المساعد الشخصي الرقمي

مشاهدة النسخة كاملة : تخيل ان فى ايدك ........



ميس سوزان
25-01-2010, 12:13 AM
تخيل \ تخيلى
معايا كده

ان فى ايدك ساعة !!

لا

ومش أى ساعة

دى ساعة تقدر عن طريقها تتحكم فى الزمن
ترجّع او تمشّى الوقت زى ما انت عايز
زى شريط الفيديو كده

يا ترى حتتعامل معاها أزاى ؟

يعنى حتستخدمها كتير ولا عادى ولا حترميها ؟؟

ايه يا ترى الموقف اللى حصل لك وندمان عليه ونفسك الوقت يرجع بيك تانى
علشان تغيره ؟


هل أتصرفت مرة بطريقة مش لذيذة مع حد ونفسك ترجع الوقت علشان تغير كلام قلته لحد؟؟؟؟؟

طيب مفيش موقف انت فيه دلوقتى ونفسسسسسسسسك الوقت يعدى بسرعة علشان تعرف ايه اللى حيحصل ؟
بعد كده ؟؟

يالا أسيبكم
عايزة كل واحد وواحدة
يسرحوا بخيالهم
ويقولولى حيعملوا ايه ؟

نعمه محمود
26-01-2010, 12:17 AM
لو معايا الساعة دى هرجعها لقبل 5 فبراير 2006 تاريخ وفاة والدى واوقفها ومخليهاش تتحرك

dream
26-01-2010, 12:21 AM
انا بصراحة هارميها

لانى كل موقف بيحدث لى باكون على يقين ان الله

يريد لى كل الخير به

فالحمد لله

لكن لو جت لى الفرصة وربنا اراد ان اعرف احداث قادمة اتمنى ان اطمئن على اولادى

ومستقبلهم

أشرف السيد
26-01-2010, 12:25 AM
بصراحة مش هعمل بها حاجة

احمد الشلقامى
26-01-2010, 09:14 AM
"قل لن يصيبنا الا ما كتب الله لنا" ساعة ايه دى بس

ميس سوزان
27-01-2010, 06:27 AM
لو معايا الساعة دى هرجعها لقبل 5 فبراير 2006 تاريخ وفاة والدى واوقفها ومخليهاش تتحرك



يا حبيبة قلبى
حاسة بيكى ولله
بس حنعمل ايه
هى دى سنة الحياه
نورتينى يا جميلة

ميس سوزان
27-01-2010, 06:32 AM
انا بصراحة هارميها



لانى كل موقف بيحدث لى باكون على يقين ان الله


يريد لى كل الخير به


فالحمد لله


لكن لو جت لى الفرصة وربنا اراد ان اعرف احداث قادمة اتمنى ان اطمئن على اولادى



ومستقبلهم




ردك جميل اوى يا أحلام

عارفة
انا العكس

حرجع بالزمن لورا وحشوف ماما وبابا وهما صغيرين

ميس سوزان
27-01-2010, 06:34 AM
بصراحة مش هعمل بها حاجة



تمام يا فندم
:18:

ميس سوزان
27-01-2010, 06:38 AM
"قل لن يصيبنا الا ما كتب الله لنا" ساعة ايه دى بس



هههههههههههههه

طبعا قل لن يصيبنا الا ما كتب الله لنا
بس احنا بنقول تخيييييييل
احلم
حاجة ببلاش كده
اعمل اللى انت عايزة
واللى نفسك فيه
بما انه مش حيتحقق
ولو عايز تضيف امكانيات تانية للساعة مفيش مانع
ممكن اللى يلبسها يطير
ها عايز تروح فين ؟
ممكن تخليك تغير هدومك فى ثوانى وتلبس لبس اى شخصية معروفة ومشهورة
عايز تكون مين ؟؟؟

7asnaa kareem
27-01-2010, 04:09 PM
كنت هرجع بالزمن لورا

واغير حاجات كتير اوى عملتها

وحسيت بتفاهتى
لما كبرت
وراجعت نفسى فيها


بجد
تخيل رائع

ميس سوزان
28-01-2010, 02:47 PM
كنت هرجع بالزمن لورا



واغير حاجات كتير اوى عملتها


وحسيت بتفاهتى
لما كبرت
وراجعت نفسى فيها



بجد

تخيل رائع




عندك حق يا نور عيونى
ساعات الواحد بيمر بمواقف
ممكن يندم عليها
بس ده نتيجة عدم الخبرة فى الحياة
يالا محدش بيتعلم ببلاش
المهم بس اننا نتعلم من اللى حصل لنا زمان
نورتييييييييينى

امل لاشين
31-01-2010, 12:18 AM
ومش أى ساعة

دى ساعة تقدر عن طريقها تتحكم فى الزمن
ترجّع او تمشّى الوقت زى ما انت عايز
زى شريط الفيديو كده

يا ترى حتتعامل معاها أزاى ؟







انا لو معايه ..هظبطها علي اجمل اللحظات في حياتي ....

سواء في الماضي او في الحاضر او حتي المستقبل ....

لان اللي متاكده منه ان لكل وقت فيه اوقات جميله واوقات صعبه ..

هي كده الحياه ..

موضوع جميل جداايا سوزان ....

بس هاتي الساعه دي وانا اظبطها .......:078111rg3:

ميس سوزان
31-01-2010, 02:30 AM
ربنا يخليكى يا أمولة
هى الساعة حتلاقيها عند عم حسنين الساعاتى
اللى جنب عم بسيونى البقال
اللى أدام عم هريدى الفراخجى
اللى على ناصية الشارع بتاعة الاكاديمية البحرية اللى بتعلم الطيران
فى منطقة راس البر وانتى ايه بقى داخلة على أول المينا كده
واخدة بالك معايا؟ عند التقاطع بتاع شارع 34 وشارع 65 عند النزلة بقى
اكسرى شمال فى شمال فى شمال فى يمين وبعدين أمشى على طول يعنى بتاع كده 8 سم
وأقلعى الجزمة وانتى داخلة علشان المجارى
ايه تهتى منى ولا ايه ؟؟؟؟؟