النتيجة خلصانة من زمان والوزارة معطلة اعلانها

[احمد الشلقامى]

المركز القومى للامتحانات خلص التصحيح من زمان والوزارة معطلة اعلانها بدون سبب يذكر

[master Osama]

لا السبب معروف وهو انك فى مصر يعنى لا المسئولين يحترمون كلمتهم ولا يحترمون المواطن

[احمد الشلقامى]

ادارة الاحصاء مستنية النتيجة لوضعها على قاعدة البيانات وهية بتبقى جاهزة مش حتاخد اكتر من ساعتين من استلامها لتكون جاهزة للجميع على النت

[احمد الشلقامى]

قلنا من زمان على الممطالة دية طلعنا من البلد نستنى لحد 2/2 لما يجمعوا اصول اوراق الناس الناقصة ونستنى شوية لم يراجعوها وشوية تانية لما يبعتوها من الافرع الى الرئيسى وشوية تانى لما يلاقوا الوزير فاضى علشان يعتمدها

[mena gerges 123456]

يعني السؤال الان متي نستي يعني لشهر 3 من الاخر او امتي يعني تنزل علي الموقع ؟

[مسيو مصطفى]

وشوية عشان الوزير يراجعها ويعتمدها وشوية عشان خاطرى وشوية عشان نهائى منتخب مصر وشوية عشان.......... .......................... حرام عليكم بقى الواحد اتخنق

[hazem ali]

إعلان مهم للمعلمين المساعدين قبيل إعلان النتائج
تحقيقاً للمساواة فقد تقرر حجب نتائج المعلمين المساعدين الذين لم يتقدموا بأصول المستندات إلى فروع الأكاديمية . وستفتح فروع الأكاديمية أبوابها لاستقبال هؤلاء المعلمين المساعدين حتى يتقدموا بأصول المستنـدات ، اعتبـاراً مـن يـوم الأربعـاء 27 / 1 / 2010 حتى الثلاثاء 2 / 2 / 2010 من الساعة التاسعة صباحاً حتى الثالثة عصراً بما في ذلك يوم السبت الموافق 30 / 1 / 2010 .

[احمد الشلقامى]

وشوية عشان الوزير يراجعها ويعتمدها وشوية عشان خاطرى وشوية عشان نهائى منتخب مصر وشوية عشان.......... .......................... حرام عليكم بقى الواحد اتخنق

مسيو الامير حضرتك اتخنت من مين انا بانقلكم الوضع لحظة بلحظة لو بايدى كنت اعلنت النتيجة من ساعة ما اتصححت بس ان شاء الله الاسبوع القادم حيكون اخر حاجة

[احمد الشلقامى]

على فكرة المركز القومى للامتحانات محتج على وزارة التربية والتعليم لتعمدها تاخير النتيجة بالاشتراك مع الاكاديمية

[حبيبه المصريه]

مسيو الامير حضرتك اتخنت من مين انا بانقلكم الوضع لحظة بلحظة لو بايدى كنت اعلنت النتيجة من ساعة ما اتصححت بس ان شاء الله الاسبوع القادم حيكون اخر حاجة


انت ملكش ذنب استاذ احمد
انت كتر خيرك على مجهودك وتعبك
الامر فى ايديهم مش فى ايدينا
مالنا الا الانتظار
شكرا لكل مجهوداتك

[هاجر موسي]

شكرا استاذ احمد

[احمد الشلقامى]

على فكرة تغيير الوزير ملهوش دعوة بتأخير النتيجة هما كانوا ناويين على كدة حتى لو استمر الوزير القديم رغم انه صرح ان النتيجة فى منتصف يناير وانا قلتلكم قبل كدة ده ولسة برضه حيماطلوا فى موضوع التثبيت

[مسيو مصطفى]

اشكر استاذى الاستاذ احمد الشلقامى وانا اثق فى حضرتك كل الثقة وقلت ذلك من قبل فأنا لا أقصد حضرتك تماماً ولكن انا أعلق على كثرة الاعذار من المسئولين فلك كل الشكر والتقدير على الاهتمام غير العادى بأخوانك المعلمين المساعدين وموافتنا بالاخبار أول بأول والله المستعان

[احمد الشلقامى]

يعنى اخر 6 مع السنة المالية الجديدة

[احمد الشلقامى]

اشكر استاذى الاستاذ احمد الشلقامى وانا اثق فى حضرتك كل الثقة وقلت ذلك من قبل فأنا لا أقصد حضرتك تماماً ولكن انا أعلق على كثرة الاعذار من المسئولين فلك كل الشكر والتقدير على الاهتمام غير العادى بأخوانك المعلمين المساعدين وموافتنا بالاخبار أول بأول والله المستعان
ولا يهمك ان شاء الله خير

[safaa_ss]

ربنا يستر على متعاقدى 1/11/2008 فنحن غير متفائلين من أنه يمكن امتحاننافى الوقت الذى حددته الأكاديميةوالخوف من المماطلة ربنا يستر

[مصطفى محمد صابر]

يا جماعة احنا نعمل أضرابات ومظاهرات من دلوقتى
اولا بسبب تأخر النتيجة غير المبرر!!!!!!!
ثانيا بسبب اننا خريجيا تربية وأولى بوظيفة معلم هو خريج تربية ليه وظيفة غير التدريس !!!!!!!
ثالثا قالو دورة فى طرق تدريس خدناها قالو امتحان امتحنا قالو icdl خدناها هم هيزولونا وبعد كده عقد برضه طيب ايه لزمة الذل ده كله دورات وامتحانات ما احنا كنا عقود من 4 سنين وسكتين ولا احنا فيران تجارب عندهم !!!!!!!!!!!!!
رابعا موضوع العقود ده حاولة فرنسا تطبيقه مجرد محاولة فقط والمظاهرات قامت هناك واتلغى انما احنا هنا طبقناه ببساطة مش فيران تجارب لاى شئ غربى !!!!!!!!!!!!!
المظاهرات هى اللى هتخليهم يفكرو الف مرة قبل ما يحاواو ا يخلونا عقود والله يا جماعة احنا اللى شيلين المدارس ولو اعتصمنا لتوقف البلد على رجل والوزير الجديد حازم وصارم ومش هيقبل اللى بيتعمل فينا المهم صوتنا يوصله

[عمر العدوي]

والنبى يا اخ فارس هما من غير حاجة بيماطلو بالمظاهرات هيرفدونا وفى نفس اليوم هيجيبو غيرنا
منهم لله

[مصطفى محمد صابر]

والنبى يا اخ فارس هما من غير حاجة بيماطلو بالمظاهرات هيرفدونا وفى نفس اليوم هيجيبو غيرنا
منهم لله

هى دى الروح اللى هم عايزنها (هيرقدونا وهيجيبوا غيرنا) الروح المستسلمة الانهزامية
انت نسيت ان اللى امتحنو فقط 83000 تخيل دول لو عملو اعتصام هيحصل ايه احنا بنطالب باقل حق اللى هو تثبيتنا نحن خريجو كليات التربية احق الناس بوظيفة معلم لانها هى فرصتنا الوحيدة فى العمل اما باقى المؤهلات مع احترامى لها اكثر من فرصة لو معجبتوش يقولك اشتغل مدرس وخلاص
مدرسو الازهر لما العام فكر فى الكادر فقط عملو اضراب عن تصحيح الثانوية الازهرية فقبضو الكادر قبل العام وبدون امتحان على الرغم من قلة عددهم

[مصطفى محمد صابر]

يا جماعة مفيش تثبيت اللى معاه دليل واحد انه فى تثبيت يقدمه
اللى بقولو عقد تعيين عقد خمس سنين تلاعب بالالفاظ مفيش اى دليل على كلمة تثبيت
الامتحان اللى امتحناه امتحان المرحلة الثانية من الكادر اقرأ الوصل وانت تعرف
زى ما خدنا المرحلة الاولى واحنا عقد اللى هينجح هياخد المرحلة الثانية وهو عقد برضوووو
ايه هتقبلو انكوا تكونوا عقووووووووود بعد ده كله