تثبيت ان شاء الله بقرار من المحافظ زى القانون ما بيقول

[vip_ame]

انهارده واحد صاحبى كان فى الادارة لانهم طالبين صورة من تقرير النجاح بتاعنا اللى غلى موقع الاكاديمية وقابل المدير المسئول عن العقود فى الادارة بتاعتنا واكتر واحد بيفهم فيها والراجل ده عمره ما قال كلمة وطلعت غلط قاله ان دلوقت هما مستنيين كشف من الاكاديمية باسماء الناجحين هايتم تحويلها للمحافظ لاعتمادها واننا نستنى لحد شهر 7 الجاى وان شاء الله ملنا هانتعين بتاريخ 1/7/2010 بقرار من المحافظ


وبالنسبة للناس اللى بتقول عقد 5 سنين :-

1- مافيش اصدق من قانون الكادر نفسه اللى بيقول ان ان شاء الله تثبيت ده اولا

2- ثانيا علشان الناس تفهم بس مافيش حاجه اسمها عقد لمدة 5 سنوات فى الحكومة اصلا لان فيه فى القانون القديم للتوظيف ان اللى يعمل 3 سنوات متصله يبقى ليه الحق فى التعيين وعلشان كده كل العقود اللى شغاله فى الحكومة بتتفصل اخر السنة وترجع تشتغل تانى من اول السنة والكلام ده انا واثق منه وشفته بعينى فى اماكن كتير زى المقاولين العرب والجامعة وسمعته من ناس فى اماكن تانية وحصل برضه فى التربية والتعليم
اثناء العقد بتاع سنة 2005

3- ده بالنسبة للقانون القديم اما بالنسبة للقانون الجديد للتوظيف فهما استقروا ان مافيش حاجه اسمها عمالة مؤقته بالحكومة من الاساس وكله هايبقى بالتثبيت ان شاء الله




اخيرا احب اقول للناس كلها اللى معانا فى المنتدى ياريت نبطل كلام شوية فى الموضوع ده الا لما تظهر حاجه تستحق اننا نتكلم عنها غير كده بقى نطنش كل الكلام الفاضى اللى بيتقال والاشاعات الكتير اللى ماليه المنتديات

[أحمد البرجينى]

جزاكم الله خيرا على هذه البشرى بس أنا واحد من الناس بتأكدمن المعلومة الأول وكمان بقول على الشخص نفسة قبل ما أنشر الخبر ويا ريت الكل يعمل بنصيحة حضرتك

[س ا يوسف]

كلامك صح
هكذا قانون الكادر
بارك الله لك

[ahmed fouad]

جزاك الله خيرا

[vip_ame]

ان شاء الله

انا لحد دلوقت اقتبست القانون ده كتير فى مشاركاتى فى المنتديات

لان الواحد ما بيثقش الا فى الكلام الرسمى

ولو فيه حد متابع لتسلسل الامور هايلاقى ان القانون بيتنفذ بدون اى تصريحات او كلام

ببطء لكن بيتنفذ

وان شاء الله خير

[ا/عبدالفتاح شبانه]

ربنا يوفقنا جميعا اميييييييييييييييييييييييييييييييييييييييييييييييي يييييييييييييييييييييييييييييييييييييييييييييييين