الاوراق المطلوب نقديمها لتعيين

[مني احمد علي]

السلام عليكم مبروك لكل الناجحين لكن لي سؤال مكتوب في موقع الاكاديمية ان الحاصل علي شهادةicdl يتوجه للاكاديمية ولم يحدد موعد محدد فهل نتقدم غدا مثلا وهل المطلوب شهادة icdl فقط ولا اوراق اخري لاني لما قدمت الاصول قدمت صورة شهادة icdl ,وليس الاصل ارجو الافادة ؟ وهل حد اتصل بالاكاديمية ووصل لا خبار ولا لسة شوية لان بعد كده الدراسة هتبدا وهيكون صعب اننا نذهب لفرع الاكاديمية:7:

[محمد عنتـر]

طيب احنا عندنا في المنيا بيقولولنا على محو الاميه

[ehab mohamed sayed osman]

قررت الأكاديمية المهنية للمعلمين منح فرصة استثنائية للمعلمين المساعدين الذين لم يتقدموا بأصول أوراقهم لفروع الأكاديمية، لتقديم أصول هذه الأوراق من اليوم الاثنين الموافق 15/2/2010 حتى الخميس الموافق 25/2/2010. ومن يتخلف عن التقدم فى هذه الفترة المحددة ستقوم الأكاديمية بإلغاء نتيجةالاختبار بالنسبة له.
هل ينطبق هذا الكلام على مقدمين الاصول عدا icdl?

[mohamed_medoo22]

على فكرة مفيش فى قانون التعيين على محو امية

[مني احمد علي]

علي فكرة توجهنا لفرع الاكاديمية صباحا لتسليم شهادة icdlالاصل ولكن طلبوا صورة وقالوا انهم هيختموها ودي تكون ثالث صورة شهادةicdlاسلمها ولما سالنا عن التعيين قالوا ان رقم التليفون موجود وهما يتصلوا بينا اما بالنسبة لمحو الامية مش هيطلبوه فالاكاديمية لكن لو المحافظ هو الي هيعين يبقي لازم لنعمله لان ده قرار المحافظين
ولكن مش عارفة ازاي الواحد يتعاقد مع التربية والتعليم وفي نفس الوقت يمضي علي تعاقد تاني تبع المجلس المحلي لتعليم خمسة هل هذا قانوني اصلا؟
:7::7::7:

[ahmed fouad]

دوخينى يا لمونة دوخينى
كفاية يا عالم احنا دخنا خلاص كفاية
ارحمونا علشان ربنا يرحمك
عقد - عقد مميز - امتحان كادر - دبلومة - اى سى دى ال - ناقصة كمان محو أمية
فين حقوقنا فين حقوق الانسان؟ فين حقوق الحيوان
كفاية بأه كفاااااااااااااااااااااااااااااااااااااااااااااااا اااااااية

[دعاي]

:bosyht9:لو سمحتي يا اخت مني هما اخدو شهاده بالسبع مستويات والا افاده بالاربعه ولو كنتو قدمتو شهاده فهل الاكاديكيه تقبل افاده ارجو الرد

[تريزه دميان]

انا اختكم تريزه من سوهاج ومش فاهمه ايه حكاية محو الامية دى
ياريت حد من الاعضاء يرد عليا

[ahmed fouad]

بيقولوا ان المحافظ فى المنيا طلب من الناجحين
تعليم خمسة من الاميين شرط للتعيين فى وظيفة معلم
وسلملى على المحافظ
لأنه احتمال يطلب اننا نمشى على ايدينا لمدة عشرة ايام فقط لاغير
وبعد كده نجيب نملة انسة مثقفة جميلة متدينة
ونحاول نوفق راسين فى الحلال ونجيب لها عريس ابن حلال ميسور الحال
وطبعا نتكفل بمصاريف الفرح وحجز القاعة
وفى النهاية يتبقى شرط اخير ونولع فى نفسنا وبعدين نستلم الوظيفة ويجعله عامر
سلااااااااااااااااااااااااااااااااام

[somabasem]

ياجماعه عندننا مشكله فى سوهاج ان المديريه للتربيه والتعليم مش راضيع تتطلع صورة الاسكل كارد بتطلع لالافاده بس والاكادميه عاوزه صورة الاسكل مش عارفين نعمل ايه