مين فيكم ؟

[a_kamelali]

اللي يحب يكون في اي وظيفه غير التربيه والتعليم يقول وليه وهل الوظيفه بتاعتنا دي تستاهل ولا لاء؟

[Mr Reda]

بصراحة انا لا أتخيل نفسى فى وظيفة تانية غير التدريس لأننى أعشق مادتى وهى الأنجليزى وأكون فى منتهى السعادة وأنا حاسس ان الطالب بيستفيد منى وربنا بيجعلنى سبب انههم يحبو المادة

[a_kamelali]

بجد عجبني ردك عالموضوع وانت فعلا انسان محترم بارك الله فيك

[أحمد البرجينى]

السلام عليكم ورحمه الله وبركاته
أنا مدرس حاسب الى وكنت شغال قبل كدا فى مجال خاص
بصراحه أنا الأول كنت كاره المهنه بجد
ولما إتأقلمت مع الأولاد وبدأت أشرحلهم المنهج ولقيت فى تفاعل بصراحه أنا إهتميت أكتر وخلونى انمى فى قدراتى أكتر
واكتسبت منهم خبرات أكتر
بصراحه مش هينفع إنى أسيب المهنه بعد ما عشقت التدريس
وأدينا بنتعلم برضه

[ahmed fouad]

انا اعشق عملى
وكيف لا والانسان يشعر انه احد صناع الحياة

[ا/عبدالفتاح شبانه]

والله ياجماعة احنا ولله الحمد فى احسن واشرف المهن وربنا يبارك لنا جميعا

[أستاذ السيد على]

الحمد لله أن شرفنا بالعمل فى هذه المهنة

وأن كنا نعانى الكثير من المشاكل ولكن الرسالة

التى يؤديها المعلم اشرف رسالة

[مصطفى محمد صابر]

والله يا جماعة
نحن خريجى كلية تربية من قبل اختيار الكلية وده كان باختيارى مش المجموع اللى اجبرنى او مكتب التنسيق فانا عارف من البداية انى هكون معلم(مدرس ميسر....مهما كانت المسميات) ولكن لا انكر ان من ضمن اختيارى للتدريس امر التكليف!!!!!!اللى اتلغى وانا فى سنة رابعة!!!!!!!
لكن هذه مشيئة الله ولا راد لقضاء الله
وعملت فعلا فى بعض المجالات الخاصة التى كانت بتدر على دخل اكبر من الوظيفة الحالية
لكن بصراحة لما حصلت على العقد كنت فى البداية متضايق للغاية من كلمة عقد وبنوده وقبلتها ارضاء لاشياء كثيرة
ومع الوقت تقبلت الامر الواقع وعملت بالمثل حب ما تعمل وفعلا مع الايام حبيتها على الرغم من العائد البسيط اللى لا يوفر لى اكثر من سجائرى لكن هذه مهنة ورثة الانبياء وغير كده لها ثواب واجر فى الاخرة وحسنات على تعليم كل حرف
فحبيتها وعشقتها بكل مافيها
ولن اتركها مهما حصل