تبقي خاطب دينا ومصاحب جيجى

[نعمه محمود]

تبقي خاطب دينا ومصاحب جيجى




الجملة اللي فاتت دى جملة من اعلان تلفزيونى بيتعرض كل 5 دقائق وفي نفس الاعلان بيقولك لما تسهر تتفرج على التلفزيون والامتحان ييجى لك من المسلسل ويسالك هى جيجي سابته في الحلقة الكام

حقيقى انا لست مهتمة بمشاهدة التلفزيون ولكن حبيت اتابع الاعلانات اللي ولادنا بيشوفوها لاقيت اغلبها اعلانات هدامة وغير تربويه حتى تلك التى تسوق منتجات الاطفال للاسف الشديد تهدم ما نحاول بنائه

اعلان يصور طفل وهو يسرق الحلوى المحببة اليه من الثلاجه واخر يعلم الطفل الكذب

اعلان ثالث لنوع من السناكس ترقص فيه الفتيات بصورة خليعه حاجة مقززة فعلا والتلفزيون مفتوح 24 ساعه ومفروض علينا اعلاناته واحنا لاحول لنا ولا قوة المهم بما انى ثورية شويه فكرت وقلت ليه احنا دايما سلبيين كده

ايه المشكلة لو خدنا قرار بمقاطعة كل البضائع اللي مش بتحترم بيتونا وتقتحمها بالخلاعه يمكن اكون خياليه شويه بس على الاقل نحاول

ياريت اللي عارف اعلان مش لطيف يقولنا عليه( عشان نشوفه) هههههههههههههههههههههه لا طبعا عشان نحاول نكون ايجابيين

اتمنى تفاعلكم

[ممدوح الأنصارى]

لمحة حلوة وذكية
لما يدور بالقنوات التلفزيونية
الأرضية منها والفضائية
من خلال برامجها واعلاناتها التجارية
والمشكلة ما نعانيه من خجل
من اسئلة بريئة من اطفالنا
لبعض الاعلانات الغير مستحية
ومين يجيلوا نفس تروح لمنتجات
بتدمر فى قيمنا بطريقة غبية
خالص التقدير لابداعات حضرتك
ولقطاتك الثرية .

[روبي أحمد]

و الله يا أستاذة نعمة في اعلانات بتشلني :)
أولهم اعلان كريم و نادين
بتاع كاريير

و ثانيهم
اعلان مريندا
سنو وايت متسممتش عشان بتشرب ميريندا
و قابلت الأمير
في الكافيه اللي ع الناصية :)

و لو الناس قاطعت المنتجات اللي وراها اعلانات زي دي
الناس هتموت من الجوع :)
ده حتى اعلانات الزيت و السمنة لازم رقاصة
الناس برة مصر
مفكرين مصر دي كل بيت فيه رقاصة بترقص :bosyht9:
شكراً أستاذة نعمة
:6:

[شريف]

أكتر شئ بيستفزني و كفاية عليا بجد و بيرفعلي الضغط
اعلانات الافلام القذرة اللي طالعة اليومين دول
كلها بتنصب في نقطتين رئيسيتين
الجنس العري القذر الذي يصيب الكبير قبل الصغير بالاشمئزاز و العبارات
الزبالة اللي بتتقال
و الضحك الماسخ ابو من غير طعم

و زي ما قال الرسول صل الله عليه و سلم
لا ياتي زمان الا و الذي بعده شر منه

كل مدي الحال تزداد سوءا
و بقت حاج تفقع المرارة

[محمد بن عباس]

حقيقى فعلاً كلام حضرتك صحيح بنسبة كبيرة وأكثر ما يستفزنى أيضاً

الدعاية السيئة للأفلام القذرة بالسينما

وفعلاً لابد من أن نحاول من إيجاد حل لهذا الموضوع الخطير

[عماد عبد الستار]

والله دي قضية مهمة جداً، وهي ما دور الإعلان عموماً، المفروض من وجهة نظري المتواضعة أن يكون الإعلان هادفاً، وليس هادماً. الواقع أن معظم الأعلانات التي نراها هادمة، بل إني أخجل منها في كثير من الأحيان، وخاصة إعلانات(ميلودي أفلام وعم وديع)، ولا أدري هل المادة جعلتنا ننحدر إلي هذا المستوي الأخلاقي، ولا حول ولا قوة إلا بالله.

[Blanche Neige]

يعنى يانعمة انا ممكن اكون زيك تمام
لا اشاهد التليفزيون الا قليلا جداااااااااااا
لدرجة بجد انى نسيتة تقريبا
بس مرات كده باشوفه وفعلا لفت نظرى الاعلانات اللى
قولتى عليها بس فى اعلانات على قتاة ميلودى هى حملة
اعلانات مش عارفه بجد ايه الهدف منها هى اعلانات
((( وديع ))) بجد اعلانات غريبه جداااا مش قادرة اعرف ايه المطلوب بالظبط منها ... بس اللى بجد بقى بقالى سنين ماشوفتهاش
هى قنوات الاغانى وبالصدفة البحته كنت عند واحده صديقتى
امبارح ولاقيتها فاتحه على قناة منها مش قادرة اقولك
اد ايه كم القذارة اللى فى الكليبات بجد قولتلها ممكن ياتغيرى القناة
ياتقفلى التليفزيون خالص ... حاجه اقل ما يقال عنها انها مقزه وبشعه بجد
بس هانعمل ايه هى دى الثورة الاعلامية بقى واللى مش عاجبه يقولك ما يتفرجش ... لنا الله فعلا ربنا يهدى الجميع

[دعاء شديد]

مش عارفه اقولك ايه
بس هى فعلا بقت مشكله مركبه
يعنى الواحد مش ملاحق على البشاعه الي
فى الاعلانات
ولا العبء المادى الي بيحصل بسببها
لما الاطفال تزن على حاجة
وللاسف فى اهالى بتستجيب للزن فعلا
بالاضافه لترديد الاعلانات
يعنى انا بشوف ان
احنا كمان جزء من المشكله
مفيش مشكله من طرف واحد

[نعمه محمود]

لمحة حلوة وذكية
لما يدور بالقنوات التلفزيونية
الأرضية منها والفضائية
من خلال برامجها واعلاناتها التجارية
والمشكلة ما نعانيه من خجل
من اسئلة بريئة من اطفالنا
لبعض الاعلانات الغير مستحية
ومين يجيلوا نفس تروح لمنتجات
بتدمر فى قيمنا بطريقة غبية
خالص التقدير لابداعات حضرتك
ولقطاتك الثرية .
انا النهاردة محدش أدى العمدة بذات نفسه رد على موضوعى بجد نورت الموضوع وحلو اوى السجع اللي في الكلام
والمضمون أجمل وأجمل تسلم وتعيش ياعمدتنا

[ميس صافيا]

ياريت اللي عارف اعلان مش لطيف يقولنا عليه( عشان نشوفه) هههههههههههههههههههههه لا طبعا عشان نحاول نكون ايجابيين

سورى يعنى معظم الاعلانات زباله
وفعلا انحدارهم بيزيد لان ما حدش بيقولهم انتوا بتعملوا ايه
والله انا سالت نفسى مره وقولت هو وزير الاعلام ده ما بيتفرجش ع التليفزيون
والا ما عندوش اولاد والا احفاد يخاف عليهم
يعنى لما الوزير ما يمنعش الحاجات دى
مين ان شاء الله اللى هايقولهم لأ وكدا عيب
من الاخر باه فعلا حسبنا الله ونعم الوكيل فى كل المسئولين عن الحاجات دى

[نعمه محمود]

و الله يا أستاذة نعمة في اعلانات بتشلني :)

أولهم اعلان كريم و نادين
بتاع كاريير


و ثانيهم
اعلان مريندا
سنو وايت متسممتش عشان بتشرب ميريندا
و قابلت الأمير
في الكافيه اللي ع الناصية :)


و لو الناس قاطعت المنتجات اللي وراها اعلانات زي دي
الناس هتموت من الجوع :)
ده حتى اعلانات الزيت و السمنة لازم رقاصة
الناس برة مصر
مفكرين مصر دي كل بيت فيه رقاصة بترقص :bosyht9:
شكراً أستاذة نعمة
:6:

عندك حق ياروبي وللاسف خلاص الاعلانات دى بقت زى السرطان انتشرت ومحدش عارف يعالجها

[ميس سوزان]

بصراحة الرقابة اللى بيقولوا عليها دى
بقت مجرد اسم فقط لا غير
وبعدين احنا فعلا لو قاطعنا كللللللل المنتجات اللى بالشكل ده
يبقى حنموت من الجوع
لانها ولله الحمد كلها كده تقريبا
وكل سنة وحضرتك طيبة

[شمس بياض]

تعرفى استاذه نعمة ان الموضوع دهوت كان شاغل بالى ولكن سبقتنى انت
وهذا يدل على تقارب الافكار
وحاجه كده اسمها تخاطر عن بعد
المهم جزاك الله خيرا على طرحك الموضوع اللى اكتشفت
حتى قنوات الرياضيه
امثال اسبورت
بتعرض اعلانات عن افلام
حسبنا الله ونعم الوكيل فى من يروج لها ويشارك فيها
هى مصر
فيها اشياء كده
وليه المسؤلين مايخدوش جانب ايجابى
وليه احنا كمصريين سلبيين تجاه هذه الاعلانات الاقل ان يقال عنها نها مدمرة
ماذلابد من حمله لمحاربه مثل هذه الاشياء
اعلانات تحض على السرقه وتاصيل
القيم االلاأخلاقيه
وانتشار السوقيه
ونتكلم يقولوا فيه اوف واون
طيب وانا خارج البيت وهاترك طفلى وابنى فى المنزل
ولا رقيب
هذه الايام ربنا يرحمنا حرب من جميع الجهات خارج وداخل المنزل اللهم ارحمنا واحفظنا
اختاه شكرا لك

[نعمه محمود]

أكتر شئ بيستفزني و كفاية عليا بجد و بيرفعلي الضغط
اعلانات الافلام القذرة اللي طالعة اليومين دول
كلها بتنصب في نقطتين رئيسيتين
الجنس العري القذر الذي يصيب الكبير قبل الصغير بالاشمئزاز و العبارات
الزبالة اللي بتتقال
و الضحك الماسخ ابو من غير طعم

و زي ما قال الرسول صل الله عليه و سلم
لا ياتي زمان الا و الذي بعده شر منه

كل مدي الحال تزداد سوءا
و بقت حاج تفقع المرارة
سلامتك من الضغط ياشريف وعندك حق فعلا بقي شيء مقزز جدا
نورت الموضوع

[نعمه محمود]

حقيقى فعلاً كلام حضرتك صحيح بنسبة كبيرة وأكثر ما يستفزنى أيضاً

الدعاية السيئة للأفلام القذرة بالسينما

وفعلاً لابد من أن نحاول من إيجاد حل لهذا الموضوع الخطير
للاسف يا استاذ محمد واصبح ابنائنا ضحية لكل انواع الابتذال الذى يقتحم علينا بدون استئذان

[ahmed fouad]

المقاطعة هى الحل
وهى ليست سلاحا خياليا بل انها تجعل اعتى الدول تركع وتغير من قراراتها ما بالك بمجرد شركات

[حسان عاشور سيد]

You can see links before reply***********/page%205/378-Thanks.gif

[محمد غمرى]

You can see links before reply