المساعد الشخصي الرقمي

مشاهدة النسخة كاملة : وسيه في كل مكان عمال يجيب اجوال



مسيو وليد عسكر
06-04-2009, 05:16 PM
فرحت جداا حينما رايت شغل اخي محمد وسيه مشرف ومنور احد المواقع التربويه وهم يشيدون به اشاده بالغه ويعتبرونه من ابرز معلمي اللغة العربيه...فحينما اجد تكريما لاي اخ وصديق اعتز به في اي مكان اعتبره تكريم لي...مبارك عليك حب الجميع يا عبقري اللغة العربيه الجميله ومشرفنا ومشرف موقعنا
اتمني من اختي الفاضله مشرفه القسم العام نقل الموضوع الي مكانه المناسب في قسم الاهداءات بعدما ياخذ تكريمه من رواد المنتدي في القسم العام وهذا ابسط تعبير مننا جميعا بحبنا للاخ والصديق محمد وسيه
You can see links before reply (You can see links before reply)

محمد عبد العظيم وسية
06-04-2009, 05:24 PM
أخي الغالي وليد

بارك الله فيك

وفي كل أحبابنا أبناء منتدانا الجميل بوابة التعليم المصري

أخجلتم تواضعنا يا مسيو

الله يسامحك

أسأل الله أن يجعل عملنا كله خالصا لوجه ... دون مسحة رياء .

بارك الله فيك يا مسيو يا ليدر يا تلفزيون ياااااااااا

شريف
06-04-2009, 05:28 PM
وسية ده بتاعنا احنا لامؤاخذة
محدش ييجي جنبه
نطخه علي طول


شرف للجميع و للمنتدي أن يكون فيه معلم كوسية

عز وحيد
06-04-2009, 05:35 PM
بصراحة كده
ومن غير مجاملات
عشان انا مش بحبها



















ما ينفعش استاذنا وسية يكون موجود فى مكان ومايتمش تكريمه
استاذ وسية ده شعلة من النشاط فى اى مكان
وبجد فعلا هو محرك اساى فى كل الاماكن الى بيكون فيها
يعنى من الاخر الجوكر
الف مبروك استاذنا
وبالتوفيق والنجاح دائما باذن الله

dream
06-04-2009, 05:35 PM
مبارك للاستاذ محمد

تفوقه على نفسه فى خدمة المنتديات

والتعليم

ومنتظرين منه الجديد دائما


وممنوع وضع لينكات لمنتديات اخرى اخى مسيو وليد

دعايه واعلان دى ولا ايه؟;)

مسيو وليد عسكر
06-04-2009, 05:41 PM
وممنوع وضع لينكات لمنتديات اخرى اخى مسيو وليد



دعايه واعلان دى ولا ايه؟;)


ماهو علشان محمد وسيه اعمل اي حاجه
ولسه قايله الكلمه دي
لو الموضوع يخصني انا مكنتش هعملها
وبعدين احنا بنحرجهم
انهم سطوا علي شغل مديرنا الهمام
واما بنعمه ربك فحدث
مش كده ولا ايه ؟

مسيو وليد عسكر
06-04-2009, 05:44 PM
معلم كوسية



يعني ايه دي؟

محمد عبد العظيم وسية
06-04-2009, 05:47 PM
وسية ده بتاعنا احنا لامؤاخذة

محدش ييجي جنبه
نطخه علي طول




شرف للجميع و للمنتدي أن يكون فيه معلم كوسية

شكرا جزيييييييييييييييييييلا أيها الفارس الشريف ...

معلشي يا باشا مقصر في مواضيعك النارية ... الشغل بقا ولوقمة العيش يا صاحبي

بس ان شاء الله هفضى في يوم ........

وأكسر الدنيا مشاركات وتعليقات وخاصة في مواضعيك المفترية الرهيبة

وخلي عندكككككككككككككككككككككك ........................ وقت

وعايزين نشوفك بقا

احنا لو حبينا نشوف رئيس ال

ال

الهيئة العامة لمحطة تحلية مياه طنطا ........ كان اسهل يا اخي

بلاش تتقل علينا

عشان نعملك شغل في الفرح إن شاء الله

محمد عبد العظيم وسية
06-04-2009, 05:50 PM
بصراحة كده
ومن غير مجاملات
عشان انا مش بحبها



















ما ينفعش استاذنا وسية يكون موجود فى مكان ومايتمش تكريمه
استاذ وسية ده شعلة من النشاط فى اى مكان
وبجد فعلا هو محرك اساى فى كل الاماكن الى بيكون فيها
يعنى من الاخر الجوكر
الف مبروك استاذنا
وبالتوفيق والنجاح دائما باذن الله



شكرا أيها العز الغالي

يا اسم على مسمى

وأنت نعم الشاب الجرئ ............ الذي سيحمل الراية قريبا بإذن الله

dream
06-04-2009, 05:51 PM
يعني ايه دي؟

استاذ شريف يقصد

معلم مثل الاستاذ وسيه:)

شريف
06-04-2009, 05:51 PM
يعني ايه دي؟ كوسية

اه صحيح
ايه الكلمة الغريبة دي؟؟؟؟
هههههههه
اه اه صحيح

الكاف و بعدين وسية
بس عملوا حادثة و دخلوا في بعض

شريف
06-04-2009, 05:58 PM
وخلي عندكككككككككككككككككككككك ........................ وقت



عشان نعملك شغل في الفرح إن شاء الله



قصدك طبعا أخلي عندي شوية من الاحمر
حاضر والله
قريب جدا
بس المشكلة ان يوم الجمعة دايما
مخصصه لشقة الزوجية بوضب فيها عقبال أولادك
و توضيب الشقق اليومين دول زي مانت عارف
حاجة كده تجيب شلل أطفال

اما بالنسبة للفرح
فشكلها كده مافيهاش افراح
نستفيد بالقرشين احسن
و نعمل عمرة ان شاء الله أفضل م الوش ده

nanes
06-04-2009, 05:59 PM
اه صحيح
ايه الكلمة الغريبة دي؟؟؟؟
هههههههه
اه اه صحيح

الكاف و بعدين وسية
بس عملوا حادثة و دخلوا في بعض




ما تقول مثل وسية اريح يا مستر شريف :)

حقيقي استاذ محمد وسية فخر للمنتدى وشرف كبير اوي انه يكون بينا
وفقك الله استاذي الفاضل لما يحب ويرضى

شريف
06-04-2009, 06:06 PM
ما تقول مثل وسية اريح يا مستر شريف :)




صحيح علي رأيك والله
مش عارف انا ايه العقد اللغوية اللي عندي دي
معلش اصل معظم كتابتي بالفصحي
فاللغة دارجة علي لساني علي طول


ذلة لسان معلش
بس احنا علي فكرة
بنكتب دلوقتي ردود
في موضوع
مش بيتكلم عن أي حد
ده عن وسية
عارفين يعني ايه وسية
يعني استاذ اللغة الجميلة
يعني عيب نتكلم غير فصحي بقا لا مؤاخذة

غادة عبدالسلام
09-04-2009, 06:56 PM
بجد روح المحبة فى الله دى جميلة جدا

ربنا يديمها بينكم دائما

وفقك الله استاذ محمد وجعل جهدكم فى ميزان حسناتكم

وجميع الاساتذة الافاضل معلمى البوابة كلا فى ملعبه استاذ

وفقكم الله

شمس بياض
11-04-2009, 01:02 AM
يا جماعة هذا ليس بغريب على

على مبدع وشعله نشاط وفنى
مثل استاذى وسيه

شباب مصر ان مصر بخير
طالما فيها امثال عمالقه فى هذا المنتدى
محبين فى الله ولله مخلصين فى عملهم
والله انى لفخورة مرفوعة الهامة

من انتمائى لهولاء النشامى