المساعد الشخصي الرقمي

مشاهدة النسخة كاملة : تعالوا ندردش شويه واللي عايز يعارضني يتفضل يدخل دي مصيبه سوده والله الموضوع كبير بجد



كريم ماضي
10-03-2009, 10:53 PM
السلام عليكم

منذ لحظات قليله قرأة تقرير يحمل اسم تقرير من تل أبيب: 30 ألف شاب مصري يعيشون في إسرائيل

You can see links before reply

30 الف فعلا رقم رهيب أيه رئيكم ياجماعه في شباب مصر
طبعا الكل بيسأل اين الولاء والانتماء

طبعا مفيش
مفيش حاجه اسمها الولاء
مفيش حاجه اسمها الانتماء
كان الله في عون الشباب المصري

انا سامع واحد بيقولي ياعم الحج دول راحوا أسرائيل يعني اعدائنا كلنا
ومنفعل اوي عليا
طيب بالراحه ياسيادة العضو

سؤال ماذا نفعل
كل حاجه مفيش مفيش مفيش
ربنا رزقنا بحكومه (حسبنا الله ونعم الوكيل فيها)
طيب مفيش حتي شوية انتماء
سمعت واحد بيقول ياجماعه
الانتماء رد فعل وليس فعل

ايه ده بقي انا سامعك يالي بتقول الواد ده خرف
علي العموم الله يسامحك

لازم تديني وتعشيني وتغديني وتنعنشي وتفرفشني وتشغلني وتعلمني وتسكني
عشان يكون عندي انتماء لبلدي
ولا ايه رئيكم

نيجي بقي للنقطه التانيه

الشباب دول كلهم غلط مهما حدث هو مفيش غير اسرائيل يعني يروحوا اي مكان تاني
واسرائيل مشاء الله مش عارف عارف اللي يهاجر لاسرائيل تقريبا بياخد 600 ألف دولار او 6000 ألف دولار
والراتب اليومي 20دولار +وجبتين
ايه الهنا ده كله


تعالي تعالي
المصيبه بقي الكبري
ا
ن عدد المسلمين اللي هما بيشتغلوا في الجيش الاسرائيلي حوالي 20 في الميه
والله العظيم انا بلطم وناقص اصوت والم عليا الناس ويقولوا الواد كركر اتجنن
يخرابي
وكمان خيانه نعم خيانه
كل ده من ايه
من السياسات الغلط اللي احنا بنعاني منها
حسبي الله ونعم الوكيل في الحكومه المصريه
اقول ايه تاني بس
كفايا كده انا هتجنن

عز وحيد
10-03-2009, 11:21 PM
امر لن استطيع ان ارد عليه بالبكاء على حالنا الذى وصلنا اليه
امر بجد مش معقول نسكت عليه
كفاية كفاية والله بجد كفاية
ليه كل ده
انا بسال سؤال ياريت حد يجاوبنى عليه ليه كل ده
ليه الإنتماء خلاص ضاع مننا
ليه اصبحنا عبيد للمادة
بس ارحع واقول ان ده ةمش ذنب الحكومة لوحدها
لأن المفروض من كل شاب مسلم مصرى كان او لم يكن مصرى
ان يعمل من اجل دينه وليس ضذ الحكومة يعنى بالعند يعنى
بل أنا بعتبر الذنب الاكبر على الشاب الى راح هناك واشتغل
لأن مهما ان كان دول أعدائنا
والى يروح هناك خلاص خليهم ينفعوه بقى فى اخرته وخلى فلوسه تنفعه

س ا يوسف
11-03-2009, 01:48 AM
انتماء ايه اللي دخل في الموضوع
لو الموضوع انتماء فلا حرج على هؤلاء اليس هناك اتفاقية سلام وتطبيع
ان كنت تسمح لي علشان يكون كلمة ياخرابي في محلها نقول العقيدة وليس الانتماء

نداء الجنة
11-03-2009, 02:05 AM
هذا الخبر قديم
وتم عرض تلك المشكله فى برنامج الحقيقه
والعاشرة مساءا
والاسباب متعدده
منها ان هؤلاء المصريين تعرضوا لاغاراءات عديدة من الاسرائليلن
الله المستعان ويهديدهم ويعودوا لصوابهم مرة اخرى
مشكور على الموضوع

مسيو وليد عسكر
11-03-2009, 02:06 AM
انا مش هتكلم في الانتماء لكلامي يتفهم غلط
طبعا انتم فاهمين انا اقصد ايه

ممدوح الأنصارى
11-03-2009, 02:13 AM
والله الموضوع فعلا كبير
فكرنى باللى باع كليته وابنه .
ولا حول ولا قوة الا بالله العلى العظيم

كريم ماضي
11-03-2009, 05:08 PM
امر لن استطيع ان ارد عليه بالبكاء على حالنا الذى وصلنا اليه
امر بجد مش معقول نسكت عليه
كفاية كفاية والله بجد كفاية
ليه كل ده
انا بسال سؤال ياريت حد يجاوبنى عليه ليه كل ده
ليه الإنتماء خلاص ضاع مننا
ليه اصبحنا عبيد للمادة
بس ارحع واقول ان ده ةمش ذنب الحكومة لوحدها
لأن المفروض من كل شاب مسلم مصرى كان او لم يكن مصرى
ان يعمل من اجل دينه وليس ضذ الحكومة يعنى بالعند يعنى
بل أنا بعتبر الذنب الاكبر على الشاب الى راح هناك واشتغل
لأن مهما ان كان دول أعدائنا
والى يروح هناك خلاص خليهم ينفعوه بقى فى اخرته وخلى فلوسه تنفعه

ليه الإنتماء خلاص ضاع مننا ؟؟
يااخ عز انا رديت علي سؤالك في الموضوع
الانتماء رد فعل وليس فعل
ولومفيش رد فعل يبقي مفيش انتماء

طبعا مش ذنب الحكومه لاكن العبء الاكبر علي مين علي الحكومه مين اللي وصل الناس انها تعمل كده مش الحكومه برده

مفيش حاجه اسمها بيعاند الحكومه هو انا لما اعاند الحكومه اروح اسرائيل ما اعتقدشي الموضوع مش كده خالص الموضوع ان أغلبية الناس دي مش لاقيين خط الفقر عشان يقفوا تحتيه ويتقال عليهم فقراء

فعلا كفايا ان اللي راح هناك خسر دينه

جزاك الله كل الخير علي المرورو الجميل

M I D O
11-03-2009, 06:00 PM
انا شايف انه عدد صغير كمان نظرا للظروف الموجودة! ، بالنسبة للانتماء الى انتا بتتكلم عليه يا كريم ، انا شايف ان الانتماء مش مجرد حبك لبلدك بطريقة صورية مالهاش لازمة ، مهوا الانتماء برضه انك ماضيعش حق الدولة وماتنصبش عليها فى الكام جنيه الى هاتدفعوا لما تركن! ، الانتماء بقئا عامل زى كلام الكتب الى ماحدش بيفهموا الضغوط الإقتصادية والإجتماعية وغيرهما كفيله انها تتدمر اجدع انتماء عند اى حد! ، والاتنماء مش مجرد تنفيذ لقوانين الدولة ومصالحها ده كمان حنين للماضى والتاريخ!

lologeo92
11-03-2009, 06:25 PM
والله انا فى رايى ان الحكايه مش حكاية انتماء لان احنا فعلا مش عندنا احساس ما يسمى بالانتماء
سواء للدوله او للحكومه لان كل اللى احنا فيه ده وكل الضياع ده بسبب اللى ماسكين الحكومه ويوم
ما يكون فى حاجه هتحصل ليهم اكيد مش راح نبكى عليهم
لكن الحكايه موضوع كرامه وحق
اى انسان لو حد عايز يسلبه حقه اللى تعب فيه اكيد هيدافع عن نفسه لانه حاسس ان الشىء ده فعلا بتاعه وملكه
لكن بالنسبه للبلد مش بقت بتاعتنا خلاص لانها كلها اتخصخصت واتباعت للاجانب
فياريت مش نرمى المسؤليه على الشباب لانه كله فى الزمن ده بيقول( نفسى نفسى)
لكن برده الغلط علينا احنا وعلى كل فرد فى البلد لان احنا اللى سيبناهم يتمادوا فى ظلمهم وسكتنا من الاول وخايفين ان احنا نقول ان الحق ده حقنا
واكيد كلنا شوفنا اللى حصل فى غزه.....................
لكن هو فعلا الانتماء رد فعل

كريم ماضي
11-03-2009, 10:23 PM
انتماء ايه اللي دخل في الموضوع
لو الموضوع انتماء فلا حرج على هؤلاء اليس هناك اتفاقية سلام وتطبيع
ان كنت تسمح لي علشان يكون كلمة ياخرابي في محلها نقول العقيدة وليس الانتماء

مش عارف بصراحه انا مش متخيل اللي بيحصل ده بجد
بس العقيده طيب
ال30000 الف دول فيهم كام واحد مسلم
وكام واحد نصراني
وكام وكام
عشان كده قولت الانتماء

وعشان الانتماء ضايع

وسبب ضياعه الحكومه

والحكومه تتحمل عبء كبير من الموضوع ده
لنا الله
زمن غريب
وليه الزمن غريب ناس غريبه عايشه في الزمن

جزاكم الله كل الخير علي المرور

lologeo92
11-03-2009, 11:02 PM
انا اول مره كنت اسمع عن الموضوع ده النهارده وحاليا سمعت بطرس غالى على الدزيره فى بلا حدود يقول ان وجود كل الشباب المصرى ده فى تل ابيب لايؤثر على امن مصر وهو ظاهره عاديه موجوده فى كل الدول العربيه لاتؤثر على امنها

س ا يوسف
12-03-2009, 02:48 AM
انا اول مره كنت اسمع عن الموضوع ده النهارده وحاليا سمعت بطرس غالى على الدزيره فى بلا حدود يقول ان وجود كل الشباب المصرى ده فى تل ابيب لايؤثر على امن مصر وهو ظاهره عاديه موجوده فى كل الدول العربيه لاتؤثر على امنها

هل تعلم ان كلمة امن مصر ترددت كام مرة وباشكال مختلفة ومضادة كلا للاخر
مرة امن مصر من امن العراق والاردن واليمن وتم عمل يوم اجاز
امن مصر من امن الخليج في حرب الخليخ الاولي
امن مصر من امن المنطقة حرب العراف
امن مصر من امن اسرائيل ايه المشاكل من تواجد هذا العدد وان انضموا للجيش

كريم ماضي
12-03-2009, 03:54 PM
استاذه نداء الجنه
الخبر بالنسبه لي جديد واول مره اعرفه وياريتني ماعرفته

جزاكم الله كل الخير علي المرور

كريم ماضي
12-03-2009, 03:56 PM
استاذ وليد عسكر
مرور حضرتك بالموضوع شرف لي
جزاك الله كل الخير

كريم ماضي
12-03-2009, 03:59 PM
العمده
انا عندي ابيع كليتي بس مش اروح اسرائيل
جزاكم الله خيرا

دعاطف خليفة
12-03-2009, 04:06 PM
مشكور اخي علي الموضوع

والتنويه عليه امر هام وضروري

وليس الموضوع قديما كما قالت السيده اعلاه

ولكن الموضوع يكمن

في امر اخر هام جدا

وهو امر عقيدة المسلم

واعتقد انه يخفي علي السيده اعلاه امر العقيده

فالاسلام

ليس مجرد كلمات
وليس جرد ان ترتدي النقاب
او مجرد لحيه

فالنقاب امر واجب واللحيه واجبه

والعقيده هي الاصل

فارجو ان تراجع العقيده

وتحياتي
للجميع
والسلام عليكم

كريم ماضي
12-03-2009, 09:57 PM
شكراياميدوعلي المرور الجميل

كريم ماضي
12-03-2009, 09:59 PM
lologeo92
ليه الموضوع مش موضوع الانتماء لو فيه انتماء كان كل واحد مش فكر في نفسه وبس
ولا ايه

جزاك الله كل الخير علي المرور

كريم ماضي
12-03-2009, 09:59 PM
lologeo92
ليه الموضوع مش موضوع الانتماء لو فيه انتماء كان كل واحد مش فكر في نفسه وبس
ولا ايه

جزاك الله كل الخير علي المرور

كريم ماضي
12-03-2009, 10:03 PM
شكرا دكتور عاطف علي المرور

وكلام حضرتك محترم جدا وصح

لاكن ده بيختص بس علي المصري المسلم
يعني كام واحد من ال30000 الف مسلم وكام واحد مش مسلم
ونفس الموضوع ال20في الميه المشاركين لأسرائيل في الحروب كام واحد منهم مسلم
وكام واحد مش مسلم

جزاك الله كل ا لخير علي المرور

MohammeD el_SadaT
13-03-2009, 03:33 AM
عارف يا كريم الموضوع ده قديم أوى
كنت سمعته من فتره مش قليل فى برنامج على التيلفزيون
وبجد
كنت قاعد متعصب أوى إزاى ده يحصل خونه جواسيس إيه ده مينفعش
وكنت بجد قاعد هتشل وكل ما أسمع الرقم أبقى حاسس بخنقه رهيبه
ولما الأشخاص اللى قاعدين فى تل أبيب إتكملو

بجد الواحد بدأ يحس بنقط كتير كان بيتجاهلها أثناء حكمه
وده مش معناه إنى موافقهم أو بدافع عنهم

بس إنت عارف يعنى إيه أب ل5 أولاد فى مختلف المراحل التعليميه مرتبه 300 جنيه
يعنى إيه
شاب إتخرج من كليه وعانى فى الجيش وخرج ملقاش غير القهوه اللى مترسس عليها طابور الخرجين
يعنى إيه
دكتور شغال سباك عشان يسد جوعه مهندس شغال صبى فى ورشه عند نجار عشان يقدر يصرف على بيته

عارف يعنى إيه
تبقى قاعد فى بلد كرامتك فيها متهانه وحقوقك مسلوبه اللى يعلى صوته إرهابى واللى يمشى جنب الحيطه حقير
واللى يسرق وينهب ويقتل يبقى وزير

بجد هم يبكى وهم يضحك

الواحد من دول لما بيسافر أى مكان أى نعم بيتهان بس تعرف لما بيتهان بره بتبقى الإهانه أشيك كتير وتعتبر دلع بالنسبه للى بيحصله هنه

الله يكون فى العون

محمد بن عباس
13-03-2009, 03:08 PM
أنتم جميعاً تعلمون لماذا حدث هذا لهم بعض الحق

كريم ماضي
13-03-2009, 04:26 PM
عارف قصدق ياسدات
الحكومه بتشغلك وبتقولك اسرق
خون
بيع
حشش
حسبي الله ونعم الوكيل

شكرا لمرورك

كريم ماضي
13-03-2009, 10:27 PM
استاذ محمد بن عباس
اشكرك علي مرور حضرتك
ولاكن ليس لهم اي حق في فعل ذلك انها خيانه ياساده

zizo2_2
17-03-2009, 07:03 PM
لن أقول الا
اللهم أهلك الظالمين بالظالمين

كريم ماضي
17-03-2009, 07:09 PM
ونعم القول يا أستاذ عبدالعظيم
جزاك الله كل الخير علي المرور الكريم