تسجيل الدخول

مشاهدة النسخة كاملة : بتلاحظى خطيبك اثناء اكلاته --يا ترى ---اكتشفى شخصيته من خلال اكلته


شمس بياض
08-04-2009, 04:12 PM
ياترى مين بتلاحظ خطيبها على السفرة؟
امامك شخصيات متنوعه

تعرف من طريقه اكلها

استنبطى شخصيته

من طريقه اكلته


1-إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟

2- أما إذا كان مش مهتم بالمرة.. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست فى وقت واحد واعملي حسابك ها-------------
3- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من على الأكل قبل أي حد تاني.
يبقى متسرع .. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
اتركيه إنتي بدري أحسن لكرامتك.

4- أما إذا كان بياكل على مهله.. ويمزمز.. فى كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم فى الأكل من العصر
للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش
بدري.... بدري....
اتركيه يا أمي...

6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"

ماعاليش برَّه يا حبيبي وخد الباب ف أيدك""

إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في عواطفه وقراراته ويبقى ده آخر الرجال المحترمين..
كلبشي.. واستعجلي الزفاف والحياة هتبقى بمبي



""
امة الرحمن
08-04-2009, 04:16 PM
ههههههههههههههه
والله لسه مش جربنا شكله حيكون ازاي
يارب يطلع
ذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في عواطفه وقراراته ويبقى ده آخر الرجال المحترمين..
كلبشي.. واستعجلي الزفاف والحياة هتبقى بمبي



""
قوللي امين يااستاذه شمس
شكرا لموضوعك استاذه شمس
شريف
08-04-2009, 04:27 PM
بصراحة كنت جعان
لكن نفسي قفلت بعد ما قرأت الاوصاف الرائعة دي
يعني الرجالة فيهم كل الانواع اللطيفة دي
و الستات هما اللي نسمة و همسة حائرة يا عيني؟؟؟؟؟

واضح انكو في القسم هنا ناويين و النية لله تبستفوا الرجالة كل يوم

و مازلت أقول
سنعلنها حرب شعواء بلا هدنة و لا هوادة
ولا اتفاقات أرض مقابل السلام
و لا كامب ديفيد و لا يحزنون

فليستعد جميع الرجال إلي الجهااااااااااااد

و علي فكرة بقا
البنت اللي ممكن تسيب خطيبها عشان سبب زي ده
....تبقا رايقة اوي و فايقة
قال يعني في جواز اساسا
ما الشباب قاعد ع القهاوي مش لاقي
و يوم ما يتقدم نقف له علي تفتفة و لا طفاسة
ما ياكل زي ما هوا عايز
مش بيشقي و هيطلع عينه ..الراجل؟؟؟؟؟

لالا
انتو ما ينفعش معاكو الا حالة الحرب
فلتستعد جميع الجيوش الذكورية المحبة للحرب
شمس بياض
08-04-2009, 04:32 PM
يوه نستونى

يا نون النسوة

اقولكن

ان الموضوع

من ق ول


ما هو ساعه البطون

وكمان اعرف حاجه
ا
علشان الرجاله تاخدبالها
اعرف ان واحده صاحبتى تركت خطيبها

ليه


علشان لاحظته بعد الاكل بيعمل ايه



























كان ياخوتى الغاليات

بيمسح اسنانه بفوطه السفرة

يعنى يستخدم فوطه السفرة كفرشاه


دى بقى اتقرفت منه وتركته برغم ان فرحهم كان قريب

الا ان كل شئ نصيب
شريف
08-04-2009, 04:36 PM
ييييييييييييييييع
نعمه محمود
08-04-2009, 04:37 PM
ياترى مين بتلاحظ خطيبها على السفرة؟
امامك شخصيات متنوعه

تعرف من طريقه اكلها

استنبطى شخصيته

من طريقه اكلته


1-إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
علىأرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسانطفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟

2- أما إذا كان مش مهتم بالمرة.. لايقولك ده حلو ولا ده عادمولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أوشبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست فى وقت واحد واعملي حسابك ها-------------
3- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من على الأكل قبل أي حد تاني.
يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاةأحلامه ولستىِ حلمه.. ويروح مطلقك بالتلاتة..
اتركيه إنتي بدري أحسن لكرامتك.

4- أما إذا كان بياكل على مهله.. ويمزمز.. فى كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم فى الأكل من العصر
للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابيويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش
بدري.... بدري....
اتركيه يا أمي...

6- أما إذا كان بيقعد يقطع ف الأكل زي مايكون ف خناقة ويخبط فالطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..
ده شخص عصبي جدًاااا.. ومع أولخناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمةوبعدين.. يهدى.. ويقول لك:
"سوووري يا روحي هي جت فيكي.. ماعاليش"

ماعاليش برَّه يا حبيبي وخد الباب ف أيدك""

إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في عواطفه وقراراته ويبقى ده آخر الرجال المحترمين..
كلبشي.. واستعجلي الزفاف والحياة هتبقى بمبي



""



حلو اوى ياشمس كل واحدة هتفضل تبص لخطيبها وهو بياكل لحد ما يعتقد انها بتبص له في الاكل وبكده هو اللي هيسيبها
بس عندك حق بجد .طريقه اكل الرجل هى عنوان شخصيته
نعمه محمود
08-04-2009, 04:40 PM
بصراحة كنت جعان

لكن نفسي قفلت بعد ما قرأت الاوصاف الرائعة دي
يعني الرجالة فيهم كل الانواع اللطيفة دي
و الستات هما اللي نسمة و همسة حائرة يا عيني؟؟؟؟؟


واضح انكو في القسم هنا ناويين و النية لله تبستفوا الرجالة كل يوم


و مازلت أقول
سنعلنها حرب شعواء بلا هدنة و لا هوادة
ولا اتفاقات أرض مقابل السلام
و لا كامب ديفيد و لا يحزنون


فليستعد جميع الرجال إلي الجهااااااااااااد


و علي فكرة بقا
البنت اللي ممكن تسيب خطيبها عشان سبب زي ده
....تبقا رايقة اوي و فايقة
قال يعني في جواز اساسا
ما الشباب قاعد ع القهاوي مش لاقي
و يوم ما يتقدم نقف له علي تفتفة و لا طفاسة
ما ياكل زي ما هوا عايز
مش بيشقي و هيطلع عينه ..الراجل؟؟؟؟؟


لالا
انتو ما ينفعش معاكو الا حالة الحرب
فلتستعد جميع الجيوش الذكورية المحبة للحرب


متنساش وانت بتجمع الجيوش تاخد بالك من طريقة اكلك قدام العروسه عشان متغيرش رايها .وبعدين هو انتو لسه شفتو حاجة
شمس بياض
08-04-2009, 04:41 PM
بصراحة كنت جعان

لكن نفسي قفلت بعد ما قرأت الاوصاف الرائعة دي
يعني الرجالة فيهم كل الانواع اللطيفة دي
و الستات هما اللي نسمة و همسة حائرة يا عيني؟؟؟؟؟

دات اكيد ياخوووو ى وعن تجربه كمان


واضح انكو في القسم هنا ناويين و النية لله تبستفوا الرجالة كل يوم


و مازلت أقول
سنعلنها حرب شعواء بلا هدنة و لا هوادة
ولا اتفاقات أرض مقابل السلام
و لا كامب ديفيد و لا يحزنون


فليستعد جميع الرجال إلي الجهااااااااااااد

ليه بس اكده ياخوى
دانا حتى جايه اهدى النفوس


و علي فكرة بقا
البنت اللي ممكن تسيب خطيبها عشان سبب زي ده
....تبقا رايقة اوي و فايقة
قال يعني في جواز اساسا
ما الشباب قاعد ع القهاوي مش لاقي
و يوم ما يتقدم نقف له علي تفتفة و لا طفاسة
ما هو


ماهو


ماهو

بقولك ايه

يا خوى

برضيك يستذوق


وبعدين

قاعده الخزانه

ولا جوازة



فجعانه


ما ياكل زي ما هوا عايز
مش بيشقي و هيطلع عينه ..الراجل؟؟؟؟؟


لالا


اوعاك تقول

ان الستات


ما بشقوش

ولا يتشاقوش



رحمهن الله

انتو ما ينفعش معاكو الا حالة الحرب
فلتستعد جميع الجيوش الذكورية المحبة للحرب

مين قال انها حرب

ياخوى

دى شويه فضفضه نسويه

فى ساعه ضهريه

ايش دخلك انت


فى

سهرايه

انثويه


وبعدين

الحمد لله

مش بنتهدد


احنا مسلحين


باسلحه نوويه

وذريه

ايش قولك انت بعد

اكده


رد عليه






اخوى


الاستاذ شريف


شكرا لمرورك الذى اضاف للموضوع


لمسه فنيه

وجاذبيه

وشاعريه
أفنان أحمد
08-04-2009, 04:50 PM
ما شاء الله
موضوع زى العسل أختى الحبيبة شمس
لكن أعتقد انه فى الخطوبة مش هياخد راحته قوى فى الأكل
هيعمل فيها اتيكيت يعنى
وإذا هجم بالشكل ده على الأكل أكيد
بعد كده هياكلها فعلا
*******
حتة جد بقى..
إذا لقيتيه جاء وقت الصلاة ولم
يهتم
ولم يقم للصلاة
وقربت الصلاة اللى بعدها
ولا هو هنا
بعيه من غير ثمن
( ومن ترك شيئا لله عوضه الله خيرا منه )
جمال الدين عوض
08-04-2009, 05:10 PM
ما شاء الله

موضوع زى العسل أختى الحبيبة شمس
لكن أعتقد انه فى الخطوبة مش هياخد راحته قوى فى الأكل
هيعمل فيها اتيكيت يعنى
وإذا هجم بالشكل ده على الأكل أكيد
بعد كده هياكلها فعلا
*******
حتة جد بقى..
إذا لقيتيه جاء وقت الصلاة ولم
يهتم
ولم يقم للصلاة
وقربت الصلاة اللى بعدها
ولا هو هنا
بعيه من غير ثمن
( ومن ترك شيئا لله عوضه الله خيرا منه )


هو حيقعد من صلاة لصلاة دى يبقى ناوي احتلال
شمس بياض
08-04-2009, 05:18 PM
هو حيقعد من صلاة لصلاة دى يبقى ناوي احتلال


هلا بحضرتكم استاذنا الفاضل



الخوف ليس من احتلال المكان


الخوف من احتلال العقل والقلب فلا ترى فيه عيبا



ما اكيد

بعد كده لما بيتجوز ما بتشوفوش الا لما يخرج من مكتبه للوضوء

او للصلاه

شكرا لمرورحضرتك الذى اسعدنى
شمس بياض
08-04-2009, 05:22 PM
ما شاء الله



موضوع زى العسل أختى الحبيبة شمس


احبك الله اختى الغاليه الذى اكرمنا بصحبتكم فى منتدانا المشرق


لكن أعتقد انه فى الخطوبة مش هياخد راحته قوى فى الأكل
هيعمل فيها اتيكيت يعنى


صدقينى الطبع يغلب التطبع
وإذا هجم بالشكل ده على الأكل أكيد
بعد كده هياكلها فعلا
*******
حتة جد بقى..
إذا لقيتيه جاء وقت الصلاة ولم
يهتم
ولم يقم للصلاة
وقربت الصلاة اللى بعدها
ولا هو هنا
بعيه من غير ثمن
( ومن ترك شيئا لله عوضه الله خيرا منه )




تصدقى بالله العظيم
هذه اهم نقطه استفدنا
فيها من هذا الموضوع

جعل جميع المسلمين والمسلمات حريصين وحريصات على رضا الله والقيام بالطاعات
أفنان أحمد
08-04-2009, 05:22 PM
هو حيقعد من صلاة لصلاة دى يبقى ناوي احتلال

قصدى من صلاة المغرب لصلاة العشاء يعنى..
ما ينفعش إلا كده
مستر أحمد حمدى
08-04-2009, 05:35 PM
اختى العزيزة شمس

عارفة معنى كلامك دا اية

انك حتزودى نسبة العنوسة فى مصر

لأن الراجل فى نظرك مهما عمل وحش

لو بيحب الأكل يبقى مفجوع ولو بياكل على مهلة يبقى ممل ويفقع المرارة

ولو بيخبط فى الأكل يبقى مفترى

حيرتينا

بس انتى نسيتى حاجة مهمة

لية منقلبش الموضوع ونشوف الخطيبة بتاكل ازاى ؟

؟؟؟؟؟؟؟؟؟؟؟؟؟؟؟؟؟

ولا الموضوع دا مش حيجى على معدتك

عشان انتى حتتحيزى للنساء ؟؟؟؟؟؟؟؟؟؟؟؟؟

ههههههههههههههههههههههههههه

تقبلى مرورى

موضوع رائع

جزاك الله خيرا

ملحوظة : أوعى زوجك يشوف الموضوع لأنه حينحاز للرجاله وحتضيعى فى الرجلين
شمس بياض
08-04-2009, 05:51 PM
اختى العزيزة شمس



عارفة معنى كلامك دا اية


انك حتزودى نسبة العنوسة فى مصر


لأن الراجل فى نظرك مهما عمل وحش


لو بيحب الأكل يبقى مفجوع ولو بياكل على مهلة يبقى ممل ويفقع المرارة


ولو بيخبط فى الأكل يبقى مفترى


حيرتينا


بس انتى نسيتى حاجة مهمة


لية منقلبش الموضوع ونشوف الخطيبة بتاكل ازاى ؟


؟؟؟؟؟؟؟؟؟؟؟؟؟؟؟؟؟


ولا الموضوع دا مش حيجى على معدتك


عشان انتى حتتحيزى للنساء ؟؟؟؟؟؟؟؟؟؟؟؟؟


ههههههههههههههههههههههههههه


تقبلى مرورى


موضوع رائع


جزاك الله خيرا



ملحوظة : أوعى زوجك يشوف الموضوع لأنه حينحاز للرجاله وحتضيعى فى الرجلين


هو حضرتك اول المهاجمين ولا ايه

تبع جيوش الاستاذ شريف


طيب انا مش هارد الا لما ييجى المدد
أفنان أحمد
08-04-2009, 06:26 PM
المدد من الله
وربنا معنا إن شاء الله
أنا تحت أمرك
أشرى بس ...
امل لاشين
09-04-2009, 06:33 PM
ههههههههههههههههههه

موضوع جميل ياشمس.... جدااااااا

بس واضح من ردود الرجاله انهم بيكونوا فعلا علي طبيعتهم في الاكل

وان موضوعك فعلا صح ...هههههههه

ميرسي جداااا علي هذه النصيحه....
شمس بياض
10-04-2009, 02:12 PM
المدد من الله

وربنا معنا إن شاء الله
أنا تحت أمرك

أشرى بس ...

هما الرجاله
ياحبيبتى
يقدرهم الا اللى خالقهم

ربنا يرزقنا خيرهم ويكفينا شرهم


وانا عماله أأشر هو

فى بصل لما عنيه بعيد عنك

محدش سال فيا
وادينى بعيط اهو
طارق ممدوح ذكي محمد
10-04-2009, 02:47 PM
اذن هي حرب طعام .... مـــــاشي

الرجاله برده بتعرف تلاحظ كويس وخد بالك

لو خطيبتك مركزه اوي معاك و مبحلقه فيك وانت بتاكل .. يبقى تقوم من ع السفره بسرعه وتجري على ابوها وتقوله :- ((( خليهالك ))) ... لانها هتعملك في البيت زي المخبر الرزل اللي بيراقب حتى ظله ... وهتسد نفسك عن الاكل وعن اي شيء اخر .

اما لو خطيبتك بتضحك معاك ع الاكل وبتحاول تأكلك بايديها تبقى بنت خفيفه ... وسيبها لصاحب نصيبها .... وربنا يكون في عونه اللي هيخدها ..

ولو خطيبتك مطنشاك خالص على الاكل ومش مهتمه بيك وعامله مكسوفه يبقى تشوف غيرها... لانها باردة المشاعر وقد تكون ايضا انطوائيه ومعقده .

اما لو خطيبتك قدمتلك الاكل ورحبت بيك وراحت علشان تاكل مع امها واخواتها البنات يبقى دي تمسك فيها بايديك واسنانك ... اظفر بذات الدين تربت يداك ... صدق رسول الله صلى الله عليه وسلم
أبوبكر أحمد العملة
28-06-2010, 12:20 PM
بارك الله لك.... في كل لحظة وثانية ودقيقة وساعة ويوم وشهر وسنة

ببوابة التعليم المصرى

وجزاكم الله خيراً

الخدمة الجيدة ....تحتاج الى التسويق الأجود


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم
نهاد فؤاد
30-06-2010, 09:42 AM
السلام عليكم ورحمة الله وبركاتة

طبعا مهم جدا ان الاثنين يلاحظوا بعض فى كل حاجة بس ما يبقاش صيد اخطاء

ومتنسوش ان مراية الحب عمياء

جزاكم الله كل خير