الحل ايه؟

[مصطفى محمد صابر]

بسم الله الرحمن الرحيم
زملائى الاخوة المتعاقدين ممكن نتكلم بالمنطق وبدون عصبية وشعارات
احنا متعاقدين مرتبنا فى البداية كان 174 صح طبق علينا كدار المرحلة الاولى واصبح 325 فاكثر حسب كل محافظة (لاحظ طبق كادر المرحلة الاولى ومازلنا متعاقدين )
ــــــ الامتحان اللى امتحناه يا زملائى يوم 20/11/2009 م هو امتحان المرحلة الثانية من الكادر وتاكد من كلامى من ايصال الاكاديمية اللى مع كل واحد امتحن تجد مكتوب علية كادر المرحلة الثانية!!!!!!!!!!!!
ــــ يعنى كده وببساطة اللى هينجح ان شاء الله هياخد فلوس المرحلة الثانية من الكادر وانت متعاقد برضه زى ما خدت فلوس المرحلة الاولى وانت متعاقد !!!!!!!!!!!
ــــ اه هتاخد شهادة مزاولة المهنة وهيزيد مرتبك بس للاسف هتفضل متعاقد!!!!!!!!
ــــ اه هتترقى وممكن تترقى بس وانت متعاقد
ــــ اه ممكن تاخد مكافاة وانت متعاقد
ــــ اه واه و اه و اه اه و اه

الحل ايه
ــــ هنقبل الامر الواقع ده ونستمر بعد ده كله عقود!!!!!!!!
ـــ بعد التدريب على دورة طرق تدريس ولمين لخريجى كلية التربية !!! دورةطرق التدريس دى مجرد رتوش ممدرسناه فى تربية احنا درسنا طرق تدريس لمدة اربع سنين مع تدريب عملى فى المدارس لمدة سنتين!!!!!!!!!!
ـــــ هل من المعقول نحن خريجى كليات التربية الفرصة الوحيدة المتاحة لنا هى التدريس ونحن اصحاب تلك الهنة الاساسيين والمؤهلين لها يصبح هذا حالنا نرى زملاءنا المثبتين (مع كل الاحترام لهم ) ذوى مؤهلات متوسطة ودبلومات بل ورؤسائنا فى العمل دبلوم معلمين وللاسف نظرتهم لنا نظرة متعالية يا الله لقد قلب الهرم حتى ينظر الدبلوم للمؤهلات العليا نظرة متعالية!!!!!!! احنا الحيطة المايلة فى المدارس اى واحد فينا صوته بيعلو مطالبا حقه مش بتسمع جملة انت متعاقد يعنى اسمك مكتوب بالرصاص لسه اسهله حاجة فسخ عقدك بدون ابداء الاسباب حتى!!!!! وارجع لعقدك واقرأه!!!!!!!الى متى هذا الذل والهوان وتقبل الامر الواقع ( مش القدر ) !!!الى متى !!!!!!
اسف للاطالة!!!!!
الحل ايه؟؟؟؟؟؟؟؟؟

[جيوو]

مفيش حل طول ما كل واحد مستني يشوف التاني هيعمل ايه




:28:
:28:

[مصطفى محمد صابر]

لا فى حل لو اتحدنا كلنا (كل المتعاقدين ) وعملنا اعتصامات امام الوزارة ومجلس الوزارة ووصلنا صوتنا للرئيس

[حلومه]

فعلا احنا لازم نقوم بالاعتصام ونسمع الناس دى صوتنا وناخد حقنا زى بتوع الضرايب والصحفين وغيرهم ولا احنا ملناش حق فى البلد دى



:28: :28: :28:

[عمر العدوي]

انا ضد الاعتصام لان العقود سياسة دولة كاملة فى كل الوزارات حتى موظفين الجامعة بقالهم تسع سنين مؤقتين والى بيتعملو عقد بيعمل فرح
قول الحمد لله
وبعدين قول حسبيى الله ونعم الوكيل

[مسيو مصطفى]

شكراً بس أنا اخذت ال intel وال icdl وال toefl وتمهيدى ماجستير فى تطوير المناهج ومستنى اختراعات تانى من الوزارة بخصوص الدورات بس والله انا بجد احتمال افسخ العقد قريباً واستغل فى مدرسة خاصة او اى شركة يكون احسن من التدريس يا جماعة والله التدريس من جميع النواحى خسران المادية : 343.65 والادبية والاجتماعية: العسكرى وامين الشرطة لة احترام وكلمة مسموعة. العلمية : من منا من التعاقدات يعطى تخصصه تخصصى لغة فرنسية تربية ومتعاقد ابتدائى مدرس فصل . كفاية كدة وبكرة نقول كانت ذكرى وعشنا لنا يومين

[مصطفى محمد صابر]

انا ضد الاعتصام لان العقود سياسة دولة كاملة فى كل الوزارات حتى موظفين الجامعة بقالهم تسع سنين مؤقتين والى بيتعملو عقد بيعمل فرح
قول الحمد لله
وبعدين قول حسبيى الله ونعم الوكيل

مع احترامى ليك يا استاذ عمر
هل المتعاقدين فى نظرك بهذا يشعرون بامان
بدون التثبيت (اى يكون هناك معاش ) لو حصل لينا اى حاجة نطمن على اسرتنا من بعدنا ازاى!!!!!!!!! يبقى نسيب التدريس ونشتغل اى حاجة تانى وهنكسب اكتر اكيد
احنا تمسكنا بالعقد لانه بعد الامتحان وبعد ال icdl وبعد دورات تربوية لخريجى كليات التربية تكون برضه النهاية عقد(ما احنا كنا عقود ومتكلمناش)لكن بعد ده كله ونستمر عقود ده كتير