رسالةالى كل اخوتى فى المنتدى

[احمد الشلقامى]

من الان من يريدينى سيجدنى عضو بالمنتدى باسم :مستر احمد محمود
لانى قررت التنازل عن الاشراف والدخول كعضو
وليتولى غيرى من هو قادر على مهام الاشراف انا ايه اللى يخلينى ازعل حد واحذف مشاركة له لانه وضع رقم تليفون وايميل له لان ذلك من قوانين المنتدى ورغم ذلك لما يغلط العضو المنتدى يرقيه معلم طب ايه اللى عليا
لكن اللى غلط ده اقسم بالله لن اتركه واصبح لى معه حساب شخصى لن اتركه لانه للاسف ينسب الى البلد اللى انا منها ويبقى يغلط تانى علشان يتعدوا عليه
ويكفينى اننى نلت رضاؤكم ولكم فرحت لكم كما فرحت لنفسى ولن اترك المنتدى وسوف اكون متواجد به باستمرار وتحت امركم لكن باسم مستر احمد محمود والف مبروك لكل الناجحين
اخوكم احمد الشلقامى

[مستر احمد محمود]

هذا هو اسم الدخول الجديد وعلى فكرة ده اسمى برضه
والف مبروك للناجحين

[waeltango]

الله يبارك فيك يا مستر أحمد واحنا معاك بغض النظر عن كونك مشرف أو عضو.
احنا مع بعض أسرة واحدة من زمان.ذاكرنا كادر مع بعض وامتحنا والحمد الله ربنا وفقنا ونجحنا.
رجاء أوعى تسيب المنتدى

[dream]

يا استاذ احمد

هو خلاف مع عضو

او تعديل مشاركة

يزعل حضرتك فى ايه

وليه اصلا تسيب عضويتك

وتعمل عضوية جديدة



ياريت تتراجع عن هذا القرار

[أبوبكر أحمد العملة]

الاخ الفاضل / احمد محمود الشلقامى

برجاء التأنى قليلاً ...لانك ان اغضبت واحد ...فهناك 60000واحد وربما مليون واحد مستقبلاً ...يحتاجون الى مشورتك ومشاركاتك فلا تبخل علينا وعليهم ...

مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

[مصطفى محمد صابر]

ليه كده بس يا استاذ احمد
يكفى كما قلت انه بلدياتك وعلى فكرة انا ايضا بلدياتك
رجاء تراجع عن هذا القرار

[المعلم المتطور]

من الان من يريدينى سيجدنى عضو بالمنتدى باسم :مستر احمد محمود
لانى قررت التنازل عن الاشراف والدخول كعضو
وليتولى غيرى من هو قادر على مهام الاشراف انا ايه اللى يخلينى ازعل حد واحذف مشاركة له لانه وضع رقم تليفون وايميل له لان ذلك من قوانين المنتدى ورغم ذلك لما يغلط العضو المنتدى يرقيه معلم طب ايه اللى عليا
لكن اللى غلط ده اقسم بالله لن اتركه واصبح لى معه حساب شخصى لن اتركه لانه للاسف ينسب الى البلد اللى انا منها ويبقى يغلط تانى علشان يتعدوا عليه
ويكفينى اننى نلت رضاؤكم ولكم فرحت لكم كما فرحت لنفسى ولن اترك المنتدى وسوف اكون متواجد به باستمرار وتحت امركم لكن باسم مستر احمد محمود والف مبروك لكل الناجحين
اخوكم احمد الشلقامى

ا/احمد تحلى بالصبر و لا تغضب فنحن ف امس الحاجة لمعونتك كما اننا نكن لك كل التقدير و الاحترام بالله عليك تراجع عن قرارك الفترة القادمة مهمة و محتاجة تواصل حضرتك معانا

[اسامه القزاز]

الأخ الفاضل استاذ / أحمد الشلقامى
على الرغم من انى لسه معرفتكش قوى مثل زملائى القدامى إلا اننى ارى نشاطك الكبير فى المنتدى بخصوص موضوع زعلك فأنا هقول رأى شخصى ولك فى النهاية القرار
منذ سنتين تقربناً كنا أسرة واحدة جميلة جداً وكأننا نعيش فى بيت واحد اسمه قسم الكادر
ببوابة الثانوية وكنت انا مسميه قسم الكادر قسم العجايب لأنه كان ملئ فعلاً بالعجايب مشرف حبيبى قوى اسمه شريف كان برده فيه ناس بيزهقوه قوى وبيخرجوه عن شعوره مع ان قلبه ناصع البياض ومن قبله استاذة الأساتذة ربنا يشفيها يارب أ / أمال برده فيه ناس كانوا بيرخموا معاه وكثير من القمم وامثلة كتير ولكن لم يهرب منهم أحد بل كانوا يواجهون المشاكل لديك ادارة منتدى لديك زملاء يمكنهم ان يقربوا وجهات النظر ونصل الى الصلح الذى لايوجد افضل منه فالدنيا فانية والمنتدى فانى ياراجل دا الكهربا عندما تنقطع المنتدى وقسم الكادر وغيره ضاع ويا سلام لو الكمبيوتر عملها معاك برده كل شئ ضاع لكن لكن الذى لا يضيع هو حبنا احترامنا ودنا لبعض
والله يا استاذ أحمد أنا حزين من فترة يعنى ثلاثة اشهر او اكثر عارف ليه
لأن كان فيه عضو مش فاكر اسمه كنت رديت على تعليق له رد كانت نيتى ويعلم الله وحده هى المزاح معه ولكنه قابل مزاحى الذى لم يفهمه بشتيمة جامدة جداً جداً أخبرنى بها صديق لى بالمنتدى لأنى مشفتهاش بعينى ورغم ذلك كم اتمنى أن يعود مرة أخرى لأعتذر أنا له عن مزاحى الذى فهمه خطأ فكم يساوى أن نقف سوياً أمام الله ونحن متخاصمون .. اخى الحبيب أدعوك للعفو والتسامح والحب والمصالحة
لا تترك الإشراف لاتهرب من المسئولية التى تحملها
اعتذر اخى الكريم عن الإطالة

[ياسر الدقاق]

نرجوا من الأستاذ أحمد التراجع عن هذا القرار
لصالح المنتدي الذي يحبه
ولابد لشخص في موضع مسئولية أن يتحمل
فلا داعي للعضويه الثانية ولتبقي بصفتك مشرف
نتمني منك ذلك

[عبــــدالــــرحمـــــن]

كلام كبير قوى استاذه اسامه
كلام ناس عاقله بصحيح

استاذ احمد
كده ماينفعش
انت كبير ومسئول
والمنتدى كله بيتفرج
انت اعقل من كده بكتير
حصل خير ومشكله عديت وخلاص

[زهره المدائن]

الســـــــــــــــــــــــــــــــلام عليـــــــــــــــــــــــــــكم
مستر احمد بالرغم من اني لسه عضوه جديده في
المنتدي لكني معجبه جدا بنشاطك وموضوعاتالجميله
واي كان اللي حصل لازم انت تكون اكبر منه
لانك فعلا اكبــــــــــــــــــــــــــــــــــر منه بكتير
وياريت تسامح لان المسامح ديما كريم
وبلاش تضيع حاجات كتير في لحظه غضب
:18::17::18::17::18::17:

[احمد الشلقامى]

شفتم الممطالة الجديدة علشان يعينونا والله دول ناس مستقصدنا

وطلبت من المديريات بدء مراجعة كشوف المعلمين الناجحين فى الاختبارات للتأكد من أنها لا تضم سوى مستحقى التعيين، وذلك بمجرد وصولها إلى المديريات عبر الأكاديمية المهنية للمعلمين.

وأوكلت الوزارة، فى إجراء اعتيادى، إلى المحافظين سلطة تحديد وقت تعيينهم رسمياً فى وظائفهم الجديدة بالمدارس بمجرد الانتهاء من فرز كشوف أسماء الناجحين، وعددهم يقترب من 64 ألف معلم، حيث بلغت نسبة المتجاوزين للاختبارات 89.5 % من إجمالى 71 ألف معلم مساعد تقدموا له.
You can see links before reply

[احمد الشلقامى]

يعنى الايام اللى فاتت دية ما كفتهمش فرز بعد ما خدوا اصول ورقنا جايين يفرزوا تانى ويمكن يقولوا لينا هاتوا اصول اوراق تانى وتبقى وقعتهم سودة متهيألى التحرك مطلوب الان وما مدام المحافظين هما المسؤلين يبقى علينا بنواب مجلس الشعب والشورى واعضاء المحافظة ينهوا المواضيع دية بسرعة وانا رايح اتصل بيهم فى دائرتى والكل يشارك

[بنت الجنوب]

صباح الخير يا استاذ أحمد
اعتقد انى كل اجراءات الممطالة فى التعيين علشان
التعيين يبدأ من السنة المالية الجديدة زى ما حضرتك قلت
قبل ذلك ،اما بالنسبة لتركك الاشراف ده شئ مستحيل
لانى احنا اشتراكنا فى الموقع لانك موجود فيه
بصدقك وتواضعك وعدم المبالغة فى الامور
وعلى فكرة الكداب باين والصداق باين
مع اطيب تحياتى

[المعلم المتطور]

اعتقد يا ا/احمد ان تكليف المديريات و المحافظين بالفرز و عمل كشوف يتبين فيها الناجحين فقط ده امر كويس لانه هيكون اسرع من ان الوزراة تعمل كل حاجة بنفسها دا غير ان اللى لم يجتازوا الاختبار هيتم استبعادهم من مستحقى التعيين تجنبا لعد حدوث اخطاء
من الواضح ان سياسية زكى بدر فيها نوع من الدقة الشديدة و ده ان شاء الله هيكون ف صالحنا بالاضافة الى ان زى ما حضرتك قلت قبل كده ده عشان يتم التعيين مع الاعتماد المالى الجديد

[طارق الشعواطى]

استاذ طارق اى موضوعات اعرض فيه اخبار برجاء عدم المشاركة فيها وعمل موضوعات لك بعيد عنها وهو متاح لك حتى يتسنى لى خدمة زملائى ما ينفعش اكتب موضوع وتيجى حضرتك وتقول متصدقوش حد الفترة الجاية وخليكوا مع اخبارى الحقيقية والمتجددة ماشى طارق علشان الواحد يتمالك نفسه تجاهك وما نشدش تانى مع انه الموضوع لم يخلص بعد منك واضحى شخصى فخلى حكايتنا مع بعض بعيد عن اعضاء المنتدى المحترمين اللى انا قاعد علشانهم ماشى وحلوة حكاية وديدة دى
يا رب عليك اعتمادى
انا مش منعك من المشاركة والمواضيع وزى ما قلت لك لن اتدخل فى موضوعاتك فمن باب اول تدع مواضيعى وشأنها
شكرا ومرسل نسخة الى ادارة المنتدى

[وديدة]

شكرا
ياطارق

[احمد الشلقامى]

لما كنت بانقل الاخبار ليكم كان من داخل المركز القومى للامتحانات بالقاهرة قبل ان تنتقل الى الاكاديمية والوزارة وكانت النتيجة مبشرة وبعد كدة فجوجئتم انتم قبلها بانهم عاوزين يغيروا نسبة النجاح وبالفعل عملوها وهو ده اللى خلانى كنت بأوكد لكم نسبة النجاح مرتفعة ومية فى المية يعنى ليست فهلوة منى
واستاذ محمد عباس بادارة المنتدى من مصادره اعلن ان النتيجة 96% بس يظهر هما بالفعل رفعوا نسبة النجاح ورغم كل ذلك اغلب -ان لم يكن كل- اعضاء المنتدى نجحوا وهما اللى كانوا متابعين يعنوا ما كانوش عاوزين مزاولة وحد يقلهم النسبة اتغيرت وهو ما رفع من روحهم المعنوية خلال فترة الانتظار للنتيجة يعنى حتى لو كانت اخبارى كاذبة فهى كانت على قلبهم زى العسل
وحسبى الله ونعم الوكيل
ده من جهة والملاحظ ان اغلب الملاحق فى مادة اللغة الانجليزية مهارات وانا باحتمل ان يكون ذلك مرجعه فى غلط بالكود او نسيانه لذلك على الذين رسبوا فى ذلك تضمين الشكوى هذه الملاحظةد
وربنا يوفق اعضاء المنتى من نجاح لنجاح

[احمد الشلقامى]

رسالة الى كل الاعضاء كلنا مسؤلين فى هذا المنتدى مش المشرف ولا الادارى وبس اى مخالفة تظهر عليكم بالادارة واحب اشير الى تواجد الاستاذة احلام نعمة شريف دعاء بصفه تكون شبه دائمة وهم من اعضاء مجلس الادارة او اللجوء الى صفحة الدعم الفنى حتى ننهض بهذا المنتدى لانه ملك لنا جميعا وليس ملك لفرد لكن فى حدود الاحترام وانا اعاهدكم الا انجر فى خلاف مع احد يوقعنى فى الغلط لكن اترك للادارة واعضاءها الرد برضه فى الحدود الائقة بنا كناس قدوة وبارك الله فى كل ابناء هذا المنتدى الذين عشنا فيه احلى ايام منذ المذاكرة والامتحان وانتظار النتيجة واخيرا النجاح وشاكر للاعضاء شعورهم الطيب وانا فى خدمتهم دائما ومعلش ادارة المنتدى ان كنت بادلت احد اسلوب مش كويس ولكن ده بعد ان شعرت ان حقى رايح يضيع بعد ان تأخرتم فى الرد وترقية الذى عاب فيا الى معلم ولكن اتضح انها قبل اللى قام به ولكم فرحت بقراركم الصادر بايقافه وعلشان كدة دى اخر حاجة ناحيته وان جاء تانى له منى كل احترام طالما لم يؤذينى او يؤذى اى حد من الاعضاء لان المنتدى بيت للكل وانا مليش عداوة مع حد بس بقى عليكم انتم تاخدوا حق اى واحد يلجا اليكم او تجدوه معتدى عليه باى كلام

[مسيو وليد عسكر]

ربنا يبارك فيك استاذ احمد وكلنا في خدمة المنتدي بكل مافيه

[بنت الجنوب]

والله يا استاذ أحمد لكم ارحتنا بهذا الكلام
والحمدلله الحق رجع لأصحابه ورجع الهدوء والسكنية لمنتدنا الغالى
بس لى رجاء لإدارة المنتدى اذا وجدت أى عضو يبالغ فى كلامه زيادة عن
اللزوم ويعطى نفسه اكبر من حجمه الحقيقى توجه له رسالة على الفور حتى لا يتمادى
لأننا احنا كلنا فى النهاية مدرسين مساعدين والحمد لله نجحنا وأصبحنا معلمون
ولكم منى أطيب التحيات

[احمد الشلقامى]

على فكرة هانى الجهينى هو طارق الشعواطى وانا سايبه لادارة المنتدى والدليل تاريخ انتسابه وعدد مشاركاته القليلة واللى جات بعد الايقاف مباشرة ولن اتكلم اكثر من ذلك وللادارة والاعضاء الحكم

[Blanche Neige]

باحييك مستر احمد على
اخلاقك العاليه وادبك فى الحوار
وفعلا لا يضيع حق ورائه مطالب وياريت
فعلا الاداره تاخد حق اى عضو واى مشرف
يغلط فيه حد تانى ده هايكون افضل بكتير
لان فعلا المنتدى ملك للجميع وليس
ملك لفرد واحد أو حتى مجموعة افراد
تقبل حضرتك تحياتى

[احمد الشلقامى]

شكرا لاخوتى بالمنتدى ومرورك الكريم مس اميرة انا ليا اكتر من اربعة اشهر بالمنتدى هل مرة اسات لا حد فيكم حتى عندما اختلفت مع بعض الاخوة كنت بارجع واصلح خطأى لان الاختلاف فى الراى لا يفسد للود قضية وقد تخطئ وجهات النظر احيانا لكن ان تصل الى الشتائم فلابد من رد بس بدون تبادل الشتائم وهو ما تداركته الان لذلك اطلب من الادارة ان تكون حازمة تجاه شئ مثل هذا من اجل عمار هذا البيت الكبير منتدى التعليم وانا من ناحيتى مليش مشكلة مع طارق وربنا يهديه ويفيد المنتدى بجد اذا عاد وليس كلام وارجو من الادارة ان تتراجع عن قرارها بالنسبة لكريم او تخفف العقوبة لانه بجد انسان بيحب المنتدى وبيساهم فيه بجهد كبير هو بس انفعل لما تاخرت الادارة فى الرد لكن هو بيحب الجميع بدون استثناء وكلنا هفوات

[Blanche Neige]

شكرا لاخوتى بالمنتدى ومرورك الكريم مس اميرة انا ليا اكتر من اربعة اشهر بالمنتدى هل مرة اسات لا حد فيكم حتى عندما اختلفت مع بعض الاخوة كنت بارجع واصلح خطأى لان الاختلاف فى الراى لا يفسد للود قضية وقد تخطئ وجهات النظر احيانا لكن ان تصل الى الشتائم فلابد من رد بس بدون تبادل الشتائم وهو ما تداركته الان لذلك اطلب من الادارة ان تكون حازمة تجاه شئ مثل هذا من اجل عمار هذا البيت الكبير منتدى التعليم وانا من ناحيتى مليش مشكلة مع طارق وربنا يهديه ويفيد المنتدى بجد اذا عاد وليس كلام وارجو من الادارة ان تتراجع عن قرارها بالنسبة لكريم او تخفف العقوبة لانه بجد انسان بيحب المنتدى وبيساهم فيه بجهد كبير هو بس انفعل لما تاخرت الادارة فى الرد لكن هو بيحب الجميع بدون استثناء وكلنا هفوات



أبداااا مستر احمد والله دا حضرتك مثال
للإحترام والأدب فى الحوار مع الجميع ويشهد الله على ذلك
كفايه ان حضرتك بتهتم وبتسأل عن اى حد يبعد فتره عن المنتدى
وأنا شخصيا لن انسى موضوع حضرتك اللى عملته
عشانى اما سيبت المنتدى فتره ولن يغفل الجميع تفانى حضرتك
فى العمل من أجل مصلحة المنتدى جزاك الله كل خير يافندم
وانا باضم صوتى لصوت حضرتك ان اى عضو يخطأ فى حق اى عضو
أخر لازم يؤخذ ضده اجراء حاسم والا الامور هاتتعقد والحق هايضيع
وبرضه لا ضاع حق وراءه مطالب

[محمودالريدى]

استاذ أحمد
انا بقدر مرورى ومشاركاتى
لم ارى منك اى سوء
وانت فعلا معلم بمعنى الكلمة فبالاحرى بالمعلم الترفع عن الصغائر ولا يصغى للتفاهات
وانا لست معلما ولكنى احب مهنة التدريس جدا
ولكن والحمد لله عوضنى ربى بان زوجى معلمة ( والحمد لله نجحت)
ولعل ذلك سبب اهتمامى بمنتداكم الكريم
عفوا .. خرجت عن الموضوع
المهم المعلم صاحب رسالة
لابد وان يبدو من تعاملاته انه على قدر تحمل هذه الرساله
فسر فى طريقك استاذ احمد ولا يشغلك ان علت موجة فسريعا ما تندحر الى الاعماق
وال...... ت.......... والقافلة تسير
:10: