نلوم أطفالنا ... وهم ظل لنا ... كيف ؟ [الأرشيف] - المنتديات التعليمية

مشاهدة النسخة كاملة : نلوم أطفالنا ... وهم ظل لنا ... كيف ؟

دعاء شديد

15-02-2010, 12:24 AM

طبعا عالم الاطفال ده عالم من الصعب اختراقه
علشان تقدر تتخيل الطفل شايفك ازاى
ورغم انه صعب بس مش مستحيل
شويه تأمل على حوارات مع الاطفال
بيقولوا كل حاجة علطول

You can see links before reply (You can see links before reply Dar%26sa%3DX%26um%3D1)

دائما ما نندهش من طلبات اطفالنا ومتطلباتهم
التى لم نقوى على التطلع لها وقت طفولتنا
ونعتر ذلك شيء غريب
رغم ان اطفالنا فى سنواتهم الاولى
ما هم الا ظل لنا

فمثلا
نسمع عبارات لوم على الاطفال
اذا طلبوا لعبه معينه و"شبطوا" فيها
طيب اسأل نفسك
هو شاف اللعبه دى فين ؟
اكيد فى قنوات الاطفال الي بنريح
دماغك وتقعده ادامها
يعنى انت الي حطيتها فى طريقه وترجع تلوم عليه
عجايب

You can see links before reply (You can see links before reply r%26um%3D1)

لاااااااااااا والابشع
لما تروح زياره عند عمو وطنط وابنهم
ويلاقى لعبه ويطلب زيها
واذا بعمو اللطيف يندهش ويشرأب
انتوا لسه مجبتهالوش؟
ويحش الطفل يا عينى بالقهر الانسانى من والديه
طيب يا عمو علق بس مش ادام الطفل
ولا ايه
والله ده عجب العجاب

You can see links before reply (You can see links before reply r%26um%3D1)

مثال تانى ... الموبايل
ايامنا كان لما التليفون يتركب فى بيت
نفرح وتبقى نصفه ونصره
دلوقتى
الطفل بيفتح عينه يلاقى الموبايل
جزء من حياته وجزء مهم جدا
وبما انه بيقلد لاننا القدوه ليه
فطبعا بيحتاج موبايل
وتسمع بقى عبارات تشل وتعل وتجيب المرض
طفل ابيه ده الي معاه موبايل؟
هو الطفل يفهم يعنى ايه موبايل؟
لا طبعا ميفهمش ... بس هو شاف
انه الموبايل حاجة كويسه بيستخدمها
بابا وماما وعمو وطنط
فحقه انه يقلدهم ... ولا ايه ؟
يبقى اللوم على مين ؟

You can see links before reply (You can see links before reply Dar%26sa%3DX%26um%3D1)

ده رايي
انتوا رايكم ايه ؟؟؟

نعمه محمود

15-02-2010, 12:50 AM

لاااااااااااا والابشع
لما تروح زياره عند عمو وطنط وابنهم
ويلاقى لعبه ويطلب زيها
واذا بعمو اللطيف يندهش ويشرأب
انتوا لسه مجبتهالوش؟
ويحش الطفل يا عينى بالقهر الانسانى من والديه
طيب يا عمو علق بس مش ادام الطفل
ولا ايه
والله ده عجب العجاب

والله دى حصلت معايا
عمر أفندى طلب بلايستيشن وانا كنت رافضة تماما المهم كنا مجموعة أصدقاء وبعدين أنا بقي بسلامتى اشتكيت وقولت ان المفعوص عاوز بلايستيشن الا وكل اللي موجودين قالوا معقول يانعمة الولد معندوش بلايستيشن ازاى وطبعا جبته مضطرة

دعاء شديد

15-02-2010, 12:59 AM

والله دى حصلت معايا
عمر أفندى طلب بلايستيشن وانا كنت رافضة تماما المهم كنا مجموعة أصدقاء وبعدين أنا بقي بسلامتى اشتكيت وقولت ان المفعوص عاوز بلايستيشن الا وكل اللي موجودين قالوا معقول يانعمة الولد معندوش بلايستيشن ازاى وطبعا جبته مضطرة

على فكره انتى مش مضطره
ده تصرف طبيعى لان الي موجودين
اصحابكوا والمفروض انهم ثقه
وطبيعى جدا ان عمر افندى يحس بالقهر
ويستشهد بكلامهم ده ويلومك لوم بشع
انتى اتصرفتى صح
ولازم نفكر فى علاج للموضوع ده بجد
ازاى نقدر نوازن
بين الي بيسمعه الطفل من الناس المحيطين بيه
وبين قدرتنا على تحقيق مطالبه؟
وهو ده المهم

ميس صافيا

15-02-2010, 01:16 AM

موضوعك فكرنى باغنية بابا تليفون
عارفاها ؟؟

دعاء شديد

15-02-2010, 01:26 AM

موضوعك فكرنى باغنية بابا تليفون

عارفاها ؟؟

هههههههههههههههه
اه طبعا عارفاها
مفيش اغنيه اطفال معرفهاش
بس بينى وبينك ... عمو كان يستاهل
الي الاطفال عملوه فيه

زهره المدائن

15-02-2010, 01:47 AM

طارق ممدوح ذكي محمد

15-02-2010, 05:58 AM

دعاء شديد

15-02-2010, 09:07 AM

اللوم مش علي افعال او تصرفات الاطفال بس ده احنا كمان يعني لو معايا مويايل موديل قديم شويه الكل بيبص باستغراب معقول انت لسه مغيرتيش موبايلك وكأنها جريمه وطبعا ارضاء للجميع وحفاظا علي" البيرستيج " اغير الموبايل وحالات مشابه كتــــــــــــــــــــــير مشكله فعلا

لاااااااااا هنا اسجل اعتراض قوى
لان اذا سعينا لارضاء الناس
عمرنا مهنكون نفسنا
وده بردهبينعكس على الاطفال سلبا
لانهم بيكبروا وهو مقتنعين
ان لازم نكون زى الناس ونجيب الحاجة الي الناس متلومناش عليها
انا عن نفسى بحب جدا اجيب الحاجة الي انا عايزاها
وقت مكون عايزه وحسب ظروفى الماديه
ولا ايه ؟؟؟؟

دعاء شديد

15-02-2010, 09:13 AM

طبعا معاك حق
فعلا اطفالنا ظل لنا
وان اخطأ الظل الطريق فإنه خطأنا بكل تأكيد
والمشكلة مش في الالعاب فقط
المشكلة الاكبر في السلوكيات
الكذب امام الاطفال .. والتلفظ بالفاظ لا تصح
والعجيب ان تجدي الام تقول لابنها اشتم بابا يا حودة
والاب يقوله اضرب ماما يا حودة
ولما يكبر بسلامته ...
يشتكوا الاتنين ويقولوا مش عارفين خوده طلع قليل ادب لمين .. !!

موضوع هادف يا دعاء .. بارك الله فيك

اه يا طارق بقى
لو حبيت انت تعنف حوده على سلوك معين
وتلاقى اونكل او تنت بكل ثقه
"متسيبه ده عيل ميفهمش"
طيب متسكت انت وهى ... لأ ... وليه ميتحشروش
ويا عينى حوده الضحيه
نورت بردك يا طارق

أفنان أحمد

15-02-2010, 09:52 AM

والله مشكلة كبيرة
لكن الأهل مسئولين قبل غيرهم
أنا مثلا مع أولادى لما نكون فى الشارع ويتسلطوا على لعبة .. مش أسكتهم وأقول لهم حاضر هاجيبها
لا لا .. يطلبوا بأدب وإن قدرت ..أجيبها إن شاء الله
لأن الاولاد أذكياء إذا لقوا البكاء والزن بيجيب نتيجة
خلاص عرفوا ديتها
والمهم أكثر عدم الكذب على الأولاد
والوفاء بالعهد معهم دائما حتى يكون الوالدان موضع ثقة
وعدم تسويفهم .. يعنى أنا قلت للأولاد إن شاء الله نطلع رحلة اسكندرية فى الاجازة
وكل يوم يسألونى
ورقبتى بقت قد السمسمة ..
وللحديث بقية إن شاء الله
شكرا يا دكتورة على الموضوع القيم

دعاء شديد

15-02-2010, 10:45 AM

والله مشكلة كبيرة

لكن الأهل مسئولين قبل غيرهم
والمهم أكثر عدم الكذب على الأولاد
والوفاء بالعهد معهم دائما حتى يكون الوالدان موضع ثقة
وللحديث بقية إن شاء الله

شكرا يا دكتورة على الموضوع القيم

بالظبط كده
حضرتك قلتى المفيد
وعلى راى ونيس
"اكتشفت انا وزوجتى ونحن نربى اولادنا اننا يجب ان نربى انفسنا اولا"
طبعا هو مقالش كده بالظبط بس على حسب ذاكرتى
وفى انتظار باقى الحديث

7asnaa kareem

15-02-2010, 09:48 PM

تحقيق التوازن بين المجتع المحيط
وبين رغبات النفس
ومتطلبات الاطفال

معادله صعبه جدا

خصوصا فى خضم الازمات اللى بنمر بيها

وبما ان ليس كل ما يتمناه المرء يدركه

وبين تدخل الاخرين فى طريقه حياتنا
وبين محاوله تحقيق رغبات الاطفال فبل رغبات الكبار

يحتار الكثير من اولياء الامور

لان معظم التكنولوجيا الحديثه
نحن فى غنى عنها

لانها لا تجلب سوى الارهاق المادى والنفسى

اعتقد تربيه الطفل فى البدايه هى الاساس

بس ازاى نربيه واحنا اصلا عندنا قصور شديد

دى بقى الكارثه

دعاء شديد

16-02-2010, 04:34 AM

تحقيق التوازن بين المجتع المحيط

وبين رغبات النفس
ومتطلبات الاطفال
معادله صعبه جدا
خصوصا فى خضم الازمات اللى بنمر بيها
وبما ان ليس كل ما يتمناه المرء يدركه
وبين تدخل الاخرين فى طريقه حياتنا
وبين محاوله تحقيق رغبات الاطفال فبل رغبات الكبار
يحتار الكثير من اولياء الامور
لان معظم التكنولوجيا الحديثه
نحن فى غنى عنها
لانها لا تجلب سوى الارهاق المادى والنفسى
اعتقد تربيه الطفل فى البدايه هى الاساس
بس ازاى نربيه واحنا اصلا عندنا قصور شديد

دى بقى الكارثه

والله يا حسناء هى صعبه فعلا بس ممكنه
محتجهن شويه اهتمام على تركيز مع الاطفال
انما للاسف بقى فى حاجت كتير بتشترك مع الاهالى
فى تربيه الولاد ... للاسف