المساعد الشخصي الرقمي

مشاهدة النسخة كاملة : نكت مش بطالة



زهرة الحياة
03-02-2010, 09:49 PM
السلام عليكم ورحمة الله وبركاته
هذه مجموعة نكت اتمنى ان تنال اعجابكم
كسلان داخل الامتحان وقع منه القلم سلم الورقه‎


*****


مرة كان فى واحد مسطول قاعد فى المحاضرة كل ما الدكتور يمسح السبورة ... يقطع الصفحة

*****

مرة واحد ترزى مشى فى حتة مقطوعة خيطها

*****

تايه بيسأل واحد ماشى فى الشارع اية اسرع طريق اروح بيها للمستشفى ؟؟ قاله غمض عينك وعدى الشارع

*****

واحد قال لأبنه: نابليون وهو أدك كان الأول علي الفصل

رد الواد على أبوه : نابليون وهو أدك يا بابا كان إمبراطور

*****

واحد ومراته متخانقين فبطلوا يكلموا بعض فكتب ورقة صحيني الساعه ستة ونص علشان عندي شغل , وحط الورق على السرير ونام .. صحي الساعة عشرة فلقى ورقه مكتوب عليها الساعه ستة ونص يلا إصحى

*****

ترزي متجوز واحدة قصيرة فكلها ............التنية

*****

واحد بيسأل صاحبه انت بتعيط لية ؟؟ قاله حماتى عايزة تنط من البلكونة فقاله وانت زعلان اوى كدة علشانها؟؟ قاله لاطبعا بس الشباك مش عايز يتفتح

*****

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

*****

صعيدي ضاعت محفظته راح يدور عليها بلغ في القسم الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو الصعيدي قالهم الهمة يارجالة سودة وفيها سوستة

*****

واحد أسمه نادر أتجوز واحده اسمها فريدة , خلفوا عيل مهدد بالأنقراااااااااض

*****

مأذون مش لاقى شغل ...طلق مراته

*****

واحد كهربائى اتجوز أربعة.......جابلهم مشترك

*****

حلاق وابنة بيتفرجوا علي ماتش كورة فالولد سمع المعلق بيقول (وشاطها بمشط رجله وجات في المقص وجووووووووووووون) راح الولد لابوة وقاله الحق يا بابا دول باينلهم بيلعبوا في العدة

*****

احول سالوه ايش امنيتك في الحياه ؟؟ قال :اشوف واحد ماشي لوحده

*****

اتنين مساطيل واحد سأل التاني هو النهارده السبت و لا الحد ؟؟ قاله الاتنين قاله ماشاء الله هما بقو سوا

*****

اثناء مرور مدير مستشفي الامراض العقلية علي عنابر النزلاء وجد احدهم يكتب جوابا فسأله المدير: بتكتب جواب لمين، المريض: بكتب جواب لنفسي، المدير: فيه حد بيكتب جواب لنفسه .. طيب بتقول فيه ايه؟؟، المريض: سبحان الله.. واعرف منين مش لما الجواب يوصلني.

*****

في نكتة حبسوها.... ليه ؟؟؟؟ موتت واحد من الضحك

*****

مرة واحد فتح محل انابيب ..فجر انبوبتين فى وسط البلد .......... دعاية

*****

- تراهن بخيلان على من يخرج من تحت الميا الاول يعزم التاني علي العشاء... فلم يخرج أحد منهما حتى الآن

*****

فيه واحد صعيدي لمّ قرشين وراح مسافر بلاد بره ..لما وصل قعد يدور على اوتيل ملقاش فنام جنب حديقة سرقوا فلوسه وقصوا كل شعره ..فلما قام ملقاش المال فأعد يعيط فحط ايده على راسه ملقاش شعره فقال : الحمد لله ... مش اناااااا

*****

مرة فيه تلاتة مساطيل في خيمة و ماكنش معاهم كبريت فبعتوا واحد يدور على كبريت فخرج من الخيمة ولف من الناحية التانية وسألهم محدش معاه كبريت قالوا أقعد بعتنا واحد يجيب

*****

مره اتنيين مساطيل ماشيين على شريط القطر فواحد بيقول للتاني يآ اخي السلم ده طويل بشكل.... رد التاني عليه اللي مضايقني ان الترابزين واطي أوي

*****

واحد غبي حب يموت مراته حطلها مسدس فى الشاى

*****

مين اكتر انسان صابر في الدنيا ؟؟؟؟؟ صعيدي مستني روبي علي قناه اقرأ

*****

بيقولك مرة فار ماشى مع خطيبته فى الغابة وفجأة لقى الاسد ,فحب يعمل راجل قدام خطيبته فراح للاسد قاله : انت حيوان .. الاسد رد قاله: انت بتشتمنى انا ؟؟ رد الفار وقاله: ايوة بقولك انت ..و مشى الفار وروح خطيبته لبيتها .. وهو راجع قابله الاسد قاله : انت كنت بتشتمنى انا يا فااااار ؟؟ قاله لا والله هو انا اقدر ؟ ده انت ملك الغابة هو حد يقدر يشتمك ؟؟ انا اسف وهات راسك ابوسها ..طلع الفار على راسه عشان يبوسها فلقى خطيبته معديه.. فقال للاسد: ادوس على دماغ امك

7asnaa kareem
03-02-2010, 09:57 PM
هههههههه
حلوه
شويه نكت تحفه

زهرة الحياة
04-02-2010, 12:42 AM
شكرا لمرورك

ياسر الدقاق
04-02-2010, 12:58 AM
لا مش بطاله خااااااااااالص
هههههههههههههههههههه
الله ينور نكت جميلة

كريم ماضي
04-02-2010, 01:18 AM
اعترض علي النكته دي

مين اكتر انسان صابر في الدنيا ؟؟؟؟؟ صعيدي مستني روبي علي قناه اقرأ


واعترض علي كل كلمة

مرة واحد صعيدي

دعاء شديد
04-02-2010, 01:24 AM
بجد نموت من الضحك
ميرسى
ويا رب مشاركانا بالضحك كده دايما

أستاذ السيد على
04-02-2010, 12:50 PM
بيقولك مرة فار ماشى مع خطيبته فى الغابة وفجأة لقى الاسد ,فحب يعمل راجل قدام خطيبته فراح للاسد قاله : انت حيوان .. الاسد رد قاله: انت بتشتمنى انا ؟؟ رد الفار وقاله: ايوة بقولك انت ..و مشى الفار وروح خطيبته لبيتها .. وهو راجع قابله الاسد قاله : انت كنت بتشتمنى انا يا فااااار ؟؟ قاله لا والله هو انا اقدر ؟ ده انت ملك الغابة هو حد يقدر يشتمك ؟؟ انا اسف وهات راسك ابوسها ..طلع الفار على راسه عشان يبوسها فلقى خطيبته معديه.. فقال للاسد: ادوس على دماغ امك
ههههههههههههههههه

جميلة

زهرة الحياة
06-02-2010, 11:47 PM
لا مش بطاله خااااااااااالص
هههههههههههههههههههه
الله ينور نكت جميلة

شكرا لمرورك

ورده بيضاء
20-02-2010, 11:38 PM
ههههههههههههه عسولين وجامدين ع الاخر تسمين ايديكـــــــــ:27:

المجاهد فى سبيل الله
22-02-2010, 01:06 AM
بجد شوية نكت ملهمش حل
وانا بقرائهم صوتى على من الضحك لقيت بابا بيقولى فى ايه يابنى
قولتله لا مفيش
عجبك كدا يعنى ؟

ahmed fouad
22-02-2010, 02:20 AM
جاااااااااااااااااااااااامدة جدا
ميرسى كتير

meroo_love
08-04-2010, 06:50 PM
شكرااااااااااااااااااااااااااااااااااااااا

بنوته كاجول
30-04-2010, 12:09 AM
- صعيدى راح يخطب عملوله شاى فتلة قال هنبدأ أعمال من الولها

شروق اشرف سرور
10-05-2010, 12:53 AM
ههههههههههههههههههه
حلووووووووووووووووة
مشكووووووووووووووورة

An_unknown_man
13-05-2010, 05:06 PM
ههههههههههههههههههههههه
سلمت لنا يداكى ع الطرح المضحك الجميل

منى عبد الحافظ
13-05-2010, 05:10 PM
زهرة الحياة
أضحك الله سنك فعلا مش بطالة
هههههههههه

وسام غانم
15-05-2010, 09:42 PM
هههههههههه
نكت بجد تحفه
جزاكى الله كل الخير