الاهتمام بالمظهر........ من كتاب استمتع بحياتك

[ميس سوزان]

كان مرة أبو حنيفة
قاعد فى المسجد بيدرس
وكان عنده ألم فى رجله
فمدها ادامه وكمل شرح..

فدخل عليه رجل لبسه جميل ومظهره قدير
وقعد وسط الناس وبدأ يسمع الدرس
فأستحى منه ابو حنيفة وضم رجله وأستحمل الالم وكمل الدرس

ولما خلص
بدأت الناس تسأل ......

فالراجل ده رفع ايده وكان عايز يسال؟
فأنتبه له أبو حنيفة وقاله اتفضل
فسأل : هو صلاة المغرب أمتى ؟
رد ابو حنيفة : لما الشمس تغرب .
قاله : طيب ولو الليل جه
والشمس ما غربتش برضه نعمل ايه ؟

فحس أبو حنيفة ان الفكرة الكويسة اللى أخدها عن الراجل ده غلط
وانه متناقض !!
ورجع مد رجله تانى
ولم يعطى له اى اهتمام

فشىء جميل جدا اننا نهتم بمظهرنا وشخصيتنا كمان
الرسول عليه أفضل الصلاة والسلام
كان مهتم جدا بالموضوع ده
والصحابة كانوا بيعرفوا انه جاى من ريحته الجميلة
كان أحلى من القمر

وكان دايما بيقول لنا :
{ان الله جميل يحب الجمال}
وقال كمان :
{من كان له شعر فليكرمه}

وطبعا المقصود هنا الاعتدال مش المغالاه فى كل شىء
ومرة شاف عليه الصلاة والسلام رجل عليه ثوب ردىء
فسأله عندك مال؟ قاله اه
قاله ان ربنا بيحب العبد لما يظهر نعمة ربنا عليه.


تجربة :. النظرة الاولى اليك تطبع فى ذهن المقابل 70% من تصوره عنك .

[دعاء شديد]

طبعا المظهر مهم جدا
بس كتير اوى ان 70% من الانطباع الاول
يكون على المظهر
فى ناس مظهرها خداع فوق الخداع بشويتين
هو 30% فقط
و30% بعد الكلام كم مره
و30% الصورة النهائيه بعد مرور وقت ومواقف
اما بقى الـ 10% فدول طبعا عمرهم مهيكمولوا
لان عمر محد بيعرف حد 100%
:bosyht9:
ده رايي

[ميس سوزان]

رأيك جميل جدا يا دودو
انا شخصيا معترفه بيه
بس ده ما يمنعش انك بتاخدى فكرة عامة عن الحد اللى بتشوفيه
من أول مرة
يعنى لو ركبتى عربية واحد
لقيتى العريية عليها تراب
والكراسى جوه مش نظيفة
وفرده جزمة مرمية
وشرايط الكاسيت مش منظمة
وبواقى أكل وكياس شاورما وبرجر
وريحةغريبة فى العربية !!
أكيد حتاخدى فكرة ان الانسان ده مش منظم وفوضوى
وأكيد حياته هى كمان كده
ومش منتظم فى مواعيده مع الناس و.و..و,,,
والعكس صحيح طبعا

[عماد نبيل رشاد]

موضوع جميل جدا وكتاب رائع

جزاك الله خيراً

[خالد سعد]

طرح مميز

بارك الله فيك
دمت بكل ود