ضع كلمة ( خطأ ) أمام الجملة ( الصواب ) !!!

[اسامه القزاز]

أيوه أنا صاحى مغلطش .. هكذا أصبح حالنا دلوقتى للأسف ..



كل شئ بقى معكوس الصح خطأ ، والخطأ صح

ففى التعليم الإبتدائى الآن



تم تحويل حديث الرسول صلى الله عليه وسلم



(( من غشنا فليس منا )) إلى (( من غشنا فهو منا ))



فالغش أحبابى وزملائى أعضاء وزوار هذا المنتدى الطيب



أصبح فى المرحلة الإبتدائية هو الأمر العادى العادى جداً



وطرقه تحولت من طرق تقليدية إلى طرق مواكبة للعصر والمغرب والعشا كمان



وعندما قررت هذا العام أنا وزميل لى أن نحارب الغش



أصبحنا منبوذين من قبل كل معلمى ومعلمات

وقيادات المرحلة الإبتدائية فى قريتى



إلا قليل منهم من وقف بجانبنا .



فهل انتهى الأمر خلاص مفيش أمل فى إصلاح هذا الأمر الخطير



الذى إذا نظرنا اليه نظرة مستقبلية لوجدنا فيه هدم ودمار



ليس للعملية التعليمية فحسب بل للمجتمع كله



نفسى أعرف رأيكم جميعاًَ ..



أرجو من أى زميل بالمرحلة الإبتدائية لا ينتمى الى هذه الفئة



عدم الزعل لإنى والله مش ناقص زعل حد تانى منى



وأقولها من كل قلبى


(((( حسبى الله ونعم الوكيل )))))

[شريف]

تذكرت حديث رسول الله صلي الله عليه و سلم
((( بين يدي الساعة سنوات خداعة يكذب فيها الصادق و يصدق فيها الكاذب و يخون فيها الامين و يؤتمن فيها الخائن )))
انقلبت كل المنبوذات الي مباحات بل واجبات
و الله اللي بتقوله ده يا مستر اسامة بيحدث في كل مدارس مصر تقريبا
و بقا شئ عادي جدا بشكل مقزز
و الشحص اللي ماشي صح هو المكروه المنبوذ الان فعلا
لا أملك الا ان اقول الجملة التي ختمت بها موضوعك الذي ينم عن شخصية متفردة
نادرة في زمن انتشر فيه الباطل و حل محل الحق
الا و هي
حسبنا الله و نعم الوكيل

[دعاء شديد]

والله يا مستر اسامه
الغش مش فى ابتدائى بس
انما للاسف خطورة فى المرحله الابتدائية
ان الطفل بيكبر والغش حاله مقترنه عنده بالامتحانات
وكل ميكبر بيحاول يعتمد على نفسه دون مساعده المعلم

لحد ميوصل الجامعه ونكتشف الاتى
1- انه اتحرم من الامتحانات بسبب الغش ... وبالتالى ضاع مستقبله

2- متعودش يقرا الاسئله ويفهمها لانه اتعود الغش ... ويتخرج دون اى فايده

ما يتعمله الاطفال فى الابتدائى
يحكم سلوكهم عند التخرج

ده احد جوانب خطورة موضوع الغش
لى عوده مره اخرى لعرض جانب آخر

موضوع خطير يا مستر اسامه

[7asnaa kareem]

الغش
دا عنوان الامه
وللاسف
الناس اللى عندها ضمير
ما بقتش ظاهره وسط المجتمع الغشاش
لا حول ولا قوه الا بالله
كل حاجه بقت زفت
فى مصر
ربنا ينجينا من اللى هيحصل
بجد
احنا لينا عقاب بشع من ربنا
زى الاقوام اللى ذكرها القرأن

[نعمه محمود]

الغش آه وأل آه من الغش يا مستر أسامة انتشر انتشار النار في الهشيم بات هو القاعدة والالتزام هو الاستثناء وياويل من يتصدى له
كل شئ بقى معكوس الصح خطأ ، والخطأ صح
للأسف آه وبعد ماكان أهلنا ينبهوا علينا بعدم الغش أصبح آباء هذا العصر يشجعون ويسهلون لأبنائهم عمليات الغش المنظم
وعندما قررت هذا العام أنا وزميل لى أن نحارب الغش
أصبحنا منبوذين من قبل كل معلمى ومعلمات
طبعا لازم وقتها تكونوا منبوذين لأنكم تحاولون تغيير العادات التعليمية الجديدة ولكن ثق بأن الله معك وأثق أنا أيضا ان التعليم بخير طالما هناك معلمون مخلصون مثلك أستاذ أسامة
بارك الله فيك

[Blanche Neige]

طبعا لاشك ولا اختلاف على ان
الغش ده ظاهرة غير صحية بالمره يعنى
هو يعتبر آفه يمكن من أكبر آفات التعليم بمختلف مراحلة
خصوصا فالمرحله الابتدائيه لان دى أول مرحله تعليميه بحياة
كل فرد خصوصا ان " من شب على شئ ... شاب عليه "
بس انا باعتبر ان محاربة الظاهره دى اولا وأخيرا
يبدأ من البيت اذا كل ولى أمر غرس فى ابنائه ان الغش ده حراااااااام
وانه يحب ان ابنه يحصل على درجات قليلة بمجهوده
افضل من انه يحصل على اعلى الدرجات بالغش دا هايكون شئ
رائع الحقيقة غير كده بقى تلاقى اصلا اولياء الامور جايين
بيوصوا على اولادهم وعاوزين المدرسين مش بس يغششوهم
لا يكتبولهم كمان اذا لزم الامر عموما ربنا يهدى الجميع
وانا من اشد المحاربيين للغش
موضوع جميل مستر أسامة تقبل تحياتى

[اسامه القزاز]

تذكرت حديث رسول الله صلي الله عليه و سلم
((( بين يدي الساعة سنوات خداعة يكذب فيها الصادق و يصدق فيها الكاذب و يخون فيها الامين و يؤتمن فيها الخائن )))
انقلبت كل المنبوذات الي مباحات بل واجبات
و الله اللي بتقوله ده يا مستر اسامة بيحدث في كل مدارس مصر تقريبا
و بقا شئ عادي جدا بشكل مقزز
و الشحص اللي ماشي صح هو المكروه المنبوذ الان فعلا
لا أملك الا ان اقول الجملة التي ختمت بها موضوعك الذي ينم عن شخصية متفردة
نادرة في زمن انتشر فيه الباطل و حل محل الحق
الا و هي
حسبنا الله و نعم الوكيل
لى عظيم الشرف أن يكون أول تعليق للمبدع دائماً أخى أستاذ شريف
واتفق مع حضرتك ان الغش بقى فى كل المدارس وكل المراحل
بس فى الإبتدائى بقى عينى عينك وعلى مسمع ومرئى الجميع
اشكرك اخى الحبيب على مرورك العطر وتعليقك القوى .

[اسامه القزاز]

والله يا مستر اسامه
الغش مش فى ابتدائى بس
انما للاسف خطورة فى المرحله الابتدائية
ان الطفل بيكبر والغش حاله مقترنه عنده بالامتحانات
وكل ميكبر بيحاول يعتمد على نفسه دون مساعده المعلم

لحد ميوصل الجامعه ونكتشف الاتى
1- انه اتحرم من الامتحانات بسبب الغش ... وبالتالى ضاع مستقبله

2- متعودش يقرا الاسئله ويفهمها لانه اتعود الغش ... ويتخرج دون اى فايده

ما يتعمله الاطفال فى الابتدائى
يحكم سلوكهم عند التخرج

ده احد جوانب خطورة موضوع الغش
لى عوده مره اخرى لعرض جانب آخر

موضوع خطير يا مستر اسامه

اشكرك اختى الفاضلة استاذه دعاء على مرورك الذى أسعدنى كثيراً
فدائماً تحليلاتك قوية أستفيد منها واتعلم منها الكثير .

[اسامه القزاز]

الغش
دا عنوان الامه
وللاسف
الناس اللى عندها ضمير
ما بقتش ظاهره وسط المجتمع الغشاش
لا حول ولا قوه الا بالله
كل حاجه بقت زفت
فى مصر
ربنا ينجينا من اللى هيحصل
بجد
احنا لينا عقاب بشع من ربنا
زى الاقوام اللى ذكرها القرأن

أشكرك على تعليقك ومرورك الطيب الذى شرفت به
ولكن أختلف مع حضرتك فى نقطتين هما
(1) الناس اللى عندها ضمير مابقتش ظاهرة :
لا هى موجودة وظاهرة ولكنها تلعب دور المتفرج
(2) كل حاجة بقت زفت فى مصر :
لا مش للدرجة دى مصر لسه بخير وستظل بخير

مرة أخرى ألف شكر على مرورك الطيب .

[اسامه القزاز]

الغش آه وأل آه من الغش يا مستر أسامة انتشر انتشار النار في الهشيم بات هو القاعدة والالتزام هو الاستثناء وياويل من يتصدى له للأسف آه وبعد ماكان أهلنا ينبهوا علينا بعدم الغش أصبح آباء هذا العصر يشجعون ويسهلون لأبنائهم عمليات الغش المنظم
طبعا لازم وقتها تكونوا منبوذين لأنكم تحاولون تغيير العادات التعليمية الجديدة ولكن ثق بأن الله معك وأثق أنا أيضا ان التعليم بخير طالما هناك معلمون مخلصون مثلك أستاذ أسامة
بارك الله فيك
دائماً أقف عاجز عن الرد الذى يليق بك أختى الغالية أستاذه نعمة
قرائتك لأى موضوع دائماً تكون بتعمق وفهم وفكر وثقافة عالية
بالاضافة لكلمات رقيقة ومجاملة طيبة أتمنى أن أستحقها .

[اسامه القزاز]

طبعا لاشك ولا اختلاف على ان
الغش ده ظاهرة غير صحية بالمره يعنى
هو يعتبر آفه يمكن من أكبر آفات التعليم بمختلف مراحلة
خصوصا فالمرحله الابتدائيه لان دى أول مرحله تعليميه بحياة
كل فرد خصوصا ان " من شب على شئ ... شاب عليه "
بس انا باعتبر ان محاربة الظاهره دى اولا وأخيرا
يبدأ من البيت اذا كل ولى أمر غرس فى ابنائه ان الغش ده حراااااااام
وانه يحب ان ابنه يحصل على درجات قليلة بمجهوده
افضل من انه يحصل على اعلى الدرجات بالغش دا هايكون شئ
رائع الحقيقة غير كده بقى تلاقى اصلا اولياء الامور جايين
بيوصوا على اولادهم وعاوزين المدرسين مش بس يغششوهم
لا يكتبولهم كمان اذا لزم الامر عموما ربنا يهدى الجميع
وانا من اشد المحاربيين للغش
موضوع جميل مستر أسامة تقبل تحياتى



الأجمل هو مرورك وتعليقك الذى أضاف الكثير لموضوعى
فى تكامل رائع كنت أنتظره من حضرتك لأنك كما يعلم الجميع
صاحبة أجمل المواضيع فى المنتدى وأجمل مافى تعليقك
ربنا يهدى الجميع

[أفنان أحمد]

السلام عليكم ورحمة الله وبركاته
حالا كنت أود كتابة موضوع جديد عن الحال الذى وصل إليه التعليم ولا حول ولا قوة إلا بالله ورأيت أن نناقش الموضوع بجوانبه فى موضوع حضرتك أستاذ أسامة
أولا الغش لم يعد قاصرا على التعليم الإبتدائى ( و إن كان أكثر فى التعليم الابتدائى)
مع إنها أكثر مرحلة بتشتغل فالدراسة من أول يوم متواصلة إلى آخر يوم قبل الامتحان
بل فى أيام امتحانات النقل والله كان فى مدرسة للصف الثالث والسادس وطبعا صعوبة التعامل مع أطفال هذه المرحلة لا يخفى على أحد
فلماذا يضيع كل هذا الجهد للمعلمين الشرفاء من أجل بعض المعلمين غابت ضمائرهم وشاركوا فى جريمة الغش
فأنا مدرسة بالتعليم الابتدائى ومن أعداء الغش رقم 1
التلميذ عندما يرسب ينجع السنة التالية بقوة القانون ويقول بملء فيه يا أستاذ أنا كده كده ناجع ( فاهم القانون طبعا )
فتخيلوا هل هذا التلميذ يحترم معلما أو يحضر فى المدرسة أو يخشى أى عقاب ؟؟
وترتب على هذا الآتى : خرج تلاميذ الإبتدائى بالجنازير و الكترات وغيرها مما تعلمون لمواجهة زملائهم الذين يمتحنون معهم فى نفس المدرسة ( لكن من مدارس أخرى ) وأصبحوا فريقين وسالت الدماء
والمصيبة أننى سمعت بنفسى نفس الأحداث فى كثير من اللجان الأخرى وهذا لم يكن يحدث من قبل الأمر الذى أحزننى كثيرا فلا بد من وقفة
لماذا وصلنا إلى هذا الدرك وما الحل ؟؟
ثانيا : عندى أنا تلاميذ حصلوا فى المهمة التحريرى على 1 أو 2 ونجحوا فى ملف الانجاز لان النشاط عليه مثل درجة المهمة تماما
وشرط نجاحه الحصول على 30% من درجة الاختبار
حلوا لى هذه المعادلة
ثالثا : كنت منتدبة اعدادية قبل ذلك ويا ويلتى عندما رفضت غش اللجنة قالوا لى حرام عليكِ زى ما اللجان غشت لازم لجنتك تغش
رفضت بشدة ومن يومها لم أنتدب بعدها والحمد لله
والتعليم الفنى الغش فيه وااااااااجب لازم
ماذا بقى ؟؟؟؟!!!!
الثانوية العامة ؟؟؟!
فأرى أننا قبل أن نحارب الدروس الخصوصية وهى مشروعة ( وأنا والله لا أعطى دروس خصوصية ) يجب أن نحارب الغش بكل وسائله
وآسفة للإطاله وجزاك الله خيرا على طرح هذا الموضوع الهام

[س ا يوسف]

مش عارف ليه تذكرت احمد ذكي
في ضد الحكومة
في المرافعة

[ميس صافيا]

اه والله شىء يحزن
واللى يحزن اكتر انك تلاقى كل مدرس بيدى درس يدخل يغشش تلاميذه
ويسيب بقيت الللجنه لزميله التانى اللى بيدى درس برضه
وفى الاخر يعدى مراقب الدور ويملى العيال الامتحان تانى من اوله لاخره
بالذات السنه دى لان فى اوامر عليا ان الكل ينجح
عشان انفلوانزا الخنازير
يعنى جابولنا الامتحانات سهله جدا وبرضه بيغششوا
تروح باه تراقب فى سنه سته على عيال ما حدش يعرفهم
تلاقى العيال عمالين يبصولك وناقص يقولوا هاااااااا هاتغششونا امته
لانهم خدوا على كده خلاص
والله شىء مؤسف
وانا ابصم بالعشره طبعا على ان الغش هو من اهم عوامل هدم التعليم

[اسامه القزاز]

السلام عليكم ورحمة الله وبركاته
حالا كنت أود كتابة موضوع جديد عن الحال الذى وصل إليه التعليم ولا حول ولا قوة إلا بالله ورأيت أن نناقش الموضوع بجوانبه فى موضوع حضرتك أستاذ أسامة
أولا الغش لم يعد قاصرا على التعليم الإبتدائى ( و إن كان أكثر فى التعليم الابتدائى)
مع إنها أكثر مرحلة بتشتغل فالدراسة من أول يوم متواصلة إلى آخر يوم قبل الامتحان
بل فى أيام امتحانات النقل والله كان فى مدرسة للصف الثالث والسادس وطبعا صعوبة التعامل مع أطفال هذه المرحلة لا يخفى على أحد
فلماذا يضيع كل هذا الجهد للمعلمين الشرفاء من أجل بعض المعلمين غابت ضمائرهم وشاركوا فى جريمة الغش
فأنا مدرسة بالتعليم الابتدائى ومن أعداء الغش رقم 1
التلميذ عندما يرسب ينجع السنة التالية بقوة القانون ويقول بملء فيه يا أستاذ أنا كده كده ناجع ( فاهم القانون طبعا )
فتخيلوا هل هذا التلميذ يحترم معلما أو يحضر فى المدرسة أو يخشى أى عقاب ؟؟
وترتب على هذا الآتى : خرج تلاميذ الإبتدائى بالجنازير و الكترات وغيرها مما تعلمون لمواجهة زملائهم الذين يمتحنون معهم فى نفس المدرسة ( لكن من مدارس أخرى ) وأصبحوا فريقين وسالت الدماء
والمصيبة أننى سمعت بنفسى نفس الأحداث فى كثير من اللجان الأخرى وهذا لم يكن يحدث من قبل الأمر الذى أحزننى كثيرا فلا بد من وقفة
لماذا وصلنا إلى هذا الدرك وما الحل ؟؟
ثانيا : عندى أنا تلاميذ حصلوا فى المهمة التحريرى على 1 أو 2 ونجحوا فى ملف الانجاز لان النشاط عليه مثل درجة المهمة تماما
وشرط نجاحه الحصول على 30% من درجة الاختبار
حلوا لى هذه المعادلة
ثالثا : كنت منتدبة اعدادية قبل ذلك ويا ويلتى عندما رفضت غش اللجنة قالوا لى حرام عليكِ زى ما اللجان غشت لازم لجنتك تغش
رفضت بشدة ومن يومها لم أنتدب بعدها والحمد لله
والتعليم الفنى الغش فيه وااااااااجب لازم
ماذا بقى ؟؟؟؟!!!!
الثانوية العامة ؟؟؟!
فأرى أننا قبل أن نحارب الدروس الخصوصية وهى مشروعة ( وأنا والله لا أعطى دروس خصوصية ) يجب أن نحارب الغش بكل وسائله
وآسفة للإطاله وجزاك الله خيرا على طرح هذا الموضوع الهام


والله كم أسعدنى مرورك أستاذه أفنان ومتفق مع حضرتك فى كل كلمة كتبتيها
وبكل تأكيد وبإذن الله سيبارك الله لكى فى صحتك وعافيتك ورزقك وكل شئ
فإنه ( العدل ) سبحانه وتعالى ولن يضيع أجر من أحسن عملاً
ولكنها مشكلة أعتبرها من وجهة نظرى المتواضعة سبباً فى
كل ما نحن فيه الآن من هدم ودمار للتعليم ولكنى متحامل
كثيرا على التعليم الإبتدائى يمكن لأنى بتعامل مع اولادى
فى الصف الأول الإعدادى حوالى 120 طالب منهم هذا
العام أكثر من 50 طالب صعدوا للمرحلة الإعدادية بالغش
واعترفوا لى بكل شئ حكايات للغش لها العجب
أخيرا .. ألف ألف شكر على مرورك وأعانك الله فى عملك .

[اسامه القزاز]

مش عارف ليه تذكرت احمد ذكي
في ضد الحكومة
في المرافعة


أسعدنى مرورك استاذ سيف ولكن يهمنى أعرف رأى حضرتك
وعلى فكرة أنا مش ضد الحكومة ولا حاجة أنا ( غلبان أوى )
أنا بحب مصر وبعشقها ونفسى أشوف
كل حاجة صح علشان ربنا يرفعنا لفوق فى كل شئ

[اسامه القزاز]

اه والله شىء يحزن
واللى يحزن اكتر انك تلاقى كل مدرس بيدى درس يدخل يغشش تلاميذه
ويسيب بقيت الللجنه لزميله التانى اللى بيدى درس برضه
وفى الاخر يعدى مراقب الدور ويملى العيال الامتحان تانى من اوله لاخره
بالذات السنه دى لان فى اوامر عليا ان الكل ينجح
عشان انفلوانزا الخنازير
يعنى جابولنا الامتحانات سهله جدا وبرضه بيغششوا
تروح باه تراقب فى سنه سته على عيال ما حدش يعرفهم
تلاقى العيال عمالين يبصولك وناقص يقولوا هاااااااا هاتغششونا امته
لانهم خدوا على كده خلاص
والله شىء مؤسف
وانا ابصم بالعشره طبعا على ان الغش هو من اهم عوامل هدم التعليم


أشكر حضرتك على المرور وإضافتك هى إضافة ممتازة للموضوع
وواقعية وحدثت بالفعل فى مدارسنا
وأتمنى أن نجد جميعاً حل لهذا الموضوع فى السنوات المقبلة بإذن الله

[ياسر الدقاق]

فعلاً أستاذ أسامه الغش هو ما يهدم العملية التعليمية كلها
ولا يقتصر الأمر علي التعليم الإبتدائي فحسب بل وجد بكل مراحل التعليم
وأصبح الطالب يدخل الامتحان لا ليفكر في الامتحان
بل ليفكر كيف يغش في الامتحان
وما يزيد الطين بله هو مساعدة الكثير من الذين ينسبون للمربيين
حسبنا الله في مثل هؤلاء المفسدين

[اسامه القزاز]

فعلاً أستاذ أسامه الغش هو ما يهدم العملية التعليمية كلها
ولا يقتصر الأمر علي التعليم الإبتدائي فحسب بل وجد بكل مراحل التعليم
وأصبح الطالب يدخل الامتحان لا ليفكر في الامتحان
بل ليفكر كيف يغش في الامتحان
وما يزيد الطين بله هو مساعدة الكثير من الذين ينسبون للمربيين
حسبنا الله في مثل هؤلاء المفسدين


شكراً أستاذ ياسر على مرورك الطيب وكلماتك التى أضافت للموضوع
ودعواتك بأن يهدى الله أولادنا ومعلمينا فى كل المراحل
لما يحبه الله ورسوله

[mr.osama]

فعلاً أ/ أسامة .. موضوع الغش ظاهرة خطيرة وللأسف منتشرة في معظم بل جميع المدارس الابتدائية والتعليم الفني وهناك البعض في المرحلة الإعدادية والثانوية ..

وأعتقد أن السبب الرئيسي لذلك هو المعلم السلبي والمنافق والجشع وعديم الضمير ..

وأعجبني جداً المبادرة الطيبة التي بدأتها بعدم السماح بالغش .. وأجمل ما فيها أنك بدأت بنفسك ولم تنتظر وتهتم بآراء الآخرين .. لذا فقد انضم إليك آخرين من المدرسين الشرفاء واتمنى أن يكون عملهم لوجه الله تعالى وبنيه خالصة وصافية لمصلحة أولادنا .. وبعيدة عن الضغائن والأحقاد والمصالح الشخصية ..
وأدعو الله عز وجل أن يصحو ضمير جميع المعلمين والمعلمات ويعملون بجد وإخلاص وأتقان لوجه الله تعالى من أجل تربية وتعليم جيل ينشىء على الأخلاق الحميدة والثقافة والعلم الغزير والقدوة الحسنة ..

[اسامه القزاز]

فعلاً أ/ أسامة .. موضوع الغش ظاهرة خطيرة وللأسف منتشرة في معظم بل جميع المدارس الابتدائية والتعليم الفني وهناك البعض في المرحلة الإعدادية والثانوية ..

وأعتقد أن السبب الرئيسي لذلك هو المعلم السلبي والمنافق والجشع وعديم الضمير ..

وأعجبني جداً المبادرة الطيبة التي بدأتها بعدم السماح بالغش .. وأجمل ما فيها أنك بدأت بنفسك ولم تنتظر وتهتم بآراء الآخرين .. لذا فقد انضم إليك آخرين من المدرسين الشرفاء واتمنى أن يكون عملهم لوجه الله تعالى وبنيه خالصة وصافية لمصلحة أولادنا .. وبعيدة عن الضغائن والأحقاد والمصالح الشخصية ..
وأدعو الله عز وجل أن يصحو ضمير جميع المعلمين والمعلمات ويعملون بجد وإخلاص وأتقان لوجه الله تعالى من أجل تربية وتعليم جيل ينشىء على الأخلاق الحميدة والثقافة والعلم الغزير والقدوة الحسنة ..
مستر أسامة :

مجرد وجود حضرتك فى الموضوع هو تشريف كبير جداً
واتفاقك معى فى الرأى يسعدنى جداً فحضرتك تمثل الخبرة
وتشجيعك لى يقونى على الإستمرار
أشكرك من كل قلبى ودعواتى لك بالصحة والسعادة

[مصطفى محمد صابر]

واقع بنعيشه للاسف
وأعترض على جملة لمستر أسامة ((وأعتقد أن السبب الرئيسي لذلك هو المعلم السلبي والمنافق والجشع وعديم الضمير ..)))
لا يا أستاذى مش هو ده السبب الرئيسى للاسف
ممكن اقص لك واقعة
أحد الزملاء رفض أن يتم الغش فى لجنته !!!هتقول عادى!!!لا مش عادى أحد زملائه له بنت فى هذه اللجنة فذهب مسرعاًً الى مدير المدرسة قائلا المدرس فلان رافض يغشش وطبعا مع بعض التحابيش والتسخين مثل نسبة النجاح ومظهر المدرسة العام أمام الادارة وباقى المدارس لو النسبة ؟؟؟؟؟؟
ماذا تتوقع من المدير؟؟ ثار وهاج وذهب للمدرس انت رافض تغشش !!!اجابه المدرس نعم!!! قام المدير بطلب زوج ورق وكتب مذكرة أن هذا المعلم بيغشش التلاميذ!!!!!!!!وهذا بما يضر بمصلحة التلاميذ والعملية التعليمية!!!! ومضى على هذه المذكرة جميع المدرسين!!!!طبعا أنت متخيل نوعية المدير وطبيعة شخصيته!!!مدير مدرسة قلب الموازين المعلم اللى رافض يغشش التلاميذ كتب فيه مذكرة انه بيغشش التلاميذ!!!!!!تدخل البعض لتمزيق المذكرة لانها هتتسبب فى فسخ عقد المدرس وطبعا بعد الترجى وغيره قبل المدير أن يمزق المذكرة بشرط!!!!!!!!!أن هذا المدرس يغشش التلاميذ بنفسه وكمان يكتب الاجابة على السبورة بأيده!!!!!!!!!!!!
ها هو أحد المدرسين((قال لاااااا))
وهو غير سلبى او جشع او منافق او عديم الضمير

[طارق ممدوح ذكي محمد]

اولا اشكرك اخي الحبيب على طرح هذا الموضوع الهام

واشكر الزملاء على التعليقات القوية الوافية

ولكن دعني اتناول المشكلة من زاوية اخرى

وهي احد الاسباب المهمة الى جانب غياب الضمير والوعي معا لدى الكثيرين

الا وهو ... المناهج التعجيزية في المرحلة الابتدائية بالذات

واضافة الكثير من المقررات والاعباء على ابنائنا

واستبدال موضوعات تربوية بموضوعات فوضوية

بجد حاسس انها محرابة لمستقبل هذا البلد

ومحاولات منظمة لوئد عقول ابنائنا

[اسامه القزاز]

واقع بنعيشه للاسف
وأعترض على جملة لمستر أسامة ((وأعتقد أن السبب الرئيسي لذلك هو المعلم السلبي والمنافق والجشع وعديم الضمير ..)))
لا يا أستاذى مش هو ده السبب الرئيسى للاسف
ممكن اقص لك واقعة
أحد الزملاء رفض أن يتم الغش فى لجنته !!!هتقول عادى!!!لا مش عادى أحد زملائه له بنت فى هذه اللجنة فذهب مسرعاًً الى مدير المدرسة قائلا المدرس فلان رافض يغشش وطبعا مع بعض التحابيش والتسخين مثل نسبة النجاح ومظهر المدرسة العام أمام الادارة وباقى المدارس لو النسبة ؟؟؟؟؟؟
ماذا تتوقع من المدير؟؟ ثار وهاج وذهب للمدرس انت رافض تغشش !!!اجابه المدرس نعم!!! قام المدير بطلب زوج ورق وكتب مذكرة أن هذا المعلم بيغشش التلاميذ!!!!!!!!وهذا بما يضر بمصلحة التلاميذ والعملية التعليمية!!!! ومضى على هذه المذكرة جميع المدرسين!!!!طبعا أنت متخيل نوعية المدير وطبيعة شخصيته!!!مدير مدرسة قلب الموازين المعلم اللى رافض يغشش التلاميذ كتب فيه مذكرة انه بيغشش التلاميذ!!!!!!تدخل البعض لتمزيق المذكرة لانها هتتسبب فى فسخ عقد المدرس وطبعا بعد الترجى وغيره قبل المدير أن يمزق المذكرة بشرط!!!!!!!!!أن هذا المدرس يغشش التلاميذ بنفسه وكمان يكتب الاجابة على السبورة بأيده!!!!!!!!!!!!
ها هو أحد المدرسين((قال لاااااا))
وهو غير سلبى او جشع او منافق او عديم الضمير

اخى وزميلى الفاضل / الفارس النبيل
بقدر حذنى الشديد على حكايتك التى تبكى كل من له قلب وضمير
بقدر سعادتى الشديدة بمرورك العطر
اخى الفاضل المحترم : فى قريتى الكثير والكثير ممن افنوا صحتهم بل وعمرهم
من اجل ارضاء الله وهم معلمى مرحلة إبتدائية وغيرهم كثير وكثير
لكن : كيف نحارب سويا من اجل القضاء على هذه الظاهرة الخطيرة ؟
كل ما احلم به هو الإجابية فى التعامل مع هذه الظاهرة المرضية الوبائية
وفى نهاية الأمر اوكل الأمر لله وحسبى الله ونعم الوكيل

[اسامه القزاز]

اولا اشكرك اخي الحبيب على طرح هذا الموضوع الهام

واشكر الزملاء على التعليقات القوية الوافية

ولكن دعني اتناول المشكلة من زاوية اخرى

وهي احد الاسباب المهمة الى جانب غياب الضمير والوعي معا لدى الكثيرين

الا وهو ... المناهج التعجيزية في المرحلة الابتدائية بالذات

واضافة الكثير من المقررات والاعباء على ابنائنا

واستبدال موضوعات تربوية بموضوعات فوضوية

بجد حاسس انها محرابة لمستقبل هذا البلد

ومحاولات منظمة لوئد عقول ابنائنا


أخى الحبيب الذى يرتاح إليه قلبى
أشكرك على مرورك الذى هو تشريف كبير للموضوع
معك تماماً فى الزاوية التى تناولتها ولكن
سؤال
كيف يعرف واضع المنهج أنه غير ملائم للعمر العقلى للتلميذ؟
وهم يجدوا نسبة النجاح 100 % فى كل المدارس
يعنى المناهج بخير وكله تمام
يعنى الطالب بخير وتمام قوى
يعنى المعلم بخير وتمام قوى
يعنى الإدارة المدرسية بخير وتمام قوى
يعنى العملية التعليمية بخير وتمام يا افندم
وبعد الإبتدائية يجى بقى للإعدادية ويبقى أمامنا خياران
الأول : نعمل زى الإبتدائى علشان نبقى 100 % وتمام يا افندم
الثانى : نحرق دمنا فى الفصل ويجيلنا كل الأمراض مع طالب
مبيعرفش يكتب اسمه ومن اوائل الإبتدائية ويحكم علينا الجميع
باننا مقصرين ويحكم علينا ولى الأمر بالتقصير
بصراحة انا مخنوق من سكوت الناس بهذا الشكل المؤسف
برده ارجع واقول " حسبى الله ونعم الوكيل "

[سيد سليم]

السلم عليكم
الغش يكون بالكتابة علي السبورة ويقوم التلميز برسم الكلمات لانه اصلا لا يعرف القراءة
والمدرسون لو قاموا بالتغشيش الشفهي فلن يستطيع الطلاب الكتابة
ولو ترك المراقب اللجنة للطلبة مع الكتب فلن يستطيع الطلاب الغش أيضا لأنهم لا يعرفون القراءة من الكتب ولا يعرفون اين مكان الإجبة في الكتب
وحتي لو لم يستطع الطالب الغش وترك ورقته ناصعة بيضاء نقية كضمائر المدرسين المحتمين فالنجاح مضمون له لأن المصحح يدخل لجنة التصحيح بقلمين الأول الاحمر للتصحيح والثاني اللون الأزرق لكتابة الاجابة التي نسي الطالب كتابتها نتيجة للسهر المنتواصل علي الكتب فهم يعاملونه بالنية ونيته كانت الإجابة علي جميع السئله
زات مرة عقد المدير اجتملعا طارئا للمدرسين واففتتح الجلسة بالثناء علي الله بما هو أهله ثم ثنى بالصلاو على النبي الكريم صلى الله عليه وسلم
ثم أكد على اهمية الاهتمام بالمدرسة وكية انها البيت الثاني لن وكيف ان الطلبة إخوة لنا جميعا وكيف اننا يجب ان نظهر المدرسة بالمظهر اللائق بها امام المدارس الأخري وإننا يجب لزلك ان
نكتب إجابة السئلة للطلبة بخط واضح علي السبورة
وأن تكتب إجابة جميع السئلة كاملة دون ان نترك منها شئا
وبعد زلك ختم الجلسة بقوله (ص)من نفس عن مؤمن كربة
والتعليق لكم*

[اسامه القزاز]

السلم عليكم
الغش يكون بالكتابة علي السبورة ويقوم التلميز برسم الكلمات لانه اصلا لا يعرف القراءة
والمدرسون لو قاموا بالتغشيش الشفهي فلن يستطيع الطلاب الكتابة
ولو ترك المراقب اللجنة للطلبة مع الكتب فلن يستطيع الطلاب الغش أيضا لأنهم لا يعرفون القراءة من الكتب ولا يعرفون اين مكان الإجبة في الكتب
وحتي لو لم يستطع الطالب الغش وترك ورقته ناصعة بيضاء نقية كضمائر المدرسين المحتمين فالنجاح مضمون له لأن المصحح يدخل لجنة التصحيح بقلمين الأول الاحمر للتصحيح والثاني اللون الأزرق لكتابة الاجابة التي نسي الطالب كتابتها نتيجة للسهر المنتواصل علي الكتب فهم يعاملونه بالنية ونيته كانت الإجابة علي جميع السئله
زات مرة عقد المدير اجتملعا طارئا للمدرسين واففتتح الجلسة بالثناء علي الله بما هو أهله ثم ثنى بالصلاو على النبي الكريم صلى الله عليه وسلم
ثم أكد على اهمية الاهتمام بالمدرسة وكية انها البيت الثاني لن وكيف ان الطلبة إخوة لنا جميعا وكيف اننا يجب ان نظهر المدرسة بالمظهر اللائق بها امام المدارس الأخري وإننا يجب لزلك ان
نكتب إجابة السئلة للطلبة بخط واضح علي السبورة
وأن تكتب إجابة جميع السئلة كاملة دون ان نترك منها شئا
وبعد زلك ختم الجلسة بقوله (ص)من نفس عن مؤمن كربة
والتعليق لكم*
شكراً لمرورك اخى الكريم استاذ سيد ولكن الا يوجد حل ؟؟؟؟
يعنى السلبية والسكوت هو الحل
ولا نفضل نقول حسبى الله ونعم الوكيل

[Madame/Basmalh]

أيوه أنا صاحى مغلطش .. هكذا أصبح حالنا دلوقتى للأسف ..
كل شئ بقى معكوس الصح خطأ ---- استاذ اسامه انت صح واحب اطمنك فى مدارس ما فيهاش غش وانا شوفت ده بعينى فى بنات رفضت الغش فى لجان ابتدائى علشان الاهل قالت بتسمعوش كلام حد علشان ممكن يغششوكم غلط وده حصل فعلا لانى بنتى فى الصف السادس وهى فى مدرسة خاصه فلزم تمتحن فى مدرسة تانيه رفضوا الغش الاعجب من كده نتيجة المدرسة اللى كانت بتمتحن فيها بنتى كله بلا استثناء فى جميع المواد ممتاز نتيجة مدرسة بنتى 40% فقط هما اللى جايبين ممتاز فى اللغه العربيه والباقى ما بين جيد وجيد جداوسالت مديره المدرسة ليه كده النتيجه مش كويسه وشكل المدرسة مع انى مدارس الحكوميه فى حميع المواد ممتاز قالتلى انتى مدرسة وعارفه انى بنرفض الغش وده مستوه الحقيقى وعلشان كده مش بنتعب معاه فى اعدادى وثانوىحتى درجات الشهور بتتسلم زى ماهى من غير لعب لسه فى ناس صح ومدرسين بيعلموا ولادهم اللى اتعلمتوه حطوه فى ورقة الاجابه ومتسمعوش كلام حد وقولك رد فعل المرقبين ايه كانوا بيطريقوا على بنات المدرسة وبيقوللهم هما محفظنكم كدا تعالوا اشتغلوا بدلنا طالما فلحين كدا يا ترا العيب من مين؟

[أبوبكر أحمد العملة]

أيوه أنا صاحى مغلطش .. هكذا أصبح حالنا دلوقتى للأسف ..



كل شئ بقى معكوس الصح خطأ ، والخطأ صح

ففى التعليم الإبتدائى الآن



تم تحويل حديث الرسول صلى الله عليه وسلم



(( من غشنا فليس منا )) إلى (( من غشنا فهو منا ))



فالغش أحبابى وزملائى أعضاء وزوار هذا المنتدى الطيب



أصبح فى المرحلة الإبتدائية هو الأمر العادى العادى جداً



وطرقه تحولت من طرق تقليدية إلى طرق مواكبة للعصر والمغرب والعشا كمان



وعندما قررت هذا العام أنا وزميل لى أن نحارب الغش



أصبحنا منبوذين من قبل كل معلمى ومعلمات

وقيادات المرحلة الإبتدائية فى قريتى



إلا قليل منهم من وقف بجانبنا .



فهل انتهى الأمر خلاص مفيش أمل فى إصلاح هذا الأمر الخطير



الذى إذا نظرنا اليه نظرة مستقبلية لوجدنا فيه هدم ودمار



ليس للعملية التعليمية فحسب بل للمجتمع كله



نفسى أعرف رأيكم جميعاًَ ..



أرجو من أى زميل بالمرحلة الإبتدائية لا ينتمى الى هذه الفئة



عدم الزعل لإنى والله مش ناقص زعل حد تانى منى



وأقولها من كل قلبى


(((( حسبى الله ونعم الوكيل )))))

الاستاذ الفاضل / اسامة القزاز


لقد اخترت [COLOR="Red"]لا

هل اجابتى صحيحة او خطأ لا

ما رأيك ان نجرب طرق الفجر ...بدلاً من العصر والمغرب والعشاء ....

اليس هذا هو التفكير الابتكارى وتعتبر استراتيجية متميزة بلغة أهل الجودة

اتفق معك

حسبنا الله ونعم الوكيل

الاتاحة غير متوافرة ...فلا توجد نظم ...وبالتالى لن نحقق الجودة المنشودة


جزاكم الله خيراً على الموضوع المتميز


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

[اسامه القزاز]

أيوه أنا صاحى مغلطش .. هكذا أصبح حالنا دلوقتى للأسف ..
كل شئ بقى معكوس الصح خطأ ---- استاذ اسامه انت صح واحب اطمنك فى مدارس ما فيهاش غش وانا شوفت ده بعينى فى بنات رفضت الغش فى لجان ابتدائى علشان الاهل قالت بتسمعوش كلام حد علشان ممكن يغششوكم غلط وده حصل فعلا لانى بنتى فى الصف السادس وهى فى مدرسة خاصه فلزم تمتحن فى مدرسة تانيه رفضوا الغش الاعجب من كده نتيجة المدرسة اللى كانت بتمتحن فيها بنتى كله بلا استثناء فى جميع المواد ممتاز نتيجة مدرسة بنتى 40% فقط هما اللى جايبين ممتاز فى اللغه العربيه والباقى ما بين جيد وجيد جداوسالت مديره المدرسة ليه كده النتيجه مش كويسه وشكل المدرسة مع انى مدارس الحكوميه فى حميع المواد ممتاز قالتلى انتى مدرسة وعارفه انى بنرفض الغش وده مستوه الحقيقى وعلشان كده مش بنتعب معاه فى اعدادى وثانوىحتى درجات الشهور بتتسلم زى ماهى من غير لعب لسه فى ناس صح ومدرسين بيعلموا ولادهم اللى اتعلمتوه حطوه فى ورقة الاجابه ومتسمعوش كلام حد وقولك رد فعل المرقبين ايه كانوا بيطريقوا على بنات المدرسة وبيقوللهم هما محفظنكم كدا تعالوا اشتغلوا بدلنا طالما فلحين كدا يا ترا العيب من مين؟



استاذه بسمله اشكرك على مرورك الذى اسعدنى وحكايتك التى اكدت لى ان الخير والصواب مازال موجود
العيب من مين والله مش عارف ؟!! انا نفسى نكون يد واحدة لمحاربة هذا الأمر الخطير
مرة اخرى اشكرك على المرور وتشريف حضرتك للموضوع

[اسامه القزاز]

الاستاذ الفاضل / اسامة القزاز


لقد اخترت [color=red]لا

هل اجابتى صحيحة او خطأ لا

ما رأيك ان نجرب طرق الفجر ...بدلاً من العصر والمغرب والعشاء ....

اليس هذا هو التفكير الابتكارى وتعتبر استراتيجية متميزة بلغة أهل الجودة

اتفق معك

حسبنا الله ونعم الوكيل

الاتاحة غير متوافرة ...فلا توجد نظم ...وبالتالى لن نحقق الجودة المنشودة


جزاكم الله خيراً على الموضوع المتميز


مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم
شكراً لك اخى الكريم على تشريفك للموضوع
وكلماتك التى اراحت القلب
ودعنا نقف يدا واحدة ونفكر كيف نقضى على
هذه الظاهرة طالما اننا متفقون

[zikowie]

thamksssssssssss

[لوزنيا]

شكرا لكم على هذا الموضوع