ما تربطش الحمار مطرح ما يقولك صاحبه علي فكرة

[شريف]

كتير بسأل نفسي السؤال ده ... و للأسف اجابته بتبقا عادية جدا ! ..
(( احنا ليه عادي أوي كده ؟ ))

بمعني آخر ... ليه تقليديين في كل حاجة ... و منين هييجي التغيير إذا كان العادي بتاعنا عادي .. و مافيهوش شئ غير عادي ؟ ازاي هتبقا نتيجة التجربة مختلفة و خطواتها هيا هيا بعملها بدون تغيير زي كل مرة عادي ؟
و ليه دايما بنشتكي من كل حاجة و كل حاجة بنعملها بنفس الطريقة عادي زي كل يوم عادي ؟ و ليه دايما متوقعين نتيجة غير عادية في حين اننا بنتبع نفس الاساليب العادية و نفس الجو العادي و نفس اليوم و الميعاد العادي
و الدنيا عندنا عادي جدا عادي ؟ و ليه دايما بنقلد الراجل ده و بنقدس طريقته في الحياة ؟ :

كان هناك رجل ولد بطريقة عاديه من أب و ام عاديين
وعاش في بيت عادي ،و كانت طفولته طفوله عاديه ثم دخل المدرسه الابتدائيه
بطريقه عاديه
والمرحله التي تليها بطريقه عاديه
وكانت درجاته عاديه الى ان تخرج من الثانويه العامه بمعدل عادي
ليدخل جامعه عاديه و تخصصا عاديا ليتخرج بطريق عاديه
ثم توظف في وظيفه عاديه براتب عادي ، و كان عليه أن يختار امرأه ليتزوجها
و المفاجأة أنه اختار امراه عاديه :) ، و انجب اطفال عاديين
ورباهم تربيه عاديه و دخلهم مدرسه ابتدائيه عاديه
ثم تقاعد من الشغل بطريقه عاديه
وفي يوم عادي ليه صباح عادي




















مات عادي جدا


زي ما أي حمار بيموت عادي
الغريب ان جنازته كانت عادية !!
و كان عليه ديون عادي
و ما سابش أي أثر في الحياة
و كان زائد علي الحياة عادي جدا زي كل شخص عادي
اسئلة عادية نطرحها بشكل عادي
ليه دايما نقدس التقليد حتي و إن كان من نقلده شخص عادي
بل شخص جاهل متخلف زيرو في الحياة مالوش أثر؟
ليه ما بنجربش نعمل حاجة مختلفة يمكن النتيجة تطلع مختلفة؟
ليه أي حد يحاول يغير اللي حواليه و يغير نفسه
الدنيا تقوم عليه ولا تقعدش
و يبقا هوا الانسان الشاذ الساعي وراء الشهرة و الاختلاف؟
ليه دايما بننظر للشخص الغير تقليدي
علي أنه الخروف الذي شرد عن القطيع؟
و اللي لازم يندبح ع العيد ؟
ليه كل ما حد فينا يحاول يعمل حاجة مختلفة
بيسقط من عيون الاخرين
برغم انه تجديده في حياته لا يخالف شرعا و لا دين
؟؟؟
طب بلاش
ليه دايما ردودنا علي بعض في الموضوعات
تقليدية جدا لدرجة اني اقدر دلوقتي اكتب موضوع بردوده كاملة
متوقعها هتتكتب و الاقيها فعلا اتكتبت ؟
ليه ما بنستخدمش عقولنا بشكل متفتح أكثر و نستفيد من كامل الطاقة
اللي وهبها ربنا لينا ؟
ليه بنكره التغيير ؟
ليه بنستغرب لما رئيس دولة يقعد في الحكم أكثر من تلاتين سنة
و نندهش انه مازهقش و مش عايز يسيب الكرسي
مع اننا لابدين في مكاننا
و كل واحد فينا قاعد علي كرسيه
بيحارب كل انواع الكراسي التيفال
تعالوا نغير الدنيا بقا يا جماعة

You can see links before reply

ع الأقل في محيط بيئتنا الصغيرة
ع الأقل هنا في منتدانا نتدرب هنا
تعالوا نغير بقا موضوعاتنا التقليدية و ردودنا التقليدية
و صورنا الرمزية التقليدية و توقيعاتنا العادية التقليدية
تعالوا نغير مشاركاتنا المحفوظة
تعالوا نغير القالب العادي التقليدي اللي زرعنا نفسنا جواه
مخنا مليان أفكار خطيرة مسجونة ورا أسواره
و في ايدينا المفاتيح
و بندور عليها بحمق شديد

تعالوا نحول الكلام لفعل
كرهت أوي ان حد يقرا الموضوع و يضع رد عادي
و يمشي في هدوء غير عابئ بما يقال
عندك ردود غير عادية ؟؟؟؟؟؟؟؟؟؟؟؟؟
او افكار جديدة لحياتك كلها و لينا هنا في المنتدي
ماتكونش عادية ؟
ارجوك لا تضع حدا لردك و انطلق في مشاركاتك و لا تخش حذفا و لا نقلا
ولا ايقافا و لا حد يزعل منك مادمت لا تجرح أحدا و لا تعص الله

اضرب رصاصة الابداع علي دماغك التقليدية
يمكن يتولد من بين حطامها مخ غير عادي

You can see links before reply

اتمني الاقي رد واحد من بين الردود
يكون غير عـــــــــــــــــــادي

[dream]

هههههههههههههههههههههههه

ضحكنى قوى توقيعك يا شريف


بجد فكرنى بايام جميلة

لعملاق كبير فى الكوميدية

رد مش عادى اهو على الموضوع

ولى تعليق عليه

[نعمه محمود]

لأنك شخص غير عادى فأكيد موضوعك هيكون غير عادى ده مجردتعليق
الرد بعد الفطار لانه هيكون رد غير عادى

[ممدوح الأنصارى]

متوقع طبعا اقولك مبدع كالعادة
استاذ / شريف
انت لانك مبدع فمعظم اعمالك جديدة
وبيقولوا على اللى زيك صاحب فكر تقدمى
ههههههههه اكيد فاهمنى
وممكن تكون افعالك مستنكرة فى الغالب
لانها جديدة .
وممكن تجد من يقول لك بتعمل ايه ياعم ؟؟
احنا طول عمرنا ماشين كدا ؟؟؟؟؟؟!!!!!!!
باختصار فكرتى عن الابداع والتغيير وعدم التقليدية
*من جانب اى فرد عملية سهلة ، وتتم دون ان ينتقدها المجتمع لانها شخصية .
*ولكن من جانب المثقفين والمشاهر عملية صعبة جدا
وتخضع لمعادلة يجب ان تكون متوازنة بين الاصتدام بالمجتمع فى موروثاته
وبين الاقناع والدفع للفكر المبدع حتى لا نجد من يقول (هذا ما وجدنا عليه اباءنا)
تحية واحترام لفكرك وابداعك وعدم تقليديتك

[نعمه محمود]

ليه دايما نقدس التقليد حتي و إن كان من نقلده شخص عادي
بل شخص جاهل متخلف زيرو في الحياة مالوش أثر؟


نقدس التقليد لأننا تربينا بطريقة المحاكاة أهلنا ربونا بنفس الطريقة اللي أهلهم ربوهم بيها واحنا كمان دلوقتى بنربي ولادنا بنفس طريقة اهالينا اللي خدوها من أهاليهم وكده بنقتل روح الابداع وبيبقي أسهل حل أننا نقلد
احكى لك موقف
زمان سنة 99 مكانش ظهر موضوع السنترالات الخاصة ده خالص ولا كان حد يعرفه كنت لسه في الجامعه واقترحت على اخويا يفتح سنترال وكانت الفكرة المعروفه هى السنترال الحكومى بس اقتنع اخويا بالفكرة اللي كانت غير عاديه وقتها واتارى الموضوع مكنش عادى كان لازم يدفع 10آلاف جنيه تأمين للدوله لوزارة الاتصالات عشان يضمنوا انه مش هيستعمل التليفونات دى في حاجة غلط!!!!!!!!!!
المهم دفع وبدأ مشروعه الغير عادى بالمرة وكانت لسه الموبايلات حاجة جديدة والدقيقة ب 175 قرش جابلو عدتين اريكسون وبقت فلة هههههههههههههه
المهم بقي كل ده حلو بعدها مفيش سنة بقي بين كل سنترال وسنترال سنترال تالت وكمان الدولة لغت التأمينوبقي كل اللي يفكر في مشروع يبقي سنترال وفعلا بلا مبالغة مكنش حد وقتها يجرؤ يفكر يفتح سنترال وده كان تقليد لشخص غير عادى غير متخلف وله سبق في الحياة
عادى

[نعمه محمود]

ليه ما بنجربش نعمل حاجة مختلفة يمكن النتيجة تطلع مختلفة؟

لأننا بنخاف حد يشاور علينا دايما ماشيين عاملين حساب كلام الناس ياترى هيبصوا لنا ازاى هيقولو علينا ايه

ليه أي حد يحاول يغير اللي حواليه و يغير نفسه
الدنيا تقوم عليه ولا تقعدش
من فترة عرفت ان معهد الطيران في امبابة عامل تدريب للسيدات اللي نفسهم يتعلموا الطيران وكانوا بيدربوهم على طيران شراعى مؤمن ,قررت اتعلم وحبيت التجربة ولكن وآه من لكن ياويلى من اللي سمعته :28:وطبعا بعد تانى مرة تراجعت وقلت مفيش داعى

[نعمه محمود]

ليه دايما بننظر للشخص الغير تقليدي
علي أنه الخروف الذي شرد عن القطيع؟و اللي لازم يندبح ع العيد ؟

لان لكل فكرة جديدة ضحية


ليه كل ما حد فينا يحاول يعمل حاجة مختلفة
بيسقط من عيون الاخرين
برغم انه تجديده في حياته لا يخالف شرعا و لا دين
؟؟؟


لأن الشخص المجدد دائما يحلق في السماء والعاديين لاينظرون الا تحت أقدامهم وبذلك لا يروه فيكون قد سقط من نظرهم للأبد

[نعمه محمود]

ليه دايما ردودنا علي بعض في الموضوعات
تقليدية جدا لدرجة اني اقدر دلوقتي اكتب موضوع بردوده كاملة
متوقعها هتتكتب و الاقيها فعلا اتكتبت ؟

لأننا لدينا ثقافة متأصلة وهى أننا إذا أردنا الحفاظ على العلاقات الاجتماعية والود فلا ننتقد وبالتالى لن تجد أحد يخالفك الرأى لأنهم يحبوك

[dream]

عارف الافكار المتقوعقة بداخلنا


وكلنا عارفين انها غريبة


مش بتخرج ليه


لان فى بلدنا كل صاحب فكر او ابداع


بيقضى على طموحه وافكاره


لو روحنا شوفنا احوال المخترعين المصريين تحزن


ولا حتى عارف عنهم حاجة


ولو واحد فكر واجرئ واخترع شئ


يبقى يا ويله من الروتين والبيرقوراطية



طيب خد عندك الرابط ده


You can see links before reply 9%86-%D8%A7%D9%84%D9%85%D8%B5%D8%B1%D9%8A%D8%A9/


وشوف ايه اخرتها مع ابو الافكار


والغير عادى مننا


طيب نروح احنا فين بقى


ونعمل ايه


ما تخلينى عاديين احسن


وفى الاخر انا عارفة انى ردى عادى


لكن صاحب الموضوع اكيد مش عادى

تسلم على موضوعاتك الغير عادية

[طارق ممدوح ذكي محمد]

و هوه ليه بيربط الحمار مطرح ما يحب صاحبه ؟


خايف للحمار يضيع او يهرب .. ويلومه صاحبه


عارف ان الحمار ما بيسمعش غير كلام صاحبه


*******************


يبقى يجازف ليه ... يوجع دماغه ليه ... يخاطر بشغله او علاقاته ليه .. يقللق منامه ويفكر ليه


ما هي ماشيه .. ( زي ما بيتهيقله انها ماشيه ) ..


واهو بيكسب الكل .. ( وبيخسر نفسه بالتأكيد وبعدها هيخسر الكل )


وفي النهاية الراجل بيبص تحت رجليه لانه اللي بيبص لبعيد بيتعب ..


من الآخر يا شريف هوه الراجل ده ( كوكتيل / خوف على حرص على قصر نظر على بلاده وكسل .... )


وبصراحه عمري ما كرهت اكتر من الناس اللي رافعه الرايه البيضا للحياه من اول ما اتولدت


نفسي اعرف عايشين في الدنيا بعملوا ايه ؟؟

[دعاء شديد]

شوف
طول ما احنا مقتنعين بمقوله
"اربط الحمار مكان ميقول صاحبه"
عمرنا ما حد هيتغير
لكن لو واحد بس غير المقوله وخلاها
"اربط الحمار مكان ميقول الحمار"
هيكتشف انها علاقه بين اتنين حمير
وهيقول لنفسه
ازاى اخلى حمار يتحكم فيا ؟؟؟؟؟؟؟؟؟؟؟
وكمان ايه دى بيربطه ويحدد اقامته !!!!!!!!!
تا تا تا تااااااااااااااااااااااااااااااا
ومن هنا تبدأ سلسله غير عادية من الاحداث
:friendsxs3:
ده رد خفيف كده
والردود غير التقليدية جايا

[امل لاشين]

كتير بسأل نفسي السؤال ده ... و للأسف اجابته بتبقا عادية جدا ! ..




(( احنا ليه عادي أوي كده ؟ ))


مش عادي ولا حاجه ...ياشريف ..

هو الفكره درجه الرضا اللي موجوده عند الانسان ..

طالما راضي بحاله مش هيغيره ...

وطالما معندوش دافع انه يتغير ......ولو الدنيا كلها اتغيرت هو مش هيتغير ...




ليه دايما نقدس التقليد حتي و إن كان من نقلده شخص عادي
بل شخص جاهل متخلف زيرو في الحياة مالوش أثر؟


هو في فعلا تقليد ....لكن في عادات وتقاليد مرتبطه بطبيعتنا ..

وعادتنا ..لكن مفيش تقليد مع اللي يرفضه العقل ...



ليه كل ما حد فينا يحاول يعمل حاجة مختلفة
بيسقط من عيون الاخرين
برغم انه تجديده في حياته لا يخالف شرعا و لا دين
؟؟؟


اللي بيعمل حاجه ومؤمن بيها ....مش بيهمه راي حد ..طالما مقتنع ان

اللي بيعمله صح ...

ولو اهتم لاراء الناس مش هيتحرك من مكانه ..




ليه دايما ردودنا علي بعض في الموضوعات
تقليدية جدا لدرجة اني اقدر دلوقتي اكتب موضوع بردوده كاملة
متوقعها هتتكتب و الاقيها فعلا اتكتبت ؟


انا معاك انك ممكن تعرف ايه اللي هيتكتب .....

لكن ده لان كل واحد بيكتب بشخصيته وبيعبر عن رايه وطبيعته ..

وده معتقدشي يكون تقليدي ..



تعالوا نغير الدنيا بقا يا جماعة


ع الأقل في محيط بيئتنا الصغيرة


انا معاك ...في كده ..:)وانا عملت كتيررر عندي ..

واتعارضت كتير لكن في الاخر نفذت اللي انا عاوزاه ..





اتمني الاقي رد واحد من بين الردود
يكون غير عـــــــــــــــــــادي





موضوع بجد غير عادي ياشريف ...


لكن حقيقي الواحد بيغير وبيجدد


من نفسه وده سهل جداااااااا ....واقدر اقف امام اللي يعارض التغير ده ..


لكن هغير من غيري ازاي وهو مش عاوز يتغير ؟؟؟


وفي نفس الوقت مقدرشي احكم عليه انه انسان عادي او تقليدي


لان اكيد ليه وجهه نظره في حياته وراضي عنها ..


ومقدرش ادخل في حياته ..اكتر من المعقول ..علشان ميتقالشي خليكي في حالك ..


هي معادله صعبه ..بس حلها ان كل واحد بيدا بنفسه اولا ..


وكل شيء هيكون للاحسن ...ان شاء الله ..


مجرد راي ..:bosyht9:

[أفنان أحمد]

و هوه ليه بيربط الحمار مطرح ما يحب صاحبه ؟

غير العادى بقى ....
إن صاحب الحمار بيتربط مطرح ما الحمار عايز ...

[ميس صافيا]

شريف
شكلك كدا هاتاخد الاجازه وتوجع دماغنا بمواضيعك الغير عاديه دى
تصدق بالله انت جننتنى
عشان اول ما قريت سؤالك (احنا ليه عادى اوى كدا ؟)
قعدت اسال نفسى : هو انا عادى والا مش عادي
قعدت ادور على مواقف فى ذاكرتى عشان اصنف نفسى واعرف ان كنت باثور ع التقليديات والا بحاول ا رسخها
لحد ما اكتشفت شىء مهم جدا
هو ان عادى جدا يكون البنى ادم عادى
شريف الله يخليك سيبنا فى حالنا عشان نعرف نعيش

[ميس صافيا]

نسيت اقولك حلو اوى النيو لوك ده
اللى مش عارفه هو من فيلم الارض والا تبع الانتفاضه
ربنا معاك

[ميس سوزان]

ولله يا أ شريف تقدر تقول
انه
كسل
تكبير دماغ
استسلام
زهق
خوف من اللى جاى
وان ممكن التجديد والحاجة الغير عادية تييجى علينا بخسارة
ونطلع مجروحين وخسرانيين فى الاخر
ونبقى ما كسبناش حاجة غير وجع القلب
وزى ما قالوا أخواتى
ان احنا بنعمل حساب الناس ونظرتهم لينا
وخصوصا بقى لو كانت واحدة ست وخد بالك من النقطة دى
وكمان علشان احنا فى محتمع شرقى
يعنى ابسط حاجة أ نعمة لما قالت انها بتتزاول كتير وهى راكبة العربية بتاعتها!!
مع ان المفروض ده بقى شىء عادى دلوقتى
ومع ذلك الناس بيبصوا لها كأنها جاية من كوكب تانى

الحل
ان كل واحد فينا طالما عايز يعمل حاجة ومبسوط بيها يعملها
وميهموش كلام الناس ونظراتهم
طالما الحاجة دى مش غلط ولا حرام

وكالعادة متألق كاللؤلؤ فى أعماق البحار يا أ شريف

[شريف]

ضحكنى قوى توقيعك يا شريف


ربنا يسعدك علي طول يا استاذة احلام
و تضحكي دايما

لأنك شخص غير عادى فأكيد موضوعك هيكون غير عادى ده مجردتعليق
الرد بعد الفطار لانه هيكون رد غير عادى
تسلمي
بس اكيد الفطار كان غير عادي :)
مش كده؟

[شريف]

وممكن تكون افعالك مستنكرة فى الغالب
لانها جديدة .

لا لا يا عمدة
مش هنعمل أبدا افعال مستنكرة
لان المستنكر و المنكر ضد المعروف
و المعروف هوا اللي أمر بيه الله سبحانه و تعالي
كل ما أطمح اليه
اننا نعمل المعروف بشكل جديد غير مألوف
يعني الروتينيات اللي بنعملها كل يوم
ممكن نعملها بشكل مختلف او شكل يحفزنا
علي العمل بدون ملل
انما تغيير موروثات دينية و أوامر الاهية تستوجب انكار الناس
حاشا و كلا
استغفر الله
انا اقصد الاشياء اللي حلال لينا نبتكر فيها و نجددها
اسلوب حياتنا بمعني أصح
شكرا يا عمدةعلي مرورك الجميل و ردك الجميل
و كلامك الجميل و فكرك الجميل
ربنا ما يحرمنا من ردودك الراقية

[شريف]

بعدها مفيش سنة بقي بين كل سنترال وسنترال سنترال تالت
هوا ده اللي بنتكلم فيه يا جماعة
الله عليه
الفكرة و الابتكار و الابداع و الجرأة و الشجاعة
و الاقدام علي التغيير
و أخذ المبادرة
كل دي صفات لا يمتلكها شخص عادي أبدا
لابد انه يكون مختلف
علشان كده لازم ينجح
انتي فهمتيني ... عشان كده ردك غير عادي
تسلم ايدك

[شريف]

من فترة عرفت ان معهد الطيران في امبابة عامل تدريب للسيدات اللي نفسهم يتعلموا الطيران وكانوا بيدربوهم على طيران شراعى مؤمن ,قررت اتعلم وحبيت التجربة ولكن وآه من لكن ياويلى من اللي سمعته :28:وطبعا بعد تانى مرة تراجعت وقلت مفيش داعى
بتفكيرك ده بجد
انتي نموذج رائع للشخص الغير عادي
حر التفكير المنطلق المتفتح العقل
نموذج مثالي لقوة الارادة و التحدي
نموذج مختلف لابد و أن يحاربه البعض
بس كان المفروض ما تستسلميش لكلام العقول الصغيرة
اتمني تكرري التفكير في خوض التجربة دي و تصممي عليه

[شريف]

لان لكل فكرة جديدة ضحية
لأن الشخص المجدد دائما يحلق في السماء والعاديين لاينظرون الا تحت أقدامهم وبذلك لا يروه فيكون قد سقط من نظرهم للأبد

لأننا لدينا ثقافة متأصلة وهى أننا إذا أردنا الحفاظ على العلاقات الاجتماعية والود فلا ننتقد وبالتالى لن تجد أحد يخالفك الرأى لأنهم يحبوك
ايجابيتك في الموضوع و ردودك التفصيلية
أكبر دليل علي أنك عضوة غير عادية في المنتدي
و انسانة غير تقليدية في حياتك
كلماتك كلها طبعا أؤيدها من كل عقلي
عندك حق فيها لا جدال
و ربنا ما يحرمنا من ردودك
جزيل الشكر لنائبة ادارة غير عادية

[شريف]

عارف الافكار المتقوعقة بداخلنا

وكلنا عارفين انها غريبة
مش بتخرج ليه
لان فى بلدنا كل صاحب فكر او ابداع
بيقضى على طموحه وافكاره
لو روحنا شوفنا احوال المخترعين المصريين تحزن
ولا حتى عارف عنهم حاجة
ولو واحد فكر واجرئ واخترع شئ
يبقى يا ويله من الروتين والبيرقوراطية

معاكي و أؤيدك يا استاذة احلام جدا في النقطة دي
لكن علي الجانب الاخر
عايز اقولك ان مش كل حاجة جديدة او تغيير في حياتنا
او قتل لروتين في اعمالنا اليومية محتاج موافقة من الحكومة و امضا
و ختم النسر
لا ... ماعتقدش
حاجات كتير اوي علي المستوي الشخصي ممكن نجدد فيها
و نبتكر و نبدع بحيث نحب ما نعمل لكي نعمل ما نحب
حاجات كتير اوي في حياتنا اليومية ممكن نقدر نغيرها
دخلت علي الرابط و قرات اللي فيه
و عارف انه حاجز قوي ضد اي ابداع في البلد
بس بعيد عن المسئولين و البيروقراطية و الجو ده
ياريت نبدأ بالحاجات دي و بعد كده هنقدر نغير وجه العالم والله اذا نجحنا في كده
تسلم ايدك و ايجابيتك اختي العزيزة

[شريف]

و هوه ليه بيربط الحمار مطرح ما يحب صاحبه ؟


خايف للحمار يضيع او يهرب .. ويلومه صاحبه

عارف ان الحمار ما بيسمعش غير كلام صاحبه

*******************

يبقى يجازف ليه ... يوجع دماغه ليه ... يخاطر بشغله او علاقاته ليه .. يقللق منامه ويفكر ليه

ما هي ماشيه .. ( زي ما بيتهيقله انها ماشيه ) ..

واهو بيكسب الكل .. ( وبيخسر نفسه بالتأكيد وبعدها هيخسر الكل )

وفي النهاية الراجل بيبص تحت رجليه لانه اللي بيبص لبعيد بيتعب ..

من الآخر يا شريف هوه الراجل ده ( كوكتيل / خوف على حرص على قصر نظر على بلاده وكسل .... )

وبصراحه عمري ما كرهت اكتر من الناس اللي رافعه الرايه البيضا للحياه من اول ما اتولدت


نفسي اعرف عايشين في الدنيا بعملوا ايه ؟؟

الله عليك يا طارق
عجبني أوي أوي ردك
يسلم لسانك
كل حرف تستاهل عليه جايزة
انا سعيد جدا انك تبنيت وجهة النظر دي
و سعيد أكتر جدا أنك شرفتني بمرورك الغير عادي دايما
انت من الناس اللي ردودها غير عادية و بستمتع جدا و انا بقراها
ربنا ما يحرمنا من ردودك
و اتمني اشوف رد ليك في كل موضوع ليا

[شريف]

شوف


طول ما احنا مقتنعين بمقوله
"اربط الحمار مكان ميقول صاحبه"
عمرنا ما حد هيتغير
لكن لو واحد بس غير المقوله وخلاها
"اربط الحمار مكان ميقول الحمار"
هيكتشف انها علاقه بين اتنين حمير
وهيقول لنفسه
ازاى اخلى حمار يتحكم فيا ؟؟؟؟؟؟؟؟؟؟؟
وكمان ايه دى بيربطه ويحدد اقامته !!!!!!!!!
تا تا تا تااااااااااااااااااااااااااااااا
ومن هنا تبدأ سلسله غير عادية من الاحداث
:friendsxs3:
ده رد خفيف كده

والردود غير التقليدية جايا

طبعا يا دعاء انتي عارفة اني مش هقدر اتكلم نص كلمة و اعلق علي ردك
غير بالشكر الجزيل
لان الكل عارف طبعا ان الابتكار و التجديد و الابداع و عدم التقليدية = دعاء شديد
مين يقدر ينكر كده
و لو في وسام للردود و الموضوعات الغير تقليدية
هيكون ليكي فيه نصيب الاسد يا دعاء
تسلم ايدك

[شريف]

موضوع بجد غير عادي ياشريف ...


لكن حقيقي الواحد بيغير وبيجدد

من نفسه وده سهل جداااااااا ....واقدر اقف امام اللي يعارض التغير ده ..

لكن هغير من غيري ازاي وهو مش عاوز يتغير ؟؟؟

وفي نفس الوقت مقدرشي احكم عليه انه انسان عادي او تقليدي

لان اكيد ليه وجهه نظره في حياته وراضي عنها ..

ومقدرش ادخل في حياته ..اكتر من المعقول ..علشان ميتقالشي خليكي في حالك ..

هي معادله صعبه ..بس حلها ان كل واحد بيدا بنفسه اولا ..

وكل شيء هيكون للاحسن ...ان شاء الله ..


مجرد راي ..:bosyht9:

بأيدك و الله في رأيك يا أمل
بس عايز اقولك حاجة مهمة
انا بتكلم في الموضوع ده علي كل انسان يبقا مسئول عن نفسه في قضية التغيير
مش عن غيره خالص
لان البداية المنطقية ان كل واحد يبدأ بنفسه زي مانتي قولتي
و الا يبقا بنضحك علي نفسنا و بنقول شعارات و كلام عمره ما هيتحقق علي ارض الواقع
ابدأ بنفسك
هو ده سر النجاح
صعب اوي بل يكاد يكون من المستحيل
تغيير العالم قبل ما اقدر اغير عادة ذميمة واحدة فيا
عندك حق
و احنا هنا في الموضوع بنقول كده
ان كل واحد يغير نفسه و بلاش كل حاجة يعملها بشكل عادي
و كلامي ده علي المستوي الشخصي
يعني أبدأ بنفسي طبعا
شكرا جزيلا يا امل
علي ردك العقلاني المنطقي

[شريف]

و هوه ليه بيربط الحمار مطرح ما يحب صاحبه ؟

غير العادى بقى ....
إن صاحب الحمار بيتربط مطرح ما الحمار عايز ...

ههههههههههههههه
شكرا علي ردك غير العادي اختي الفاضلة
اسعدني مروك جدا

[شريف]

شريف



شكلك كدا هاتاخد الاجازه وتوجع دماغنا بمواضيعك الغير عاديه دى
تصدق بالله انت جننتنى
عشان اول ما قريت سؤالك (احنا ليه عادى اوى كدا ؟)
قعدت اسال نفسى : هو انا عادى والا مش عادي
قعدت ادور على مواقف فى ذاكرتى عشان اصنف نفسى واعرف ان كنت باثور ع التقليديات والا بحاول ا رسخها
لحد ما اكتشفت شىء مهم جدا
هو ان عادى جدا يكون البنى ادم عادى


شريف الله يخليك سيبنا فى حالنا عشان نعرف نعيش


ههههههههههههههه
عسل ردك ده


مكانش العشم يا صفاء
دانا بقول عليكي ثورجية و مش من النوع اللي يحب يمشي جوه الحيط
انا معاكي ان عادي جدا يكون البني ادم عادي
بس مين قالك ان احنا عايزين العادي جدا ده ؟؟؟؟؟؟
لا طموحنا و لا هدفنا و لا هنسعي له
و بعدين مين قالك لو عملنا روتينيات حياتنا بشكل غير عادي اننا مش هنعرف نعيش
بالعكس والله
دي ساعتها الحياة هيبقا ليها طعم جميل
و كل حاجة هنعملها و احنا مرتاحين نفسيا
مش زي قطيع من الغنم ماشي في صحرا كل يوم يروح ياكل و يروح و يعمل نفس الشئ
كل يوم بنفس الطريقة
انا واثق انك بتهزري
و انا عارف انك مأيدة وجهة نظري أكيد
لانك شخصية مختلفة
غير تقليدية
مش كده و النبي؟ :)

[شريف]

نسيت اقولك حلو اوى النيو لوك ده

اللى مش عارفه هو من فيلم الارض والا تبع الانتفاضه

ربنا معاك


ميرسي يا فندم
نتمني أن نكون عند حسن ظن معاليكم
شكرا سيادتك :)

[شريف]

الحل

ان كل واحد فينا طالما عايز يعمل حاجة ومبسوط بيها يعملها
وميهموش كلام الناس ونظراتهم
طالما الحاجة دى مش غلط ولا حرام


وكالعادة متألق كاللؤلؤ فى أعماق البحار يا أ شريف


بس كده
ماليش دعوة انا بكلامك اللي قبل كلمة ((( الحل )))
هوا ده اللي انا عايزه
تسلمي و تسلم ردودك يا اختي الغالية
منورة الدنيا دايما بتفاؤلك و حبك للاخرين و قلبك الاكثر بياضا من الورود البيضاء

[7asnaa kareem]

التغيييير

حاجه جريئه فعلا


بس ما فكرتش
اننا هنتغير ازاى
اذا كانت كل حاجه حوالينا ثابته

الكراسى السياسيه ثايته


القوانين ثابته

العقول متحجره

المناهج الدراسيه ثابته

الذكاء ثابت " دا لو فيه "

الحاجتين الوحيدتين
اللى بيتغيرو

الكون ، والقيم

طبعا بيتغيرو للأسوء

واليوم اللى هتتغير فيه الثوابت دى
هيبقى اليوم دا غير عادى


ما سألتش نفسك
ليه حاله الملل التى تصيب الشعب عموما

على فكره مش عشان الحاجات الثابته دى


لا عشان العقول مش هتتغير

وعارف العقول مش هتتغير ليه؟؟؟؟؟؟؟

عشان اللى بالى بالك
ما بيعطوش فرصه لحد انه يغيرها


عارف ليه؟؟؟؟؟

لأنها مريحاهم كدا


عشان الكراسى
تاخد وضعها الصحيح


ولو حابب تغير حاجه
عشان ما تبقاش كل حاجه عاديه

ممكن تسأل الكراسى الاول !!!!!!!!!!!!!!!!!!!!!!

[ياسر الدقاق]

أنا من إمبارح دخلت وقريت الموضوع أكتر مكن مرة
لكن
خايف أكتب تعليق يطلع تعليق
عــــــــــــــــــــــــــــــــادي
وأنا متأكد إن ردودي عادية
أصل بصراحة أنا شخص عادي
إنما إل مش عادي
أفكارك
وأنا معاك والله أستاذ شريف المفروض الإنسان تكون ليه بصمته
في الحياة ولا يستسلم للعاديه
لكـــــــــن
الظروف أحياناً والعادات غالباً
بتقوقع الإنسان في محيط العادي
يعني واحد حب يعمل فكرة غير عادية
الناس تضحك عليه وتقول
بالله عليكم دا إنسان عادي ( وتعتبر كلمه غير عادي هنا شتيمة)
شكراً علي الموضوع الجميل الغير عادي أستاذ شريف

[عبــــدالــــرحمـــــن]

أنا من إمبارح دخلت وقريت الموضوع أكتر مكن مرة
لكن
خايف أكتب تعليق يطلع تعليق
عــــــــــــــــــــــــــــــــادي
وأنا متأكد إن ردودي عادية
أصل بصراحة أنا شخص عادي
إنما إل مش عادي
أفكارك
وأنا معاك والله أستاذ شريف المفروض الإنسان تكون ليه بصمته
في الحياة ولا يستسلم للعاديه
لكـــــــــن
الظروف أحياناً والعادات غالباً
بتقوقع الإنسان في محيط العادي
يعني واحد حب يعمل فكرة غير عادية
الناس تضحك عليه وتقول
بالله عليكم دا إنسان عادي ( وتعتبر كلمه غير عادي هنا شتيمة)
شكراً علي الموضوع الجميل الغير عادي أستاذ شريف




والله
نفس الكلام بالضبط

الا ان الاستاذ ياسر
طلع احسن منى بكتير
وقدر يعبر بالكلام ده
وانا بصراحه بحييه على شجاعته

وموضوع غير عادى لشخص غير عادى
الا انه للاسف معنديش رد غير عادى

[شريف]

بس ما فكرتش
اننا هنتغير ازاى



اختلف معاكي يا حسناء
و هقتبس ردي علي استاذة احلام لانها تبنت نفس رأيك
يمكن تقتنعي بوجهة نظري

عايز اقولك ان مش كل حاجة جديدة او تغيير في حياتنا
او قتل لروتين في اعمالنا اليومية محتاج موافقة من الحكومة و امضا
و ختم النسر
لا ... ماعتقدش
حاجات كتير اوي علي المستوي الشخصي ممكن نجدد فيها
و نبتكر و نبدع بحيث نحب ما نعمل لكي نعمل ما نحب
حاجات كتير اوي في حياتنا اليومية ممكن نقدر نغيرها
دخلت علي الرابط و قرات اللي فيه
و عارف انه حاجز قوي ضد اي ابداع في البلد
بس بعيد عن المسئولين و البيروقراطية و الجو ده
ياريت نبدأ بالحاجات دي و بعد كده هنقدر نغير وجه العالم والله اذا نجحنا في كده

[محمد عبد العظيم وسية]

يا عني عليك يا شريف بفتح الشين اسما وصفة

عايز رد غير عادي ...

حااااااااااااااااااااااااااااااااااااااااااضر

الرد الغير عادي ... الرد الغير عادي

ايه ؟؟

اللهم صلي على النبي ..

الرد الغير عادي ....

يا نهار ابيض دا كان على طرف لساني دلوقتي

وقع مني فين بس ؟؟

الرد الغير عادي ..

الرد الغير عادي ..


أيوه..


أيوه ...


أهوه ..


خلاص ... وصل ...


ــ
للأسف النت قطع قبل ما أكتب رد غير عادي .

معلشي بقا يا شرف الأشراف الشريفة (((((

معلشي بقا ...

عادي ..

[ياسر الدقاق]

يا عني عليك يا شريف بفتح الشين اسما وصفة

عايز رد غير عادي ...

حااااااااااااااااااااااااااااااااااااااااااضر

الرد الغير عادي ... الرد الغير عادي

ايه ؟؟

اللهم صلي على النبي ..

الرد الغير عادي ....

يا نهار ابيض دا كان على طرف لساني دلوقتي

وقع مني فين بس ؟؟

الرد الغير عادي ..

الرد الغير عادي ..


أيوه..


أيوه ...


أهوه ..


خلاص ... وصل ...


ــ
للأسف النت قطع قبل ما أكتب رد غير عادي .

معلشي بقا يا شرف الأشراف الشريفة (((((

معلشي بقا ...

عادي ..


يااااااااااه أستاذ محمد وسيه
فين حضرتك وحشتنا والله
هو فعلاً غير العادي في موضوع أستاذ شريف
إنك عملت رد عليه
الموضوع نور برد حضرتك