المساعد الشخصي الرقمي

مشاهدة النسخة كاملة : تابت امبارح ...وماتت اليوم ..ادعلوها بالرحمة


الاستاذ محمد سرور
22-01-2010, 01:27 PM
الموضوع دة حصل امبارح
هى فتاة تبلغ من العمر 21 عاما دخلت بالامس الى احد المواقع باحثة عن التوبة
واليوم هى بين يدى الله ..ادعوا لها بالرحمة

دة كان نص موضوعها



السلام عليكم ورحمة الله وبركاته
ازيكم ياجماعة يارب تكونوا بخير انا مش عارفة ابتدى موضوعى ازاى
انا كننت عملت موضوع قبل كدة انى غلطت ف حياتى كتير جدا ومخطوبة
وخطيبى عرف والحمدلله استحملنى انا مازلت بغلط بس اتحسنت كتير عن
الاول بس بعمل ذنب كبير جدا مينفعش اذكره المشكلة ان جوايا تناقض عجيب
انا والله بحب ربنا وبحب عبادته بس مش عارفة ايه اللى بيحصل ساعات بتقرب لربنا اوى واصحى اصلى الفجر وانزل المسجد واقرا القرأن باستمرار
واسمع قرأن وانا على الكمبيوتر وفجأة احس انى استغفر الله اتخنقت وزهقت
ونفسى اسمع اغنية ارقص حبتين زى اى بنت افكر ف حجات شهوانية شوية
ابعد عن الصلاة وكل اللى عملته يروح واغلط من تانى المشكلة انى جاهلة دينيا مرة التزم جدا ومرة افك جدا جدا بحب ربنا بس معرفوش بحب دينه
بس مش فاهماه انا صريحة لانى عايزة اكون ملتزمة بجد مسلمة مش ف البطاقة وبس حد يدلنى اقربله ازاى انا بحبه ومش عايزة غير رضاه ازاى
اكون ملتزمة وف نفس الوقت مش حاسة بخنقة نفسى انام مرتاحة ساعات ببقى مصليتش ولافرض ف اليوم واجى انام ببقى خايفة اموت واقعد افكر اقابله ازاى؟ هقوله ايه؟ تفتكروا ينفع ابقى كويسة ؟ وممكن ربنا يحبنى؟ واعمل ايه
عشان اقرب انا خايفة اموت وانا لسة معرفتوش!نصيحة لكل بيت ربوا ولادكم
على حب الاسلام مش مجرد فرض وقرأن وحجات اتربينا عشان نعملها
واتعودنا عليها ياريتنى كان اهلى قدروا يحببونى ويقربونى ويعاقبونى لو
تركت فرض ياااااااااااااريت كمان تساعدونى وتبقوا سبب هدايتى
7asnaa kareem
22-01-2010, 01:31 PM
اللهم ارحمنا

ويحسن مستقرها ومستودعها


ويرحم جميع اموات المسلمين
عبــــدالــــرحمـــــن
22-01-2010, 01:31 PM
اكيد الموضوع ده
الاستاذ محمد سرور
22-01-2010, 02:13 PM
اكيد الموضوع ده



ان شاء الله
انا قرأت موضوعها بنفسى واليوم قرأت خبر وافتها على نفس الموقع
عبــــدالــــرحمـــــن
22-01-2010, 02:16 PM
سبحان الله
لا حول ولا قوة الا بالله

اللهم اغفر لها وارحمها
وعافها وعفو عنها
اللهم اكرم نزلها
ووسع مدخلها
واغسلها اللهم بالماء والثلج والبرد
طارق ممدوح ذكي محمد
22-01-2010, 02:16 PM
اللهم تقبل توبتها واغفر لها وارحمها

اللهم تب علينا وعلى الجميع يا رب العالمين
س ا يوسف
22-01-2010, 02:48 PM
اللهم تقبل توبتها واغفر لها وارحمها

اللهم تب علينا وعلى الجميع يا رب العالمين
احمد الشلقامى
22-01-2010, 03:15 PM
الموضوع فعلا على الرابط ادناه ندعو الله لها بالرحمة والمغفرة
You can see links before reply
وعلى نفس المنتدى رد من جارة لها يؤكد وفاتها
You can see links before reply
dream
22-01-2010, 03:17 PM
لااله الا الله

اللهم ارحمها

وتقبل توبتها
كريم ماضي
22-01-2010, 05:38 PM
انا لله وانااليه راجعون
ربنا يرحمها ويغفر لها ويدخلها الجنه ويأجرها من النار
نعمه محمود
22-01-2010, 06:44 PM
الله يرحمها ويهدينا جميعا
أستاذ السيد على
22-01-2010, 06:50 PM
اللهم ارحمها وارحمنا
روبي أحمد
23-01-2010, 02:27 PM
و طلعت كانت بتهزر يا أستاذ محمد
عملت عضوية تانية غير الحقيقية و كتبت بيها المشكلة اللي في الاقتباس
و بعدها كتبت بعضويتها القديمة إن هي ماتت على إن اللي بتكتب دي جارتها
و حذفوا موضوعها أو قفلوه بعد ما الناس انفجرت فيها طبعاً
ربنا يهدي الجميع
:bosyht9:
احمد الشلقامى
23-01-2010, 02:53 PM
حسبنا الله ونعم الوكيل
عبــــدالــــرحمـــــن
23-01-2010, 02:54 PM
و طلعت كانت بتهزر يا أستاذ محمد
مشكور استاذه روبى على التوضيح

وفعلأ الموضوع كاذب
وهى اللى ملفقه القصه
ودخلت بعضويتين
العضويه الاولى العضوه التى توفت
التانيه العضو جارتها اللى بلغت الخبر

ودى نص الاعتذار بتاع العضو المتوفيه



اى كلمة تقولوها انا راضية بيها وعارفة انكم رافضين انى اكون بينكم بعد الى حصل
بس اللى يهمنى دلوقتى تسامحونى الموضوع كبر منى بدون قصد ومديرة الموقع تفهمت
الموضوع انا كان ممكن اسيب العضوية من غير اى تعب بس مقدرش اسيب غلطة غلطتها من غير تصحيح
فجأة بعد الموضوع ماكان صفحتين بقوا عشرة واتحول لقسم عزاء واجب مفيش حد يحي يفول على نفسه
ابدا محدش مستغنى عن عمره زى ماتقولوا تصرف طايش انا برضه زى اختكم واخواتكم الصغيرين بيغلطوا
وبيرجعوا لصوابهم تانى انا بجد اسفة


وده كلام عضو تانيه فى المنتدى بتوضح القصه



اه يا ياحبيبتى طلعت داخله بأسمين نوسه2009 والحزينه اللى نوسه قالتلنا ان هى ماتت و بعدين لما كتبنا مواضيع قلنا ان انا شاكين فيها طلعت الحزينه وقالت انا مموتش وحرام وحسبى الله ونعم الوكيل فى اللى قالت كده وقولولى هيه مين وشويه حركات وبعدين لما لقت الناس برضوا مش مصدقه عملت موضوع اعترفت فيه انها كدبت علينا وان هم الأتنين شخص واحد وان كان قصدها خير وكده بس طبعآ كان اولى بالعبرة من الموت هى كان لازم تخاف وهى بتكدب وتكتب الكلام ده انها ممكن تموت قبل ماتقوم من على الجهاز وربنا يهديها وهى موجوده تحت دلوقتى ربنا يهديها


حسبنا الله ونعم الوكيل
dream
23-01-2010, 04:10 PM
لاحول ولا قوة الا بالله

ربنا يهدى عباده
امة الرحمن
23-01-2010, 05:29 PM
حصل معايا الموقف ده قبل كده (مرتين)

والاعضاء انهارت وفي الاخر طلع .....

اصل شعور الناس ومشاعرهم لعبة
يلا

ربنا يرحمنا كلنا ويغفر لنا
كريم ماضي
23-01-2010, 06:01 PM
والله انا مش عارف أقول أيه
لاني بجد أتخنقت جدا
وخصوصا اني أفتكرت موقف انا مابصدق أني أنساه
حسبي الله ونعم الوكيل
لا وطالبه السماح علي اساس ان شعور الناس لعبه
ولا ده أختبار بتشوف غلاوتها عند الاعضاء ولا ايه مش فاهم
حد يفهمني ياناس
ربنا يسامحها بقي
والله مش عارف اقول الله الله يسامحها كنت مبسوط ونكدت عليا
الاستاذ محمد سرور
23-01-2010, 07:11 PM
يا ريت بقى حد من المشرفيين يحذف الموضوع دة
وربنا يهدى
احمد الشلقامى
23-01-2010, 07:19 PM
على فكرة دى واحدة مريضة نفسيا
safaa_ss
24-01-2010, 10:06 PM
ربنا يهدى الجميع
ميس سوزان
24-01-2010, 10:19 PM
اها انا عارفة الموضوع ده
اصلى بدخل على المنتدى التانى ده على طول برضه
س هى عموما يا جماعة مش قصدها حاجة
هى كانت عايزة تفوق الناس وتذكرهم بالموت
وانها كانت معاهم النهردة وتانى يوم بقت مش معاهم
بس ممكن رضه يكون ليها تفسير من الناحية النفسية
انها عايزة تلفت نظر الناس ليها
وحاسة بالنقص
ومحتاجة تحس ان فيه حد بيحبها ومهتم ببيها
والله اعلم
safaa_ss
24-01-2010, 10:21 PM
تحليل نفسى جيد ميس سوزان
عماد عبدالوهاب عبدالعال
07-05-2010, 09:15 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!!!!!!!!!!
إنا لله و إنا إليه راجعون