ..


ليه بيحصل كده في الدنيا ؟؟
من الاخر دى من علامات الساعه
وهو دا اللى نبانا به سيدنا محمد عليه الصلاة والسلام
انه لاتقوم الساعه الا على شرار البشر


وماذا تقول لمن يجرح ويؤلم غيره ويشعره بالحزن ؟؟؟
لانى لسه بعانى جديد من حاجه زى كده
فحسبى الله ونعم الوكيل


منتظره مشاركتكم ..اللي عن طريقها نقدر نفهم كتير في الحياه

انا بس عاوزه اقولك يا امل انه بيحصل كتير حاجات تخلينا نحزن
ومهما طالت فترات الحزن اعرفى واتاكدى وثقى فى الله ان بعد الحزن فرح كبير ان شاء الله
بالذات لو صبرنا
فاستنى بس شويه انا شايفاه جاى
لانك انسانه تستاهلى كل خير
واخيرا ربنا يبعد عنك كل جرح وكل الم وكل حزن

[ميس صافيا]

يا أمل احنا في زمن و للأسف ينبغي ألا نثق لا في غريب و لا في قريب الثقة الزائدة
التي تخلق جوا من العشم لدرجة الصدمة الشديدة لما نعرف ان القريب او الغريب ده خاننا
يا أمل من السذاجة اننا نصدق في زماننا ده أحد لدرجة التقديس
يا أمل الناس الذين لم نتوقع منهم ذلك أكيد فعلوا سابقا ما يلفت نظرنا الي انهم خائنين
و لكننا غضضنا الطرف عن أخطائهم بارادتنا
يا أمل العيب ليس فيهم ! فهم قد وجدوا المغفل الذين سيضحكون عليه و هم مرضي
و كما قيل ... القانون لا يحمي المغفلين
يا أمل لا ينبغي أن نصدق أحدا لم يبادر بعمل و كل كلامه أقوال و فقط
الحق أبلج و الباطل لجلج

رغم ان مش فاهمه السطر الاخير
الا ان كلامك صح مليون فى الميه يا شريف
للاسف هى دى الحقيقه

[ميس صافيا]

والنبى يستحقوا الشكر
لانهم عرفونا اد ايه احنا كويسين


معلش يا دعاء
انا كنت فاكره زيك كده برضه
بس اكتشفت انى مش كويسه
اد ما اكتشفت انى ساذجه
تفرق

[امل لاشين]

موضوع يوجع القلب يا امل الله يسامحك



معلشي يا نعمه ...و بجد كلامتك ومرورك بيسعد كل قلب ..
:38::38:

[امل لاشين]

وكما قيل


لن تشتاق إلى الجنة إلا إذا ذقت مرارة الدنيا , فكيف تشتاق للجنة وأنت هانئ في الدنيا ؟



وتقبلي إحترامنا وتقديرنا لشخصكن الكريم




ربنا يجعلنا جميعا من اهل الجنه ...

وشكرا علي ردك الرائع استاذ محمود

ومرورك الطيب ..

[نوره فوزي]

فعلاً أنا أتفق مع الأخ شريف في إن الإنسان يكون دائماً السبب في شقاوته وحزنه وكآبته!!!

وغالباً في هذا الزمن...أنا لا أعيب الزمن و أعتب عليه فكما يقول الشاعر:
(نعيب زماننا والعيب فينا...وما لزماننا عيبٌ سوانا!!!)

ولكني أعيب الشخص الذي لا يتعلم من أخطاءه وأعيب الشخص الذي يُجرح فلا تلتإم جروحه سريعاً

وأعيب الشخص الذي يُحطم ماضيه فيقف باكياً على اللبن المسكوب!!!

وأعيب الشخص الذي لا يكتم آلامه ويريد البشرية جمعاء أن تشاركه أحزانه وآلامه!!!

لاتشكو للناس جرحاً أنت صاحبه لا يُألم الجرح الا من به ألم!!!

فعلى الإنسان أن يتعلم سريعاً من أخطاءه حتى يتدارك الموقف وينقذ ما يمكن إنقاذه بأقل المخاسر..!!!!

هذا كل ما بجعبتي الآن...

لكِ مني أعذب وأرق تحية...

[امل لاشين]

و
ماحبتش ارد في الموضوع يا أمل رد حالم او رومانسي او عاطفي
حبيته يكون واقعي ... لان الدنيا مليانة مآسي و بلاوي من النوعية دي ... و مكانش حلها ابدا
اننا نبكي علي الاطلال ... او نبوظ حياتنا ... الحل الوحيد كان اننا نبقا اقوي من أي حدث خصوصا
لو يتعلق بشخص تافه
موضوع جميل يا أمل .... جميل جدا
اعتذر عن الاطالة ...




كل كلمه قلتها ياشريف فعلا حقيقه واقع ..

ودرس لكل شخص في تعامله مع غيره ..

والواقع دايما مؤلم ...وبدرجه تقبلنا ليه وتغلبنا عليه

هتستمر الحياه ..وهيجي اليوم وانت في مكانك ..

تشوف وتري افعال القدر في من ياذي غيره ..

هكذا هي الحياه ..

[صفيه سعداوى]

الاستاذه الفاضله/امل


مساء الفل ياست الكل
الجرح000الالم...الحزن0..
كلمات توجع القلب ..ولكن متى القلب يتوجع
لو انجرحنا من اقرب الناس الينا
الجرح من الاحباب الاصحاب الاهل يؤلم يحزن ويوجع القلب
صدقينى يااستاذه اعتقد ان هذا اصعب انواع الالم
لكن لو انجرحنا بسكين الغدر ساعتها بنلاقى فى قلوبنا اجسام مضاده
تقوى من عزيمتنا تعطينا القوه والصلابه
نعلو بكبريائنا فوق الاحزان والالام
نعتبره درس نستفيد منه
نجدهم امام اعيننا حشرات ندوس عليها ونكمل مسيرتنا
دون ان نبكى عليهم
نجد بداخلنا عزيمه ان نسقطهم من قاموس حياتنا
نعتبرها عثره اثناء مشوارنا